سلام عليكم ومرزوق مطلوب هنيا

[خطّاب]

اسر يالهاجس على مرزوق واطرح له سوالي=والسوال اللي يجي مرزوق يعرف كم رقمه
والجواب الدبلوماسي لايدور له مجالي=ودنا بالعلم واضح والسوال يصير قدمه

[حمد بن جوباح]

.
..

الله الله يا خطاب

صح لسانك وحياك الله في محلك :)

وفي انتظار مديرنا المبدع ابو محمد

.
.
.









الليل الليل

[خطّاب]

,

,,

حمد بن جوباح

الله يبقيك ولالحقني شك مايحتاج محلي:)

ومشكور على تسجيل حضورك

,,


,,

اخوكـ

[سلطان الجـذع]

سجل حضور ومتابعه

[سعود العصيمي]

اسر يالهاجس على مرزوق واطرح له سوالي=والسوال اللي يجي مرزوق يعرف كم رقمه
والجواب الدبلوماسي لايدور له مجالي=ودنا بالعلم واضح والسوال يصير قدمه


صح لسانك

ياخطاب

وحياك الله

وفي انتظار

ابو محمد

ونقول صح لسانه
مقدما

[مرزوق حمدان العتيبي]

..
.

وعليكم السلام

.


ياهجوس الشعر هاتي ماعلى بالي طرالي = كل خصم ٍ عادته يحسب حسابه قدم خصمه
من نشد يلقى الجواب اللي تقبله الرجالي = والحكيم اللي ليامنّه تكلم قال حكمه

[مرزوق حمدان العتيبي]

..
.

الاخوان
حمد

..

سلطان
..

سعود

..
اشكركم على حضوركم المبهج
لاعدمتكم ..
.....

[خطّاب]

ويش حكم الزور والبهتان مابين العيالي؟=ودنا نسمع جوابك يافتى في كل كلمه
والعصاء اللي تنشقر مابين عم وبين خالي=هل يجوز الصمت فيها ياعريفٍ بان حجمه؟

[خطّاب]

,


,,


سلطان الجذع وسعود العصيمي


اشكر لكم متابعتكم

,

,

,


اخوكــ

[مرزوق حمدان العتيبي]

انت ياليتك تبين ماقصدته ياحلالي= الرجل ماينتقد في شي صار بغير علمه
من يحاول يفرق الصفين في عينه خلالي= كل ماحاول يفرق تنقلب علاه نقمه

[خطّاب]

قلت لك جاوب سوالي حسب مفهومك ياغالي=قبل في نفسك تشك وقبل تنشدني عن اسمه
ثالثاَ لاصار ابو وجهين في الحله مثالي=هل يجوز تقدمه وتحط له منصب ونجمه

[مرزوق حمدان العتيبي]

انت تهرج لك كلام ٍ بين ربعك مايقالي = وابك نقال النميمه ياعسى ربي يعدمه
الرجل شبحه بعيد ومنزله في راس عالي = والضعافه والنجاسه ماتجي من غير رخمه

[أبو نجر النفيعي]

الله الله

صح السنتكم


في صف ابو محمد ما يحتاااج

الليل يابو محمد الليل

[فهيد الايدا المورقي]

الله

الله

ابو محمد ردود وافيه من شاعر متمكن

صح لسانك ويعطيك العافيه


خطاب صح لسانك


متابعين

[خطّاب]

وابك جاوب لاتضيع ابك الشكوك مع الجدالي=والاجابه هاتها حسب الطلب جزله ودسمه
رابعاّ لاجوك ضيفانك وكفيَت الدلالي=هل تجوز بمذهبك لا مالقوا كرمه وغرمه

[خطّاب]

,


,,


ابو نجر وبناخي الايداء


شاكرين لكم متابعتكم

,


,


اخوكمـ

[سعود العصيمي]

انت تهرج لك كلام ٍ بين ربعك مايقالي = وابك نقال النميمه ياعسى ربي يعدمه
الرجل شبحه بعيد ومنزله في راس عالي = والضعافه والنجاسه ماتجي من غير رخمه

الرجل شبحه بعيد ومنزله في راس عالي = والضعافه والنجاسه ماتجي من غير رخمه


الله

الله

الله
عليك يابو محمد

صح لسانك مليون

كلام حكمه

[الشبـــح]

الله على الابداع

مرزوق العتيبي صح لسانك
مبدع يابو محمد .

خطاب صح لسانك
مبدع .

[مرزوق حمدان العتيبي]

الاجابه جتك وافهمها وسولف بالعدالي = كل ضيف ٍ محترم له عندنا قيمه وحشمه
التغيّر فالعرب ماهوب في بيض الليالي = وكل ٍ يشوف البشر في حسب معقوله وفهمه

[مرزوق حمدان العتيبي]

...
.

ارحبو ياغالين
...

ابو نجر

بناخي الايداء

...
تشرفنا بحضوركم الباهي
....

[مرزوق حمدان العتيبي]

...
.

ابو طايل..
..

والشبح.

.. ارحبوا والابداع هو تواجدكم
ورؤية حروفكم لاعدمتكم
......

