معلقات عتيبة السبع (أدخل وصوت)

[النايع]

المعلقات السبع عند عتيبة

بسم الله الرحمن الرحيم

أبناء العمومة الكرام
السلام عليكم ورحمة الله وبركاته

أخواني حبيت أن اطرح عليكم هذه الفكرة. وهي اختيار المعلقات السبع لقبيلة عتيبة. يعني استفتاء بسيط.
بحيث يقوم الأعضاء بانتخاب أي قصيدة يرون أنها تستحق أن تكون من ضمن المعلقات. مع العلم أن القصائد غير مقيدة بزمن معين. أو موضوع محدد.
والشروط كالتالي:
1- أن يكون الشاعر صاحب القصيدة عتيبي.
2- أن تكون القصيدة ذات شعبية كبيرة ومشهورة.
3- منعاً للإحراج. لابد أن يكون المنتخِب عتيبي.
4- يحق للعضو أن ينتخب من سبع قصائد فما دون. (يختار قصيدة أو قصيدتين أو ثلاث ...إلخ. حسب ما يريد. ولا يجوز أن يختار أكثر من سبع قصائد).
5- لا يحق للعضو اختيار قصيدتين لشاعر واحد. وإنما لكل شاعر قصيدة واحدة فقط.
6- نهاية الانتخابات يوم الاثنين 27/11/1427هـ. شريطة أن يكون عدد المصوتين أكثر من 21 عضو.

بعد ذلك يتم اختيار السبع القصائد التي حصلت على المراكز السبعة الأولى. وتكون هي المعلقات السبع للقبيلة. سبع قصائد لسبعة شعراء.

ملاحظة: في حال تساوي قصيدتين في عدد الأصوات. فإنه يتم التصويت على هاتين القصيدتين من جديد لتحديد أيهما يحصل على المركز المتنافس عليه. والتي تحصل على أكبر عدد في الأصوات تحتل المركز المتنافس حوله. ثم تحتل القصيدة المرجوحة المركز الذي يليه. أي أنه لا يجوز أن تكون قصيدتين في مركز واحد (يعني ما يصير فيه أول و أول مكرر) وهكذا.
وفي حال وجودة قصيدتين لشاعر واحد من ضمن القصائد الفائزة. تؤخذ القصيدة الأكثر في عدد الأصوات. وتستبعد الأخرى.

[النايع]

أنا أول من يبدأ :)

1- أيامنا واليالي كم نعاتبها. بديوي الوقداني.
2- نومك طرب وأنا بنومي هواجيس. تركي بن حميد.
3- أول كلامي طلبتي ذكر الله. شليويح العطاوي.
4- يا هني من زرفلت به فرخة الحرة. فيحان الرقاص.
5- يا مل قلب كل ما مات همه. بندر بن سرور.
6- يا مل قلب يسج وفيه دولاجة. ابن عون.

أكتفي بالتصويت لست قصائد.

[متعب العصيمي]

النايع يعطيك العافيه

1- واخير منها ركعتين بلاسحار(الامير الشيخ تركي بن حميد رحمه الله)
2-- أيامنا واليالي كم نعاتبها. بديوي الوقداني رحمه الله

[ابو نادر]

