الكبتن مناحي لا هنت

[مشهـور]

نشوفك نشيط الليله ونبي ندردش معك:)


ورطت نفسك وأبا ورطك واهزك=واحداك حدي الضوامي حدي والزك

وليا حداك العتيبي ينتهي عزك=تبغا الصراحه حقوق الطبع محفوظه


أنته حجازي والحجازي في حجازه مايروح=ماطب نجد ولا درى بالي جرى فاطرافها

واكبر ظليمه مصدر العتبان يرجع عند نوح=شفت الظليمه مير مدري فيه غيري شافها

[كبتن عتيبه]

هلا والله ..ونتشرف ..والنشاط يعلم به الله..ههههههه


عزالله اني قبل لا اعرفك عزيتك=واليا ذبحتك بشعري صبح عزيتك
وان جات للهز هزيت ولزيتك=تبي الصراحه حقوق الطبع محفوظه
*=*
أنا حجازي وانت نجدي فالديار ام الفسوح=تراك لانت بقدم خلق الله ولا أنت خلافها

ماهي ضليمه بل معزّه وانت دمّك لا يفوح=انشد هنيدس والعرب ترجع على عرافها..

[علي الثبيتي]

صح لسانك يامشهور ولسان الكبتن


ماهي ضليمه بل معزّه وانت دمّك لا يفوح=انشد هنيدس والعرب ترجع على عرافها

[حمد بن جوباح]

ورطت نفسك وأبا ورطك واهزك=واحداك حدي الضوامي حدي والزك

وليا حداك العتيبي ينتهي عزك=تبغا الصراحه حقوق الطبع محفوظه


أنته حجازي والحجازي في حجازه مايروح=ماطب نجد ولا درى بالي جرى فاطرافها

واكبر ظليمه مصدر العتبان يرجع عند نوح=شفت الظليمه مير مدري فيه غيري شافها


.
..


طيب طيب يا مشهور :)

صح لسانك طال عمرررررك

وعان الكبتن جاك جاك .. مير انتبه لا تجي في طرف سبحته

هههههههههههههههههه

.
.
.







متابع :) متابع

[حمد بن جوباح]

هلا والله ..ونتشرف ..والنشاط يعلم به الله..ههههههه


عزالله اني قبل لا اعرفك عزيتك=واليا ذبحتك بشعري صبح عزيتك
وان جات للهز هزيتك ولزيتك=تبي الصراحه حقوق الطبع محفوظه
*=*
أنا حجازي وانت نجدي فالديار ام الفسوح=تراك لانت بقدم خلق الله ولا أنت خلافها

ماهي ضليمه بل معزّه وانت دمّك لا يفوح=انشد هنيدس والعرب ترجع على عرافها..

.
..

مبدع مبدع يا الكبتن

صح لسانك مليووووون

هزيت << هزيتك :)

وعاني جايب صفوفي طوابير

وطالب صفوف مسانده للاحتيااااط

هههههههههههههه

.
.
.







الليل الليل

[مشهـور]

الله الله

ههههههههه

والله البلشه الي طلبتهم ماجوك وهالحين بتفضا لي

لا والله الي ورطت نفسي:)








حنا نزلنا بنجد ونرفع الهامه=يوم أكثر الناس فالضلعان فحامه

سلم على نجد لا روحت لتهامه=تبغا الصراحه حقوق الطبع محفوظه


بدري تمشيها عليّه والوعد فوق السطوح=الناس نعرف شكلها والوانها وأوصافها

علم النسب علمن خطير وصعب يالقلب النصوح=كم واحدن طلع عرب لزق عرب بحلافها

[مشهـور]

حمد جوباح صديقي ضدي الليله ههههههههههه
أجل ابعلم:)
ههههههههههههههه

حياك والله ياحمد يالامير

-------------------

النشمي حياك يالغالي وصح بدنك ولا هنت

[علي الثبيتي]

قلبي فطين وعارف أقلوب العـرب وأوصافهـا

الله الله الله الله

شعار متمكنين

[كبتن عتيبه]

هههههههههه

الله يخارجنا..


حنّا بروس الجبال اذياب وانت ادرا=نسري مسار ي الذياب ان صكت الغدرا

وانتم حدرتو حدر ودياركم حدرا=تبي الصراحه حقوق الطبع محفوظه
*=*
اللي يبى يمزح معي يصبر على بعض المزوح=ترى السعوديه بمكاو (200) أهدافها

ياربعنا العتبان بالِله لا تزيدون الجروح=بغداد راحت والعرب نسيت شكل صحافها!!

