وقعة ذريع

[سعود النفيعي]

يقال أن ابن رشيد وفي روايه أنه عبدالعزيز المتعب وبهذا العلم أن وقوعها كان بين سنتي 1315هـ_1324هـ، أغار على الفلته وهم على الرميثي والذي حدثت فيه المعركه هو موضع يقع شرق مدينة عفيف والذي سميت الوقعه بأسمه وبعد ما دارت المعركه واحتدم الصدام عند ابل الفلته وحمي الوطيس في الرميثي ويقال ان طراد وصل حتى جبل النير ولذا سموها البعض وقعة"ذريع" وهو جبل يقع جنوب النير وفي الاخير استطاع الفلته حماية الإبل من فرسان شمر ويقال أن الفلته على رأس العقيد/نوار الزند وشحاذ السلطان وحباب بن خميس الفليت وبن منشط وقد تمكن الفلته من قتل الجنفاوي الشمري والسندي وهما من فرسان شمر المعروفين ويقال ان الذي قتل الجنفاوي هو ضاوي بن منشط الفليت كما أنهم قلعوا بعض الخيل وأخذوا بعض الابل "الجيش" ويقال أن المعركه دارت من الصباح حتى وقت الظهر(1)







(1) بعض الرواه


المصدر كتاب النفعه تأليف تركي بن مطلق القداح ص317 ص318

وأعذروني على التأخير

تقبلوا تحياتي اخوكم سعود النفيعي

[ولد فليت]

لا هنت ياولد العم

والله يعطيك العافية

[سعود النفيعي]

ولا أنت والله يعافيك ياولد فليت

تقبل تحياتي

[نفيع العتيبي]

جزاك الله خير ياسعود النفيعي|194| على القصه صحيح ان الفلته هزمو ابن رشيد وعند لها قصيده وفيه قصه بين الفلته وابن سعود عندي القصيده في المعركه الي صارت بين ابن سعود والفلته في البجاديه الفرسان الي بذكرهم جريس ومريس ومطلق وانشاء الله بحط القصيده

[راعي الطويلة]

لاهنت ويعطيك الله ألف عافية ..

[فواز الفليت]

لاهنت يولد العم

[حجرف]

السلام عليكم و رحمة الله و بركاته

معليش يالربع ادري إني خاطم بهالموضوع مير ودي انشدكم

معركة طلال اللي بين عتيبه و حرب التي قتل فيها بدر الضيط من اللي انتصر فيها

[سعود النفيعي]

أبو زعبه الفليت الله يعافيك ولاهنت على المرور وننتظر القصه والقصيد

راعي الطويله الله يعافيك ولاهنت على المرور


فواز الفليت لاهنت على المرور يالقرم


حجرف لاهنت على المرور يالقرم

والقصه أنشاء الله يفيدونك فيها العضيان أو اللي عندهم علم بالوقعه

[ابن قرناس]

السلام عليكم ياشباب
بالنسبه لوقعة ذريع اللي قتل الجنفاوي هو فارس بن جويزي الفليت

وفيه ناس نسيتوهم حضرو المعركه وهم
1سعود جويزي
2 فارس جويزي
3عايض الزند
4نوار مسيفر
5جويزي بن وديان(ابو فارس وسعود)
6حباب من الصلالات
7شحاذ السلطان


واكبر دليل ان بعد ذبحة الشمري اللي هو الجنفاوي اختلفو الفلته في سلبه
ووعقب المعركه بشهر القو القبض علي جويزي بن وديان بالقصيم وسجنه ابن رشيد شهرين عشان يردون فرس الجنفاوي وتدخل ابن هندي وطلع جويزي من سجن ابن رشيد بناء علي معاهدة عروا او الهدنه اللي كانت بين ابن هندي وابن رشيد

نسيت شغله
انقتل بالمعركه نوار بن مسفر
واصيب سعود بن جويزي وسلم لكن يده عابت او قطعت من ضربة الشلفا بعد هذه المعركه

[سعود النفيعي]

ابن قرناس لاهنت على المرور بس اللي أعرفه وقريته بكتاب النفعه أنه اللي ذبح الجنفاوي هو ضاوي بن منشط الفليت

أما فارس بن جويزي الفليت ما سمعت انه هو اللي ذبح الجنفاوي والله يعطيك العافيه على الاضافات



^&)§¤°^°§°^°¤§(&^ سعود النفيعي^&)§¤°^°§°^°¤§(&^

[ابن قرناس]

يارجال

اصلا سلب الشمري صارت مشكلته بين الودايين(قوم فارس جويزي -الزنود) وبين الوركان(نوار المقتول بالمعركه)


ضاوي بن منشط كان سبر للفلته وليس فارس ولهوب قصورن فيه