تسجيل الدخول

مشاهدة النسخة كاملة : مطر العازمي جابك الله

الشمالي الغربي
19-Dec-2006, 08:10 PM
ياعتيبه الهيلا وصل شاعر جديد =يامرحبا بالعازمي يامرحبا
ابرك ليالي جابته واسعد خبر=واللي عقد روس الحبال يحلها


الله يدبر مايشاه ومايريد=في هدهد سليمان والعرش وسبا
عطني علومك فى الصحافه يامطر=واللي عقد روس الحبال يحلها
علي الثبيتي
19-Dec-2006, 08:18 PM
صح لسانك مليون

يالشمالي الغربي

ولسان مطر مقدماٌ
مطر العازمي
19-Dec-2006, 08:28 PM
دام البقا ياشاعر راسه عنيد = ياللي على الطالات والقوه ربا
ابرك ليالي كان ساعدك الدهر = واللي عقد روس الحبال يحلها
الــله يعلم ويش نيات العبيد= لكن قلّي يالشمالي وش تبى
واقر الحديث اللي رواه ابو بكر = واللي عقد روس الحبال يحلها
الشمالي الغربي
19-Dec-2006, 08:40 PM
الله الله


ترى الجمل لاصار في رجليه قيد=اما برك يالعازمي والا حبا
من ذاق لوعات الليالي يعتبر=واللي عقد روس الحبال يحلها

يالعازمي خابرك شيطانٍ مريد=تضحك بسنك من ذكا مدري غبا؟
تروي حديث ابو هريره عن عمر=واللي عقد روس الحبال يحلها
الشمالي الغربي
19-Dec-2006, 08:40 PM
النشمي

هلابك


نورت الصفحه

لاهنننننننننننت

كل التقدير
السميــــــري
19-Dec-2006, 08:54 PM
..
الشمالي
صح لساانك يامبدع ..

..
مطر العازمي صح لسانك ..

محاوره شيقة .

..
متابع ..
مرزوق حمدان العتيبي
19-Dec-2006, 11:14 PM
...
..

الله الله يابو خالد
.. مبدع وجزل وهذي عوايدك
......

وارحب ارحب يامطر العازمي
والله يحييك بين بني عمك...
وفي منتداك
..
وصح لسانك يارائع
وانا في صفك
...
الليل الليل

....
أبو نجر النفيعي
19-Dec-2006, 11:23 PM
..
صح السانك يابو خالد
مبداء رائع ومشوّق.....


..
مطر العازمي

يا مرحبا يامرحبا

يالله حيه
يالله حيه

وصح الساانك والمحل محلك والله يحييك

..
اخووكم
خلف بن مرزوق
20-Dec-2006, 12:30 AM
...
..

ابرك ليالي جابته واسعـد خبـر
/
\
/
\
/
ابرك ليالي كان ساعدك الدهر:)




صح لسااااانك يابو خالد

وصح لساااااانك يبو نيّاف


محااااااورة غير

شعراء عماااالقة ولقاء متميّز


اسعد ليالي عندما يهطل مطر


مودتي


.
مطر العازمي
20-Dec-2006, 09:26 PM
انته مجرب فالليال ومستفيد= مابين رابغ والمدينه وشعبا
اعرف مكانك مع طويلين العمر= واللي عقد روس الحبال يحلها
قدام لا تذبح ولا تحسب شهيد= اقر الكتاب وصل في مسجد قبا
ترا طريق القافله شوك وحجر = واللي عقد روس الحبال يحلها
مطر العازمي
20-Dec-2006, 09:30 PM
النشمي
مرزوق العتيبي
السميري
ابو نجر
خلف مرزوق

الشرف لي بالتواجد في منتدى الجميع وبين اخواني

وياهلا بالجميع
الشمالي الغربي
21-Dec-2006, 12:08 AM
ياشعيل وش ينفعك من كثر الهبيد؟=مدري بلاك اهيام والا انت اجربا
لاتلتفت بالعين للغصن الخضر=واللي عقد روس الحبال يحلها
ياللي تزور البنك ماعندك رصيد=البيع كاش بكاش مانقبل ربا
الله يعين اللي على البلوى صبر=واللي عقد روس الحبال يحلها
الشمالي الغربي
21-Dec-2006, 12:10 AM
مرزوق العتيبي
السميري
ابو نجر
خلف مرزوق


شرفتوا يالغالين ومرحبابكم

لاهنننتوا


كل التقدير