تكفا ترى تكفا تهز الرياجيل -- ولولا ضروف الوقت ماقلت تكفا

[مرزوق حمدان العتيبي]

...
.

بيت لم نحفظ سواه ولا نعلم قائله
واصبح اشهر من نار ٍ على علم ...
..

هذي هي القصيده التي من ضمنها البيت المشهور
ومازال البحث جاري عن قائلها ..

اما لطمنا العيل والا الطم العيل = مادام شب النار مندوب الاطفا



من ذاق حر القايله يعشق الليل = ومن شب ضوه ليلة البرد يدفـا



امسيت في جيلٍ ولاهوب ذالجيل = واصبحت والا ديرتي شبه منفـا



واللي حما بيته بطيـر ابابيـل = ماجيت ادور كل من صد وقفا



ولاجيت ابشحذ يانما دلّه وهيل = جيتك وجرح الظلم غاديه يشفا



جيتك بكلمه كنها صعقة الويل = ان قلت تكفا لاتهـاون بتكفـا



تكفا تراها كلمةٍ تقطم الحيـل = لابالله الا تنسف الحيـل نسفـا



تكفا ترا تكفا لها هدرة السيـل = في صدر حرٍ ينتف الطيب نتفـا



تكفا ترا تكفا لها تسّرج الخيـل = ان كان لك في مجمع الخيل عسفا



تكفا تراني من قرومٍ مشاكيـل = حماية الساقه بسيـفٍ وشلفـا



تكفا وتكفا ماتسـاق لمهابيـل = تكفا تخلّي القرم لاشٍ وهطفـا



تكفا ترى تكفا تهزّ الرجاجيـل = لولا ضروف الوقت ماقلت تكفا


الحقيقه انها قصيده جزله
من يعرف قائلها ... لايبخل علينا

[ناصر الجلاه]

اخوي مرزوق البيت معروف ورائع جدا والاهم القصيده
وتشكر على النقل يامشرفنا القدير

واشهد بالله انها قصيده من النوادر في وقتنا الحالي
لاهنت منك نستفيد دائما

[محمد الروقي]

بيض الله وجهك يبو محمد


على نقلك هالقصيدة الجزلة والراائعة ..





وبصراحة كثرت الاقاويل على صاحب البيت ..

(تكفى ترى تكفى تهز الرياجيل == لولا اختلاف الوقت ماقلت تكفى ) <البيت الاصلي

منهم من قال انه المرحوم بندر بن سرور


ومنهم من قال الشاعر سعد بن جدلان

ومنهم منقال للشاعر محمد الدحيمي




والقصيده اللي طرحتها يبو محمد ماتثبت انها لصاحب البيت ..

لان بعض الشعراء ضعاف النفس

مسكو هذا البيت ..وكملو عليه القصيده لكي ينبسونها له

وكثير من اكمل على هذا البيت !! قصيده


حتى من خلال بداية القصيده هذه تجد الفرق

(( اما لطمنا العيل والا الطم العيـل
مادام شب النار منـدوب الاطفـا)) !!!




اشكرك يبو محمد .. ونتمنى فعلاً ان نعرف من هو قائلها

[مرزوق حمدان العتيبي]

الاخوان فزاع ومحمد
...

شكرا لكم على اطلالتكم المشرقه
وكلماتكم المحفزه

..
اخر ماتوصلت له ان القصيده هذه للشاعر محمد الدحيمي
واشهد بالله انهااا جزله ودره ثمينه وقد حفظتها ..

[مطرح البعارين]

تكفى تــــــرا تكفى تهز الرجاجيل = ولولا ظروف الوقت مــا قلت تكفى
تكفى يـــا مزيد ما يبا العلم تفصيل=المشكلـــه كبرت على عماش تكفى
مـا قلت تكفى غير من فترة الحيل = وانتـــــه ولد من يفعل الطيـب تكفى
انخاك من كثــــر العنـــا والبهاذيل=الفقر حطمني .. وانــا ازريت تكفى
غديت مثل اللي بـرك ضامه الشيل=تضحك بي ضعوف الرجاجيل تكفى
يــــومٍ لك وقفه .. وجاه .. ومداخيل= مـــا نغتني عن مثل شرواك تكفى
افزع تــــــــرا وقتي غدى كنه الليل=والعلم مــــــا يخفاك يالقرم تكفى
مـــا عاد بي شده ولا عاد بي حيل=ضدتنـــي الايـام ... والـقــلّ تكفى
اروح وارجع مـا حصلي محاصيل=والرجل بادت.. يا فتى الجود تكفى
واليوم عندك يـــــــا رفيق المشاكيل=العذر مـــا ينفع وانا قول تكفى
حيثك من اهل الطيب واهل المفاعيل=يـا زبن من جاله ومن قال تكفى
الجيب فـاضــي .. واليالـي مقابيل=عجزت اعيش مع الرجاجيـــل تكفى
والراتب المحدود .. يــروح تحويل=من الاداره .. لاهـــــل الديـن تكفى
حتى عيالــي مـا قدرت الهم الكيل =والازمــــه لا جـات .. صديـت تكفى
ارجــى الفرج والله يجيـب التساهيل=واعيش فـــي راحه مع الناس تكفى
والله كريــــم .. يبـــدل الحال تبديل=ومــا قلّ دلّ .. وصامـل الهرج تكفى


