ليت ضلعان الحجاز اتطب في نجد العذيه!!..(نايف الحميدي)

[كبتن عتيبه]

يالحميدي عندكم في نجد مشكل مايحلاّ=ليت ضلعان الحجاز اتطب في نجد العذيه!!

مير بالِله حلّو اللي صار ياهل نجد والاّ=اقفلوا بيبانها بآقفال ..والباقي عليه!!

[ذياب]

,

,,

الله الله

شلال متدفق

من الابداع

صح السانك مليون يالكبتن وصح السان نايف

مقدماً

سروها يالنشاما

,,

,

[نايف الحميدي]

غيمةٍ ترعد لها يومين والثالث تجلا=كلها من فضل ربي والرياح الموسميه




صاحبك عن لازمه طول الليالي ماتخلا=وانته ونعمين بس الصبر واحل القضيه

[نايف الحميدي]

هلابك ياذياب



منور

[كبتن عتيبه]

طيب..طيب



كم نردد فوقكم ياربعنا حاشا وكلا=مير نحداكم كذا.. والوقت يحداكم كذيّه!!

الزمان الجاهلي ياربعنا العتبان ولاّ=مير بالِله لا تحفرون القبور الجاهليه!!

[نايف الحميدي]

انت من جدك تكلم او بس انك تسلا=الخطا محدٍ رضابه لاهناك ولاهنيه




تدري ان الجدي في عرض السماءنجمٍ تعلا=فالسنين الحاضره ولا السنين الاوليه

[كبتن عتيبه]

طيب طيب


اختلفتم فالمطوّع واختلفتوا فالمصلاّ=ياجماعتنا ترى الذمّه من الذمّه بريه!!

والسماء كله نجوم وكل نجمً له محلاّ=فالديار المشرقيه والديار المغربيه!!

[الفلاق]

اختلفتم فالمطوّع واختلفتوا فالمصـلاّ
ياجماعتنا ترى الذمّه من الذمّه بريه!!



هههههههههههههه



صح لسانكم

[نايف الحميدي]

يامناحي لاتزل الهرج حنا مانزلا=المطوع ماجهلته زاهدٍ نفسه رضيه






النجوم المرقبه من بينها نجمٍ مطلا=وانت رجالٍ تعد الحق متبغا وصيه

[نايف الحميدي]

الفلاق





حياك ربي















نورت الصفحه

[كبتن عتيبه]

طيب طيب


من هو اللي من هل الديره على الديره تولاّ؟؟=لا تقولون الرعاه ثنعش وتضيع الرعيه!!

مايذمّ اللي بضيفان الوفاء رحب وهلاّ= مايذمّ الا البخيل اللي تواصيفه رديه!!

[كبتن عتيبه]

الفلاق ارحب يالغالي

[نايف الحميدي]

واحدٍ لامنها ثارت يسل السيف سلا=والرجال الثانيه جنبه بعز ومقدريه





قلتها واقولها والرجل بالطيب يتحلا=بارك الله فالرجال اهل الوفاء واهل الحميه

[كبتن عتيبه]

ياهل المنحل نبى منكم عسل حالي محلاّ=وكان ماحاصل عسل يبقى نحلكم فالخليه..

والله اني عن بلادي ياعتابه ماتجلاّ=لويشد النير وتعوّد لمقلعها طميه!!!

[نايف الحميدي]

العسل ماهوب عندي بين صنعاء والمكلا=مير اخذ فنجال ياراع الوفاء امن الشاذليه






مايمل القلب من دار المعزه مايملا=حبها فالقلب يبقى يالسنين السرمديه

[كبتن عتيبه]

طيب طيب


وأهل صنعاء والمكلا عندهم قدر يتملاّ=مير ظني مانحصل من وراهم لو شويه!!

باقي اسبوعين يانايف وذي الحجه يهلاّ=انتهى عيد الفطر واللي بقي عيد الضحيه..


اخوي نايف كان بودّي ان تطول المحاوره اكثر

ولكن الساعه4ونص

استاذنك

والختام عندك

[نايف الحميدي]

مارجيناهم ولاشلنا على ذولاك غلاٌ=نرتجي رب السماء والارض خلاق البريه






باقي اسبوعين طبعاً والشهر هاذا يزلا=وابشر ان الخير مقبل كان عندك قابليه

[نايف الحميدي]

الله لايهينك





استمتع بالعب معك






لاهنت اخوي

[مرزوق حمدان العتيبي]

...
.

الله عليكم يامبدعين..
..
صح لسان الكبتن وصح لسان المعلم ..
...
مودتي
....

[سلطان الجـذع]

الكبتن صح لسانك يامعلم ...
بصراحه شاعر كبير وشهادتي فيك مجروحه









نـــــايف صح لسانك ابدعت امام شاعر
كبير تصعب مجاراته ..


فكلاكما كبار ومبدعين

[فهيد الايدا المورقي]

الله الله الله

ياسلااااااااام

ابداع ولعب كايف


فتل ونقض غلى معنى


الكبتن مناحي شاعر عملاق


نايف الحميدي شاعر مبدع

والمحاوره عالميه عالميه عالميه


لله دركم على الابداع والتالق الدائم

[كبتن عتيبه]

مرزوق

سلطان

بناخي الايداء


نورتو الصفحه

لا هنتوووووا

[نايف الحميدي]

مديرنا الفاضل


سلطان الجذع




الايداء





شكراً على الاطراء الجميل







تحياتي