المساعد الشخصي الرقمي

مشاهدة النسخة كاملة : مرثية فالأمير / نايف بن عبدالمحسن بن حميد رحمه الله


ابن حميد
08-Dec-2006, 11:01 AM
هذه القصيده مرثية فالأمير / نايف بن عبدالمحسن بن حميد رحمه الله و اسكنه فسيح جناته


يامل قلب(ن) كل ماجرهد الليل ..... قام يتوقد مثل حام المليله

من كثرة الأحزان ذاق البهاذيل ..... واهني من حلو الكرى يستويله

ومع السهر وابل عيوني هماليل ..... مالي سوا رب العباد اشتكيله

مابكي على الدنيا ولا خوفة الميل ..... فقدت سيف(ن) من سيوف القبيله

فقدت نايف راعي البن و الهيل ..... والمنسف اللي جودنا ينتميله

فقدت ليث الجود و الجاه حلحيل ..... حلحيل شيخ يحلحل المستحيله

أرسى من الأوتاد و اعذب من النيل ..... للعاني أعذب من رشاش المخيله

في ساعة الموقف دليلة دواليل ..... تنسب له الشيخه و عقله دليله

أقفى سليلة متعب الجيش و الخيل ..... سليلة(ن) ياطيبها من سليله

لا قالوا ابن حميد يرجح له الكيل ..... من روس ربعي محتمين الدبيله

رجال ترجع له عقول الرياجيل ..... الفعل صارم و النبا سلسبيله

كم قاد فوج أهل الكرم ذابح الحيل ..... وكم فك مرهون الزمن من عميله

طلق الحجاج مسهل الصعب تسهيل ..... الطيب فرضه و التواضع نفيله

محشوم عن مسرح هل القال و القيل ..... حر مكانه فوق راس الطويله

أقفى من الدنيا زبون المعاميل ..... الضيف نادر و المضيف كفيله

ضيف الكريم اللي هزم زمرة الفيل .... ماخاب من عند الكرب يلتجيله

ويقطعك يادنيا الشقا والغرابيل ..... كم فرق بين الخليل وخليله

صفو السعاده يقتفيها عراقيل ..... ونكباتها مابين يوم(ن) وليله

ويالله يامن تدفع الجيل بالجيل ..... تجعل مقره فالجنان الظليله

وأجعل عوضنا فالرجال المشاكيل .... اخوان نايف طيبين الحصيله

وعيال نايف نايفين المناهيل ..... أهل المكارم والدروب الجميله

وصلاة ربي عد ماينبت السيل ..... على الرسول المصطفي والفضيله

الشاعر / حمود بن زايد السليس العتيبي

مرزوق حمدان العتيبي
08-Dec-2006, 12:55 PM
...
.

رحم الله الشيخ نايف .. واسكنه فسيح جناته
وولدينا واموات المسلمين ....
وصح لسان ابن عمنا السليس..
..

الأمــير
08-Dec-2006, 01:37 PM
الله يرحمه ويسكنه الجنه قصيده معبرره صراحه


اسمحلي بتنسيقها

الأمــير
08-Dec-2006, 01:39 PM
يامل قلب(ن) كل ماجرهد الليل ...=.. قام يتوقد مثل حام المليله

من كثرة الأحزان ذاق البهاذيل .=.... واهني من حلو الكرى يستويله

ومع السهر وابل عيوني هماليل ...=.. مالي سوا رب العباد اشتكيله

مابكي على الدنيا ولا خوفة الميل ...=.. فقدت سيف(ن) من سيوف القبيله

فقدت نايف راعي البن و الهيل ..=... والمنسف اللي جودنا ينتميله

فقدت ليث الجود و الجاه حلحيل ...=.. حلحيل شيخ يحلحل المستحيله

أرسى من الأوتاد و اعذب من النيل ...=.. للعاني أعذب من رشاش المخيله

في ساعة الموقف دليلة دواليل ..=... تنسب له الشيخه و عقله دليله

أقفى سليلة متعب الجيش و الخيل ...=.. سليلة(ن) ياطيبها من سليله

لا قالوا ابن حميد يرجح له الكيل ...=.. من روس ربعي محتمين الدبيله

رجال ترجع له عقول الرياجيل ...=.. الفعل صارم و النبا سلسبيله

كم قاد فوج أهل الكرم ذابح الحيل ..=... وكم فك مرهون الزمن من عميله

طلق الحجاج مسهل الصعب تسهيل ..=... الطيب فرضه و التواضع نفيله

محشوم عن مسرح هل القال و القيل ...=.. حر مكانه فوق راس الطويله

أقفى من الدنيا زبون المعاميل ....=. الضيف نادر و المضيف كفيله

ضيف الكريم اللي هزم زمرة الفيل .=... ماخاب من عند الكرب يلتجيله

ويقطعك يادنيا الشقا والغرابيل ...=.. كم فرق بين الخليل وخليله

صفو السعاده يقتفيها عراقيل ..=... ونكباتها مابين يوم(ن) وليله

ويالله يامن تدفع الجيل بالجيل ..=... تجعل مقره فالجنان الظليله

وأجعل عوضنا فالرجال المشاكيل .=... اخوان نايف طيبين الحصيله

وعيال نايف نايفين المناهيل ....=. أهل المكارم والدروب الجميله

وصلاة ربي عد ماينبت السيل ...=.. على الرسول المصطفي والفضيله

متعب العصيمي
08-Dec-2006, 01:57 PM
الله يرحمه بواسع رحمة00 ويجعل قبره روضه من رياض الجنه واموات المسلمين0
وصح لسان الشاعر / حمود بن زايد السليس العتيبي
ولاهنت على النقل يبن العم
موودتي

الينوفي1
08-Dec-2006, 11:14 PM
صح لسان الشاعر/ حمود بن زايد السليس العتيبي على هالقصيدة المعبرة الرائعة بالفعل


وشاكر لك ابن العم على النقل لهذه القصيدة ،،،،








اللهم ارحم أمواتنا وأموات المسلمين،،،،

البدوي الاخير
08-Dec-2006, 11:55 PM
رحم الله الشيخ / نايف بن عبد المحسن بن حميد رحمة واسعة واسكنه فسيح جناته واحسن الله عزائك وعزاء عتيبة كلها يابن حميد
وصح لسانك يالسليس

ابن حميد
12-Dec-2006, 04:12 AM
صفـو السعـاده يقتفيهـا عراقيـل .... ونكباتهـا مابيـن يـوم(ن) وليلـه

ابن حميد
21-Nov-2008, 12:26 AM
الامير نايف بن عبدالمحسن بن حشر بن حميد يرحمه الله


http://i427.photobucket.com/albums/pp359/binhumaid/1.jpg

ذيب النفود
21-Nov-2008, 01:07 AM
رحم الله الشيخ / نايف بن عبد المحسن بن حميد واسكنه فسيح جناته

صح ألسان حمود السليس

محمد العتيبي
22-Nov-2008, 10:30 AM
صح لسان الشاعر / حمود السليس


والله يرحم الامير /نايف بن عبدالمحسن بن حميد ..

ويرحم اموات المسلمين ..

لاهنت ع النقل يابن حميد
...