هل عتيبه مهــزومـه...........؟

[لااد روق]

السلام عليكم ورحمة الله وبركاته

أخواني وعيال عمي وأنا ابحث في المواقع وجـدت موقع يتفاخر
بانتصراته على عتيبه وعلى كسر جوشها ( لا أعلم هل انتصراتهم واقعيه أم عالم من الخيال )
والقصـه تحكـي عـن أن أهل عنيزه (مدينه بالقصيم) أنهم سبوا أبل مصلط ابن ربيعان

وكانت القصه هاكذا أو رد أحد ابناء عنيزه حينما سئل أحدهم
عن انتصارات عنيزه على عتيبه..

((ونعم والله بقبيلة عتيبة وبجميع القبائل والحمد لله على نعمة الأمن والوحده والقصص إن سردت فهي من التاريخ لذكرالأبطال وشيم الرجال وماهي للتفاخر أو العصبيات


فيه قصة معروفه وقديمة وهي غزو مصلط بن ربيعان من الروقه من عتيبة وجماعته على عنيزة وطلعو أهل عنيزة ومعهم بعض رجال مطير بالخروج له ومقابلته في نفود الشقيقة وتمكنو من هزيمته وجماعته والامساك به وأخذو إبل أبن ربيعان المشهوره (سبلا ) وهي على مايذكر من أفخر الإبل وأجوده بذلك الوقت و سيقت الإبل قدامه للجزارين لذبحه وتم توزيع لحم الإبل على أهل عنيزة أحتفال بأنتصارهم أما بعض الإبل فوزعوها أهل عنيزة للسواني على المزارع ويقال أن مصلط بن ربيعان ضيّفوه أهل عنيزة من لحم أبله ورفض أكله لأنه من إبله اللي كان يدري إنه ماهي للحم والأكل من طيبه وكان يأمل لو كانت الإبل مسلوبه منه بيد أحد من البادية لأنهم يعرفون قدر الإبل ويعطونها حقه من الرعاية والتقدير بعكس الحاضرة في ذاك الوقت اللي كانو همهم إنهم يبحثون عن لقمة العيش بالزراعة والتجارة ))
حسب رواية أحد أبناء عنيزه لها

ياليت اذا كان هناك من يعرف القصه الصحيحه أو يعرف قصه
انتصرت بها عتيبه على أهل عنيزه أتوني بها

أبن عمكم الغيور
لااد روق

[نفيع العتيبي]

معليك منهم كذابين
كلام ناس واااجد
عتيبه لها تاريخ ومجد وعروف ان الروقه هم قوين مرجحين الموزين




اخوك
الفليـــــــــــــت النفاعي

[لااد روق]

أخوي الفليـــــــــــــت النفاعي ياليت تأتيني بالحقيقه
لكي أناقشهم وأو تأتيني بقصه عـن انتصارتنا عليهم
لكي اعرف ماذا اقول لهم .....؟

أنا لست بالمملكه ولا كنت اعرف اجيب خبرهم

ياليت تلبون لي الندى

[النايع]

الأخ لااد روق

ليكن في ذهنك أن أهل عنيزة أصدقاء لقبيلة عتيبة أيام القتل والسلب وبلدة عنيزة تعتبر من القرى الحصينة المنيعة وكان يحميها رجال شجعان امثال زامل السليم وغيره

بالنسبة لسالفة سبلا فالقصة لها حقيقة وهي خلاف بسيط. وليست كما ذكرت أنت في مشاركتك أعلاه. نقلا عن القصيمي. الرجال بالغ كثير.

السالفة وما فيها أن الروقة كانوا حول القصيم بحلالهم. والظاهر انهم ضايقوا الحضر ومزارعهم اللي خارج السور. فأرسل أمير عنيزة إلى مسلط أن يكف قبيلته عن أهل عنيزة. وقال مسلط للمندوب:"لو فتحتوا سور المدينة وتركتوا البدو يبيعون ويشرون كان ما حصل اللي حصل". ومسلط وجماعته كانوا في صعافيق في السر. بينما ابله "سبلا" كانت في الشقيقة. ويوم وصل رد مسلط لابن سليم. أغار ابن سليم والمطران على سبلا في النفود وأخذوا طرف منها وليست كلها. وسكروا عليهم بيبان المدينة. بعد ذلك أمر مسلط بتشديد الحصار على الحضر. بعد ذلك أرسل ابن سليم إلى ابن ربيعان رساله يرغبه في الصلح وترد سبلا إلى أهلها. ويوم دخل مسلط عنيزة اخبره ابن سليم ان القصاصيب نحروا حول العشر منها. وقال مسلط
ياليت سبلا يوم جاها بلاها == ماهوب عند مصرفة خضر الارباع
ورجعت سبلا لأهلها.

