سلام لاهل الطيب

[الصوت الجريح]

سلام لاهل الطيب ذربين الايمان = اهل الكرم والجود واهل الحميه
ذباحة الحايل كريمين شجعان = لطامة العايل الى زاد غيه
على دروب المجد صوله وفرسان = كم واحد عدوه لحوض المنيه
يالابتي ترى الفخر سيف واحصان = وانتم خذيتو كل طيب ومزيه
يوم القبايل للميادين فزعان = كنتم لها لو كان عيد الضحيه
بالراي والحنكه وبالدين صدقان = ماعندكم بالدين صكوك وهديه
هذا ولا نقصد قبايل بحقران = باق القبايل في ضميري زكيه
لاشك انا انسان عاشق وطربان = لفعول قومي مابها من خطيه
وان كان في عشقي كبيره وبهتان = لااحد يجرمني بحب الهويه
هيلا تواريخ تسطر للازمان = من فعلها كل يقول الحذيه
عشقي لها عشق تسامى الى الآن = عشقي لها واجب وفرض عليه

[ناصر الجلاه]

وان كان في عشقي كبيره وبهتان=لااحد يجرمنـي بحـب الهويـه
هيلا تواريـخ تسطـر للازمـان=من فعلهـا كـل يقـول الحذيـه
عشقي لها عشق تسامى الى الآن=عشقي لها واجب وفرض عليـه


الصوت الجريح مرحبابك يالغالي


وحييت بين اخوانك



وصح السانك على هذه القصيده

[نواف العصيمي]

صح لسانك

قصيدة فيها من المعاني والجزاله

مايوضح إبداع .

لك التقدير والإحترام