من يلعب معي من الشعار حياه الله

[بندر المرشدي]

بسم الله الرحمن الرحيم
هذه اول مشاركة لي في هذا المنتدى المؤقر ومن يريد يلعب معي مرحبابه


ياسلام الله برده مثل براق السحابـــه @ من ضمير يعسف الصعبة اليا منه عشقها
قاله اللي حافظٍ ماروث جدانه عتابـة @ المثايل يوم غنا من زميــله ماســـــــرقها

[النّاشي]

يامرحبا فيك والله بين عيال عمك واستلم


بالنيابة مرحبا حيت في ذروة شبابة=من ضميراً يرسل الترحيب ولساني نطقها
هات علمك يالعتيبي وابشر بحسن الخطابة=ركب المعني علي سرج الكحيلة ثم سقها

[بندر المرشدي]

البقا يلي ترحب كلنا ربع وقرابه= والرواسي ماتغير مثل ماربي خلقها

فيه علم بالعتيبي تو مرسوله لفابه= قال ليلى خمها مجنونها مدري خنقها

[النّاشي]

كلنا ربع وقرابه شاركة طيب وحبابة=والرواسي ياعميل الخير ربك مادرقها
ياعميل الخير كانأانك تبي مني اجابة=ماعلينا لو يقول انه تمادى ثم خرقها

[فهيد مقعد الرويس]

التحدي\\ طه احسين

صحة السنتكم ياشعار

ويطلب من احد المشرفين نقلها لمنتدا المحاوره

لانكم الان في منتدى المحاورات المنقوله و الصوتيه

وتقبلو تحياتي جميعاً

[النّاشي]

صح بدنك يالمبتدي وانا اضم صوتي لي صوتك