والماخوذ منها طرف ومهوب كلها. هذه القصة باختصار.

والمسألة ليست مسألة هزيمة أو نصر. المسألة مسألة تاريخ.

[ابو فراس]

القصة موجودة في مخطوطة العبيد ( النجم اللامع )

[لااد روق]

كما توقعت ان القصه لا تميل لي الواقع
وانا اعرف عزوتي ما يتركون حقهم بالساهل

والمسألة ليست مسألة هزيمة أو نصر. المسألة مسألة تاريخ.

ايوه ياغايتي انا عارف لكن انا اخذتها من باب تثبيت التاريخ

ومشكور ياغناتي على توضيحك الجميل

[لااد روق]

شكراً أخي أبو فراس على توثيقك الكامل
لم احتاج الا لي هذا التوضيح منك

سلمت لنا ياغناتي

[خيّال الرحمن]

أخي السائل المنعوت بأسم لا أود روق !!سوف تودهم أنشاء الله

الكلام الذي ذكرته لايمكن ان يقوله اهل عنيزه لآن اهل عنيزه يعرفون
عتيبه جيدا ..وعلاقه اهل عنيزه بعتيبه علاقه متينه وروابط قويه يعرف
قدرها كبار اهالي عنيزه ومنهم السليم امراءهم ومنهم الامير المحنك زامل
السليم الذي مدح احد فرسان عتيبه عندمافزع لاهل عنيزه ضد سرية الامام
فيصل بن تركي في وقعة رواق1278هـ المشهوره وقول زامل :

ابن دغيثر طاح منهم وانثبر =رمح الحبردي عن حصانه شايله

فهذا هو كلام امير عنيزه عن قبيلة عتيبه وليس تلفيق !!
راجع كتاب الاحوال السياسيه للقصيم للدكتور السلمان ..

اما الاخ المشرف ابــــــــــــــو فراس الذي ذكر النجم اللامع للعبيد:
وكون العبيّد طرف الخبر لأنه من أهل عنيزه جماعة الامير زامل
فيعتبر خبر من طرف واحد .والراوي طرف في الحدث ...
كماذكر البدراني ص330في كتاب من اخبار القبائل في نجد حيث قال البدراني معلقاً:

