مقناص الأمير سلطان

[سعيدالنعيمي]

قصيدة في مقناص سمو الامير سلطان بن عبدالعزيز آل سعود بعد ماشفة فلم فيديو لمقناص سموه لدى احدى الاخوان في مجلسه وكتبت ماجادت به النفس واقول :



مشكور يا مصور على حسب ما صار=يامدبلج الصوره بصوت الاغاني
عز الله تصويرك به الشخص يحتار=ومن زين مابه للمعاني غراني
حاولت انقي في اجزل القول واختار=وتزاحمت بالفكر كثر المعاني
وكتبت انا شي ٍ من القلب ما دار= في ذهن غيري من بعيد ٍ وداني
قول ٍ مراميه بعيدات وغزار=يفهم لها من بالشعر مولعاني
والحق يذكر لا ولافيه انكار=وسلطان مدحه بالخفا ما هياني
مالوم أمير ابها اليا قال به اشعار=عمه وطيبه بالفعل ماخفاني
سلطان له نظره وللناس انظار=وفي نظرته للي يتفكر معاني
شفته بمقناصه يأشر على اشجار=من بينها اربع تتقي بالطماني
ثم طار ذاك اللي معه خافقي طار=طير ٍ الطرده ينسمع صعفقاني
والخرب ذل وجود الارض وحتار=يبقي يطير وشايف الموت داني
وساقوا عليه الربع يبقونه اطيار=للي لفا محمي من الرنج عاني
طير ٍ سبوق ٍ ما لجا للتفتار=منه المسوحل ضايق ٍ به المكاني
ثم ٍ جفت مثل النجم هاوي ٍ خار=صاده ولكن بالفعل ما دهاني
يوم ٍ فرط ذ الخرب ثم الحقه وطار=وتله كما تلت اسير ٍ وجاني
ثم حطوا الصوره على غير من جار=طير ٍ قطع راس الحباره ضماني
ومن زين ذ اللقطه ومن زين ما اختار=عادوا بطيئه لقطة الطير ثاني
وجابوا احباره تفتخر بالتكبار=وجابوا الامير او في يده ما غراني
طير ٍ عجيب وهقوتي حجوله قصار=ويمسح على صدره عريب المجاني
طير ٍ بكف سلطان ويشوق الانظار=من زين شكله بأوصفه ما مداني
ثم ٍ بدا فلم ٍ يثير التفكار=فيه الطرابه بالقنص والاماني
وأول هدد به هدو امعيد ما بار=(نمران)فعله بأول الفلم باني
من طار عنه ابرق الريش ما ذار=رقه وذوقه القهر والهواني
وقدام لكروزر رثع فيه ما حار=بالأرض وادعا الريش يملا المكاني
ثم لفوه من اخوياه اربع انفار=وقالوا هناك اللي لها انت عاني
وهدو (بشير)اللي تزين وثم طار=للي تكبر من بعيد ٍ علاني
ثم طار هارب مستذير ولا سار=شبرين الا وادهم الريش داني
ثم ٍ خطف راسه وعنقه ترى طيار= وحول يطوطح به ذليل ٍ مهاني
وحطوا ثلاث تهول ابعيد وكبار=ثم ناظروا بثنين في ذ الأواني
ثم راح طير ٍ من قرانيس ندار=(وقاد) واحمى عانين بطفقاني
للي نزل يبيتقي سد الاشجار=من فوق سفح ثم هول وباني
وساقوا عليه الربع والربع شطار=حدوه من ارض الوعر في ثواني
ثم افقعت حفانة ٍ مالها اخيار= أمخالفه للي بها مغرماني
ثم انتكس عاني لها عقب ما دار=لاحق ويضرب في كبير المثاني
ثم طار عقب امداوس الخرب لغبار=من ضرب حر ٍ قاطع ٍ معطباني
وجابوا المواتر في شعيب ٍ به اشجار=مع وادي الما واعبروا بالتواني
ثم لقوا خرب ٍ من الخوف هو ذار=وهدو لهم طير ٍ هميم ارمعاني
(غرمول) ما هاب اللقا والتكبار=يضرب كما القاسي بقو البناني
وصاحوا بصوت الربع يا اميرنا البار=تبقي انطيرها لصيد الضماني
قال اتركوه وخلو الزين يختار=بألأرض صيده ياالربع له امتحاني
ومن بعد كم ضربه قدا الريش نثار=وصاد العديد ونال كسب الرهاني
وبعده انطلق معيوف من كف صقار=يلم ولا هو عانين كرواني
ثم ٍ صرخ فيصل ترى الطير ذ المار=صوبك ترى (معيوف) شافي وعاني
يطير ويستعرض على الخرب من طار=مسترهين والخرب منه يعاني
وعزم وزاد به الأذى والتعزار=ثم ٍ خطف راسه بلا مسح ثاني
واذهل جميع الناس بالمنظر السار=وقالوا ماشاء الله جهر وعلاني
