ظاهرة حذف إسم القبيلة من بطاقة الأحوال

[النايع]

ظاهرة حذف إسم القبيلة من بطاقة الأحوال

أبناء العمومة الكرام
سلام من الله عليكم ورحمة منه وبركات.

تعرفون أن مجتمعنا السعودي اليوم فيه من ينتسب إلى قبائل بدوية معروفة. العتيبي السلمي العنزي.. إلخ. وفيه من ينتسب إلى عوائل وأسر معينة وغالب هؤلاء من أهل الحاضرة.


يلاحظ طالب الجامعة. أو الموظف. أو عندما يحتك شخص بأناس معينين. وجود أشخاص ينتسبون إلى عوائل. ولكن بعد التعرف على هؤلاء عن قرب. تجد أنهم ينتمون إلى قبيلة معروفة. عامة أبناؤها يكتبون بإسمها في أوراقهم الرسمية.

ماهي وجهة نظركم تجاه هذه الظاهرة. وما الأسباب. وهل تلحقونهم ملامة؟
وهل من حل لهذه الظاهرة؟

ثم سؤال آخر.
ما هو سبب تمسك أبناء القبائل بقبائلهم!!!! في هذا العصر الزاهر؟

[ابو رامي]

الآخ النايع
سؤالك متشعب وكبير وهو في الواقع سؤال مهم وكبير وهو على قولهم ثلاثة في واحد.
بالنسبة للذين يكتبون أسماء عوائلهم أو فخوذهم الصغيرة دون الكبير ة ، فهذا له عدة أسباب حيث أن بعضهم يكون أما حليف واحتفظ باسمه أو أن الاسم غلب على اللقب الكبير لظرف معين.
وهناك سبب مهم وخاصة لقبيلةعتيبة بالذات .
كانت الاحوال المدنية بالطائف وبالذات رئيسها قديما اسمه ( يس ) يتحكم في الناس ويشطب على كلمة عتيبي ويطلب الفرع مثل روقي أو جعيد أو ثبيتي أو زايدي .. وغيرها من الأسماء الفروع لكبيرة أو الصغيرة .
وعندما اشتكوه على الامارة .. اخرج لهم تعميم بعدم ذكر القبايل الكبيرة ، حتى لا يكون السواد الأعظم من الاسماء لأنه يثير العنصرية القبلية في الدولة .. ( هل هذا معقول ) يــــس ( يتحكم في نسب قبيلة كاملة ).
مع العلم ان التعميم لم يطبق على بني مالك أو زهران او بقية القبايل مثل سليم ومطير . وإنما على قبيلة عتيبة على ما اعتقد في الطائف والرياض.

تصور لو العتبان كلهم تسموا باسمهم الكبير .. فعلا ( اكتساح هائل للألقاب ) وضربه موجعة لباقي القبائل ... يعني أي كشف تشوفه أو بيان من أي نوع .. يصبح باللون العتيبي الأصيل.

هذا واحد من الاسباب فقط. وهناك اسباب اخرى كثيرة تتعلق باصول الناس وانسابهم لا نحب الخوض فيها والله يستر على خلقه .

[! محتميها !]

تحيه عطره للجميع وبعد


واللـه العظيم انا ملاحظ الشي هذا من زماان في الاحوال المدنية في الرياض


وخصوصاً على العتبان ليه مدري


يعني اعرف ناس كثير من اخوياي مطران وغيرهم


تحصله كاتب اسم الفخذ واسم القبيله ولو يقول حطو اسم امي معي في البطاقه حطوها


لكن قسم باللـه واحد قال لي انه جاء يبي يكتب اسم القبيله ورفضوا في احوال الرياض


لكن الامور شكلها كبيرره بالحيل ما يحتاج نتطرق لها او نذكرها



لكن تكفون يا عيال العم كلن بس يعرف فخوذ عتيبه صغيرها وكبيره


ما نكتفى باسماء القبايل يعني ما نكتفي بالعصيمي والمقاطي والنفاعي والثبيتي والاسعدي ... الخ


