اهداء لابناء قبيلتي,,,بيض الله وجيهم

[ابن حيلان]

بسم الله الرحمن الرحيم


اخواني الاعضاء.......السلام عليكم ورحمة الله وبركاته


اقدم لكم هذه المتواضعه

واتمنا ان تحوز على رضاكم


ومناسبتها


فوز ابنا قبيلتي في مزاين ام رقيبه وهم


فنجال بن سلطان العتيبي((المركز الاول في الوضح))

محمد بن قشعان العتيبي((المركز الاول في الشعل))

مترك بن نايف العتيبي((المركز الثاني في الشعل))











مبروك ياعتيبه هل العـز والجـاه =ولاهي غريبـه فوزكـم فالمزايـن
انتم هل البـل يالرجـال المسمـاه =الفرق واضح واصبح اليـوم بايـن
دايم هل الطـالات وللعـز ترقـاه =والاوله هي كـاش ماهـي مدايـن
بذود(ن)مغاتنبر وشعل (نًُ)محـلاه =فازو بهـا العتبـان وكل(ن)يعايـن
فازوبهـا وان عـودت للمـثـاراه =عاداتهم مـن ماضيـات الزمايـن
ٌفنجال بن سلطـان سلمتلـي يـداه =نسل الحرار الي للامجـاد صايـن
جاهم بذود(ن)يشرح البـال طريـاه =مثل السحاب الي على الجو كايـن
وزوع بها مـن قدمهـم فالمبـاراه =مثل العلم من فوق روس المدايـن
وشعل النفيعي جت تهوذل وتبـراه =هذاك ابن حجنه سريـع العوايـن
والروقي الحنتوش فـاز وعرفنـاه =ربع المحيا مطوعـت كـل خايـن
والطيب لوهوكان صعب(ن)معـداه=طبـع العتيبـي فالعلالـي يبايـن
والمجد للي تكسب الطيـب يمنـاه =غصب(ن)على الحساد لو كان شاين
حروف شعري لجلكم دوم مهـداه=ربعي هل الطالات ولهـم بوايـن



اخوكم


راكان بن حيلان العصيمي

[محقني الخبر]

يعطيك العافيه راكان على ابداعك المتميز


ويستاهلون الفوز


دمت بود

[أبو نجر النفيعي]

..
الله الله يابن حيلان

قصيده رائعه وتعبر عن شعورنا كلنا تجاه فوز عيال العم

وصح السانك يالغالي..

ومبروووك للذين فازوا..

وننتظر جديدك ..:)

اخوووووووووك
.

[سلطان الجـذع]

صح لسانك يالعصيمي


قصيده في محلها

وفوزهم فوز لعتيبه كلها

[بدر الغبيوي]

صح السانك يالذيب ولاهنت


ويستاهلون القصايد هل البل اي والله


يعطيك العافيه

[سحاب الصبيحي]

صح لسانك يابن العم ولا هنت على هذه القصيده الي تعبر عن مشاعر كل فرد ينتمي الى القبيله



ربعي عتيبه من العارض اليا الحره


سقم المعادي لياجاء العلم مردودي

[فهيد الايدا المورقي]

صح لسانك يابن حيلان وابيض وجهه


ونبارك لرجال الهيلا هذا الفوز العضيم الذي يرفع الراس


والى الامام سر سر سر سر الى القمه


في كل مجال عتيبه الهيلا لها


والله يوفق الجميع كلاَ في مجاله


وانا احمد الله يوم انا عتيبي 00000000 من لابتن وقت اللقاء حرابه



وتحياتي للهيلا كبيرهم وصغيرهم

[مرزوق حمدان العتيبي]

...
.
صح لسانك يابن حيلان وبيض الله وجهك
..
وانشهد انهم يستاهلون المدح واكثر..
..

[ابن حيلان]

صحة ابدانكم

ولاهنتم على هالردود

هذي متواضعه للابطال

وهم يستاهلون اكثر

ولاهنتم

اخوكم

ابن حيلان

[عبدالله العريدي]

راكان بن حيلان العصيمي

صح لسانك يابن العم ولا هنت على هذه القصيده

تحياتي لك

ابو خالد الروقي

[ابن مشيب]

صح السانك ودام إبداعك يابن حيلان , والله يبارك لهم حلالهم


تحياتي

[ناصر الجلاه]

بسم الله الرحمن الرحيم


اخواني الاعضاء.......السلام عليكم ورحمة الله وبركاته


اقدم لكم هذه المتواضعه

واتمنا ان تحوز على رضاكم


ومناسبتها


فوز ابنا قبيلتي في مزاين ام رقيبه وهم


فنجال بن سلطان العتيبي((المركز الاول في الوضح))

محمد بن قشعان العتيبي((المركز الاول في الشعل))

مترك بن نايف العتيبي((المركز الثاني في الشعل))











مبروك ياعتيبه هل العـز والجـاه =ولاهي غريبـه فوزكـم فالمزايـن
انتم هل البـل يالرجـال المسمـاه =الفرق واضح واصبح اليـوم بايـن
دايم هل الطـالات وللعـز ترقـاه =والاوله هي كـاش ماهـي مدايـن
بذود(ن)مغاتنبر وشعل (نًُ)محـلاه =فازو بهـا العتبـان وكل(ن)يعايـن
فازوبهـا وان عـودت للمـثـاراه =عاداتهم مـن ماضيـات الزمايـن
ٌفنجال بن سلطـان سلمتلـي يـداه =نسل الحرار الي للامجـاد صايـن
جاهم بذود(ن)يشرح البـال طريـاه =مثل السحاب الي على الجو كايـن
وزوع بها مـن قدمهـم فالمبـاراه =مثل العلم من فوق روس المدايـن
وشعل النفيعي جت تهوذل وتبـراه =هذاك ابن حجنه سريـع العوايـن
والروقي الحنتوش فـاز وعرفنـاه =ربع المحيا مطوعـت كـل خايـن
والطيب لوهوكان صعب(ن)معـداه=طبـع العتيبـي فالعلالـي يبايـن
والمجد للي تكسب الطيـب يمنـاه =غصب(ن)على الحساد لو كان شاين
حروف شعري لجلكم دوم مهـداه=ربعي هل الطالات ولهـم بوايـن



اخوكم


راكان بن حيلان العصيمي


...


..


.


صح السانك ياركان


جزله من جزل


سجل اعجابي يابن عاصم



فـــزاع