سر يالقلم ننقض كلام المحامين= لصارت الدعوه حمايا حمانا

نقض الحجج لابد له من براهين=ومعنا شهادة الوفا لدعانا

ومن مدنا بالصاع نجزاه صاعين=واللي ياعادينا عليه اعتدانا

كان الحميدي(1) وازملاه متصافين=على الحكي فيما ما تقدم حكانا

تلحقوا غارات ناسٍ قديمين=واخطوا وحنا من خطاهم خطانا

ودام الشريعه تاخذ العين بالعين=حنا ما تقضي الشريعه قضانا

حنا بميزان المعاني ثقيلين=وعلى مماشينا بعيدٍ مدانا

هيهات لو حولت عكس الموازين=قضا القضا فيما مضى وانتهانا

ياحرب لو حطيتم البيت نصفين=ماهوب موصلكم ليا مستوانا

انتم رجال بالمعارك غثيثين=لكن ما تلحق اخطاكم اخطانا

حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

لنا سلوم غاليات المثامين=سلومنا محدن حملها سوانا

في سلم لوماء الوجه عام وشهرين=وابخيلنا مامون داخل حمانا

ثلاثماية يوم تزداد ستين =تنحا المنايا عنه هيبة لحانا

ومن حده الموت الحمر والديايين=تخير الحصن الحصين ونصانا

وبالحين نملى فارغات الموازين=جيب الصحون ومكرمات الصيانا

للضيف والجيران والمستحقين=إليا من وهاب العطايا عطانا

ابيوتنا للضيف مثل البساتين=يفرح به الملهوف ليلة ضوانا

نجود بالماجود بالعسر واللين=وضحك الحجاج وما حلا من نبانا

حنا على حفظ المواجيب حرّصين=مانعطي الطرقي قراطيع مانا

والجار له واجب وحنا وفيين=ندعيه للكرمه ولو ما دعانا

جيرانا دايم حشام وعزيزيين=وندرا شرفهم عن كلام اسفهانا

حنا بوجه الجار دايم جديدين=يزيد مع زايده اثنينه وفانا

وان جاء نهار المعمعه واللغا الشين=نبيع غلا الروح دون اقصرانا

وان راح نشدق قفاه بسكاكين =نحمي مجاله عقب عنه انتحانا

وخوينا لو هو من اللي معادين=يأمن بنا في كل درب مشانا

ليا عودة عشر اكثر الناس ثنتين=وصاروا بغرات الخوي عقربانا

ولصرنا مع الخوي بدرب متخاوين=نرعى الحقوق ولانخون خويانا

وحنا منازلنا ورا حضن ويمين=هاذيك ديرتنا فيها نشانا

وجينا نبا المرباع عند القحاطين=يوم الزمان بحد سيفه حدانا

وقالوا لنا ما تاسع الدار شيخين=ونجد العذيه تحت فيت عصانا

وتشاوروا طلقين الآريا الحكيمين=احدٍ ومر بالحرب واحدٍ نهانا

واحتار من يختار بين الأمرّين=اما الدهر ولا سيوف اقبلانا

وتقرر المحدار بالخط والقين=نمراً فأولها يرفرف لوانا

وندري ما قدامنا مزرعة تين=لكن على روس الافاعي وطانا

زحنا قبايل نجد عن نجد قسمين=وجينا بمثنات البلاد وبنانا

ابيوتنا كالقور بين الحديثين=وعلى السنام من البلاد استوانا

وأعداينا ما هم عنا براضين =لكن هابونا جميع احددانا

لشبت الهيجا بصوت المثارين=صديق عينك مايجي في نحانا

وليا ركبنا فوق مثل الشياهين=تكره صناديد القبايل لقانا

عاداتنا نخلي سروج المسنين=وأول موردت السهوم اومرانا

ليا اقبلوا من الخيل قدم المغيرين=وليا اقبلوا صاروا حماه لقفانا

حمّاية الساقات فالمقلين =باموالهم يرفون فقر فقرانا

وليا جاء الامر بين القبيلة حليين=حلوا مشاكلنا وحازوا رضانا

وان جاء الامر دولي زحول وميامين=عند الدول فالمعضلات اسفرانا

ومن كان ذا شانه يشيل الثقيلين=لو مات حي في قلوب حربانا

لو مات قالوا حرب ذا فيه روحين=يمكن قحص من وسط قبره وجانا

وبعض أُمراكم فالملاهي مغنين=على الوتر والعود دانا لدانا

مر مغنين ومر مساجين =وظهورهم ميدان للخيزرانا

متخلفين ينقلون العناوين=وركن التعارف سجلوا له ديانا

ولو سمعوا لعذال يقول غادين=قالوا نموت ولانبيع اخدنانا

الفرق واضح لاتقولون متساوين=ومصادر التاريخ منها ارتوانا

اذا ازعلكم التاريخ نكون راضين=يصبح زعلكم شعبةٍ من رضانا

ومناخ عرجا كان عنه متغاضين=حنا لتاريخ القبايل قرانا