الا نحفظ الفروووع بعد كلهااا عشان نعرف عيال عمنا في كل مكان



فيه علوم واجد لكن السكووت يمدحوونه



وانتبهوا يا عتااابه



تحياتي للجميع

[النايع]

بسم الله
أشكر الأخوان ابو رامي ومحتميها
بالنسبة لرأيي حول ما أضافوه.
1- أنا في الموضوع الأساسي لا أقصد قبيلة بعينها. وإنما كظاهرة منتشرة في القبائل العربية. مع العلم أن قبيلتنا ولله الحمد هي أقل من القبائل الأخرى في هذا الشأن ومعروف عنها العصيبة الشديدة. والعصبية العتيبية لا يساوم عليها أحد. ولكن يبدو والله أعلم أن الأخوان هنا لم ينظروا إلى المجتمع من جميع الزوايا وإلا وجدوا أن قبيلتنا هي الأقل في هذا المجال.
2- بالنسبة لتأثير الدولة أو موظفيها أمر جائز. ولكن هل هو بهذه الصورة؟
3- الاقتصار على أسم عشيرة معروف انتمائها إلى قبيلة كبيرة أمر لا بأس به. لكن المشكلة هو الكتابة بإسم عائلة صغيرة غير مشهورة أو الكتابة بإسم أحد الجدود في سلسلة النسب. يوحي للآخر بأن ذلك الشخص لا ينتمي إلى قبيلة أو أنه من عوائل الحاضرة.
4- كون الحليف لا يكتب بإسم القبيلة التي هو معها شيء جميل ومحبب. ولكن هذا الأمر هو أبعد ما يكون عن الظاهرة محل النقاش. لأن القبائل الحليفة عادة ما تكتب بإسم القبيلة التي انضمت إليها والأمر واضح تمام الوضوح.
5- نحن نتكلم عن الوقت الحاضر. والجميع يعرف بعض الاجراءات المشددة على بعض القبائل في الزمن السابق. خصوصاً بعد معركة السبلة. وما قصة الملك سعود تجاه توظيف أحد العصمة عنا ببعيد.

مشكورين

[! محتميها !]

النايع


الله يمسيك بالخير



بالنسبه للظاهره هاذي فاعتقد ان سببها الاشخاص انفسهم يعني مال احد فيها يد


وتخبر حنا هالايام في عصر العولمه كلن وده يتطور


عشان كذا تجد بعض من الناس اللي يحط اسم جده ويصير كأنه من عوائل الحضر


مع انه ولد قبيله وهذولي وحده من ثنتين



اما انهم مع الخيل يا شقراء ومهابيل يشوفون لهم ناس يسوون مثل هالحركات ويقلدونهم



ولا انهم رخووم ويحاولون يتهربون من اسم قبيلتهم سواءً لظروف اجتماعيه يعني قدام الناس


ولا لأي ظروف ثانيه




ولك خالص تحياتي يالغالي ولا هنت على موضوعك



محتميها

[^^العصيمي^^]

والله يخوووك مشكله
والله يعين
واشكررك على طررحك يالغاالي

[النايع]

مشكور يا محتميها

والظاهر أنك أصبت كبد الحقيقة. والسبب في الأشخاص أنفسهم. وما يسوقونه من تبريرات باطلة غير مقبول

والله أعلم

[النايع]

مشكور يالعصيمي على المرور الكريم

[خلف القثامي]