[خطّاب]

صاحبي لا اوحى سوالي راغ له مع فج خالي=مستريب وصايبه راعه ومني جاه صدمه
خامساّ حكم السروق اليا سرق قطع الشمالي=وانت عندك ماعرفنا في كتابك ويش حكمه

[خطّاب]

,


,,


الجميع مشكورين على متابعتكم


ويعلم الله ودي ارد عليكم كلكم

,


,
اخوكمـ

[مرزوق حمدان العتيبي]

اكتشفت انك حقود وجيت من حقدك تلالي = ومتخفّي باسمك المجهول والعايل نخزمه
من سرق حنا على جلمده ناطى بالنعالي = ومن تعدى عن حدوده نلطمه عشررين لطمه

[فهيد الايدا المورقي]

اكتشفت انك حقود وجيت من حقدك تلالي = ومتخفّي باسمك المجهول والعايل نخزمه
من سرق حنا على جلمده ناطى بالنعالي = ومن تعدى عن حدوده نلطمه عشررين لطمه




الله

الله

لعب كايف صح لسانك يابو محمد

[خطّاب]

اتهمني بالردى والحقد يااصحاب المعالي=مادرا اني خابرٍ زوره وتحريفه وظلمه
والسروق اللي سرق واصبح بما سوو يلالي=اشهد انه لو تبرى مايساوي نص حرمه

[مرزوق حمدان العتيبي]

صدق من قال المغفل يتضح باول وتالي = لو لبس بين العرب برقع ولوّه حط لثمه
الهوى لو يتحرك مايحرك فالجبالي = ياضعيف ٍ في كلامه اصغر عتيبه يخصمه

[خطّاب]

كل ماقلنا على راسك مثل وصف العقالي=مكتسيك العار منها مار هل تحتاج خدمه؟؟!!
والضعافه مكسب اللي يسرق حمول الجمالي=وانته السارق ومثلك في العرب قد حل رجمه

[مرزوق حمدان العتيبي]

غلطتي يوم اتخاطب معك ياساس الخبالي = وجهك الاصفر من هروج القفيّا فيه ظلمه
تتهمني ياضعيف الدين واطلبك العدالي = اثبت اللي تدعي به قبل لاشوتك بجزمه

[مرزوق حمدان العتيبي]

...
.
ارحب يابناخي الايداء
سعدلي مساك
...

ابتعدو شوي عن الرمي
هههههههههه

تحياتي

[خطّاب]

غلطتك كبر الجبال وفالكم ماهوب فالي=ياضعيفِ بين رجلينه منزّل راس خشمه
مااتهمتك قالها اللي ذوقك مر ٍوصالي=والجزم لك تحتها هاك الزمن قدرٍِ وحشمه

[خطّاب]

,


,,



نعم نعم مثل ماقال مرزوق
ابتعدوا عن الذخيره تراها مازالت حيه
والهوى صلف لايخلف البنادق وتعود يمكم
لذلك انتبهوا



,



,


أخوكمـ

[عمرالروقي]

خــــــــــطــــــــــاب
صح لسانك
ولاهنت
0
0
0
0
0
0
مرزوق العتيبي
صح لسانك ولاهنت
-----------
محاوره من العيار الثقيل
00000000000
المتابعين شكرا

[الشبـــح]

غلطتي يوم اتخاطب معك ياساس الخبالي
وجهك الاصفر من هروج القفيّا فيه ظلمه
تتهمني ياضعيف الدين واطلبك العدالـي
اثبت اللي تدعي به قبل لاشوتك بجزمـه


غلطتي يوم اتخاطب معك ياساس الخبالي
وجهك الاصفر من هروج القفيّا فيه ظلمه
تتهمني ياضعيف الدين واطلبك العدالـي
اثبت اللي تدعي به قبل لاشوتك بجزمـه



غلطتي يوم اتخاطب معك ياساس الخبالي
وجهك الاصفر من هروج القفيّا فيه ظلمه
تتهمني ياضعيف الدين واطلبك العدالـي
اثبت اللي تدعي به قبل لاشوتك بجزمـه



الله عليك يابو محمد

صح صح لساااااااااانك .

ازهل الصف يابن العم ..
الليل الليل .

[مرزوق حمدان العتيبي]

...
.
للمعلوميه قدر ..حشمه سرت
ههههههه وهالحين عرفنا من السروق


ماتميز فالحرام وماتميّز فالحلالي = اعرف انك فالكلام الجد ماتلزمك لزمه
صرت مثل اللي يشيل الحمل مع جنب الرخالي = انت مثل الحارس اللي ينبلق لاجته هجمه

[فهيد الايدا المورقي]

ابك يالربع هدوء الرمي

والله ان دخنت البارود تعج فى الهواء


والضاهر طلق عير 50


ابك لاتجذبون الحكومه علنا


ههههههههههههههههههههههههههههههه

[الشبـــح]

الاخ خطااب

انت ضيف

والضيف هذي ماهيب طبوووعه .

ارفع لعبك حتى تصبح المحاوره راقيه .
ومع المدير ايضاا . ليش هل هي تصفيت حسااابات
من اول مشااركه ايضاا .!!

