قم يامرزوق العتبي وقابلك قبيل

[بن مسفر الغامدي]

-------------------------------------
--------------------------------------------
----------------------------------------------------

ياسلام الله سلامن غلاه اكبر دليل=في رضى العتبان اجيبه بوزن وراحله
قم يامرزوق العتيبي وقابلك قبيل=الصديق يواصله والعدو يستاصله---------------------------------------------------
------------------------------------------
----------------------------------

لدي امنيه ان اتحاور انا والخلوق والمشرف مرزوق العتيبي
فهل ياترى تتحقق

[عمرالروقي]

-------------------------------------
--------------------------------------------
----------------------------------------------------

ياسلام الله سلامن غلاه اكبر دليل=في رضى العتبان اجيبه بوزن وراحله
قم يامرزوق العتيبي وقابلك قبيل=الصديق يواصله والعدو يستاصله---------------------------------------------------
------------------------------------------
----------------------------------

لدي امنيه ان اتحاور انا والخلوق والمشرف مرزوق العتيبي
فهل ياترى تتحقق

0
0
0
0
0
0
صح لسانك
يبن مسفر الغامدي
ولاهنت
0
0
0
0 وان شاء الله تتحقق امنيتك
بمحاورة الاخ العزيز مرزوق العتيبي
ونحن جميعا
متابعين
لكما
-------
وبالتوفيق
وصح لسانك يبومنذر
مقدما

[بن مسفر الغامدي]

0
0
0
0
0
0
صح لسانك
يبن مسفر الغامدي
ولاهنت
0
0
0
0 وان شاء الله تتحقق امنيتك
بمحاورة الاخ العزيز مرزوق العتيبي
ونحن جميعا
متابعين
لكما
-------
وبالتوفيق
وصح لسنك يبومنذر
مقدما

وصح ابدنك يااخ عمر
وشكرا خاص جدا على اهتمامك بالموضوع

[السميــــــري]

الله الله ..

مبدع يابن مسفر ..
موجود يجي ان شااء الله قريبا..

...

[علي الثبيتي]

الله الله
الغامدي
صح
لسانك

وننتظر

ابومحمد

[بن مسفر الغامدي]

السميري
----------
النشمي
==============

شكرا الف لمروركما
واتمنى ان يحضر ابومحمد

[مرزوق حمدان العتيبي]

...
.
ارحب يابن مسفر
والشرف لنا طال عمرك
.....

مرحبا ترحيبة ٍ مايقدمها البخيل = في محل اهل الكرم والعلوم الفاضله
شد حيلك يابن غامد ومشوارك طويل = من دخل فالملعبه ماش معه مجامله

[مرزوق حمدان العتيبي]

..
.

الاخوان ..
..

عمر الروقي..
.

السميري

.
النشمي
.. شكراً لكم على تواجدكم
مع تقديري واحترامي
....

[عمرالروقي]

...
.
ارحب يابن مسفر
والشرف لنا طال عمرك
.....

مرحبا ترحيبة ٍ مايقدمها البخيل = في محل اهل الكرم والعلوم الفاضله
شد حيلك يابن غامد ومشوارك طويل = من دخل فالملعبه ماش معه مجامله
0
0
0
0
0
صح
لسانك يبو منذر
ولاهنت
واصلوا متابعين

[بن مسفر الغامدي]

...
.
ارحب يابن مسفر
والشرف لنا طال عمرك
.....