[كبتن عتيبه]

الله يهديك يالنشمي


ماتخلي شي؟؟؟؟؟

[علي الثبيتي]

الليل الليل

ياكبتن

تراني لازم الصف لين يشيب القاف

[مشهـور]

النشمي لا تلف ولا تدور البيت مافيه شي لاتحاول بهاذي الطريقه ترى ماهي طيبه

[سلطان الجـذع]

الله الله الله




محاوره عمالقه متابع للنهايه

[الهمرق 99]

صح لسانك يا كبتن و لاهان مشهور

[كبتن عتيبه]

الا خوان المتواجدين


الله يحييكم جميع

[مشهـور]

الله يهديك يالنشمي حستنا وغيرنا البيت على شانك
ولخبطت اللعب:)


جيتوا براس الجبل بالموز وقشوره=ساجنكم الضلع وتخوفكم أنموره

وحنا رجال الوغا لا قامت الثوره=تبغا الصراحه حقوق الطبع محفوظه


واللي يبا يلعب معي لا ينسدح تحت السروح=يفتل وينقض فالسنين أسمانها وأعجافها

أتقولها من خوف يالكبتن وخلفتكم رموح=ماعاد تقدر تحتلبها والرجال أتعافها

[مشهـور]

سلطان الجذع حياك يابن العم وحنا نتعلم من الشعار الكبار مثلك ومثل الكبتن

---------------

الهمرق حياك ولا هنت

[كبتن عتيبه]

الله بهدي الجميع.هههههههه



حنا رجال العلالي والله العالي=والموز ماهو بللعتبان يالغالي
حاول تعرف الحقيقه يابعد حالي=تبي الصراحه حقوق الطبع محفوظه..

**=**
**=**
بعض السوالف ياعتيبه هيكلً من غير روح=مير العلوم اللي تشرّف لا يشيّب قافها

لن كان خلفتنا رموح.. اكيد خلفتكم مسوح=الناس ماتجزى وتعطى اسلاف غير اسلافها

[نواف العصيمي]

الله الله الله


صح لسانك يامشور وصح لسانك يالكبتن مناحي


وصف الكبتن مناحي :) ولايهون مشهور




لكم التقدير والإحترام

[كبتن عتيبه]

اسير الصمت


هلا يالغالي


وجودك اكبر شرف


وبيّض الله وجهك على الهديه الحلوه

[سعود المغيري]

الليل ياعتابه







|189| |189| وصح لسانكم|189| |189|

[ناصر الجلاه]

مشهـــــور



والكبتن مناحي


صحت ابدانكم


واعذرونا على التاخير



واصلووووووا متابعين للاستفاده

[مشهـور]

بعض السوالف تجي بالهون وتروحي=وثبيت زعلوا وأنا رجالن أمزوحي

ياربعي اثبيت عمري يابعد روحي =تبغا الصراحه حقوق الطبع محفوظه


مهما حصل مهما جرى ياصاحبي خلك سموح=ترى السماحه طبع لوساع الصدور أنضافها

ظلمتني ياراعي البندق ماغار تكوح كوح=اقصر لها وافطن لها بندقك وين أنصافها





:)

[خوي السعد]

ونعم بعتابه كلها شعار كبار ولعبكم راقي
صح لسانك يابو مشهور وسجلني في صفك ويعيش الكبتن مناحي

[مشهـور]

جميع الاخوان الي سجلو حضورهم مرحبا فيكم كلكم وحيا الله كلن باسمه

[علي الثبيتي]

الاخ مشهور الله يبض وجهك

انا ابا الفكه من الكبتن

قلت اربط شوشكم وانحاش ههههههههههههههه

صحت لسنتكم شاعر كبار والله يعطيكم العافيه
ولكم ودي وتقديري



لن كان خلفتنا رموح.. اكيد خلفتكم مسوح=الناس ماتجزى وتعطى اسلاف غير اسلافها

[محمد سعيد القحطاني]

أتقولها من خوف يالكبتن وخلفتكم رمـوح
ماعاد تقـدر تحتلبهـا والرجـال أتعافهـا



************************************************** ********


مشهور 000000صح اللسانك

رااااائع 0000000

وانا بصفك




كبتن مناحي 000صح اللسانك


واصــلــــــــــــــــــــــو

[مشهـور]

ابك أنا مربكني الكبتن ومنشفن ريقي وأنت باقي تحارشه علي

ههههههههههههههه

الله يخارجنا

من حقين الاوسمه يروعون :)

[مشهـور]

السنحاني مادامك في صفي محتزم ماعلي راح الكبتن فيها هههههههههه

لاهنت يابو شنب

[الشبـــح]

صح لسااانك يامشهوووور

وازهل الصف . الليل على الكبتن .هههههه

وصح لساانك يالكبتن ..