:"ولاننسى ان العبيد من اهل عنيزه ..وقد لايخلوا
ذلك من التحيز مالم يوافقه الطرف الاخر على هذه الروايه ..."انتهى
واليك رواية الطرف الآخر :
عتيبه كانت ذلك الوقت محاصره عنيزه لاسباب:
1- سنةالجوع والقحط ذلك الوقت..وكان حضر عنيزه رافعين الاسعار وبالذات على البدو ...
فقام بعض من العتبان وأغار على سروح اهل عنيزه ...وتعرضوا لبساتينهم اللي خارج
السور ..سور البلد ..فأرسل زامل السليم امير عنيزه ..مندوب للامير
مسلط بن ربيعان .لكي
يكّف جماعته من عتيبه ..عن التعرض ...لاموال اهل البلد ومضايقتهم ...لكن الامير مسلط
قال للمندوب ...لو فتح زامل أسوار البلد وجعل البدو يبيعون ويشرون ...لما حصل ذلك
عندها قام زامل ...بتجريد غزوه من أهل عنيزه ..وبعض مطير ...وأغاروا على أبل
أبن ربيعان وهي سارحه في مفاليها بجهة نفود ..الشقيقه ..جنوب عنيزه ...وساقوا جزء
منها ...ودخلوا به الاسوار ...وقفلوا الابواب ...ثم جاء الصايح للعرب ..فوق نفود صعافيق
وركبت الفزعه ويوم ..اقبلوا على الابل ..فأذا مأخوذ منها ..طرف (رعيه) من سبلا ........
فكبر الامر على عتيبه ...لان سبلا ...تعتبر ...من رموز ..أموال عتيبه ..التي تفخر بها..
فأمر مسلط بن ربيعان ..بتشديد الحصار ..على عنيزه ...حتّى ان العتبان ذبحوا ما وجدوه
من الحضر خارج الاسوار ...يروي الرواه عن أحد هؤلاء العتبان فقال ..عندما حاصرنا عنيزه
كان في ليلة من الليالي خرج حضري ..لمزرعته ...فرصدنا له ..وهو يعّدل السواقي ...ويقول :
اللهم انّي اعوذ بك من الاذى والاذيه ,والحفاه والحبرديه ...يقول فذبحناه ..فوجدنا في أبطه
الايمن ..كتاب صغير ..فأذا به مصحف ...قران ..فتأثرنا لذلك .......ثم لمّا أشتد الحصار ..أرسل
الامير زامل ..مندوب للامير مسلط ..بالصلح ...على ان عتيبه ...تفك الحصار ..عن عنيزه ..مقابل
أن أهل عنيزه ....يؤدون الرعيه(من الابل ) التي أخذوها ...فقبل الامير مسلط ..ذلك ...على ان
يأتي مسلط وبدعوه من الامير أبن سليم ..لدخول أسوار عنيزه ....وحضور الغداء عند الامير
فحضر ..واخبره ابن سليم ..أن بعض الابل ...نحرها القصّابين ..وبعضها سالم ....يقال ان المذبوح
منها لايتجاوز العشر ....وكانت عزيزه على مسلط ذبحة هذه العشر ...فقال :

ياليت سبلا يوم جاها بلاها = ماهيب عند مصرّفه خضر الارباع
.....فحصل الصلح ورجعت الرعيّه الماخوذه ..ومنها .سبلا ...وفكّت عتيبه الحصار عن عنيزه ...وعادت
المياه لمجاريها . انتهت الرواية
الادله التي تقوّي هذه الروايه :
1- خبر القحط سنة 1289هـ "راجع أبن عيسى وتحفة المشتاق ..."
في احداث عام 1289هـ الذين أكدوا ..خبر القحط والجوع...
2-خبر محاصرة العتبان لعنيزه وقتلهم عدد كبير رجالها بسبب أخذ
سبلا ..ومقولة "..اللهم اني اعوذ بك من الاذى والاذيه والحفاه
والحبرديه...". وشدّة أثر هذه الاحداث على أهل عنيزه انهم يسمون
السنّه بأسم .."سنة سبلا"راجع العبيّد في النجم اللامع ص 94 ..
وكانت مضافة الى سنّي النكبات على عنيزه ..كسنة بقعاء ..وسنة
المليدا ..لشدّة وقعها عليهم ...
3-خبر أخذ طرف من سبلا ثم رجوعها ..فهي بقت عند مسلط بن ربيعان
حتّى توفي ثم فيمن أعقبه .ومازالت الى اليوم وهي محل الفخر للقبيله
والدليل أن مسلط افتخر بها عام 1292هـ عندما فزع لاهل عنيزه على
أبن رشيد حيث قال :

عقلت سبلا كم لي من يوم = ماسلت أنا عن بيرق بالشام
انظر كتاب تاريخ المملكه العربيه السعوديه لأبن عثيمين ج1..
فوقعه سبلا عام 1289هـ ومسلط يفتخر بها عام 1292هـ ....
فكيف تقول انها راحت عشاء ..!!
لكن أن تؤخذ بضعه نياق كسبلا..وتجزر ..كان هذا الحدث بالنسبه
لآهل عنيزه ...فتحاً مبينا ...لكن راح بدل ال7 نياق 70 لحيه من
من أخيار ومطاوعه أهل عنيزه نسأل الله للجميع الرحمه ...
ونعود لأفتخار عتيبه بـ الابل سبلا فقبيلة عتيبه تعتبر سبلا رمز كرم
أموالها ..كرمز الابل الشرف..ابل الدوشان لدى مطير ...وكرمز ريمه
لولاة الامر ..ال سعود ..وكرمز ..ذروات لال رشيد ...{ وبالمناسبه ذروه
أبل ابن رشيد أخِذ منها طرف .....}
في قول ابن رشيد:

