قرب ياذياب العصيمي

[بن زهران]

قرب ياذياب



سلام من خاطري نبدابها في كل ميدان = نبدابها لاهل الميقاف من روس الرجالي

قم يالعصيمي بعد ماقال ابن عمك وبلسان = وجاب المطمه على نفسه وهي قد الجبالي

[ذياب]

يالله حي فهد
استلم


يامرحبا من هجوس(ن) طيبه والحق سلطان=يالي تبا الكيف تلقا عندنا مر(ن) و حالي

تنشد عن الذيب مانته جاهل(ن) فالذيب سرحان=لو يغطس الموج يضمن طلعته ياهملالي

[بن زهران]

البقا البقا البقا



مخبور ياصاحبي بالعرف واهل العرف مليان = وقدم اللي تقدم قدمكم روس المعالي


الذيب لاقال هرجه مايعود عشره اثمان = ماطلعه كود رحمه من مشيبه فاليالي

[ذياب]

ولا . زمان اللكاعه يافهد ياولد زهران=وأنا تراني معلمك اللكاعه ياحلالي

خل الذيابه ترانا عندنا للهرج ميزان=وافتح لنا البنك واصرف بالجناه وبالريالي

[بن زهران]

ياليش ياليش تفهم شي ردياً وانت غلطان = ياشاعراً مايعرف اللي حراماً والحلالي

الذيب يعوي عوي ياصاحبي والذيب سهران = تقدر تفسر لنا علمه وخلك بالعدالي

[ذياب]

ياشايل البندقيه بندقك من دون نيشان=حتى ولو كنت نشمي ماتصيد الا الغزالي

الذيب سهران مايرقد وعينه تسبر الضان=لكن أضنك عشى للذيب لا حان الزوالي

[بن زهران]

الله يكافيك من بندق تصيب من دون عنوان = من حزتاً بردها طيب وفيها جو عالي

الذيب يهرج ويسكت مير ليه الذيب فقران = مير انت لاعاد تدافع واشرب اشرب بالدلالي

[ذياب]

ياللي بنيت القصور العاليه من دون سيسان=ماخفت ربك وربك فوق كل الخلق عالي

دور لنا علم ثاني طالبك قل تم يافلان=بعض السوالف تراها فالمجالس ماتقالي

[بن زهران]

ربي عليمن بما الخاطر ويعلم كل شي كان = وانته تقلب وتلعب يالالاله يالالالي

ترى علومي صحيحه وفيه يارجال برهان = وحنا رجالاً نبيع ونشتري قالسوق غالي

[ذياب]

والله ونعم(ن) بربي عالم(ن) باسرار الانسان=الواحد القادر الاول وباق الخلق تالي

ياكثر هرج البدو تكرار والبدوان بدوان=وتردد العلم لهل العلم مار العلم خالي

[بن زهران]

طيب طيب


الحمد لله له وحد عزيز الملك والشان = ياشاعرن لا مشى فالدرب روح لشمالي

تسب ربعك كبيره وانت شاعر فعلكم بان = حاجه غريبه ولا قد جات اهي في وسط بالي

[بن زهران]

صح السانك ياشاعرنا الكبير والله لا يهينك على كل حال



التغطيه عندك باطوبل العمر

فمان الله

[ذياب]

,

,,

الاخ العزيز فهد

تشرفت باللعب معك وبمجاراتك ياشاعرنا

وأعذرنا ان جاء قصور

واستلم

,,

,


ياولد زهران ابا قول الك علم الصدق من شان=الصدق فالك وفال عتيبه الهيلا وفالي

اليا جهلت المعاني مشكلت غامد و زهران=ماهيب من مشكلت ربعي عريبين الخوالي