المساعد الشخصي الرقمي

مشاهدة النسخة كاملة : **مرزوق العتيبي مطلوب حياً أوميتاً **

أبن مسلم
14-Dec-2006, 05:42 AM
مرزوق العتيبي سلام عليكم ورحمة الله وبركاته تفضل لوسمحت فيه حوارساخن




ياسلام الله سلام (ن)عم نوره في وطنا = من هجوس الشاعر اللي مابها شكه وريبه


قوموا الصفين يالهيلا يطير النوم عنا = وأزهموا مرزوق ليننه يجي ثم ألتويبه
مرزوق حمدان العتيبي
14-Dec-2006, 11:55 AM
...
وعليكم السلام ورحمة الله وبركاته
اممممممم حوار ساخن !!!! الله يجيب العواقب سليمه
...
:)


مرحبا ترحيبة ٍ بقدوم صاحبنا تثنّا = من هجوس الشاعر اللي من تحداه يغدي به
يابن دلبح هات علمك وانتبه منا ومنّا = جاك مرزوق العتيبي ماطرا فالبال جيبه
أبن مسلم
14-Dec-2006, 01:34 PM
الله الله

إستلم يابومنذر




والله إنا من كثير الناس حنا ما أشتحنا = ولاحسبنا للضعيف ولالخضاض الغبيبه


من نقل له سيف بالدم الحمر لازم يحنا =والمريض اللي عجزتوا فيه إبن مسلم طبيبه
مرزوق حمدان العتيبي
14-Dec-2006, 01:46 PM
...

الله عليــك..
..

كفو والله ياعريب الجد يازبن المجنّا = انهض براسك ومن جاب الرديه وش تبي به
ماعجزنا . وابك حنا ..وابك حنا .. وابك حنا = في مجالسنا الشهامه والشقي نقطع نصيبه
الدماسي 2007
14-Dec-2006, 01:57 PM
...

الله عليــك..
..


ماعجزنا . وابك حنا ..وابك حنا .. وابك حنا = في مجالسنا الشهامه والشقي نقطع نصيبه

كفو والله يامرزوق والنعم

والنعم بابن مسلم
مرزوق حمدان العتيبي
14-Dec-2006, 01:57 PM
...
.
ههههههههه استغرب غياب الجمهور عن هالمحاوره؟؟
يالربع هذي اول محاوره او ثاني لشاعرنا المبدع ابن مسلم
الله الله فالتشجيع ..
..
>>>> ماسك الصف لحاله :) ويردد بيت ابن مسلم
أبو نجر النفيعي
14-Dec-2006, 01:58 PM
ماعجزنا . وابك حنا ..وابك حنا .. وابك حنا
في مجالسنا الشهامه والشقي نقطع نصيبـه

ماعجزنا . وابك حنا ..وابك حنا .. وابك حنا
في مجالسنا الشهامه والشقي نقطع نصيبـه

ماعجزنا . وابك حنا ..وابك حنا .. وابك حنا
في مجالسنا الشهامه والشقي نقطع نصيبـه

ماعجزنا . وابك حنا ..وابك حنا .. وابك حنا
في مجالسنا الشهامه والشقي نقطع نصيبـه


الله الله يابو محمد.. مبدع كما عهدناك.

وصح الساانك مليوون وصح السااان المبدع ابن مسلم

وانا بالصف
مرزوق حمدان العتيبي
14-Dec-2006, 01:59 PM
...
. سنايدي يالدماسي ولاعليك زود
اسعدنا وجودك ... يابعدي
....
مرزوق حمدان العتيبي
14-Dec-2006, 02:01 PM
..
.

