وقعة ريع الفضيحه بين عتيبه ومطير

[سهم عتيبه]

--------------------------------------------------------------------------------

ارادوا مطير الغزو على ذوى عطية وجمعوا لذلك عدد ليس بقليل من قبائل مطير بقيادة بن درويش وكان ينزل مع مطير احد المورقة من ذوى عطية وعندما علم بأن مطير ناوين غزو ذوى عطية ارسل المورقى رسولا الى زايد بن عميرة يخبرة بذلك ويخبرة بان اعداد مطير كبيرة وعلية ان يحسب حساباتة
عندما وصل المرسول الى زايد قام بارسال مراسيل الى الروقة القريبين منه وهم السمرة وشيخهم بن ( زيد ) والعوالى وشيخهم ( صنيدح الزلامى) لكى يقوموا بنجدته .
وقام هو بالإتجاه إلى الريع المعروف فى كشب بقصد الاستفادة من الوقت والقرب من كشب الذى يعتبر مهماً وحاسما للذى يسيطر علية.
وعند وصولة الى الريع قابلة الزلامى وفى هذا الوقت شاهدوا جموع مطير وبعد ذلك دارت المعركة بين مطير وذوى عطية والعوالى واخذت وقتا طويلا انتهت بهزيمة مطير وانتصار ذوى عطية والعوالى ولم يشترك السمرة لبعد مسافتهم ولأنهم اتوا بعد انتهاء المعركة التى سميت بمعركة ريع فضيحة لانها صارت فضيحة على مطير.

وقال فيها الفارس الشاعر المعروف شليويح العطاوى قصيدتة المشهورة والتى منها هذة الابيات والقصيدة موجودة فى كتاب محمد دخيل العصيمي.

ابا الثريا ما اختوا من الفيد
.................... ما اخذت من برقا خذينا بثاره

وعيال بن درويش مقدم هلا العيد

........................ اربع ليال وحلتة بالمعاره(1)

فردت علية شاعرة مطير الجضعية

والله لولا جمع الزلامى وبن زيد
................. لطرح على ولد العطاوى حجارة
الله لكم يا قوم عربيد (2)
......................................

وهذة القصيدة لا نعرف قائلها

بن عمير ة جاك ياللى تمناه
...............ما رحت من جيشك بحتى القعودى

زايد لعامر يرفع الصوت ينباه
.................. ويصخرة كنه قعودن شرودى

وسالم من الدمان يازين شلفاه

.................... يشيلها قنطار من غير عودى(3)

1- اللى قتل عيال بن درويش الأربعه هو الفارس منير بن زايد بن عميرة

2- عربيد من المغايرة وهو يعتبر غير سوى تنقصة وذكرت ذلك كتعيير للمغايرة ولتنفيس بعض ما لديها من رواسب الهزيمة.

3- سالم هو الفارس سالم بن رزيق بن عميره

واللي عنده إضافات او تصحيح فليتفضل


وسلامتكم


الموضوع منقول

[راشد الفريدي]

مشكور اخوي على هذي المعلومه والنصر والهزيمه تصير وعتيبه انتصرو في وقعات عظيمه ومطير كذلك المهم ان الله انقذنا من تلك الغوغائيه الجاهليه في ضل حكم بن سعود وتحكيم الشريعه بس ودي مصدر القصه ولو ا ذكرته

[سهم عتيبه]

منقول


من منتدى




شبكة العضيان

.................................................

[حاير النظرة]

يا كبرها كبرآه

[العسـ نواف ـاف]

يا فضيحت مطير
بس ما الوم المطران قابلوا اشجع قبيلة على الاض الي هم خوالي عتيبه

[ولد حبرود]

وازيك من الشعر بيت شفت يوم حرب هدان لمطير يوم جا الحول جرها شليوح العطاوي عليهم ويذبحه شر ذبحه وقال قصيدة مااحفظ فيها الا بيتين يقول شليويح
عشرين اباعر من بني ميزان\\\\وخمسة عشر لحيه ذبيح
يبا الثواري يوم حرب هدان\\\\\\خل المطيري يستريح
وتقبلو تحياتي ولد حبرود

[حاير النظرة]

السلام عليكم ورحمة الله وبركاته

الحقيقه الموضوع يأسفني جدا لكثرة التحريف اللي فيه
واعتقد ان المورقه لو سألتهم يعرفون قصة منطقة فضيحه
وانا قلت ياكبرها كبراه من كذبه لاني من العزايزه واعرف القصه
وترى ماهيب بعيده السالفه عشان تتحرف وتتغير مجرياتها...