مرحبا ترحيبة ٍ مايقدمها البخيل = في محل اهل الكرم والعلوم الفاضله
شد حيلك يابن غامد ومشوارك طويل = من دخل فالملعبه ماش معه مجامله

البقى ياصاحب الراي والعلم الجليل
انت واعتيبه اهالي اليدين الطايله
==========
ياجمل ماهو علشان ان اسمك شعيل
لازم اتهيب الجمال وتقود القافله

[مرزوق حمدان العتيبي]

مايهاب اشعيل والحمل لو انّه ثقيل = يرتكي له والبعارين قدمه جافله
يابن مسفر لاتخلي حلالك فالمسيل = لاو صلك السيل ماتسطيع مقابله

[بن مسفر الغامدي]

يابعير ان اعرفك واعرف ان مانت بعليل
اي وربي اعرفك يابعير القايله
================
ايه يامرزوق وان صار لك حل وحليل
لاتهدد بالمطر والسيول السايله

[مرزوق حمدان العتيبي]

ابرقت ثم ارعدت والخطر وسط المخيل = مير صوّت للعرب باستغاثه عاجله

اشهد انك شاعر ٍ بالشعر مالك مثيل = لو عرفت معادله (ماعرفت امعادله )

[الأمــير]

الله الله

====


الغامدي


صح لسانك


=====

والشان اخوي مرزوق
ابومحمد

[بن مسفر الغامدي]

ابرقت ثم ارعدت و امطرت في ربع ليل
واللي حلم البارحه اه علم القابله
============
اشهد انك شاعرا وان امثالك قليل
مير ركز في النقاط الثلاث الفاصله

[الفراهيدي]

الله الله

على القوه يالشعار

كبار كبار والله

[مرزوق حمدان العتيبي]

الحلوم الها مفسر ولايمكن يعيل =والنقط واحروفها والنتيجه عادله
ماعلى رجل ٍ قوي العزايم مستحيل = غير قدمك شي ماظن تقدر تاصله

[بن مسفر الغامدي]

الله يرحم بوك لا تستزل ولاتزيل
لا تخلينا نروح الدروب المايله
===========
خل صوت العقل يطغى على العلم الهبيل
واللي يفطر بالبصل ياعرب وش صام له

[مرزوق حمدان العتيبي]

خايف انه تجرحك شذرة السيف الصقيل = ومن جرحه السيف يالغامدي عزاه له
ان هرجت بطيب حنا هل النهج الفضيل = ون بغيت الشر من جا يباه انقاتله

[ابو لمار]

الله الله الله الله

ابداع من الطرفين

صح لسانك يابن مسفر

صح لسانك يابو محمد

قاف رائع وشعار كبار

واصلوا للمتابعه بقوه
؛؛؛
؛؛
؛
تحياااااااااااااااتي

[مرزوق حمدان العتيبي]

...
.

ذيب الحنابج..
صح بدنك شرفت ياغالي
....

[مرزوق حمدان العتيبي]

...
.
الفراهيدي
صح بدنك ياغالي ...
نورتنا بحروفك ..
.. دمت ودام تواصلك
.....

[مرزوق حمدان العتيبي]

...
.

هلا وغلا يابو لمــار
..
صح بدنك شرفتنا وانت الابداع
..
اخوك
...

[نايف ابن حديد]

مرزوق العتيبي

ابن مسفر الغامدي

صحت السنتكم

لاهنتوا

[مرزوق حمدان العتيبي]

...
.
هلا وغلا ياحشار
نورت يابن العم ...
اشتقنا لحروفك لاعدمتك
.....

[عمرالروقي]

0000000000000
حظرت
لاسجل اعجابي
بهذه المحاوره
-------------
صح لسانك يالغامدي
وصح لسانك
يبو محمد
ولاهانوا المتابعين
00000000000000
الليل
الليل
يبو محمد
وسجلني حظور في صفك
ولا يهون صبي غامد
000000000000000

[فهيد مقعد الرويس]

الغامدي\\\\\\ ابومنذر

صحت السنتكم

طاروق اكثر من رائع

تحيتي وتقديري للجميع

[أبن مسلم]

إبن غامد


وعمي مرزوق



صحت إلسنتكم وعساكم على القوه والمعذره والله إن لي ساعتين


وانا وقليل الرحا م جهازي وشركة الإتصالات في جهاد يالله يالله قدرت

أصلكم مار الله يعين وواصلوا

[فهيد الايدا المورقي]