مساكم الله بالخير وموضوع حذف القبيله حصل في زمن الاشراف وذلك بسبب التعصب القبلي المنتشر في الجزيره العربيه وليس لشخص في دائرة الاحوال المدنيه ان يجبرك على التخلي عن اسم القبيله الي انت تنتميلها وتوحيد الجزيره تم بهذا الشكل وبنفس النهج ولوا ان عتيبه هي التي ينتهي في البطاقه اسم الفخذ وليس القبيله وذلك بسبب ان الحجاز كانت ومازالت يقطنها هوازن ومنها عتيبه وكان الخطر في زمن الشريف من عتيبه وحرب وجهينه ونشوف ان قبيلة حرب يكتب اسم الفخذ في البطاقه مثل العوفي والردادي والعمري وغيرها من فخوذ حرب ودائم القبائل الكبيره في الجزيره العربيه عليها التركيز والحذر من بركان قد ينفجر في اي زمان ومكان ونرى ان الدول المجاوره مثل قطر ال مره والعراق الجبور لهم قيمه في دولهم ومكانه وسنظل عتبان سوا ببطاقه او بدونها لان زبدة الكلام والشاهد فيه اننا من قبائل معروفه في التاريخ من عصور الصحابه وليس عصر التكنولوجيا والتقدم ولكم جزيل الشكر والاحترام .

[الــعــضــيـاني]

موضوع اكثر من رائع وانا بنفسي لاحظت هالشئ كذا مره ...


لاكن فيه بعض عيال القبايل مايكتب اسم قبيلته يكتب اسم جده الرابع او الخامس ويسبقه بـ {ال} .


تخيلوا معي في القاعة واحد عتيبي مادريت انه عتيبي الا قبل اسبوعين!!!!!


هذا ما أردت قوله في هذا الموضوع ..


تحياتي/

الـــعـــضـــيــانــي

[متعب العصيمي]

بسم الله الرحمن الرحيم

ألســــــــــلام عليكم ورحمه الله وبركاته000

موضوع مهم وفي محله تشكر عليه يالنايع

حينما قرأت الموضوع تذكرت قصه حدثت مع احد الاشخاص الذي لايريد ان يكون اسم القبيله او الفخذ

في بطاقه ألأحوال وكان يريد اسم الفخذ القريب جدا والممختصر في نظره ، وتلك أسباب يراها هوا

فعلا أستطاع ان يلغي اسم القبيله وفخذه الذي يدل انهو من تلك القبيله ، تزوج وبعد فتره أتى من اقارب

الزوجه وقال هذا ((((((( عبد)))))) وكلنا عبيد لله ماله أصل ونتم مزوجينه قامو وسحبو حرمتهم منه وعياله

قالو أنت عبد توكل على الله، راح يلف ويدور يالله يالله يالله ثبت اصله والسبب أن ألأسم اللي في البطاقه

مشابه لأسم عائله مالها اصل وتعب الين ثبت اصله عند الدوله في البطاقه بعدين اهل المره بعد ماتوهق

وهذا الشخص هو من حدثني بقصته0

وحين تسئله ليش ماتبي اصلك قال تعصب قبيله وماتعصب وا وا وا واو ا ويذكرلك من الاسباب اللي هو مقتنع فيها

(((( أذكان العز والفخر ماهو بسمي العتيبي في البطاقه وكل شي وينه فيه أجل))))


موووووووووووودتي

[ذيب برقااا]

بسم الله الرحمن الرحيم
السلام عليكم ورحمة الله وبركاته
مساكم \ صبحكم الله بالخير
وتسلم يالمانع على الموضوووع الجيد والمهم
وبصراحه هذي مشكله اعاني منها وأرى الكثير مثلي ونفسي اعرف السبب
وحينما انضر الى هويتي \بطاقة الاحوال اخرهاا الثبيتي وكذالك ابوي وهويات عيال عمي
الثبيتي العتيبي واباءهم كذالك وهم عيال عمي لزززم وانا نشدت الوالد انه يمديني اغيرها وقالي شغلتهاا طوووويله عريييضه
ونشدته عن السبب وقالي انه في ايام جهيمان الله يرحمه كانو مايوضفون العتبان فأضطروا بعض القبايل على تغييرهاا
والمهم الناس تعرف المثل اللي يقول (اللي ماهو ثبيتي ماهو عتيبي) وسلامتكم

[النايع]

مشكور يا خلف على المشاركة. وإبداء وجهة نظرك.