قبيلتين لحربنا مستعدين=وحنا ليا زلزل رعدهم رسانا

وطبان وصنيتان(2) شفقوا شرهين=وحنا قبل يبدون فينا بدانا

وبعد مناخٍ دام خمسة وعشرين=احدٍ سرى بالليل واحدٍ احترانا

واللي قعد سوى سوات ام ظرفين=ويقول لو إنا درانا سرانا

يقول خلونا بعرجا وحيدين=ياليت هاديهم كذلك هدانا

دون المعقل كافحوا مستميتين=لكن في هم بالمهند سطانا

وخفوا وهفوا وادبروا مستخيفين=وحنا لما تملك ايديهم حوانا

اللي حضر من حرب باتوا ذليلين=واللي ربض عن لابته وش علانا

اللي هرب واللي لجى مستجيرين=واللي جضعناهم وراحوا عشانا

واميرهم ينخى بتالي المقفين=ويقول رده لاتخلوا نسانا

وعقب ما شاف انه كسير الجناحين=ألقى السلاح وصار ضمن أمنعانا

وبيته جلسنا فيه بين الصلاتين=وعلى اشداده باليسار اتكانا

وكشف قمرهم وسجدوا مستغيثين=وطبوا من السلم وحنا رقانا

صارت عليكم مثل نكبة فلسطين=من نار(3) قال الحمدلله نجانا

وابن نحيت حجاب بين المثارين=ثارت عليه بمعتلجهن رحانا

ينخى بني سالم وهم عنه مقفين=وخاب الرجا فيهم وعود نخانا

وجسمه تشارك فيه شلفا ورمحين=وشلناه وسقان نحيت في دوانا

وحزّن على ربعه وربعه حزينين=عليه يوم انه ألتوى في ذرانا

والحرمليه كونها يالمساجين=منتم في هاك النهار اقبلانا

لكن قابلنا صعوط المجانين(4) =الضيغمي جمع علينا عدانا

رخم الجموع اللي تسوق الملايين=وانتم عدتوا فزعته ياحلفانا

نفذ على كل القبايل قوانين=وانتم خضعتوا له وحنا عصانا

هدر جمل شمر وقلتوا مطيعين=ويوم إن حنيتوا للامر ما انحنانا

لنا عزايم تفدح الخصم وتهين=طنا الطنايا مانقص من طانانا

حصل لنا صولات وايام وسنين=نسقيه بالسم الذحاح وسقانا

وكم راس شيخ طاح بين الفريقين=نحط من فوق اذبحاه اذبحانا

وأنكف عقب ماشاف في جلده البين=هو مأيسن منا وحنا اكتفانا

وممكن قضيتوا من بعض دينكم دين=وحنا عقب عدة ليالي اقتضانا

وعبدالعزيز اللي رفع راية الدين =اللي ليا خم النشيط يتوانا

اللي تخاضع له رقاب الفراعين=من هيبته كلٍ يريد الأمانا

بالسيف صارعناه وسط الميادين=وانتم تخامرتوا سوات السمنا

ماعمرنا نذعن لحكم السلاطين=ألا بيومٍ ينتصر به حدانا

انتم كما شغل الهنوف ام وجهين=اللي لها مع كل عاشق ضمانا

توعد ولا توفي بوعد المحبين =ودايم تشبرق للجديد وتدانا

ليا شفتوا الحاكم نهضتوا خفيفين=وقلتوا ترانا ياسندنا ترانا

اسمع كلام الضيغمي وافهمه زين=فالحربي اللي نار عنه ونصانا

منتم بذمه والحميري مخيفين =من حرب نار والتقوا من ورانا

ماجالهم من حرب فزاع ومعين=كلٍ يقول من الضياغم بلانا

وحنا حميناهم بحدب العرانين =وشالت حمولن ضاهدتم ايدانا

وعن مانقوله حرب سمعوا دارين=ميرٍ فيهم من يحب المشانا

وان كان غاوٍ البنيدر وابوعين =الشرق الاوسط معترف ماغوانا

اخبارنا قد هزت الهند والصين=ولا همنا الهيس العور لو هجانا

ولو كان فالاعلام ضمن المذيعين=الباع قاصر والطويل اللسانا

عن الدعاية يا الحميدي غنيين=افعالنا تشهد عليها اعدانا

وقولٍ نقوله ثابتٍ بالدواوين =وتاريخ نجد المعتمد مانسانا

ايام عرجا قد عطتنا نياشين=وفي ايام معتق يشهدون اعتقانا

العفو عند المقدره للكريمين=وحنا ليا منا قدرنا عفانا

وكان الحميدي جاء مطية شياطين=لو يشعبونه ما لحق منتهانا

وان كان له خمة رخومٍ ملبين=حنا عن انصار الحميدي ما درانا

هذا كلام يفّحم المستحقين =وعاداتنا نقطع لسان طّلبانا

1

المعــــاني :
(1) الحميدي بن حمد بن نفجان الحربي
(2) وطبان الدويش المطيري ، وصنيتان الفرم الحربي
(3) نار أي هرب
(4) صعوط المجانين يطلق ايضا على اخو هملا الشيخ هذال بن فهيد داهية عتيبه
هذه احدا معلقات عتيبه لشاعر كديميس بن صالح الشفيعي العصيمي
.
.