ابو محمد صح لسانك


طاروق مميز وابداع

الغامدي صح لسانك ومرحبا هيل

واصلوووووووووووووو


متابعين

[بن مسفر الغامدي]

خايف انه تجرحك شذرة السيف الصقيل = ومن جرحه السيف يالغامدي عزاه له
ان هرجت بطيب حنا هل النهج الفضيل = ون بغيت الشر من جا يباه انقاتله

=======================
===========================
اسر ياليل القصايد وجنب ياذليل
انما الدين النصيحه وحسن امعامله
------------------
--------------------
ان بغيت الشر بتشوف من يصبح قتيل
وان بغيت الطيب خل الثقه متبادله

[بن مسفر الغامدي]

هنا نورد لكم المحاوره كامله




------------------------------------------------------------------------------------------------------------------------------------------------------------------------------------
ياسلام الله سلامن غلاه اكبـر دليـل
في رضى العتبان اجيبه بوزن وراحله
قم يامرزوق العتيبي وقابلـك قبيـل
الصديق يواصله والعـدو يستاصلـه
==================
مرحبا ترحيبـة ٍ مايقدمهـا البخيـل
في محل اهل الكرم والعلوم الفاضلـه
شد حيلك يابن غامد ومشوارك طويل
من دخل فالملعبه ماش معه مجاملـه
=====================
البقى ياصاحب الراي والعلم الجليل
انت واعتيبه اهالي اليدين الطايله

ياجمل ماهو علشان ان اسمك شعيل
لازم اتهيب الجمال وتقود القافله

======================
مايهاب اشعيل والحمل لو انّه ثقيل
يرتكي له والبعارين قدمه جافلـه
يابن مسفر لاتخلي حلالك فالمسيل
لاو صلك السيل ماتسطيع مقابلـه
========================

يابعير ان اعرفك واعرف ان مانت بعليل
اي وربي اعرفك يابعير القايله
ايه يامرزوق وان صار لك حل وحليل
لاتهدد بالمطر والسيول السايله

=====================
ابرقت ثم ارعدت والخطر وسط المخيل
مير صوّت للعرب باستغاثـه عاجلـه
اشهد انك شاعر ٍ بالشعر مالك مثيـل
لو عرفت معادله (ماعرفت امعادلـه )


========================
ابرقت ثم ارعدت و امطرت في ربع ليل
واللي حلم البارحه اه علم القابله
اشهد انك شاعرا وان امثالك قليل
مير ركز في النقاط الثلاث الفاصله
=====================
الحلوم الها مفسر ولايمكن يعيـل
والنقط واحروفها والنتيجه عادلـه
ماعلى رجل ٍ قوي العزايم مستحيل
غير قدمك شي ماظن تقدر تاصله
===================
الله يرحم بوك لا تستزل ولاتزيل
لا تخلينا نروح الدروب المايله
خل صوت العقل يطغى على العلم الهبيل
واللي يفطر بالبصل ياعرب وش صام له
========================
خايف انه تجرحك شذرة السيف الصقيل
ومن جرحه السيف يالغامدي عزاه لـه
ان هرجت بطيب حنا هل النهج الفضيل
ون بغيت الشر من جـا يبـاه انقاتلـه



=======================
===========================
اسر ياليل القصايد وجنب ياذليل
انما الدين النصيحه وحسن امعامله
ان بغيت الشر بتشوف من يصبح قتيل
وان بغيت الطيب خل الثقه متبادله
===========================

[مرزوق حمدان العتيبي]

الشعر نعرف رجاله ومجهودك هزيل = مير خذ هالتذكر ه وانطلق فالحافله
كان جد العلم يالغامدي مافيك حيل = لاشريت الثور مافيه كله تاكله

[بن مسفر الغامدي]

الشعر اعجاز اوشي من هذا القبيل
قبل لا تنعت بمجهودك اللي باذله
================
انت تتحمى في الثور يوم انك حسيل
بينكم شيمه وجيناتكم متماثله

[مرزوق حمدان العتيبي]

...

.

الله يعطيك العافيه يابن مسفر
على جمع الابيات اللي فاتت..
....