ومنطقة فضيحه وقعه بين عتيبه (المورقه) والعزايزه وبعض بني عبدالله...
وانهزمو فيها العتبان ولا احد ينكرها والموضوع واضح اللي كاتبه
مايدري وين الله حاطه الموضوع ماله اي صلة بالقصة اللي ذكرها
ولو تبون التفاصيل بذكر الاسماء اجيبها لكم من المورقه انفسهم

والشاعر فهد الزلامي ...والشاعر محمد العرافه العزيزي
ردياتهم موجوده الى الحين عند الشيبان

تحياتي

[ابوخطاف]

يا حاير النضره انا احد ابناء المورقه واللي جدي ارسل المرسول

الوقعه صحيحه الا ان مطير عاده يحرفون الحقايق

وعندي تعقيب على اخوي في القصيدهبن عمير ة جاك ياللى تمناه
...............ما رحت من جيشك بحتى القعودى

زايد لعامر يرفع الصوت ينباه
.................. ويصخرة كنه قعودن شرودى

وسالم من الدمان يازين شلفاه

.................... يظربها قنطار من غير عودى




سالم المذكور هو سالم المورقي

ليسى ابن عميره


تقبلو مروري

[الـمـريـخـي]

العساف منو يقول عتيبه اشجع قبيلة على الارض

[(@&الــثــبــيــتــي&@)]

العساف معه حق يالمريخي ماسمعت وش قال عمك النفيعي999

[ابو خالد الدلبحي]

مشكور على القصه وشليويح العطاوي مااحد يستهين فيه وهو الي يقول ياناشدن عني تراني شليويح قلبي على قطع الخرايم عزومي

[ولد الروقه]

في وقعه ربيع الفطيحه

شارك فرسان من قباءل ذي عطيه

1-شعــــف بن حسن الفراهدي العطاوي
2-بجاد الخراص
3-صايل الخراص


ومشكووووووووووووووووووو


لاجرها قشعان والحظ قايم يشبعبها طير ليا مالقا حام

[مخاوي العتبان]

اخوي عواني وخواله روق

الادلة والبراهين متوفرة وكثيرة وواضحة جدا ويبي لها وقت اجيب لك أبيات وشواهد من كتب مؤرخين



مطير وين ديارهم الحين ؟؟


وقعة طلال بين من ومن ؟؟

وقعة الضال بين من من ؟؟

مناخ عرجا بين من ومن ؟؟


الله اكبر عليكم يامخلية الرديف

الفرق واضح لاتقول متساوين فرق كبير جدا جدا

وكل التحية والتقدير لشاعر عتيبه سلطان الجلاوي

[أبو عمر الصعيبي]

الرجاء من المطران والعتبان

الهدوء واحترام البعض

واذا كل واحد تفاخر في معركة ووش بتفيدكـ..!!

كل القبايل لها معاركـ

والله لا تودي ولا تجيب



شكراً

[عبدالله العطاوي]

يالربع انتم علامكم؟؟

عتيبه ومطير قبيلتين كبيرتين...

وكل قبيله فيها الصالح وفيها الطالح....

بس عندي ملاحظه على قصيدة شليويح العطــــاوي :)


ابا الثريا ما اختوا من الفيد
.................... ما اخذت من برقا خذينا بثاره

وعيال بن درويش مقدم هلا العيد

........................ اربع ليال وحلتة بالمعاره(1)


السالفه إن المطران مكينين على ( عقاب بن شبنان بن حميد ) وآخذين إبله

ويوم انتصروا الروقة على مطير في مناخ الحفر ( نفس المعركه ) لقو وسم المقطه ( العضاد ) على الإبل وأرسلوا الإبل

لعقاب وأرسل شليويح معها القصيده اللي يقول فيها :

راكب اللي ماتلتها المفاريد.....متيهه من يوم كانت حواره

تلفي على نايف وسلطان وعبيد...حماية الساقه نهار الكراره

ومحمد اللي مدهله للأجوايد... اللي على الحارب تهادب مهاره

ليته يشوف جموعنا في ضحى العيد... جمعن تقفاهم وجمعن يساره

عيال ابن درويش مقدم هل العيد...أربع ليال مقابلين المعاره

الخيل عنهم ماتعرف التسانيد...والرجل مركبهم خشوم الصباره

ابا التواري كل ماخذتوا من الفيد... ماخذت من برقا خذينا بثاره



والقصيده أطول من كذا ولكن نكتفي بهالقدر....