المعــــاني :
(1) الحميدي بن حمد بن نفجان الحربي
(2) وطبان الدويش المطيري ، وصنيتان الفرم الحربي
(3) نار أي هرب
(4) صعوط المجانين يطلق ايضا على اخو هملا الشيخ هذال بن فهيد داهية عتيبه

[نايف الطير]

فكرة جميلة من كاتب الموضوع ويشكر عليها ..

وأنا أرشح مايلي:

1- (نومك طرب وأنا بنومي هواجيس) للأمير تركي بن حميد.

2- (بديوي يقول أشوف الأيام تقتلب) للشاعر بديوي الوقداني. والتي فيها (عتيبة جناح الصقر وثبيت عظامه)

3- (حنا عتيبة ملحقين المخلين) للشاعر كديميس العصيمي.

4- (حنا عتيبة كم حريبٍ لطمناه) للشاعر مخلد القثامي.

ولو أن العزيز النايع أعفانا من شرط عدم ذكر أكثر من قصيدة للشاعر الواحد لذكرت الثلاث قصائد المتبقية لبديوي الوقداني ( أيامنا والليالي كم نعاتبها ) ( انفكت السبحة وضاع الخرز ضاع) ( دنياك هاذي كلها هز قاووق) ..

والسلام عليكم ..

[ساري 3]

بسم الله الرحمن الرحيم

اخوي النايع نشكرك على هالموضوع الممتاز جدا

اما من ناحيتي انا فارشح:

1- ايامنا والليالي كم نعاتبها(بديوي)

2-حنا عتيبه كم حريب(ن)لطمناه(مخلد القثامي)

3-واهني من زرفلتبه فرخه الحره(فيحان الرقاص)

4-احدن ينام ويحط راسه بكمه(بندر ابن سرور)

5-هات القلم ياللي تجيد القرايه(كديميس العصيمي)

6- ياناشدن عني تراني شليويح(شليوح العطاوي)

7- اخير منها ركعتين بالاسحار(تركي ابن حميد)



ساري3

[ذيب السبايا]

لاهنت على الموضوع
بس ياليت الادارة يثبتونة


1- أيامنا واليالي كم نعاتبها. بديوي الوقداني

2- أول كلامي طلبتي ذكر الله. شليويح العطاوي

3- يا هني من زرفلت به بكره الحرة. فيحان الرقاصاوي

[شــغــمــوم]

مشكوووووووووووووور على المووووضوع الجميل


1-ايامنا واليالي والليالي مك نعاتبيها بديوي الوقداني

2-ياناشدن عني تراني شليويح شليويح العطاوي

3-احد ينام ويحط راسه بكمه بندر بن سرور



تحيات اخوكم::::::::: شغمووووووم

[زيزوم عتيبه]

1ـ نومك طرب ــــــــــــــــــــــــــــــــ > للشيخ والفارس والشاعر تركي بن حميد رحمه الله

2ـ زايد على كل العرب بالوفاء زاد ــــــــــــــــــــــ > للشاعر بندر بن سرور رحمه الله

3ـ ياناشد { ن } عني تراني شليويح ــــــــــــــــــ > للفارس والشاعر شليويح العطاوي رحمه الله

هذا اللي يحضرني حالياّ

ولي عوده بأذن الله ,,,,

[فتى الهيلا]

يعطيك العافيه يالنايع

وانا ارشح :

1- نومك طرب وأنا بنومي هواجيس. تركي بن حميد
2- أيامنا واليالي كم نعاتبها. بديوي الوقداني
3- سر يالقلم وانقـض كـلام المحاميـن. كديميس بن صالح العصيمي
4- واهني من زرفلت به بكره الحرة. فيحان الرقاص
5- حنا عتيبة كم حريبٍ لطمناه . مخلد القثامي


مع تحيااااتي

[أبوسنون العطاوي]

فكره راااااااائعه انا منتخب 1 الامير تركي بن حميد (( نومك طرب ))
2 الشاعر بندر بن سرور (( احدن ينام ويحط راسه بكمه))
3 الشاعر شليويح بن ماعز (( اول كلامي طلبتي ذكر الله ))

[النايع]

الله يعطيكم العافية يالربع

والنتيجة إلى الآن (طبعاً ليست النهائية)

