وعزيتـك ونصـف مطيـر عزيتـه

[أحمد الرفاعي]

السلام عليكم ورحمة الله وبركاته

اليوم جايبلكم محاورة بين



الشاعر الكبير :مسعد القصير الحجوري الجهني



و

على الهجلة المطيري





مـســعــد الـقـصــيــري:
سلام الله سلام يرضـى الاصحـاب
ومن يزعل من الاصحـاب راضيتـه
عن الدربين مالك يا علـى مجنـاب
تـحـداك الـزمـن والا تحـديـتـه

عـــلـــي الـهــجــلــة:
هلا بالصاحب اللي ما يصك البـاب
ولـو إنـه يصـك البـاب صكيتـه
أنا ما مشي على الهامش بدون احساب
ومـن يـبـي اتعشـانـي تغذيـتـه

الـــقـــصــــيــــري:
عرفت ادعايـه الخـداع والنصـاب
ومـن يركـب عليـه الاسـم سميتـه
عطيتك بنـدق وعـودت للمشعـاب
وعزيتـك ونصـف مطيـر عزيتـه

الــــهــــجــــلــــة:
انا قلقان منـك وخاطـري مرتـاب
ليـا جـاك الخبـر شلتـه وحطيتـه
يناديك المنادي والقمـر مـا غـاب
وتحلف ديـن لا شفتـه ولا أوحيتـه

الـــقـــصــــيــــري:
لا تزعل والوعد في عالي المرقـاب
لـو المرقـاب حاميـتـه عفاريـتـه
يبي يجبر عليك الماقـف الغصـاب
ولا يحصـل منـاك اللـي تمنيـتـه
الــــهــــجــــلــــة:
انا ما ازعل وشب النار يـا شبـاب
ومـن تقصـر حبالـه ينهـدم بيتـه
ليا جيـت المحطـه نـزل الركـاب
وأنا ابـا قـول لا جانـي ولا جيتـه





اخوكم :أحمد الرفاعي

[فارس نجد]

مشكور اخوي احمد

[حاير النظرة]

انا ما ازعل وشب النار يـا شبـاب
ومـن تقصـر حبالـه ينهـدم بيتـه
ليا جيـت المحطـه نـزل الركـاب
وأنا ابـا قـول لا جانـي ولا جيتـه



ياسلام


يعطيك العافيه يالرفاعي اختيار رائع

شعراء كبااااار

تحياتي لك

[مرزوق حمدان العتيبي]

...
.
لاهنت يالرفاعي
اختيار موفق ياغالي..
..

[أحمد الرفاعي]

الشكر موصول للجميع





أخوكم:الجهني