[كبتن عتيبه]

المزح جايز ولا به بيننا مشكل=وانته لاهالحين مثل الدفتر الكشكل!!
والناس لاا شافوا الغاوي عطوه اشكل=تبي الصراحه حقوق الطبع محفوظه

*=*
*=*
سيوفنا والله مانبغاهابمزحم والطلوح=سيوفنا يمّ العدا والعز مع سيافها

المسلمين اخوان يالعتبان من عصر االفتوح=مير الخوارج تختلف مايتفق ميقافها

[مشهـور]

صح بدنك يالشبح وعندك النشمي اشغله عني ياتاج راسي لا تخليه يلقا فرصه يجي لصفحه

هاذي هههههههههههه

[محمد سعيد القحطاني]

المسلمين اخوان يالعتبان من عصر االفتوح
مير الخـوارج تختلـف مايتفـق ميقافهـا



**********************************

صحت اللسنتكم يا شعار

واصلووووووووو

[سفيرمطير]

صح لسانكم شعراء متميزين

[علي الثبيتي]

صح بدنك يالشبح وعندك النشمي اشغله عني ياتاج راسي لا تخليه يلقا فرصه يجي لصفحه

هاذي هههههههههههه افا يامشهور يعني محد يبا النشمي اجل تصبحون على خير























ههههههههههههههههههه
يبا الفكه ويدور عذر

[مشهـور]

اللي يشوفك يقول أنك ولا بعدك=لاكن ماحدن شرى قربك ولا بعدك

مير المداهن يمشيكم وياسعدك=تبغا الصراحه حقوق الطبع محفوظه


أسيوفنا من خوفها العربان يكسون الطلوح=والعشر لامنا غزيناهم يطيح أنصافها

ترى السفينه فالبحر بشراعها والارض لوح=وأنته معك مسمار والجمه على غرافها

[مشهـور]

الاخوان الي شاركونا ياهلا والله بالجميع وأنت يالنشمي لا تروح مانستغني عنك:)

[كبتن عتيبه]

حنا لاشفنا المعادي ما نماهله=لين العدو من مراعه بطنه يهله
واللي يريد المداهن صبح ندهله=تبي الصراحه حقوق الطبع محفوظه..

*=*
*=+
هذاك اخو هملا وفعله صدق مايبغى شروح=والله وسبع انعام ياقومً هذا ميقافها

وانا معي مسمار لو اضربّه يدين الشحوح=والله ليكتفها ويبطي مايفك اكتافها

[مرزوق حمدان العتيبي]

...
.

حضور ومتابعه الله يعطيكم العافيه ..
....
..
.

[كبتن عتيبه]

هلا والله يامدير ....ارحب ملايين

[أبو نجر النفيعي]

..
الله الله
ابك هذي ويننا عنها ..؟؟؟
صح السنتكم يالمبدعين..
شعار كبار والكبير الله..

وانا بين الصفين.... :)

.

[نايف الحميدي]

الله الله



صحت قلوبكم



ياشعار





اخبرك ياكبتن مشاء الله عليك اليوم مشعلل


عوايدك الطيب





واصلو وعلى القوه





متابع

[كبتن عتيبه]

يامرحبا والله


يانايف الحميدي


بخير يامال الخير


ماننشد الا عن سلامتك

[مشهـور]

لا والله الا ماتبغا الستر يامناحي=أعلومنا من وحمها جاكم الماحي

هذا وأنا مازعلت وجيت بسلاحي =تبا الصراحه حقوق الطبع محفوظه


هذال ابن عمي وأنا اقرب لك منه والنور ضوح=ياما ضربنا نجد عرض وطول ياخوافها

وأنا معي شلفاً تقص العضم يالوجه الصبوح=وأسقيك يابن ثبيت من بعض السموم أزعافها

[مشهـور]

ابو نجر صح بدنك وحياك يالمشرف الغالي:)

----------------

مرزوق صح بدنك وحياك يالمدير الغالي:)

---------------

نايف حياك يالشاعر الغالي:)

[كبتن عتيبه]

مشهور صح لساانك


الليل سرى وانا اخوك


والقاف


شاااااب


اشكر الاخوان اللي تواجدوا



تصبحوووووون على1000خير


كبتن مناحي

[مشهـور]

صح بدنك و ودنا استمرينا معك شوي :)

يالكبتن لكن لايجي في خاطرك شي

ترى الدعوى مزوح تجي وتروح :)

[محارب الزلّه]

صحت السنتكم ياشعار


وبيض الله وجيهكم