1- أيامنا واليالي كم نعاتبها. بديوي الوقداني. ( 6 أصوات)

2- نومك طرب وأنا بنومي هواجيس. تركي بن حميد. (5 أصوات)

3- يا هني من زرفلت به فرخة الحرة. فيحان الرقاص. (4 أصوات)

4- يا مل قلب كل ما مات همه. بندر بن سرور. (4 أصوات)

5- أول كلامي طلبتي ذكر الله. شليويح العطاوي. (3 أصوات)

6- سر يا قلم ننقض كلام المحامين. كديميس العصيمي. (3 أصوات)

7- حنا عتيبة كم حريب لطمناه. مخلد القثامي. (3 أصوات)

8- يا ناشدٍ عني تراني شليويح. شليويح العطاوي. (3 أصوات)

9- يا محلا يا عبيد في وقت الاسفار. تركي بن حميد. (صوتين أثنين)

10- يا مل قلب يسج وفيه دولاجة. ابن عون. (صوت واحد)

11- بديوي يقول أشوف الأيام تقتلب. بديوي لوقداني. (صوت واحد)

12- هات القلم ياللي تجيد القراية. كديميس العصيمي. (صوت واحد)

13- زايد على كل العرب بالوفاء زاد. بندر بن سرور. (صوت واحد)



التصويت مستمر

[فهد النفيعي]

سوولي الكيف ورهولي من الدله( خلف بن هذال)
وخير منها ركعتين با الاسحار(تركي بن حميد)
ياناشدن عني تراني شليويح قلبي على قطع الخرايم عزومي(شليويح العطاوي)

[عز ربعه]

موضوع شيق وجميل وجهد تشكر عليه
1/ أيامنا والليالي كم نعاتبها بديوي الوقداني رحمه الله
2/ نومك طرب وأنا بنومي هواجيس تركي بن حميد رحمه الله
3/ يالله ياجالي الأمور المهمة (متنبي عتيبه) بندر بن سرور رحمه الله
4/ ... على طلال الصبح يخيلي مخايل شليويح العطاوي رحمه الله
5/ سوولي الكيف وارهولي من الدله خلف بن هذال
6/ سر ياقلم ننقض كلام المحامين كديميس العصيمي


وشعار عتيبة الجيدين واجد وكثر لكن ما أحد يقدر يحصي قصيدهم غير اللي خلقهم

[راع الوفي]

يابو نادر حهد واظح ولكن يوجد بعظ الاخطاء الاملائية وقت القراءة القصيدة
ارجوا تعديلها

[خالد بن حويفر]

مشكور اخوي ولاهنت انت والاخوان
كل عام وانتم بخير

[ابو براك]

1= ياناشدن عني تراني شليويح(شليوح العطاوي)

2= اخير منها ركعتين بالاسحار(تركي ابن حميد)

[الحـافـي]

يا هني من زرفلت به فرخة الحرة. فيحان الرقاص

[النافذ]

دنيـاك هـذي كلهـا هَـزِّ قـاروق =
ما تعرف الصاحب من اللي معاديك =
واكثر كلام الناس بالمكـر والبـوق =
يهرج معك واليـا تِقَفَّيـت يرميـك =
المال دايـم صاحبـه مرتفـع فـوق =
والقل خايب لو تَرَفَّعْـت يرْخِيـك =
عزِّي لمن دَوَّرْ لهـا عنـد مخلـوق =
إما بخل ولاّ مَنَـن يـوم يعطيـك =
أوصيك بالطيِّب إذا كـان لـك ذوق =
إرمـه وراك ولازمٍ إنـه يلاقيـك =
يا العبد هوِّن كل مطـرُود ملحُـوق =
لا تِشْتَحِن لك رَب ما هُو مخليـك =
اللي جعل لك رُوح جاعلك مـرزُوق =
كما تَكفَّل بك مـن الخلـق كافيـك =
يعطي وباب الرِّزق ما هُو بمغلـوق =
واليا طلبته وانت محتـاج يعطيـك =
الرِّزق له حبسه وله وقـت مطلُـوق =
وإن مت ظل عند قبـرك يناديـك =
والموت جايك لو تقع جوف صندُوق =
دع عنك ما بك من حذر لا يعنيـك =
لا تشتغل بالمال ترى المال ممحُـوق =
ما مالـك إلاّ مـا تمـده أياديـك =
إن كان مالك يا فتى ضيـق السـوق =
تراه عند الموت ما هـو منجيـك =
الجار والعاني لهُم شـرط وحقُـوق =
والضيف واجب تكرمه يوم يلاقيك =
وان كان تبي تأخذ المـدح مطبُـوق =
خلك مشمر دُون ضيفـك وعانيـك =
صُون الأمانه واظهر الهرج بصدُوق =
ولا تعاشر صاحب البـوق يعديـك =
لا تصحب الخاين ولا تامـن النُّـوق =
وان لاح براق الحيا عَذَّرَت فيـك =
والدرب لا تامنه لو كنـت مرفُـوق =
إلا بِحـدٍّ فـي يمينـك يبـاريـك =
أترك طريقة كل عاشِـق ومعشُـوق =
ترمي برُوحك في الشرك ثُم يرميك =
والكلب ما يتبعك لـو تلبسـه طـوق =
ولا خلاخيل الذهب مـا يراعيـك =
وبالصبر تغلب صاحب العزم يا شوق =
والعزم طيب مَيْر حـزات يرميـك =
وافرح ليا منك عن الشـر مـدروق =
واحذر صديقك واحذار اللي يُواليك =
هذا كلام الصدق ما هُـو بمسـروق =
وابيات يـا قلبـي بِناَهَـا يسَلِّيـك =
من هاجسٍ يطمي كما بحر صافـوق =
احذر على القلب الشقي يوم يِطْريِك =
يا رَبِّ تجعلني مـن النـار معتـوق =
واجعل ختامي طيباً يـوم الاقيـك =