ما أظن ذروة ياخذونه قوم = وراسي على الدنيا يعيش
..فهل كفّ ابن
رشيد عن الافتخار بذروات بسبب أخذ طرف منها ..!؟
وقول الامير مسلط في سبلا علم 1292هـ:

عقلّت سبلا كم لي من يوم = ماسلت أنا عن بيرق بالشام

عتيبه هزمت الحكام بما فيهم اهل القصيم ومطير على طلال 1290هـ


جانا سعود مسير بجنوده = معه الدويش ولمة البداوي
ومعه جموع سبيع واهل العارض = وصبيان يام وبيرق القصماوي

منقووول

[النايع]

بيض الله وجهك يا خيال الرحمن

أشهد بالله أنك خصمت ولظهر عدوك الذي يحاورك قصمت.

وإن شاء الله تكون النقطة اتضحت للأخ لااد روق.

[ذيب المغايره]

ههههههههههههههههههههههههههههههههههههه





الظاهر كان تحلم الاخ الي كاتبها


.................................................. .............

[روووقي]

هلابك اخوووووووووووووووي

انا ولد عمكم من عنيزه من الاساعده من عائله المساعد وكثير عتبان حضر بعنيزه اذكر منهم الذكير....


القصه الحقيقيه هي في مخطوطه ابن عبيد وصدق الصدق ان شاء الله لا 98%من القصه اللي اسمعه من الشيبان نفسه بالمخطوطه
وهذي قصيدة الشاعر الفارس علي بن رشيد الخياط (عبد ابن سليم)اللي وصف الحادثة واشاد بقبيلة عتيبة وهم يستاهلون المدح وكذلك الفارس مسلط بن ربيعان

وانـشـد عْتيـبـه جَمـعَـةَ العزِّ العتـيـد=اللاَّبَـة الـلـي عـزَّهـا يـبـرى لـهـا
لطَّامـةَ العـايـل الــى ثــار الكِـديـد=فـوق الاصايـل يِهْـتِـوِشْ خيَّالـهـا (1)
نقـوة هـوازن مـن زمـن شِيخَـه دْريـد=زِرْق المنايا مـن سوايـا اوْعالهـا(2-3)
ويـن الجهَـام اوسـبْـلا ببْلـيَّـا طِـرِيـد=حِشْـرتْ اوسيقـت للبلـد يِشْعـى لهـا (4)
مـن شـان جربـا بالغضَـا عجْفـا اِمْعيـد=مـن مـدَّة اسنيـنٍ وهـو يحـمـى لـهـا
وَوْلاد روق اربوعـنـا جَــدّ اوحَـفـيـد=لـكـن مقاسـيـمٍ تِـهـلَّ اسبالـهـا (5)
مـن بينـنـا ماينقـطـع حـبـلٍ مِـديـد=رِدَّتْ مثـل مـاجَـت ابـزيـن اَحوالـهـا



والـــــــــــدلـــــــــــــيــــــــــــــــــــ ـل
افواه الرواه وشواهد القصيد واخوي الـسفير ترى التاريخ
مايوخذ من مواقع القبائل ولكن القصيد القديم هو الشاهد
وهذي محاورة بين عبدالعزيز البادي رحمه الله وخلف بن هذال العتيبي توضح وتكشف الحادثة

بن بادي:
العلوم كثار والغالب مع الشرعيه... انت بزنادك وانا ابشعم بقدح زنادي
قالوا انك عام الاول رحت للبريه.... انت وش جابك لجنة عاد بن شدادي

خلف:
ماكذبت ان الحساني يذهبن السيه.... شب نارك واتتقد ويجي مية وقادي
انت حالم ماصدق حلمك جمعت بليه... مادرينا عن علوم قال عنها الرادي

بن بادي:
ياحليلك يالعلوم بخطة برحيه ... كان هو شرف شهر شعبان عقب جمادي
ياجمل مادري وراه تحوشك الدوريه ... وانت عن درب الحلال مجنب من غادي