ارحب يالمرعب ...
نورت الصفحه وفاح ريح النفل من حروفك
دمت وسلمت
....
أبن مسلم
14-Dec-2006, 04:12 PM
أسف على التأخير

صح لسانك يامرزوق

الله الله الله



ماعليكم زود ياراعي الحصان اللي يعنا = وفي يمينه رمح ٍ ليا أهوى به يسد التريبه


وأبك أنا صاحي مع الصاحين ومع الجن أجنا = و العصى لوتنشقر يفرح بها وجيهٍ غضيبه
أبن مسلم
14-Dec-2006, 04:16 PM
الدماسي 2007


وابونجر النفيعي


يالله حيهم دايم تجون الاولين


مارالله لايهينكم امسكو الصفوف لين يفرجها الله


وان ماجا احد يساعدكم رديناها مجالسي
كبتن عتيبه
14-Dec-2006, 04:37 PM
ماعجزنا . وابك حنا ..وابك حنا .. وابك حنا
في مجالسنا الشهامه والشقي نقطع نصيبـه

ابك ابك ابك

صح لسانك ياداهيه


وصح لسانك يابن مسلم
أبن مسلم
14-Dec-2006, 04:48 PM
كابتن مناحي



حياك الله مار ورا ماجبت الربع معك على الباص



ههههههههههههههههههههههه

تحياتي
السميــــــري
14-Dec-2006, 05:18 PM
مرزوق وابن مسلم ..

الله على المبدعين ..

شعرااااء مميزين

بس انا مع ابن مسلم ماسك صفه ..

الليل يابن مسلم ..
أبن مسلم
14-Dec-2006, 05:42 PM
السميري



هلا وغلا يابن العم وينك يابن الحلال اتصيد الفرصه على المدير


من زمان يالله حصلتها وتتركني لحالي الظاهر إني توهقت مار الله يخارجني



أول ابا اهاجم وهالحين دفاع ولاكن ماش فايده مار يمكن نقلبها صلحه

ويش رايك يابومحمد


حياك ربي
مرزوق حمدان العتيبي
14-Dec-2006, 06:44 PM
..
.

الله اكبر الله اكبر
...



انت صادق والمشاكل مستبده في زمنّا = واحمد اللي .. جاعل إلنا بين كل الناس هيبه
لاتعاونّا على لم القبيله ماوهنا = وانت تعرف ماحد ٍ للطيبه يسبق عتيبه


ملاحظه : تم تغير وطنّا الى وهنّا
بعد اكتشاف وطنّا انها سرت
مرزوق حمدان العتيبي
14-Dec-2006, 06:47 PM
..
.

ارحب ياكبتن وانت زعيم الدواهي ههههههههه
.. لاهنت على المرور العذب
...
أبن مسلم
14-Dec-2006, 09:15 PM
| خلوووووووووووها






يا مدير المنتدى جاتك على اللي له تمنا = لاتدم القبر يارجال وتكب النصيبه


نوش الورع العصى قدام بكره لاتشنا = المشاكل كلها جاتك من بنأخي زبيبه
مرزوق حمدان العتيبي
14-Dec-2006, 09:40 PM
:)

اسسسسستلم ..


مادفنّا ماحفرنا .. ماحفرنا مادفنّا = انت يارجال هاليومين لك نظره عجيبه
ياقوي العرف ليتك في تعابيرك تأنا = والغلط ماحدّ ٍ يحبه من قريب ٍ في قريبه
مرزوق حمدان العتيبي
14-Dec-2006, 09:46 PM
..
,
ارحب يالسميري
الصف واحد يابعدي بس اهم انا نحصل على شرف
حضورك ياذيبان
....


أول ابا اهاجم وهالحين دفاع ولاكن ماش فايده مار يمكن نقلبها صلحه

ويش رايك يابومحمد

هههههههههه
رايي...
ومن عفا واصلح فاجره على الله ...
..
أبن مسلم
14-Dec-2006, 10:30 PM
|
هييييييييييييييييييييييييييييييييييه


خلووووووووووووووووووووووها



واحدٍ والف لجوسويسرا ولافينا= كيف يقضي الصيف يامرزوق في السيف ولهيبه


من تأنا .من تأنا .مات ماضني تهنا = ومن يضيع للرعيه كيف إدور له ذهيبه
مرزوق حمدان العتيبي
14-Dec-2006, 10:45 PM
هالله هالله
...