[الهيـ صقر ــلا]

مشكـــــــــور اخوي على الموضوع الرائع

اول كلامي طلبتي ذكر الله(العطاوي)

سوولي الكيف وارهولي من الدله (خلف بن هذال)

يامل قلب يسج وفيه دولاجه(بن عون)

دللت بالرح لين ارخصت جانبها

اكثر شعوب العالم الهند والصين

ياصاحبي تفداك برقا على روق ويفداك من شاف القمر والثريا

يانجد والله مانزلناك بسلوم ولا انتي بورث جدودنا والقدايم يانجد اخذنا فيك حق ومرسوم

[نايف الهيلا]

والله يالنايع
بدون مجامله القصائد الست اللي انت رشحتها
أرشحها وأضم صوتي لصوتك

والسابعه قصيدة

(من ليلة البارح وحابسني الضيق)
للشاعر سداح العتيبي

[ريان الثبيتي]

ايامنا واليلي كم نعاتبها >> بديوي الوقداني

[fahad8088]

لا هنت على الفكره الطيبه

وأنا أقول

1 / تلعب طرب ونا بنومي هواجيس. الامير / تركي بن حميد .

2 / يامل قلبن كل مامات همه . متنبي عتيبه / يندر بن سرور.

( رحمهم الله ).

وشكرا...

[اخو شطنى]

1-شليويح العطاوي (اول كلامي بذكر الله)
2-كديميس العصيمي (حنا عتيبه محتمين المخلين)
3-بندر بن سرور(يامل قلبن كل ممات همه)

تقبلو تحياتي:مشعل العطاوي

[القادم بقوة]

للاسف وصولي متأخر جدا
لان تسجيلي متأخر
ولكن ما لا يدرك جله لا يترك كله
ويكفي من القلادة ما احاط بالعنق
اقول
ان كان للقول سامع
انا من سماعي لبض القصائد العتيبيه وقرائتي لها
ارى ان قصيدة الشيخ تركي بن حميد
وخير منها ركعتين بالاسحار
وقصيدة الفارس شليويح العطاوي
يا مل قلب عانق الفطر الفيح
وقصيدة بديوي الوقداني
ايامنا والليالي كم نعاتبها




وشكرا لكم

[محب الهيلا]

ايامنا والليالي كم نعاتبها بديوي الوقداني


يابارق لاح في القطر اليماني بديوي الوقداني

[عابر القارات]

لاهنت على الموضوع

وانا ارشح التالي.....


لا يابعد ناسٍ تكبر على ويش (عبد الله بن عون)

ربعي عتيبه من العارض ليا الحره (الرقاص رحمه الله)


يانجد والله مانزلناك بسلوم ...........( لا اعلم من صحبها)

العشره الي بين عياد وعناد ( رشيد الزلامي)



وتقبل تحياتي

[ابو محمد الدعجاني]

موضوع جميل تشكر عليه


وددت ان ارشح اغلب قصائد الشيخ الفارس الشاعر تركي ابن حميد صاحب الخصال الحميده والمجيده رحمة الله عليه وبدون قصور في اللي قبله واللي عقبه من شعراء عتابه ..