عماش البديري



وين الاصل ووووين التقليييد

يامرزووووووووق

[غشام نجد]

اخوي مرزوق البيت معروف ورائع جدا والاهم القصيده
وتشكر على النقل يامشرفنا القدير

واشهد بالله انها قصيده من النوادر في وقتنا الحالي
لاهنت منك نستفيد دائما

بيض الله وجهك يبو محمد

[أبو فيصل]

أنا أشهد أنها جزلة و وافية

ونقلة أكثر من رائعة يابو محمد

الله يعطيك ألف عافية على هالنقلة الرائعة

لاهنت والله

تحياتي

[مرزوق حمدان العتيبي]

...
.

مطرح البعارين
حياك الله وشكرا لك على المشاركه
واذا بغيت وجهة نظري والله مافيه مقارنه بين القصيدتين
فالاولى فائقه الابداع لامن ناحية المعنى وقوة الابيات ولا من ناحية القافيه
...
لاهنت

[مرزوق حمدان العتيبي]

..
.

الاستاذ غشام
وجهك ابيض يابن العم
لاهنت
....

[النافذ]

أنا أشهد أنها جزلة و وافية

ونقلة أكثر من رائعة يابو محمد

الله يعطيك ألف عافية على هالنقلة الرائعة

لاهنت والله

[مرزوق حمدان العتيبي]

...
.

لاهنت يالنافذ
...
تشرفت بروئة حروفك
..
اخوك
...

[الأمــير]

أنا أشهد أنها جزلة و وافية

ونقلة أكثر من رائعة يابو محمد



وهي للشاعر المعروف بندر بن سرور

[حجرف]

...
.

بيت لم نحفظ سواه ولا نعلم قائله
واصبح اشهر من نار ٍ على علم ...
..

هذي هي القصيده التي من ضمنها البيت المشهور
ومازال البحث جاري عن قائلها ..

اما لطمنا العيل والا الطم العيل = مادام شب النار مندوب الاطفا



من ذاق حر القايله يعشق الليل = ومن شب ضوه ليلة البرد يدفـا



امسيت في جيلٍ ولاهوب ذالجيل = واصبحت والا ديرتي شبه منفـا



واللي حما بيته بطيـر ابابيـل = ماجيت ادور كل من صد وقفا



ولاجيت ابشحذ يانما دلّه وهيل = جيتك وجرح الظلم غاديه يشفا



جيتك بكلمه كنها صعقة الويل = ان قلت تكفا لاتهـاون بتكفـا



تكفا تراها كلمةٍ تقطم الحيـل = لابالله الا تنسف الحيـل نسفـا



تكفا ترا تكفا لها هدرة السيـل = في صدر حرٍ ينتف الطيب نتفـا



تكفا ترا تكفا لها تسّرج الخيـل = ان كان لك في مجمع الخيل عسفا



تكفا تراني من قرومٍ مشاكيـل = حماية الساقه بسيـفٍ وشلفـا



تكفا وتكفا ماتسـاق لمهابيـل = تكفا تخلّي القرم لاشٍ وهطفـا



تكفا ترى تكفا تهزّ الرجاجيـل = لولا ضروف الوقت ماقلت تكفا


الحقيقه انها قصيده جزله
من يعرف قائلها ... لايبخل علينا


مساك الله بالخير اخوي

هذا بيت مشهور من أكثر القصائد التي كثر اللغط حولها .. وهي قصيده جزله من شاعر جزل

وهي للشاعر: محمد الدحيمي الشهري المعروف بــ (أخو تكفى)

وانا متأكد من هالقصيده لهالشاعر

[الشهري 07]

القصيدة للشاعر

محمد الدحيمي

فعلا ابدع ماشاء الله عليه

يعطيك العافية على القصيدة

تحيتي

[ابن البجاديه]

الاخ مرزوق حمدان العتيبي

كثيرون اللذين يتمنون معرفة قائل القصيده لما لها من صدى واسع

ونتمنى ان نجد هذه المعلومه من خلال هذا الطرح الرائع
ومشكور اخوي على الموضوع

تقبل مروري