[النايع]

مشكور يالعضياني.
وما رأيته قد رأيناه.

[النايع]

مشكور يا متعب
وصراحة رفيقك يستحق ما جاه.

وصدقت في كلامك اللي بين الأقواس.

[النايع]

مشكور يا ذيب برقا
وبالنسبة لإقتصار اسمك على الثبيتي. هذا شيء لا بأس به. لأن الثبيتي اسم معروف ومشهور.
أما المثل المشهور عندكم في الحجاز. لو فرضنا صحته. يصير النايع مهوب عتيبي. لأني لست من ثبيت ولا أمت لهم بعرق.
يعني برا مع الباب :)

[الوليد الاسعدي]

موضوع تشكر عليه يالنايع ...
والبطاقات من اول مالها عند الاولين قيمه وتلقى البطاقة الوحدة يتناوب عليه ستين رجال هذا داخل وهذا مهون وهذا مزور وانت على هالحال ... اما الان عندما اصبحت شبه وثيقة واختلط الناس عبدهم بحرهم وتباعد الناس فالامر يختلف وخطير .
فلازم يحرص القبيلي على اسم القبيلة وان ماقدر فالفخذ على اقل الاحوال ... واترك عنك من يقول تعصب ماتعصب !! الا والله الكثرة عز ولاهي حرام ولا عيب وصحيح لها سلبيات ربما !!! لكن خيرها اكثر وأقل مافي خيرها ان الظلم والحيف يبعد عنك اذا عرف انك عتيبي وبعدين وش هالدنيا اللي بدون ربعي وجماعتي !!! وهناك امر خطير هو ان من يتسمى بالجد ربما ضاع اصله مع مرور الزمان واصبح في مصاف العبيد حتى وان تسمى باسم ديرته !!! الوقت الان تغييييير ، ومن رأيي ان التسمي بالفخذ يمكن يكون احسن لكن فيه مشكلة ان افخاذ القبائل تتشابه مثل :
العصيمي العتيبي والعصيمي التميمي
والعازمي العتيبي والعازمي اللي الله يستر عليه
والسعدي العتيبي والسعدي التميمي والسعدي اللي من اللي الله يستر عليه
والخريصي العتيبي والخريصي العنزي
والسميري العتيبي والسميري اليماني
والروقي العتيبي والروقي القحطاني
والعضياني العتيبي والعضياني الحارثي
والاسعدي العتيبي والاسعدي اليماني
والخنفري العتيبي والخنفري القحطاني
والمقاطي العتيبي والمقيطي الاحمري او الاسمري
والجذعاني من عتيبة والجذعاني من عنزة
والعريدي العتيبي والعريدي الدوسري
والحزيمي العتيبي والحزيمي الجوفي
والغربي العتيبي والغربي الشمري
الحمراني العتيبي والحمراني الهاجري
والغضباني العتيبي والغضباني التونسي
والشيباني العتيبي والشيباني السهلي
والسويطي العتيبي والسويطي الظفيري و الشمري
والكريزي العتيبي والكريزي البقمي
والطلحي العتيبي والطلحي الهذلي
والمسعودي العتيبي والمسعودي الهذلي
والحنتوشي العتيبي والحنتوشي العنزي والسبيعي
والغنامي العتيبي والغنامي الحويطي

وغيرهم ربما ....
ويبدوا الافضل ( غيرت رأيي :)) ان يقرن بين الاسمين الفخذ والقبيلة سويا كما هو مسموح به الآن وقبل ان تتغير الاحوال ثم تتغير الاحوال !!!
والامر الأهم هو دوام التواصل والتقارب مع ابناء الفخذ الواحد القريبين وعدم الشذوذ او الغرور بمنصب او بمال ثم الابتعاد وقد تدور الدوائر فيجد نفسه وابناءه ربما مع العبيد والموالي والعجم .