1- (يا ما حلا ياعبيد) الامير تركي ابن حميد

2- (يانجد والله مانزلناك بسلوم) الامير الفارس ضيف الله العفار (هذا الشبل من ذاك الاسد )

3- (حنا عتيبه كم حريب لطمناه) الشاعر الفحل مخلد القثامي

4-(ايامنا والليالي كم نعاتبها) اديب زمانه بديوي الوقداني

5-ملحمة العلم كديميس العصيمي (سرياقلم وانقض كلام المحامين)

6-(حنا عتابه للحرايب ماشتحنا) لشاعر المواقف فراج التويجر

7-(يا مل قلب كل مامات همه ) لمتنبي الهيلا بندر بن سرور


ولكم اطيب التحايا

[سلطان نايف العضياني]

بالنسبه لي أعتقد أن هنالك قصايد لشعراء من قبيلة عتيبه تستحق أن يطلق عليها معلقات وهي:

1_قصيدة الأمير /تركي بن حميد ياماحلا ياعبيد في وقت الأسحار

2_قصيدة الشاعر/عبدالمعين بن ثعلي في مدح الملك فيصل رحمه الله

2_قصيدة الشاعر زيد الهجاري الثعلي في نصيحة ولده جبر

3_قصيدة الشاعر/عبدالله بن عون في القهوه

4_قصيدة الشاعر/كديميس العصيمي في مدح قبيلة عتيبه

5_قصيدة الشاعر/كديميس العصيمي سر ياقلم وانقض كلام المحامين

6_قصيدة الشاعر/شقير عقيل الجذع في مدح عتيبه

7_قصيدة الشاعر/بندر بن سرور الله من عينن طرقها صواديف

8_قصيدة الشاعر/خلف بن هذال يالله ياللي تغسل الأرض بالسيل

9_قصيدة الشاعر/ بديوي الوقداني أيامنا والليالي



مشكور يالنايع



_

[ناصر حامد الثبيتي]

أيامنا والليالي كم نعاتبها (بديوي الوقداني)
يامحلا ياعبيد وقت الاسحار (تركي بن حميد )

[عتابه يارفاقه]

القصائد عديده ومنه قصيدة بندر بن سرور في مدح تركي بن ربيعان القصيدة
الاولى ياسخيف الذرعان


يا سخيف الذرعان مانيب مرجوج
رجتنـي الدنيـا بغـدر وحيـلـه
يابنت لولا اللي على تاسع الفـوج
تركـت نجـد وعـزوه بالقبيـلـه
لا شك حاديني على نجد هيـدوج
مسقى الفيافي لين يـدرج مسيلـه
تركي لي من البلاوي غدن عـوج
حملـه عتيبـه كلهـا ماتشيـلـه
يرسى كما مينا البواخر على الموج
ومنيـن ماصـك البحـر ترتكيلـه
مادام تركـي حـي مـاودي ادوج
وان غاب غبت من الرجوم الطويله

القصيدة الثانية
قصيدة الشاعر/ بديوي الوقداني أيامنا والليالي كم نعاتبها

القصيدة الثاله
مخلد القثامي حنا عتيبة كم حريب لطمناه

القصيدة الرابعة

قصيدة الأمير /تركي بن حميد ياماحلا ياعبيد في وقت الأسحار

القصيدة الرابعة
يانجد والله مانزلناك بسلوم للامير ضيف الله العفار

القصيدة الخامسة

قصيدة شليويح العطاوي في معركة طلال اول كلامي طلبتي ذكر الله

[طهطام]

أفضل قصيدة قالها شاعر من قبيلة عتيبه هي قصيدة أيامنا والليالي كم نعاتبها لبديوي الوقداني ،وذلك لما تحمله من حكم رائعة ، كما أن هناك عضو هيئة تدريس في كلية الآداب بقسم اللغة العربية في جامعة الملك سعود وهو ناصر الرشيد ، يقول أن هناك معالقات سبع في الشعر العربي الحديث ، قصيدة أيامنا والليالي من بينها ، وهذا يدل على أنها أفضل قصيدة للقبيلة

[طهطام]

من لديه علم عن معلقات الشعر العربي (النبطي)الحديث فلا يبخل علينا

[الشــاهد]

فكرة رائعة وبيض الله وجهك


المعلقات التي ارشحها هي


قصيدة الامير تركي بن حميد (تعلب طرب وانا بنومي هواجيس)