عبـــــد الله العطـــــــاوي

[أحـــمـــد الــعــطــاوي]

عبدالله العطاوي الملاحظه اللي قلتها هي الصحيح وان كنت حافظ القصيده كامله اكتبها كلها منها ابيات :

نلوعهم لوع القرانيس للصيد ....... بآلاد روق الي سوات النماره

؟؟؟؟؟؟ شطنه معها بنيات ووليد ....... والمورقي يصرف علي غوش جاره

والمورقي هذا اله سالفه مع مطيريه ميتن رجالها ليتك تكمل الابيات وتوضح سالفة المورقي

لك جزيل الشكر يبن العم

[ابو سعدالعتيببي]

الله يعطيك العافيه وصح لسان شليويح

[شمري وافتخر]

مطير والعتبان من القبائل الكبيرة ولافيهم نقص

[ولد الروقه]

ذي عطــــــــــــــــــــــــــــيه


هل الطالات وهل العزوه


وهل الحظ وملحقين المخلين وكل علمن طيب

العطوااااااااااااااااااااااااااااااااااااااااااااا اااااااااااااااااااااااااااااااات وبس

ولاهنت عتيبه

[فزاع الثبيتي]

لاهنت على موضوعك المميز



نقلت فابدعت

ننتظر جديدك

اخووك وولد عمك


فزاع الثبتي الروقي

[بدرجدعان الخراص]

ياربع لاترحون بعيد


السلام عليكم ورحمة الله وبركاته


سليمان الواصل الخراص


مقولته المشهوره مع مطير


(ياحوار ابشر بمك )


واللي عنده اعتراض يعلمني اهلله السالفه كامله

[عوني وخوالي روق]

هههههههههههههههههه
لاحول ولاقوة إلابالله
القيامه قربت يالربع

[فيصل بن دحيم]

أيه والله قربت

أي والله يا عوني

لكن على شرار الخلق وانا أبن روق

[بدرجدعان الخراص]

هههههههههههههههه


انا كاتب الواصل معليش

قصدي

( الواص )

[سهم عتابه الرويس]

الله يحفظك ياولد العم وماقصرت بس ولا هنت من اي موقع ناقله؟؟

[الفضي المحترف]

.................................................. ....................................
.................................................. .........................................
.................................................. ...............................

المهاترات ليست من آداب الحوار والنقاش , اطرح مالديك بكل آدب وإحترام

الإدارة

[مـغـتـرب]

والنعم بعتيبة ومطير ...!

كلن فيه حقة ... وكلهم أفضوا إلى ماقدموا ...!


كتب هذا الرد بتاريخ 25/11/2007 م

تحياتي للجميع

[عبدالرحمن الهيلوم]

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

الله يصلح شان امة محمد (( اعتيبه ومطير )) مطيتهم وحده والقبايل كلها والنعم فيها ((كلنا خرز مسباح يامةمحمد )) نفتخر بالعلوم الي ترفع اسم امةمحمد 00 نحمد الله ونشكره الي انقذنا من جاهليه العصور الغابره 00 كممن امطيري خواله عتبان !!
وكم من اعتيبي خواله مطران
الله يوفقكم دنيا واخره ويصلح عيالكم 0 فكوها سيره
(( الهيلوم1383)) احب ربعي اعتيبه وافديهم بروحي 0000000واحب كل مسلم
علي وجه الارض

[ابو عتيبي]

اخواااااااااااااااااااااااااني تعقيبي البسيط


اللي يقوول ان السمره لبعد السافه مااشاركووا


غير صحيح شارك ابن ززيد (امير السمره) وومعه محمووعه


كما هوووو وواضح من قصيدة المطيريه

[محب الهيلا]

مشكور على النقل وماقصرت

[عبدالله هادي ناشي الفليت.]

مشكور على النقل وماقصرت

[الحروب مرعبين القلوب]

السالـفه مهيب هوشـه يالربـع !!

أقصد حقين الردود . اللي عنده شي يدلي بدلوه

[محب الهيلا]

مشكور وماقصرت

[نجر بن هاجد]

اكيد شجعان معهم نجر بن هاجد ههههههههههه عاشت عتيبه عصابة راسي

[سهم جده]

مشكور وماقصرت على النقل

[عبدالعزيز البرقاوي]

مشكور سهم عتيبة

[مطيري ضيف]

حتى ريع فضيحه؟؟؟؟؟؟؟؟

وش بقى ياخواننا العتبان حتى ذي قلبتوها

ياخوفي بكره لاتقولون انكم كسرتونا بالرضيمه والحرمليه

يالربع احترموا عقولنا فيه كلامن يناقش وفيه كلام مفروغ منه

صدقت والله ياعوني حنا باخر الزمان

[الـثـقـفـي]

مشكور اخوي على الموضوع وماهي والله غريبه من عتيبه اهل الفزعه والحميه
وتقبل مروري
((عزيز الشيباني))

[اخو جوزه]

ونعم فامطير و عتيبه


وكأن ما فيه مشكله غير هالقبيلتين


الله يلجكم ( الفضي بعمل قاضي )

[الرومي]

ونعم بحمران النواظر مطير ونعم بعتيبة ...وكل قبيلة فيها حقها من رجالها.

[فهد الزيادي]

مشكور يا سهم عتيبه على القصه