من يدلني عليهم .

[عشق الشمال]

السلام عليكم ورحمة الله وبركاته

إ خواني الأفاضل أنا محمد من قطر وأبحث عن أشخاص من العتبان لي بهم قربى ويصيرون خوال الوالد الله يرحمه والمعلومة اللي عندي عنهم أسمائهم فقط وهم زيد بن عبدالله بن زيد العتيبي ودريميح بن عبد الله بن زيد العتيبي هل فيه أحد يعرف أولادهم أرجو منكم الإفادة

مع جزيل الشكر .

عشق الشمال .

[عشق الشمال]

الموضوع صار له قريب السنتين ولا حد قال شي

شكرا لكم ياخوالي .

[Man من العتبان]

وعليكم السلام ورحمة الله وبركاته

حياك الله اخوي عشق الشمال شرفت ونورت . .

أنت الله يهديك كنك تبحث عن نزلاء فندق وليس شخصين في قبيله ممتده مثل عتيبه الهيلا حدد دولتهم ومناطقهم وش هم من عتيبه .. لعل وعسى احد من الاخوان يفيدونك على بحثك بارك الله فيك .

تقبل مني جّل التقدير والاحترام . .

[الرومي]

بالفعل اخي العزيز عشق الشمال.
حدد الدولة ..وحدد من اي فخذ من عتيبة ..وستجد الجواب الشافي باذن الله.

[محمد العتيبي]

يامرحبا بعشق الشمال ..

مثل ماذكروا لك الاخوان الاعزاء ..

عتيبه ماهم خمسة رجليّه ..

عتيبه دوله لحالها .. لكن عليك تحديد من اي عتيبه هم ..
لكي يتسنى لنا البحث ..
...

[عشق الشمال]

إخواني الأفاضل شاكر لكم مداخلتكم الكريمة

ولكن للأسف ليس لدي من المعلومات غير ماذكر آعلاه .


وشكرا كلم .

[ولدعساف]

يامرحبا بعشق الشمال ..

مثل ماذكروا لك الاخوان الاعزاء ..

عتيبه ماهم خمسة رجليّه ..

عتيبه دوله لحالها .. لكن عليك تحديد من اي عتيبه هم ..
لكي يتسنى لنا البحث ..
...

[عشق الشمال]

إخواني الأفاضل
لازال البحث جاري
ومرة من المرات عند عمتي
ذكرت لي أسم واحد من خوالها وإسمه فرخان العتيبي .

يعني بيكون إسمه ((( فرخان بن عبدالله بن زيد العتيبي ))).


بعض المعلومات الإضافية
إسم الوالد الله يرحمه عبدالله بن جمعة بن جهام الكبيسي من مواليد 1919 تقريباً ، ولد في شمال قطر ، يعني الأشخاص اللي أسأل عنهم بيكونون من مواليد 1900 وحولها تقريباً .

[غالب الذيابي]

يامرحبا يالكبيسي..

وش لونك ،، عساك بخير..


المعلومات اللي ذكرتها لاباس بها لكنها ليست المعلومات

الشافية.. والدك من تاريخ ميلاده اقترب من الــ 100 عام بمعنى

خواله تقدر اعمارهم من الـ 130 الى الـ140 عام .. اضف لهذا ان عمر

جد والدك لامه يقدر عمره 190 اي من مواليد 1895م.. الامر ليس سهلاً.

انا بحاجه للاتي..

من اي عتيبة خوالك ، ؟ من روق او من برقا؟.

اذا مافيه جواب ، على الاقل من اشهر اقاربهم..

ثانياً هل هم من نجد او الحجاز.؟

بالاضافة الى البلد اللي تم فيه الزواج. قطر ، او السعودية..

ان كا في السعودية راح نبحث لك ولايهمك ،، اذا كان في قطر

اعطيك اسماء عتبان في قطر..

[غالب الذيابي]

يامرحبا يالكبيسي..

وش لونك ،، عساك بخير..


المعلومات اللي ذكرتها لاباس بها لكنها ليست المعلومات

الشافية.. والدك من تاريخ ميلاده اقترب من الــ 100 عام بمعنى

خواله تقدر اعمارهم من الـ 130 عام .. اضف لهذا ان عمر

جد والدك لامه يقدر عمره 152 اي من مواليد 1859م.. الامر ليس سهلاً.