قصيدة لامير ضيف الله العفار (نرعى بربعن كنهم دولة الروم)

قصيدة القوة العظمى كديميس العصيمي المعروفة بقصيدة المحدار ( سر ياقلم وانقض كلام المحامين )

قصيدة الشاعر بديوي الوقداني ( ايامنا والليالي كم نعاتبها)

قصيدة فيحان الرقاص ( ربعي عتيبة من العارض الى الحرة)

قصيدة شقير الجذع في مدح عتيبة

قصيدة الشاعر ابن ثعلي العضياني في مدح عتيبة

[مشاري الحبردي]

1- تلعب طرب للامير تركي بن حميد
2- ياناشد عني للامير شليويح العطاوي
3- ربعي عتيبة لفيحان بن ثمر الرقاص
4- يانجد مااخذناك بسلوم للامير العفار
5- كلام المحامين لكديميس العصيمي
6- البر والبحر لبندر بن سرور
7- ايامنا والليالي للبديوي الوقداني

[ريف الركايب]

1-واهني من زرفلتبه فرخة الحرة (فيحان الرقاص)

2-تلعب طرب وانا بنومي هواجيس(الشيخ/ ابن حميد)

3-سر ياقلم واكتب كلام المحامينم (سيف الحميا/كديميس العصيمي)

4-ايامنا والليالي كم نعاتبها (بديوي الوقداني)

5-يامل قلب(ن)كل مامات همه(بندربن سرور)

6-واد(ن)غديرالضرس مارد رعاياه(شقيرالجذع)


هذا مأردنا ان نصوتله والله اعم

[ولدعساف]

-واهني من زرفلتبه فرخة الحرة (فيحان الرقاص)
واد(ن)غديرالضرس مارد رعاياه(شقيرالجذع)
ياناشد عني للامير شليويح العطاوي
ياسخيف الذرعان بندر بن سرور
-تلعب طرب وانا بنومي هواجيس(الشيخ/ ابن حميد)
قصيدة لامير ضيف الله العفار (نرعى بربعن كنهم دولة الروم)
ايامنا والليالي كم نعاتبها (بديوي الوقداني)

[ابورازن فالمريخ]

1- (نومك طرب ) الامير تركي ابن حميد

1-(اول كلامي طلبتي ذكر الله ) للفارس شليويح العطاوي < اول مكرر>

2- (يانجد والله مانزلناك بسلوم) الامير الفارس ضيف الله العفار (هذا الشبل من ذاك الاسد )

3- (حنا عتيبه كم حريب لطمناه) الشاعر الفحل مخلد القثامي

4-(ايامنا والليالي كم نعاتبها) اديب زمانه بديوي الوقداني

5-ملحمة العلم كديميس العصيمي (سرياقلم وانقض كلام المحامين)

6-(حنا عتابه للحرايب ماشتحنا) لشاعر المواقف فراج التويجر

7-(يا مل قلب كل مامات همه ) لمتنبي الهيلا بندر بن سرور


تحياتي ياراعي الفكره

[ابورازن فالمريخ]

1- (نومك طرب ) الامير تركي ابن حميد

1-(اول كلامي طلبتي ذكر الله ) للفارس شليويح العطاوي < اول مكرر>

2- (يانجد والله مانزلناك بسلوم) الامير الفارس ضيف الله العفار (هذا الشبل من ذاك الاسد )

3- (حنا عتيبه كم حريب لطمناه) الشاعر الفحل مخلد القثامي

4-(ايامنا والليالي كم نعاتبها) اديب زمانه بديوي الوقداني

5-ملحمة العلم كديميس العصيمي (سرياقلم وانقض كلام المحامين)

6-(حنا عتابه للحرايب ماشتحنا) لشاعر المواقف فراج التويجر

7-(يا مل قلب كل مامات همه ) لمتنبي الهيلا بندر بن سرور


تحياتي ياراعي الفكره

[الفوارس]

مشكور اخوي على الفكره وهذا اقل مانقدم لاعلام القبيله

1- أيامنا واليالي كم نعاتبها. بديوي الوقداني.
2- نومك طرب وأنا بنومي هواجيس. تركي بن حميد.
3- أول كلامي طلبتي ذكر الله. شليويح العطاوي.
4- يا مل قلب كل ما مات همه. بندر بن سرور.
5- يا مل قلب يسج وفيه دولاجة. ابن عون.