إعدام صدام

[الشمالي الغربي]

كيبورديه .. سريعة .. لواقع مرير



وش موقف الإسلام بإعـدام صـدام؟=وش موقف اللي يدعـي بالعروبـه؟
وش عـاد باقـي ينتظـر ذل قـدام=مـادام بالإعـدام يفـرض عقـوبـه
ليش العرب ترضى بتذليل الإسـلام؟=الحكـم جايـر واليهـود احكموبـه
ياحسرة التاريـخ عـامًٍ بعـد عـام=من مهزلـة عالـم تدنـت اشعوبـه
ترضى العرب بالذل تطويع وإرغـام=تحـزن بيـومٍ لليهـود افرحـوابـه
يومٍ كبيـر وصـار تاريـخ الإعـدام=في عيد يوم النحـر يـوم انحروابـه
خزيٍ وعار وروس توطـا بالأقـدام=ياهل ترى منهي عليـه امحسوبـه؟
حنا العرب حنـا المساكيـن الايتـام=اللـي علـى كـل الامـور امغلوبـه
يضحك علينا الشرق والغرب والشـام=ومن عاش في وسط المحيط وجنوبه
ياقادة اشعوب العرب بطـش وآثـام=كرامـة الإسـلام ليـش امغصوبـه؟
تطوى الصحف من هول وتجف الاقلام=والعـز باقـي منتظـر وابشـروبـه
في راس ابومتعب وله بصمة ابهـام=ياكـم نهـارٍ فيـه هبـت هبـوبـه
من هيبته يحسب مقامـه ليـا قـام=لاحمّـر اعيونـه نفـذ كـم ثـوبـه
تغد(ي)اليهود اقسام واقسام واقسـام=مـن هيبتـه تعلـن ثمانيـن توبـه




(الشمالي الغربي)

[مرزوق الجعيد]

صح السانك

جزله من شاعر جزل

[نواف بن منصور]

ياهل ترى منهي عليـه امحسوبـه؟

الشمالي الغربي

صح لسانك

[أبو نجر النفيعي]

صح الساانك قصيده رائعه جدا

والله يرحم صدام

[ابوعبد الرحمن22]

الشمالي الغربي








صح لسانك وبيض وجهك على هالقصيده الرائعه والمعبره




عن حال الاسلام والمسلمين اليوم في هذا الزمان الى تكالبت



عليه امة الكفر من كل حدب وصوب ولاكن الفرج باذن الله قريب



وسوف يندمون على مافعلوه بحق كل مسلم




وفي الختام اقول بارك الله في كل انسان غيور على دينه وامته



تحياتي

[خلف بن مرزوق]

...
..

لله درّك يبو خالد

شاعر تتسيد هذا المكان بأبداعك


صح لساااانك

وكل اعدام انت بخير


:)

مودتي

.

[أبو الوليد]

صح لسانك
قصيدة كيبوردية رائعة
يعطيك العافية
ورحم الله صدام حسين
تقبل التحية

[السميــــــري]

لله درك يالشمالي ..

مبدع ..

واسأل الله ان يخزي الكافرين ,,

.
لاهنت ..

[سلطان الروقي]

صح لسانك وقصيده رائعه وتستاهل الثناء وجزله وذات معنى صلب
وبالنسبه للشهيد البطل صدام حسين الله يرحمه ويغفر له ذهب ضحية اليهود والشيعه

[ذياب]

حنا العرب حنـا المساكيـن الايتـام
اللـي علـى كـل الامـور امغلوبـه
يضحك علينا الشرق والغرب والشـام
ومن عاش في وسط المحيط وجنوبه


,

,,

الله الله يالشمالي

جزل يالغالي

بس هذا الهدوء الي يسبق العاصفه

,,

,

[فهيد مقعد الرويس]

صح السانك

يالشمالي الغربي

قصيده جزله

وهذه الاحداث فيها العبر الكثيره للقلوب اللبيبه

والله عز وجل له فيهاحكمه

وما كان لغير الله لايدوم ولو طال به الآمد

تحيتي وتقديري

[الغبيـــوي]

صح لسانك

قصيدة تستاهل

[ربح السبيعي]

صح لسانك يالشمالي الغربي


على هالقصيده المعبرع عن الواقع

[مرزوق حمدان العتيبي]

...
. ردة فعل طبيعيه ..
لاهنت وصح لسانك يابو خالد
...

[علي الثبيتي]

الشمالي الغربي
صح لسانك مليون

ولكن انا غير مقتنع بعدام صدام
واعتقد انها تمثيل والكل منكم شاهد الشريط

[العارف]

صح السانك

يالشمالي الغربي

قصيده جزله