[النايع]

صدقت يالوليد

واحسن شي تكتب في البطاقة. اسم الفخذ أو العشيرة... ثم اسم القبيلة.

و اسم القبيلة هاااااااااااام جداً :)

أهم من اسم الفخذ بالنسبة لي.

يا شيخ اسم العتيبي في البطاقة مدري وشلون (البعض) يفرط فيه.

أنا اتلقط اسم أي عتيبي مكتوب في الجرايد. وهم ما ودهم به.
عجبي والله

[ابن الاجواد]

الاخ النايع

تشكر على الموضوع المهم جدا"

وانا بنظري بأن استبعاد اسم القبيلة من بطاقة الاحوال تعتبر سياسة دولة كي تجعل القبائل لاتتجمع مع بعض وتجعل كل فخذ لحال ويسمى بالبطاقة فخذه من غير ذكر القبيلة الام



سؤال للاخ الوليد الاسعدي المحترم

أنت تقول

والعازمي العتيبي والعازمي اللي الله يستر عليه

لكن عوازم عطا يذكرون بأن أولاد عاصي يرجعون لهم هل هذا الكلام صحيح أو لا

[طلال الروقي]

بصراحة يالنايع وأنا اخوك ان هالموضوع له عدة اسباب هذا اذا كنت تقصد اللي انه من قبيلة لكن غير مذكوره في اوراقه هذا الشي يمكن يكون بغير ارادته او يكون موظفين الاحوال معقدين شوي ومتعصبين
او يكون طريقة المعيشة ومحل الاقامة له دور او قد يكون هذا الشخص من نزيعة في تلك القبيلة

لكن المهم ان ولد القبيلة الصدقي تعرفه من وجهه اول ماتشوفه بصفات الرجولة والكرم واشهامة والشجاعة والنخوة والحمية لكن مع هذا عليه ان يكمل هذه الصفات الحميدة بالاخلاق الاسلامية الأخرى لأن الرسول عليه السلا م اخبرنا ان معايير التفضيل تلك الموجودة في الجاهلية هي نفسها في الاسلام لكنها لاتكتمل الا بالدين (خياركم في الجاهلية خياركم في الاسلام اذا فقهو )
اما اذا كنت تقصد ان هناك اشخاص اصلا مسمى القبيلة موجود ثم يحاولون يحذفون اسم القبيلة ويستبدلونه باسم آخر فهذا انا اعتبره ضعف شخصية ! وقد يكون له سبب مثل بعض المناصب العليا يصعب على من يحمل اسم قبيلة مشهورة ان يحصل عليها لاسباب ماودنا نقولها
او لسبب وجود شخص في محل ناس متعصبين على القبايل مثل بعض المناطق مثل اللي انت كاتبها تحت اسمك!!!!!
لكن مع هذا ارى ان هذا ليس عذرا فالانسان عليه ان يثبت نفسه وشخصيته كما هو وبعضهم للاسف يرى ان مجرد ذكر القبلية تخلف وبداوة!!!!! و ...و,,,
وهذولا موجودين وهو اللي اشار اليهم احد الردود أعلاه فهذه النوعية حتى لو كانو ينتسبون لقبايل لكن بالنسب اما غير ذلك فلايختلفون عن البقية وللاسف اني قابلت بعضهم ولقيتهم مثل ماوصفهم الاخو راع الرد اللي فوق (((الرخامة وال....... فهؤلاء اتركهم عنك ماعلاك منهم اصلا انتسابهم لاي قبيلة نقص عليها
على مقال شاعر عتابة لانفع لربعة ولازود لغيره!!

[النايع]

مشكور يا بن الأجواد

وجهة نظرك مطلب من مطالب الدولة!!