(((انت تتحمى في الثور يوم انك حسيل)))
بعدين وش رايك في هالشطر من ناحية الوزن ؟؟؟


والله اني كنت احشمك ولكنّك خبيل = صدق من قال الخبل تبتلش بمجادله
نعرف ان الثور شكلك ومن نفس الفصيل = مير انا مالي ومال العلوم النازله ؟

[مرزوق حمدان العتيبي]

..
.
اخي بن مسفر الغامدي
عجبتني في هالشطر
انما الدين النصيحه وحسن امعامله
هذا والله الصحيح...

والدعوى تسليه والشك زايل
صح لسانك وسامحنا على القصور ..
...

لاهنت ولاهانوا الاخوان الذين تواصلوا
معنا في هذه الصفحه
......

[بن مسفر الغامدي]

يابومنذر
البيت مافيه ولاشي
اقرة مره اخر بتركيز
------
والحكم للزاور
===================

=================
يابو منذر اتق الشمس بالضل الضليل
وان هدى عنك البعير انشده وش هاج له
==============================
وان نشدنا صاحبي عن سبب قطع السبيل
الرساله واضخه واعتبرها واصله

[بن مسفر الغامدي]

..
.
اخي بن مسفر الغامدي
عجبتني في هالشطر
انما الدين النصيحه وحسن امعامله
هذا والله الصحيح...

والدعوى تسليه والشك زايل
صح لسانك وسامحنا على القصور ..
...

لاهنت ولاهانوا الاخوان الذين تواصلوا
معنا في هذه الصفحه
......

ومن قال ماينهان
الشك بعيد عنا وعنك
وانت اللي نطلبك السماح ان اخطانا بشي
وبيض الله وجهك ووجوه الشباب كافه


----------
الشي الاخر يابو منذر
قصيدتي الاخيره سجلتها قبل اشوف
رسالتك الاخيره واعتذارك
الاوالله مابسجلها
ولكن اعتبرها وحده بوحده في الدغابيس
والعذر من الله ثم منك

[الــوآفــي]

انت تتحمى في الثور يوم انك حسيل

خلل واضح في الوزن



الاصح


انت تحمى في ذرى الثور يوم انك حسيل



صح السنتكم مليووووووووون



محاورة كبار استمتعت بقرائتها


لاهنت يالغامدي ولاهان ابو محمد ونرجو ان نرى مثلها في القريب العاجل



اخووووووووكم

[السميــــــري]

صح لسااانك يابن غامد مبدع مبدع ..

وصح لساااااان شاعرناا الكبير ومديرناا الرائع ..
ابو محمد ..

لاهنتم ..
على المجهوووود ..

محاوره رائعه ,.,

[بن مسفر الغامدي]

نعرف ان الثور شكلك ومن نفس الفصيل
مير انا مالي ومـال العلـوم النازلـه ؟


وش هذا يابو منذر
علشان انك مشرف تتلعب بالابيات
ليه غيرت بيت الدغابيس
ومن اللي غششك
البيت الجزل هذا
عموما كثر خيرك
ايه المشرف الخلوق

[بن مسفر الغامدي]

انت تتحمى في الثور يوم انك حسيل

خلل واضح في الوزن



الاصح


انت تحمى في ذرى الثور يوم انك حسيل



غلطان ياذيبان
اطالبك بالتركيز في قراءت البيت

اما بيتك اللي جبته فماهو مكسور
رايح عشرين قطعه

[مرزوق حمدان العتيبي]

وش هذا يابو منذر
علشان انك مشرف تتلعب بالابيات
ليه غيرت بيت الدغابيس
ومن اللي غششك
البيت الجزل هذا
عموما كثر خيرك
ايه المشرف الخلوق
الله يسامحك ياغامدي غششك هذي انشهد انها كبيره
ولا يقولها الا واحدن متعلم على هالشي ولاانا طال عمرك اقدح من زنادي
ووالله الذي لااله الا هو اني ماغيرتها الا من اجل ان تكون خاتمه
لان البيت اللي انا الغيته كان يعني الاستمرار وتم التعديل قبل تنزل ردك
... واعتقد انه من حقي
...
هل فهمت .... .. ولا اقبل ان يصدر منك مثل هذا الاتهام ...؟

وهذا البيت الذي تم الغاءه


دغبسه في دغبسه مالنا منها حصيل = من دغابيسك علومك ورها نازله ؟...

