الشيابين يقتلون الشيخ القضيع بن قنيفذ بن لبدة [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : الشيابين يقتلون الشيخ القضيع بن قنيفذ بن لبدة

فرناس

03-Jan-2007, 02:22 AM

سلام علاكم

من العايدين والفايزين يالربع والله لكم وحشة

الزبدة الي عنده تفاصيل عن ذبحة الشيخ القضيع بن قنفيذ بن لبدة شيخ ال سعد من قحطان يعطيناها

لان الشيباني حسب مايقولون الشيبان انه ذبح القضيع عند اباعره

خالد السيف

03-Jan-2007, 03:01 AM

اخوي يمكن فيه سوء فهم

القضيع فخذ من الفهيدات على مااظن

العكام

03-Jan-2007, 01:44 PM

اخوي خالد الاسم صحيح 100%

الفارس والشيخ القضيع من عيال الشيخ قنيفذ بن لبدة

ولا ادري هو اسم ولا لقب له

ومن فرسان قحطان المعتبرين

فرناس

03-Jan-2007, 11:00 PM

الله يهديك ياخالد وش دخل قضيع القحطاين في قضيع الفهيدات ان كان فيهم قضيع

انا انشد عن ذبحت الشيخ القضيع ابن لبدة القحطاني الي عنده علم عن القصه يعطيناها

عكاش

04-Jan-2007, 02:45 PM

القضيع لقب مهوب اسم واسمه محمد بن قنيفذ بن لبدة وذبحوه الشيابين عند اباعرهم

العكام

05-Jan-2007, 10:40 PM

مشكور ياعكاش

بحثت عن القضيع ابن لبدة في قوقل وطلعتلي مجالس قحطان وفيه موضوع انشائي كاتبه واحد منهم المهم لقيت شي غريب ومضحك في تبرير الكاتب طريقة قتل محمد بن قنيفذ بن لبدة يوم قتله الشيباني
الي كاتب القصه يقول وهو يتكلم عن القضيع

وغزوو الشايبين وقتتلوو قتالا عنيفا اول النهار قتل من ال سعد 7 والشيابي ن 11 وفي العصير تواجهوو فنتصر ال سعد وصاروو يجمعون البل ويحدونها وكان عندها راعي شيباني وكان القضيع يركض خلفة ويقول عشاك عند امي يا ابن مشيب وكان الراعي معه صمعاء حاطها على كتفة فثورها ووقعت في قلب القضيع ومات في مكان اسمه الا ن قرب الخاصرة لبيده وفيها قصائد كثيرة لاتحضرني الخلاصة ان الملك عبدالعزيز استلحق ال فهيد وال لبده واصلحهم ووهو اخر قتيل في المعارك الي حدثت بين قحطان وعتيبة

يوم قريت كتابت القحطاني في طريقة ذبحة القضيع والله اني ضحكت لانه وده وفي اعتقاده يبرر طريقة القتل حتى ولو بشي اول مايقراه الواحد يدري ان الكاتب يكتب مايحكم عقله
معاد صارت صمعاء صارت بازوكا خلفيه
لا ويلحقه ويقول عشاك عند امي

حتى طريقة سرده الانشائي تدل على انه مركب القصه من مخه يسمع ان القضيع ذابحه شيباني ولا يدري وش القصه وسواها من راسه

الله يصلح بعض الناس يغير فالحقيقه علشان يبرر الي صار بشي مستحيل يخش العقل

ابن مشيب

05-Jan-2007, 11:15 PM

وكان الراعي معه صمعاء حاطها على كتفة فثورها ووقعت في قلب القضيع ومات

شر البلية مايضحك

رحم الله القضيع , ورحم الله اموات المسلمين , اتمنى ممن يكتب عن هاؤلا الابطال الموتى , ان يكتب بعلم ومعرفه , او ان يترك الجمل بما حمل , فهاؤلا الابطال لايحتاجون مزايدات او تبريرات , فمن يموت في ساحات الوغى , دون ارضه او عرضه او ماله , اشرف ممن يموت على فراشه , كما يموت البعير , ولكن اين العقول اللبيبة