ولكنها لا ترغم أحداً على عدم كتابة اسم القبيلة في البطاقة.

[النايع]

بصراحة يالنايع وأنا اخوك ان هالموضوع له عدة اسباب هذا اذا كنت تقصد اللي انه من قبيلة لكن غير مذكوره في اوراقه هذا الشي يمكن يكون بغير ارادته او يكون موظفين الاحوال معقدين شوي ومتعصبين
او يكون طريقة المعيشة ومحل الاقامة له دور او قد يكون هذا الشخص من نزيعة في تلك القبيلة

لكن المهم ان ولد القبيلة الصدقي تعرفه من وجهه اول ماتشوفه بصفات الرجولة والكرم واشهامة والشجاعة والنخوة والحمية لكن مع هذا عليه ان يكمل هذه الصفات الحميدة بالاخلاق الاسلامية الأخرى لأن الرسول عليه السلا م اخبرنا ان معايير التفضيل تلك الموجودة في الجاهلية هي نفسها في الاسلام لكنها لاتكتمل الا بالدين (خياركم في الجاهلية خياركم في الاسلام اذا فقهو )
اما اذا كنت تقصد ان هناك اشخاص اصلا مسمى القبيلة موجود ثم يحاولون يحذفون اسم القبيلة ويستبدلونه باسم آخر فهذا انا اعتبره ضعف شخصية ! وقد يكون له سبب مثل بعض المناصب العليا يصعب على من يحمل اسم قبيلة مشهورة ان يحصل عليها لاسباب ماودنا نقولها
او لسبب وجود شخص في محل ناس متعصبين على القبايل مثل بعض المناطق مثل اللي انت كاتبها تحت اسمك!!!!!
لكن مع هذا ارى ان هذا ليس عذرا فالانسان عليه ان يثبت نفسه وشخصيته كما هو وبعضهم للاسف يرى ان مجرد ذكر القبلية تخلف وبداوة!!!!! و ...و,,,
وهذولا موجودين وهو اللي اشار اليهم احد الردود أعلاه فهذه النوعية حتى لو كانو ينتسبون لقبايل لكن بالنسب اما غير ذلك فلايختلفون عن البقية وللاسف اني قابلت بعضهم ولقيتهم مثل ماوصفهم الاخو راع الرد اللي فوق (((الرخامة وال....... فهؤلاء اتركهم عنك ماعلاك منهم اصلا انتسابهم لاي قبيلة نقص عليها
على مقال شاعر عتابة لانفع لربعة ولازود لغيره!!


أخي المحب الصريح

هذه هي أهم تبريراتهم عندما تسألهم عن السبب.

واعتقد أنك ترى أنهم غير معذورين.

وانا أعتقد أن الذي يخفي أسم قبيلته بهذه الطريقة. لن ينفعها بشي. وإنما هو ينفع نفسه فقط. والدليل تخليه عن انتمائه لمجرد ناس متعصبة تبغض بني جنسه (حسب اعتقاده).

[ناجم العتيبي]

صبحكم الله بالخير ياعيال العم


والله انه موضوع رائع واكثر من رائع وانا والله اشكرك يالنايع من كل قلبي على طرح ذا الموضوع...


المهم والله فعلا انك صادق بموضوعك وخصوصا حنا ياعتبان جنوب الطايف...


تلقى على سبيل المثال احنا يالسوطه ثلاث ارباع القبيله كاتبين السواط وربع وهذا اذا مو اقل من الربع


كمان كاتبين السواط العتيبي...


وكمان ناس من اخوياي نفعه وجعده ومن خديد وكل عتبان جنوب الطايف بدون استثناء على ذا الحال


يقولون لي انهم يواجهون نفس المشكله...


وانا وربي ان ذا الشيء حاز في نفسي واني مقهور منهم ...