انا بحاجه للاتي..

من اي عتيبة خوالك ، ؟ من روق او من برقا؟.

اذا مافيه جواب ، على الاقل من اشهر اقاربهم..

ثانياً هل هم من نجد او الحجاز.؟

بالاضافة الى البلد اللي تم فيه الزواج. قطر ، او السعودية..

ان كا في السعودية راح نبحث لك ولايهمك ،، اذا كان في قطر

اعطيك اسماء عتبان في قطر..

لكن الغريب اسم خالك ( فرخان) انت متأكد ان عمتك نطقت الاسم كويس..

اذا كانت كبيره في السن او مصابه بجلطه اظن الاسم الصحيح فرحان. او (مرخان)

[عبدالمجيد النفيعي]

أولاً يامرحبا فيك عند اخوانك وعلمك غانم ان شالله

لكن أخوي أفضل إنك تسأل عنهم من أعيان قبيلة عتيبة في دولة قطر ممكن يكون عندهم معلومات عنهم حتى لو أسماء فخوذهم فقط

[مشاري الحبردي]

ان شاء الله تلقاء خوالك ...
واهل المنتدى فيهم خير وبركة
لاني قبل شهور قد دورت على رجال اسمه واسم ابوه ( فهيد بن سليمان ) ولا ادري من اي العتبان


والحمد لله لقيته


فضل الله ثم فضل المنتدى


وان شاء الله تتلقاهم

وانا ابا ادور لعل وعسى ....:)

[عشق الشمال]

يامرحبا يالكبيسي..

وش لونك ،، عساك بخير..


المعلومات اللي ذكرتها لاباس بها لكنها ليست المعلومات

الشافية.. والدك من تاريخ ميلاده اقترب من الــ 100 عام بمعنى

خواله تقدر اعمارهم من الـ 130 الى الـ140 عام .. اضف لهذا ان عمر

جد والدك لامه يقدر عمره 190 اي من مواليد 1895م.. الامر ليس سهلاً.

انا بحاجه للاتي..

من اي عتيبة خوالك ، ؟ من روق او من برقا؟.

اذا مافيه جواب ، على الاقل من اشهر اقاربهم..

ثانياً هل هم من نجد او الحجاز.؟

بالاضافة الى البلد اللي تم فيه الزواج. قطر ، او السعودية..

ان كا في السعودية راح نبحث لك ولايهمك ،، اذا كان في قطر

اعطيك اسماء عتبان في قطر..

غالب الذيباني
المرحب باقي
وأبشرك أنا بخير ولله الحمد
جزاك الله خير
الزواج تم في قطر
ومرة الوالد الله يرحمه تلاقى له مع رجال عتيبي في مكة بالصدفة وطلع من خواله لكن للأسف ماتم التواصل معاه وإنقطعت معاه الأخبار ، ولكن الأكيد إنهم من السعودية مهب من هل قطر .
وأنا قلت بابحث عن طريق الأسماء
وبالنسبة لأسم خالها كانت تأكد أنه فرخان مهب فرحان ونطقها سليم .

[عشق الشمال]

أولاً يامرحبا فيك عند اخوانك وعلمك غانم ان شالله

لكن أخوي أفضل إنك تسأل عنهم من أعيان قبيلة عتيبة في دولة قطر ممكن يكون عندهم معلومات عنهم حتى لو أسماء فخوذهم فقط

المرحب باقي
وعسى عمرك طويل ماعليك زود
ولو كان فيه حد من هل قطر من قرابة الوالد كان تواصل معانا .

وأنا بامر على عمتي خلال هاليومين بإذن الله وبحاول لو قدرت أعرف منها معلومات إضافية والله يجيب اللي فيه الخير .

[عشق الشمال]

ان شاء الله تلقاء خوالك ...
واهل المنتدى فيهم خير وبركة
لاني قبل شهور قد دورت على رجال اسمه واسم ابوه ( فهيد بن سليمان ) ولا ادري من اي العتبان


والحمد لله لقيته


فضل الله ثم فضل المنتدى


وان شاء الله تتلقاهم

وانا ابا ادور لعل وعسى ....:)

تسلم أخوي مشاري وبيض الله وجهك
والحمد لله الظن فيهم خير وهذا اللي خلاني ألجأ إلى المنتدى بعد الله .