[خطّاب]

هههههههه
حتى انت الحلالي كررتها
لذلك اصبحت السالفه مضروبه في اثنين

استغليت المكان اللي عليه اصبحت والي=واستبحت حقوق خلق الله يابو طرقه وخذمه
مار اخذ لك مرودٍ مغموس في كحل الدلالي=لين حتى مثلك وشرواك يعرف ويش جرمه

[المحامي]

صحت السنتكم ياشعااااااااااااااااااااااااااااااااااااااااااااار

[خطّاب]

,


,,


الشبح
الله يهديك من يقول لك اني ضيف
انا راعي محل وهذي ماغير محاوره
لاتودي ولاتجيب
تابع تابع الله يخليك لي

,


,


اخوكـ

[خطّاب]

,


,,



بناخي الايداء
الله يهديك المحزم باقي مليان
كيف نهدي باقين وريضين الطاروق بدري عليه
تابع وخلك بعيد لاتقرب من العباريد


,

,


اخوكـ

[خطّاب]

,


,,


المحامي
يالله ان تحييه يالله
قرب للمحامي الشداد يالربع
خلوه يتابع ان كان شوفه زين ويحص الشاره
والهدف المنصوب:)


,

،

اخوكـ

[مرزوق حمدان العتيبي]

دام هذي هرجتك منت بكفو تاقف قبالي = يوم طالبتك بكذب ٍ تثبته صابتك طرمه
ابك انا في عز ربعي بذل ٍ جهدي ومالي= يوم مثلك لادخل في منتدى ربعه يهدمه

[مرزوق حمدان العتيبي]

الاخ خطااب

انت ضيف

والضيف هذي ماهيب طبوووعه .

ارفع لعبك حتى تصبح المحاوره راقيه .
ومع المدير ايضاا . ليش هل هي تصفيت حسااابات
من اول مشااركه ايضاا .!!

...
المبدع الشبح ههه
يارجال هذا ماهوب ضيف هذا عميل قديم
وعلومه كلها طيبه الله يعطيه العافيه..

على شان كذا نقول صح لسانك
انت بديت وانا ختمت ...
والدعوى سلامات ..

[فهيد الايدا المورقي]

دام هذي هرجتك منت بكفو تاقف قبالي = يوم طالبتك بكذب ٍ تثبته صابتك طرمه
ابك انا في عز ربعي بذل ٍ جهدي ومالي= يوم مثلك لادخل في منتدى ربعه يهدمه



ايه ايه ايه

الله

الله

الليل الليل الليل

[مرزوق حمدان العتيبي]

...
.
بناخي الايداء
والمحامي حياكم الله ..
ونورتوا الصفحه ....

[خطّاب]

كيف (أثــبّت) وانت ريس حلتك ياهملالي=تحذف اللي تشتهيه وتاخذ اللي زان رسمه
لاتقول المال مالك وانت ماتملك ريالي=تنهبه من مركز العضيان ماتخشى من اثمه

[خطّاب]

,


,,



الاخ مرزوق
صح بدنك وبالفعل انا عميل قديم وحالي
لكن قلنا نستفسر عن الخبر والحمد لله على كل حال

,

,


اخوكمـ

[مرزوق حمدان العتيبي]

اشهد انك رحت فيها رحت ياشين الخمالي = ابك ماتخجل على دمك وفي جبهتك ثلمه
مانبا هرج ٍ تقوله من مزاجك والخيالي = الصحيح اثبت وجوده والردا معروف سلمه
...


صح بدنك وهالحين وش رايك؟ ...

[خطّاب]

,

,,


الراي رايك يامرزوق
ان بغيت نواصل واصلنا وان بغيت نكتفي بهذا القدر
ماعندك مشكله اللي تشتهيه صاحبك يقول ابشر به
وبعدين مثل ماقلت في كلامك اللي انت عدلته ماجينا الا للعب
اما القضايا الثانيه مالي دخل فيها سوى من خلال الطاروق
بس لايروح فكرك بعيد

ومشكورين

،

،

اخوكمـ

[مرزوق حمدان العتيبي]

وبعدين مثل ماقلت في كلامك اللي انت عدلته ماجينا الا للعب
هذا هو الهدف الاسمى الذي اقيم من اجله المنتدى والغايه التي نكتسبها من بعضنا..
واللعب محد ينزعل منه مادامه بين الشاعرين ولم يتجاوز الخطوط الحمر اء..
وصدقني استمتعت معك في هالمحاوره المرثونيه ... والله يعطيك العافيه
....

[ابوبراك]

الله الله يا خطاب

صح لسانك وحياك الله في محلك

وفي انتظار مديرنا المبدع ابو محمد

[خطّاب]

,


,,


صح بدنك يابو براك
والمحاوره انته طال عمرك
وابشر بالعوض في مقبل الايام

,

,

أخوكـ

[حصان الصدق]

صح لسانك ياخطاب وصح لسان مرزوق
طاروق طيب ومعاني طيبه
نتمنى ان يتكرر اللعب والحماس:)

تحياااتي

[خطّاب]

,


,,


صح بدنك ياحصان الصدق
وحضورك هو الاطيب

,


,

أخوكـ