وكمان رحت لاحوال مكه مرتين عشان اضيف اسم العتيبي طردوني مع الباب قالوا لازم يكون اسم


القبيله مكتوب عند ابوك وعند جدك بعدين نكتبه لك ...


لكن الحين بعد ماقريت موضوعك وربي شجعني وشكل بروح لهم ذا المره الثالثه واتهاوش معهم لخليهم


يضيفونه بالطيب او بالقوه...


وبالله عليكم افدينوا وش الطريقه اللي تخلي الاحوال تكتب اسم القبيله في البطاقه



وعلمي وسلامتكم

[ساري 3]

بارك الله فيك ياالنابغ وتسلم على هالموضوع المهم والمهم جداا0
اما البنسبه لخوينااا ناجم العتيبي انا انصحك انك تاخذ صوره مصدقه من شيخكم لشجرة قبيلتكم وتدل على انك انت او ابوك من قبيلة السوطه من عتيبه 0
وتروح للاحوال والله يعينك تراها تبا تطول بس اصبر والله يعين0
ودمتم اخوكم ساري

[النايع]

أخوي ناجم حياك الله
والله ونعم بعيال عمنا السوطة
واعتقد أن الأخ ساري كفى ووفى

يعني إذا بغيت تضيف اسم العتيبي لازم تاخذ تعريف من شيخ القبيلة. وهكذا.

تحياتي.

[النايع]

حياك الله أخوي ساري3
ومشكور على الإضافة الجميلة.
تحياتي

[ساري 3]

بسم الله الرحمن الرحيم


الله يبقيك ياولد العم 0

وترا ماسويناا الا الواجب ومقصرين فيه بعد ؛ والاخوان ماقصروا صراحه

بالردود؛؛؛؛ وانا مع اللي يقول ان لقب العتيبي فالبطاقه ما ازين منه وعزالله انه يحليها0

وعلمي وسلمتكم0



اخوكم ساري00

[رائد العتيبي]

وحيد لي ميحذفة العتيبي

لن يفتخر بسم العتيبي

كل يتمني يكون عتيبي


اذا اسم العتيبي علي بحرام مشيل من اسمي ليش اشيلة افتخر بني اشيلة العتيبي يكفي تاريخ وفخر وعزة وهيبة بين قبايل

[النايع]

مشكور يا ساري مرة أخرى

[النايع]

رائد العتيبي
مشكور على العبارات الجميلة.

بس أخاف أحد يقرأ كلامك ولا يفهمه

ثم يظن أن أهل الولاية كلامهم كذا

لغة جديدة

[الغبيـــوي]

الأخ النايع مشكور ولاهنت

فيه ناس مايبي يكتب قبيلته لان موقعه حساس

يعني يخاف من الاحراج والواسطات وووووو اشياء واجد

مثل رئيس لجنة قبول وغيره....

[النايع]

مشكور يالغبيوي

بس لو كانت مكان من ضربت به المثل

كان اتفشل في جميع العالم ولا اشيل اسم قبيلتي من البطاقة

[سيف العضيان]

عايدي يخوي الدعوى حبر على ورق

[البدوي القحطاني]

الاخوان موضوع النايع جميل ومن وجهة نظري الخاصه بأن الامور مدروسه وانتقائيه لتذويب الهوية القبلية وخصوصا مع قوة الكتل القبلية في النسيج الاجتماعي للجزيرة العربية وقد حصل مفكرين على جوائز كبيرة في هذا الشأن ومنهم العلامة حمد الجاسر وابن خميس وسمو بعلامة الجزيرة وذات يوم شدني الموضوع في جريدة الرياض إذ بمقالة للعلامة حمد الجاسر يقول في نص المقالة وهو يعرف بقبيلة بني خضير (طبعا أكيد من كلمة خضيري)ويستطرد ويقول هي قبيلة عزيزة تسكن عالية نجد ممايلي اليمامه وسميت بهذا الاسم لانهم كانو يبيعون في الخضار (تدليس عينك عينك ) طبعا الهدف ليس أنا وأنت والالجيل الحالي أو الذي بعده ولكن المقصود الاجيال القادمة التي تاتي عوائل متفرقه يبحثون عن أنسابهم تجدهم يبحثون في كتب العلامه ابن جاسر وهنا يستطيع الجيل عدم التمييز بين العربي الاصيل وبين الحضيري هافي النسب علما بأنني لا أميز في هذا الجانب في التعامل أبدا ولا أحلل فيه الا في حالة المناكحات والزواج فكل يعرب منسبه تقبلو شكري وتقديري