وحطوا ثلاث ٍ إيتحامون وكبار=وجاهم عديد ٍ صاد عقب اطفقاني
ثم حطوا ادهم شيفته نقوة اخيار=بيد الأمير الشهم ذرب المعاني
وهدو (غريب) المن يهول ومحتار=طير ٍ على ضرب المهول اناني
طار وشهر من عقب ضربه له امرار=عل وعساه ايطير حسب الاماني
ومن ذل حوله وكسر عضده اعشار=ومن صيدت الخرب المهول غراني
وجابوا احباره زابنه بالتوعار=تركض وهم هدوا بذاك الأواني
وتمت تهول عقب ماطار (بتار)=وطارت مخالف من شهر في ثواني
وتم لك يرددها على روس الاخيار=مما شدهني وشدني له ودهاني
ثم ٍ خطفها بالسما وشد الابصار=في صيدة ٍ بانت عيان ٍ بياني
وحطوا (أديب) اينش من بين الاشجار=ويوم ارتفع طار الذليل الجباني
امخالف ٍ هارب من الزين هو فار=ثم اطرده طرد ٍ لك الله شفاني
رقه ونشب كاشحه خمسة اشبار=في ظهر خرب ٍ خر عقب ادوخاني
وبعد الشعيب اللي لقوا منه معبار=طبو على خرب ٍ لريشه المعاني
صالب ومن قام يتزين وثم طار=(سرهيد) هوله من الكبر حاني
وساقوا عليه الرنج الابيض ولا ذار=مقطوع ظهره شايف الموت داني
وبالرنج الازرق قربوا له ولا نار=عينه مع اللي بالسماء له دوراني
واصبح كما قطعت رقيف ٍ على نار=وكنه يقول ان طرت هذا دواني
وفعل ٍ بعد ما طار ناوي التدبار=انصك له (سرهيد) عقب احوماني
وحط بعجل خايف من اللي عليه غار=وسط الشجر لاشك ظني غناني
صاده وكسر خشف عضده تكسار=ثم تعشى به ورى الرمث هاني
وحطوا لنا صوره تثير التفكار=لأمير يأشر في ضحى مولماني
يأشر على اربع قد مشوا في تمختار=وللريش من ضرب الصليج المعاني
وعادوا لنا لقطه من الفلم تكرار=(زيزوم)طاير لا ولا هو بواني
لحبارة ٍ قامت تهول من اخطار=جتها مع اللي جا من البعد عاني
ثم صادها وشفنا بها خمسه اطرار=والراس مفصول من الجسم باني
وصوت الامير لكل نشمي وصقار=كل من معه طير ٍ عشى الطير حاني
وحطوا حبارى دارجه بذيك الاقفار=وهدوا عليها نادر ٍ صيرماني
يرمع ولكن صف من عقب ما طار=لأنها قريب وتتقي بالطماني
ويوم ٍ قربها ولخها لخت اصطار=وطارت مخالف تبتزوغ ازوغاني
ويوم التفت عازم ترى بعد مادار=احمى على اللي به تروغ اروغاني
(وبتار) فعل ٍ هو كما السيف بتار=ضربه امبرح كالرهيف اليماني
اصبح يضربها كما ضرب الأوتار=بيدين مدمن للطرب والاغاني
هو فوق متعلي وهي تحته اشبار=وكل ما تعلت عنده الطرد زاني
ثم سال ومن ضرب المكن مخلبه شار=في راسها واهوى بها واستكاني
وعادوا بطيئ ٍ منظره في التحدار=وما مل منه لو يعيدوه ثاني
وهناك مخمر لو غشيم ٍ بها مار=ما شافها لو بالجهاز استعاني
تحركت من سوء حظها ومن بار=وهدو الذي عن شوف غيره لهاني
(زيزوم) جاها ونشها وطير اغبار=ويوم انتكس طارت دبور اضحواني
واحمى بغيض ٍ كالذي طالب الثار=ثم ٍ ضربها وتاحها بالهواني
من ضربته فيها كما قطع منشار=من عالي العضدين حتى المثاني
ودور وجاها تشتكي من تكسار=ثم ٍ مسكها بخاطر ٍ مطرباني
وبعده انطلق مما فباله توخار=طير ٍ بصيدات الخلا مولعاني
(سرهيد) يبقي الخرب ياربعي اطيار=وجاته على عز الطلب والاماني
وآمر الأمير ايطيرونه ومن ذار=رقه ونشه والحقه مسح ثاني
ومن الرهاوه ياالربع عقب مادار=تله كما تلت عسيف العناني
وبعده شلع خرب ٍ من الموت هو فار=رامي الذخيره وبالعضود استعاني
وقالوا (بشير) إلذا يبي له تخطار=ومن شاف جنحانه من الارض داني
وجاه الذي يرمع بليا تغمار=ثم الشطه كااللي على النفس جاني
ثم اخرشوها والمواتر لها غبار=وكنها تقول اللي معه الموت ياني