[الشبـــح]

نعرف ان الثور شكلك ومن نفس الفصيل
مير انا مالي ومـال العلـوم النازلـه ؟


وش هذا يابو منذر
علشان انك مشرف تتلعب بالابيات
ليه غيرت بيت الدغابيس
ومن اللي غششك
البيت الجزل هذا
عموما كثر خيرك
ايه المشرف الخلوق



ابن غامد

الظاهر ان المحاروه انتهت ..
لاتتهم مديرناا ..
فأبو محمد من عااااادته الجزلاااااااااات ..
ماهي غريبه عليه ..
ولا لا ياااااااااهل المنتدى ..

..

بعدين حتى لو غيره من حقه ان يغيّر ..

قافه وهو حر فيه .. عجيب
ههههههه

وانت عندك وعند غيرك من الاعضاااء من حقه تعديل مشاااركته ..
انا ارى مافيهاا شي ان تعدل المشااركه ..


تحياااتي ..

محاورة جميلة ..
بين الطرفين ..

[الــوآفــي]

الخطا وراد يابن غامد ولا يلغي شاعريتك الاعتراف به



اما ان كانك مصمل اني غلطااااان وبراسك ماني داخل معك في جدال قافك وانت حر فيه واللي يحكم عليك المتابعين :)



صح لسااانك مره اخرى

اخوك

[مرزوق حمدان العتيبي]

...
.

الاخ الغالي ذيبان لاهنت على الوضيح
...
وكلامك صحيح...
..
والشطر مكسور على لهجتنا ميه ميه
لكن يمكن الغامدي ينطق الحروف بلهجه مختفله :)
...

الغالي الشبح لاهنت يابن العم على مداخلتك
والغامدي الله يهديه ضرب فيوزه فالاخير مع العلم
ان علومه كانت الى النهايه تمام ... :) لكن سبحان مغير الاحوال..

[بن مسفر الغامدي]

الله يسامحك ياغامدي غششك هذي انشهد انها كبيره
ولا يقولها الا واحدن متعلم على هالشي ولاانا طال عمرك اقدح من زنادي
ووالله الذي لااله الا هو اني ماغيرتها الا من اجل ان تكون خاتمه
لان البيت اللي انا الغيته كان يعني الاستمرار وتم التعديل قبل تنزل ردك
... واعتقد انه من حقي
...
هل فهمت .... .. ولا اقبل ان يصدر منك مثل هذا الاتهام ...؟

وهذا البيت الذي تم الغاءه


دغبسه في دغبسه مالنا منها حصيل = من دغابيسك علومك ورها نازله ؟...

يابو منذر
انا امازحك يوم اقول من غششك
علشان مايزعل الاعضاء العتبان وتعود قبيله

وخاصه الشبح لايزعل

اما التعديل انت عدات بعد مارديت
وهذا اللي دعاني للاستنكار

عموما جعل الدنيا كلها فدى راسك

[بن مسفر الغامدي]

...
.

الاخ الغالي ذيبان لاهنت على الوضيح
...
وكلامك صحيح...
..
والشطر مكسور على لهجتنا ميه ميه
لكن يمكن الغامدي ينطق الحروف بلهجه مختفله :)
...

الغالي الشبح لاهنت يابن العم على مداخلتك
والغامدي الله يهديه ضرب فيوزه فالاخير مع العلم
ان علومه كانت الى النهايه تمام ... :) لكن سبحان مغير الاحوال..