البيوت اللي على غير المعزّه ماتبنّا = ياعساها للرياح اللي تخليها زريبه
الحياه ادروس والايام فيها علمنّا = من يجنب عن طريق الخير ماحد ٍ يقتدي به
أبن مسلم
14-Dec-2006, 11:09 PM
أستلم الله لايهينك



لحيةٍماتحسب حساب لرضانا من زعلنا = ليش أقدرها عساها من مصيبه في مصيبه

ومن معه في الصف صفق قلت له مانت من أهلنا =فهموه العلم مني طيب ولابالغصيبه
أبن مسلم
14-Dec-2006, 11:16 PM
أبومنذر


تشرفت باللعب مع شاعر عملاق بحجمك و حاولت مجاراتك قدر المستطاع


وأرجوا إني وفقت في ذلك ولو بالشيء اليسير وأشكرك على رحابة صدرك


والمعذره إن حصل مني إسأه لشخصك الكريم وأنت أخ عزيز والختام لديك إن
أحببت وشكراً لك ولمن شاركنا من الأخوان رغم أنني متأكد بإن البعض منهم

متابع ولم يشارك ولاكن أقول لهم شكراً وتصبحون على خير
مرزوق حمدان العتيبي
14-Dec-2006, 11:26 PM
انت غالي لك معزّه بس لاصناك صنّا = في مكان ٍ يابن عمي صار مرتع كل غيبه
والله انك شاعر ٍ رائع وتتقن كل فنّا = لاتقاطعنا بجياتك وجب معك الكتيبه

هههههههه حلوه الكتيبه
مرزوق حمدان العتيبي
14-Dec-2006, 11:28 PM
...
.
الشاعر الجزل ابن مسلم..
المحبه فالقلوب واشهد الله اني احبك فيه ...
...
بيض الله وجهك وكان لي شرف اللعب معك
والفضل لله ثم لك على اتاحت الفرصه ..
.....
تقديري واحترامي
....
تركي البرّاق
14-Dec-2006, 11:38 PM
السلام عليكم ورحمة الله وبركاته


والله انك شاعر ٍ رائع وتتقـن كـل فنّـا
لاتقاطعنا بجياتك وجب معـك الكتيبـه


والله انك شاعر ٍ رائع وتتقـن كـل فنّـا
لاتقاطعنا بجياتك وجب معـك الكتيبـه


والله انك شاعر ٍ رائع وتتقـن كـل فنّـا
لاتقاطعنا بجياتك وجب معـك الكتيبـه


والله انك شاعر ٍ رائع وتتقـن كـل فنّـا
لاتقاطعنا بجياتك وجب معـك الكتيبـه

الللللللللليييييييييييييييييييييييييييل كلالالالام يامرززززوق صح لسسسسسسانك

وصح لسسسسسسسسسسسانك يابن مسسسسسسلم


وازهل الصف يامرزوق دون قصور في بن مسسسلم

حاضرين للمتابعه والاستفاده


تحياتي,,,
مرزوق حمدان العتيبي
14-Dec-2006, 11:42 PM
...
.

ارحب يامروي الشطير...
ونعوضك في مرات جايه المحاوره انتهت لاعدمتك :)

..
نورت
فهيد الايدا المورقي
15-Dec-2006, 11:21 AM
انت غالي لك معزّه بس لاصناك صنّا = في مكان ٍ يابن عمي صار مرتع كل غيبه
والله انك شاعر ٍ رائع وتتقن كل فنّا = لاتقاطعنا بجياتك وجب معك الكتيبه

هههههههه حلوه الكتيبه



الله

الله

صح لسانك يابو محمد


وصح لسان ابن مسلم


لعب جزل بجزالة الشعار


الله يعطيكم العافيه


وابن مسلم علامه ما جاب الكتيبه

شكل عندهم مرابطه

هههههههههههههههههههههه
أبن مسلم
15-Dec-2006, 11:37 AM
مروي الشطير وبناخي الأيداء



شكراًلكم والكتيبه ما تدخل إلا في الوقت المناسب


وأنا ومرزوق أحباب يعني مالهم داعي