وحطت وهي تبقي من الموت مظهار=وجتها المواتر عوفتها المكاني
ثم ٍ لحق من طار من جد واصرار=وغصب ٍ جعلها تحط عقب الفحاني
وحول كما سيل ٍ نزل فوق محدار=صاد وتعشى وما بقى للحصاني
وحطوا لنا منظر يزيل التكدار=الطير صايد والهواء ذعذعاني
وحطوا حباري مهوله اجرامها كبار=وكل ٍ بالأخر محتمي واستعاني
وهدو بعد طير ٍ على الخرب جبار=(غصاب)واحمى عانين ٍ ورغباني
صاده ومن مثله لهم ذكر واذكار =طيب وفعله ما كذب به لساني
(وطحنون) بعده طار له عدت امتار=ثم صف للي هو قريب ٍ وداني
صاده بألأرض وبان في الخرب اثار=اثار كف ٍ منغرس في لياني
ثم طيروا مخمر ورا اشجار واحجار=وحطت وطارت للسماء بخرشاني
وهدو لها (جفران) من بد الأحرار=اللي بطرده من مطيره كفاني
وتم لك يرددها على شوف الانظار=وكل ما تروغ يزيد فعل ٍ دهاني
اللي مطوطحها بعد ضربه أمرار=وعيدة بطيئه صيدته بالاغاني
وهدو لهم طير لثلاث ٍ و لا احتار=وصدق على اللي فارق ٍ حيث كاني
وثنتين لاذوا في الشجر للتستار=عن ندر ٍ من طيبات المجاني
وهدو لهم خيرة قرانيس ندار=(بشير) وفرقهم عيان ٍ بياني
ويوم الله راد وعزمت بالعجل دار=للي مسوحل هاربه في ثواني
ثم تلها من فوق والربع حضار= وتم الحكي عنه الى يوم ثاني
(وممدوح) بعده طار من كف صقار=واهوى على اللي ذاري في طماني
ثم ذوقه مر العزاير والأمرار=وعقب لمداوس صالب الراي لاني
وحطو لنا طير يتنسر بالاقفار=في حبارة ٍ والكف فوق المثاني
حيه ولكن من كثير التنسار=فيه اركضت بطير جهر وعلاني
ويوم ٍ ان خفت روحها عدت اشبار=غصب ٍ طرحها من لها مسنعاني
وبعده (غريب) احمى بلا سابق انذار=للخرب وفعل ٍ في مصيده دهاني
سمعت حق ضرب المهول تثوار=كالميزر اللي غيرت من زماني
وجابوا لنا صورة جميلين الاذكار=سلطان ومن وياه في البر هاني
وحبارتين ٍ هاربات ٍ وذعار=خوف ٍ من اطماع القنص والهواني
وهدو بعد (غشام) قصاف الاعمار=في ريدة ٍ فيها حيا البر زاني
للي يهول من بعيد ولا طار =صاده وشوف مداوسه قد شفاني
وجات المواتر تطرد الخرب واحتار=يركض بخوفٍ من طمان لطماني
ثم طار وخطم له عديد ٍ عليه غار=(فلاح) صافي النادرات الحساني
صاده بالأرض وصوبه بعدت اضرار=والخرب عضده لابقا يطير خاني
وهدو بعد (عزام) عزم ولا بار=ثم صف وحق فعله فلاني بكاني
للي قريب وينتظرها على نار=قامت تهول لا ولا هو بواني
وجاها كما اللي بااللقا دمهم حار=وما رد عن من له طفوق ٍ وعاني
ومن نشها وطارت من الشمخ باصرار=واثره سبوق ٍ للطرد مشهواني
واصبح يضربها كما الضرب بالطار=ثم الشجر عن شوف صيده حداني
صحيح فعله ما يقايس بمعيار=وما سد فيه القاف لو هو غثاني
ثم طار خرب ٍ به معازيم معبار=جالع وطرده في السماء قد غراني
ورقه (بشير ٍ) بالسماء واضربه امرار=وبيّن نثار الريش عقب اجولاني
في الغيم في كبد السماء له تنثار=ناصع بياضه مثل قطن اصفهاني
شكه بعيد وشكلهم بالسماء صغار=ومنظره سر العين وانعش جناني
وفي رضخته في القاع قوم له اغبار=وقلنا عسى انه بطيحته ما يعاني
وحطوه يلهث من بعد كل ماصار=صايد ولا هو تاعب ٍ في دعياني
وقال الذي في وصف ذا الطير محتار=شوفه عقب ماكنت ضامي رواني
وكل شاعر بقلبه مقاصيد وافكار=وبان الذي بالقلب بعد انضحاني
وانا انتهيت وبكرة الفلم تندار=والوقت ضيق ضكني ما مداني
ويا امير ياترثة طويلين الاشبار=أعذر اذا زليت باحدى المعاني
وقد قلت انا والناس في رايها احرار=بأسكت ولكن العجب ما هياني