خلف :
الشهور الها عدد وايامها مخفيه... كم تفيد وكم تصيد وحبلها منقادي
الجمل يسحب خطامه ماوراه دعيه.... ماحذف زهبة شداده فالمحيط الهادي

بن بادي:
الشريب اللي شريبه فوق جال الطيه ... مادري وشبه ترقب جية المدادي
والزماليق الضحى بالقايله مرعيه....لاصباح ولاهجاد يقعد الرقادي
خلف:
يحسب انه كاسب له خزنة منسيه... مادرى مفلس وتتله الابعادي
كان ياشمس الضحى وقتي طويل الفيه....مابقي للناس ظل وضاع شوف العادي

بن بادي:
انت لو زليت عندي زلتك مرفيه... لاتذكرت الجهام وقصة المجلادي
والله اني مارغبت الصبغة البنيه.... خابر غيب الليالي فخها صيادي

خلف:
لاتذكرني زمان سطوته بيديه..... صار فيها المسك والعنبر وعود الكادي
الجهل ينعم مع الشايب وله ماريه..... كم حدا من ليلة سودا وقدمه حادي

بن بادي:
يوم سبلا والجهام وركضة الرجليه..... وانت ذاك الحين لادله ولابرادي
كل راعي غي لو تنهاه يتبع غيه.......مثل شن الريح في جسر على بغدادي

خلف:
ماكذبت انا قرينك والسنين رخيه...... يوم سبلا وانت لاراحل ولاشدادي
لو مسكتك في زمان فات ذقت الكيه.....بس فينا طبيعة مانروع الاجوادي

بن بادي :
خلها بكتابها ياصاحبي مطويه.... فزعة اجدادك وهذي من عزوم اجدادي
يوم وقت ثليم وانت تروح للصينيه.... كاسب عز وكرامه ماعقبت بلادي




واهل عنيزه معرووفين كانوا العدو اللدووود لامير نجد اولاابن رشيد وثانياوابن سعود

واهل عنيزه معروفين بالشجاعه ..ولا يخفى عليكم علاقتهم القويه اللي معنا(العتبان)
خاصه امير عنيزه زامل ابن سليم ومن حضر الشمامره بعنيزه الجريفاني احد اعيان اهل عنيزه ولهم عيال عم بحايل..

ولا يخفى عليكم بطولات اهل عنيزه على الاتراك وكثير من القبائل..لا اريد ذكره ..
واتوقع ان اكثر من يكرع اهل عنيزه من اول الحفاه هناك بعض المشاكل لا افكر اني اكتبه
والـــلــــــــه اعلم

وان شاء الله قلت الحق

يعني انا منصف عتيبي ومن عنيزه

[سعيدان]

اخوووووووووي روقي


لاهنت على الايضااااااح المفيد



وعتيبة حصن حصين صالوا وجالوا في الجزيرة العربية

اخوك سعيدان الشيباني

[أبو طلق المقاطي]

عتيبه اول مثل هتلر واقوى منه الله يكرم عتيبه ولا يغروونكم كلام الناس هذا حسد والله يرحم تركي بن حميد و مسلط بن ربيعان

[خيّال الرحمن]

أما ولد عمنا والله ماجابتك الروقيه ياخونان
الروقي أنا ماهو أنت يابارد الخد ...تستسمي بحموله كريمه من أهل عنيزه
وحنا خويبرينك ..يالبيطار ..تكرم عنيزه واهلها عنك ..


وهذي قصيدة الشاعر الفارس علي بن رشيد الخياط (عبد ابن سليم)اللي وصف الحادثة واشاد بقبيلة عتيبة وهم يستاهلون المدح وكذلك الفارس مسلط بن ربيعان