تحياتي للجميع

أبو مرحبا

06-Jan-2007, 10:14 AM

شوقتونا يارياجيل لمقتل

الشيخ القضيع بن قنفذه على يد اللاد مشيب

اللي عنده القصة يسردها

وبيض الله وجيهكم

فرناس

15-Jan-2007, 06:25 AM

بيض الله وجيهكم عزالله ماقصرتوا

عنما روايت القحطاني حادرتلها وادي ولاعنده سالفة

الرواية الي عندي

يقولون جاك ابن لبدة ومعه ربعه ذابحهم الجوع

لاوالله ان هذي البل قدامهم ومعها ثلاثة خياله

وابن لبدة هو ربعه يجونها منطلقين يصيحون وهم قطعة رياجيل
وكل خيال يزهب بندقة هو يثور يمهم لكل رجال من الشيابين ذابحله راجل من القحاطين
والقحاطين ينصفقون هم يعودون مع دربهم الي جو معه

ويوم جوهم الخيالة لهم ثلاثة كلهم طرح لا واحد منهم يعرفونه من عيال ابن لبدة

هذا العلم الي جاني عن هالسالفة

الفارس 2007

21-Apr-2007, 06:35 PM

الله يعطيك العافيه

سويلم الشيباني

22-Apr-2007, 01:37 AM

( القضيع ) اللي هو محمد بن قنيفذ بن لبدة شيخ ال سعد من قحطان قاتله هو مهدي بن عيفان العبدلي الشيباني بالقرب من بير عطالله جنوب حلبان وكان هو وخوه زيد بن عيفان عند البل لحالهم واقبل عليهم القضيع ومعه بعض من ربعه وتطاردو مع القضيع وربعه ورماه مهدي وقتله وانكسرو خوياه يوم شافو اميرهم طاح من فرسه ميت

خالد القحطاني1

27-Apr-2007, 07:43 AM

من يزيد ؟؟

صارت اشبه بالمزاد كلن يزيد سالفه

نبي آخر سالفه موديل 2008 :)

القضيع أولا سبب مسماه القضيع وشهو

ترا اسمه محمد ويلقب
بالقضيع لأنه كان يقضع الفرسان بالنصين
وهو ذابح اكثر من 20 فارس في معركه
لوحده

وابن لبده مهوب غريب عليكم يا عتيبه
ولاهو ولا إبوه قنيفذ ولا جده جمل
.............

وسالفة القحطاني اللي ذكرها الاولى الصحيحه
وفيها قصايد وشواهد وأدله ولو كان صحيح
وينكم ما تفاخرتوا فيه ولا احد فيكم يعرف وشهي السالفه الصحيحه؟؟

وبعدين السالفه اللي يسولف فيها القحطاني تراه
حفيده سعد ابن جمل ابن عبدالعزيز ابن لبده
وهم أدرى بسوالف جدانهم

عبدالرحمن الهيلوم

27-Apr-2007, 05:06 PM

((((( فكوووووووووووووووووووووووووووووووووووووووووووووووو وووووووووووها سيرة) ذبحتونا !!!! مطير ذبحت وعتيبه قتلت وقحطان غزت !!!!!! استحواااااااااااااااااااااامن الله وخلقه ( عتيبه ومطير وقحطان ربع وجيران وعوانيه ) لابارك الله في شاعر المليون ولا المزاين ولاقنوات الشحاذه ولا مراهقين الشات والنت ( الهيلوم1383)

فرناس

27-Apr-2007, 05:20 PM

غلطان ياخالد وانا خوك دخلت مع باب مهوب الباب اللي تباه الباب اللي تباه فيه مزاد وحراج وهالباب فيه علوم رجال والقضيع الله يرحمه شيخ وفارس وبطل مانقول فيه شي بس يوم تقول ليه ماتفتخرون بذبحته اول شي عندنا من التاريخ اكبر من ذبحة شيخ ولا اخذت اباعر قبيلة عندنا مصادمات حكام وقبايل ذكرها التاريخ مثل مناخ الضال ومعركة طلال ومناخ دلعة ومعركة عروى وغارها ونعتبرها تاريخ لنا فقط لاغير

وكيف تبانا نفتخر بذبحة القضيع الله يرحمه نحط بنر فوق في اعلى المنتدى عريض فيه اعلان ان فلان ذبحناه ولا نحط لوحات في الشوارع ودعايات في التلفزون ولا نكتب على سياراتنا ولا نسوي امسيات في فنادق خمس نجوم بمناسبة ذبحنا فلان وسوينا بفلان

عبدالرحمن الهيلوم

27-Apr-2007, 05:47 PM