يامرزوق
ارسلي على الخاص جوالك والحن لك البيت واذا كان مكسور فانا محقوق على شرف الربع كلهم

[الشبـــح]

يمكن البيت مايجي الا على نطق أهل الجنوب ..

انا لحنته ولاجاء معي ..

وكلام الاخوان الذين سبقوني صحيح ..

[مرزوق حمدان العتيبي]

...
.
يابو منذر
انا امازحك يوم اقول من غششك
علشان مايزعل الاعضاء العتبان وتعود قبيله

والله ماادري وش تقول..
لكن وانا اخوك المزح بهالصوره المتنرفزه مايصلح..
وعلى العموم نحملها على محمل حسن الظن ..
والله يسامحك ...
اما التعديل انت عدات بعد مارديت
وهذا اللي دعاني للاستنكار
ياولد حلفت لك بالله اني معدلها قبل تنزل ردك
وهذا شي طبيعي يمكن انت ما انتبهت له الا بعد مانزلت ردك..
ولكن الهدوء وسعة الصدر مطلوبه الله يعطيك العافيه ..
..
و التعديل تم للاحسن ماهوب للاسواء
ههههههه ...
...
اما الشطر فأنا قلت لك بلهجتنا فهو مكسور
انت يمكن تنطقه بطريقه مختلفه
وعلى العموم بيتك وانت حر فيه والمحاوره انتهت بسلام هههههه
والسلام..
..

[علي الثبيتي]

الله الله الله

صح لسا ن ابن مسفر ولسانك يابومنذر

والبيت ماهو مكسور يعرج عرجه بسيطه ههههههههههههه ومن صالح الشاعر المتمكن

[خالد العصيمي]

بن مسفر الغامدي صح لسانك الحقيقه شاعر متمكن



مرزوق العتيبي صح لسانك ومايحتاج علم . :)




تحياتي

[بن مسفر الغامدي]

يالنشمي
صح ابدنك والبيت والله مافيه
لا عرجه وهرجه
ولكن ابوعتب
اتعبه البيت في خاطره واعابه
والشباب فزعوا
عموما كلن يصلح سيارته

[خوي السعد]

ابو محمد ياطول بالك على ........................
علي بالحرام انك مدرسه فالشعر وبفن التعامل وشمالية سعة الصدر
هنيا للهيلافيك وهنيالك فالهيلا.

[نواف العصيمي]

صح لسانك يابن مسفر وصح لسانك يامرزوق


الله الله

يامرزوق تضل مبدع دوماً

لكم التقدير والإحترام

[مرزوق حمدان العتيبي]

....
.

ابن عمي وتاج راسي
خوي السعد اشكرك على اطراءك يابن العم ..
واعتذر لك عن تحرير بعض الكلمات في مشاركتك ..
...
فالاخ الغامدي وغيره اضيوف عندنا ويجب ان نحترمهم
ونتحمل اخطاءهم الغير مقصوده بقدر مانستطيع ..
....
فالله لايهينك تو مانورت الصفحه بحروفك..
...
لاهنت

...

[ناصر السعد]

يسلاااام

طارووق حامي

ولاهنتم ياببن مسفر ويابو محمد

[ابن معيض]

طاروق جداً رائع

بروعه شعاااااره

يالغااااامدي صح لسااانك ولسااان ابو محمد ولد العم المبدع

تحيااااااااتي للجميع ،،

[فهيد الايدا المورقي]

ابو محمد صح لسانك انت تبدع دائم ونحن نستمتع

الله يعطيك العافيه


اخوي الغامدي ابدعت ولاكن انفعلت وهدمت الابداع


واتهمت ابو محمد بالغش والحق يقال ان ابو محمد قدوتنا في هذا المنتدى


في الاخلاق وفي الشعر وفي كل الصفات الحميده


وجبت بيتك مكسور ولما نبهوك الى ذلك رفضت علمن ان بيتك مكسور من الوزن


وليس من اللهجه


فيجب ان يحترم الشاعر الشخص الذي امامه ويحترم راي الجمهور



وتقبل تحياتي