وانـشـد عْتيـبـه جَمـعَـةَ العزِّ العتـيـد=اللاَّبَـة الـلـي عـزَّهـا يـبـرى لـهـا
لطَّامـةَ العـايـل الــى ثــار الكِـديـد=فـوق الاصايـل يِهْـتِـوِشْ خيَّالـهـا (1)
نقـوة هـوازن مـن زمـن شِيخَـه دْريـد=زِرْق المنايا مـن سوايـا اوْعالهـا(2-3)
ويـن الجهَـام اوسـبْـلا ببْلـيَّـا طِـرِيـد=حِشْـرتْ اوسيقـت للبلـد يِشْعـى لهـا (4)
مـن شـان جربـا بالغضَـا عجْفـا اِمْعيـد=مـن مـدَّة اسنيـنٍ وهـو يحـمـى لـهـا
وَوْلاد روق اربوعـنـا جَــدّ اوحَـفـيـد=لـكـن مقاسـيـمٍ تِـهـلَّ اسبالـهـا (5)
مـن بينـنـا ماينقـطـع حـبـلٍ مِـديـد=رِدَّتْ مثـل مـاجَـت ابـزيـن اَحوالـهـا



بدري عليك تمشيها على الاشناب يا بابا ..
قصيدة الخياط المعروفه يوم وقعة المطر عام 1279هـ..بين أهل عنيزه وابن سعود
والتي منها:

هاذي عنيزه مانبيعه بالزهيد=لافرعن البيض نحما جالها

والقصيده مشهوره .لي بندق ترم اللحم لو هو بعيد=ملح الجريف محيل يعبى الها

وبعدين الخياط اسمه علي بن عبدالرحمن الخياط وليس علي بن رشيد !!والا على القاف مديد ..

ونحن نتحدث عن قضيه عام 1289هـ وش جاب 1279هـ الفرق عشر سنين ياشاطر يعني كبر عمرك..



والـــــــــــدلـــــــــــــيــــــــــــــــــــ ـل
افواه الرواه وشواهد القصيد واخوي الـسفير ترى التاريخ
مايوخذ من مواقع القبائل ولكن القصيد القديم هو الشاهد
وهذي محاورة بين عبدالعزيز البادي رحمه الله وخلف بن هذال العتيبي توضح وتكشف الحادثة


يا عيني عليك ...اجل التاريخ يوخذ من المحاورات بين الشعراء اليوم أجل كلام الفين
وابن شايق والمورقي ..وبعدين خلف وابن بادي ما تكلموا في مشكله الحرب انما ورد
فيها اسم سبلا رمز ذود عتيبه ...!!

ماشاء الله عليك حضري وتعرف محاورات ..




واهل عنيزه معرووفين كانوا العدو اللدووود لامير نجد اولاابن رشيد وثانياوابن سعود



أهل عنيزه ونــــــــعم فيهم أهل الفيحا ..وتاريخهم وبطولاتهم مشهوده ومعروفه
ماهو أنت ياللي مندس باسم الروقي تعلمنا فيهــــــم ..

وشادة زامل السليم أمير عنيزه لعتيبه تكفي

[روووقي]

مشكووور اخوووي خيال الرحمن ...
الله يسامحك بـــــس المشكله اكثركم به قوه عصبيه
الله يهدييك ياوليدي
اسأل عن المساعد همين اهرج .....

بعدين هذي عنيزه ما نبيعه بالزهيد قاله في معركه المليدا مع ابن ر شيد ياخوي لا تلخبط بالمعلومات ..

المهم ان مخطوطه العبيد هي الصحيحه

وشيلوا عنكم العصبيه اهم شيء الظاهر الاداره ما حطوا المنتدى للتفاخر بس الواحد يعرف فعول اجداده
وليس الفتى من قال هذا ابي ولكن الفتى من قال هذا انا


والله يهدي الجميع

[روووقي]

وبعدين ترا عتيبه
كانت مع عنيزه في معركتيين
الاولىضد ابن سعود
والثانيه ضد ابن رشيد

هذا دليل على العلاقه القويه

وعدين كرمنا الله من هتلر يا خووي
حنا عيال مسلمين وذاك كافر وميت منتحر ...

وهناك ابناء الحبردي في عنيزه وهم متحضريين
وكذالك الحافي


ولا تكبرررون الموضوع اكثر من اللازم يا اخوووان
كلنا اخوان بالدين

[روووقي]

كانوا في صعافيق في السر

كانوا في نفود الشقيق ...وليس في صعافيق السر لان السر بعيده عن عنيزه




ولا تنسوا قول الخياط
وين الجهام والسبلا بليا طريد ... راحت او سيقت للديره يعشا لها

وتقبلوا فائق تحياتي