[ريان السواط]

السلام عليكم إخواني اول شئ انا ما سجلت في المنتدى إلا عشان موضوع لفت نظري وهو حقيقي شئ يقهر قصة حذف اللقب وانا والله محاول باكثر من طريقه إني احله مني عارف كيف القصه
إنو جدي الله يسامحه طلع بطاقته بدون تسجيل اللقب ما ادري سواها عمد ولا لأ لكن الله يسامحه اسمه احمد محمد راجح وابوه مسجل محمد راجح السواط إلي هو جد ابوي وذلحين انا مشكلتي مسجل في البطاقه باسم راجح وهذا شئ والله بيجيب لي جلطه مني عارف وش اسوي انا وعيال عمي كلنا بنحاول نصلحها وعماني وابوي ولا همهم عاجبهم الوضع بالله وش تسون لو إنتو مكاني

وإلي يعرف الحل يساعدني تكفون وشكرا

[بيرق عتيبة]

الإحتفاظ بإسم القبيلة جميل وينتقل من جيل لاخر
لحفظ اسم القبيلة وانتماء العائلة للقبيلة مباشرة
هو الانسب والأصح مع العلم أن كثير من العوائل
عادت لكتابة اسم قبيلتها في وقتنا الحالي
مع الشكر لهذا الطرح
وجهة نظري فقط

[خلف القثامي]

الاخوان موضوع النايع جميل ومن وجهة نظري الخاصه بأن الامور مدروسه وانتقائيه لتذويب الهوية القبلية وخصوصا مع قوة الكتل القبلية في النسيج الاجتماعي للجزيرة العربية وقد حصل مفكرين على جوائز كبيرة في هذا الشأن ومنهم العلامة حمد الجاسر وابن خميس وسمو بعلامة الجزيرة وذات يوم شدني الموضوع في جريدة الرياض إذ بمقالة للعلامة حمد الجاسر يقول في نص المقالة وهو يعرف بقبيلة بني خضير (طبعا أكيد من كلمة خضيري)ويستطرد ويقول هي قبيلة عزيزة تسكن عالية نجد ممايلي اليمامه وسميت بهذا الاسم لانهم كانو يبيعون في الخضار (تدليس عينك عينك ) طبعا الهدف ليس أنا وأنت والالجيل الحالي أو الذي بعده ولكن المقصود الاجيال القادمة التي تاتي عوائل متفرقه يبحثون عن أنسابهم تجدهم يبحثون في كتب العلامه ابن جاسر وهنا يستطيع الجيل عدم التمييز بين العربي الاصيل وبين الحضيري هافي النسب علما بأنني لا أميز في هذا الجانب في التعامل أبدا ولا أحلل فيه الا في حالة المناكحات والزواج فكل يعرب منسبه تقبلو شكري وتقديري



كلام سليم


ولاتنسى ان الخضيريه اصبحوا من القبائل الاصيله بعد البحث عن الاصل المفقود

للقبائل واسعة الانتشار وتظليل الاراء حول صحة نسبهم بدعوى ان لهم عقود من السنين


كانوا في مكان ثم هاجروا وبمساندةبعض شيوخ القبائل المرتزقه خاصه الجيل الحالي

الذي يفكر في سياره فاخره وتسديد مديونيه لاجل رفع شأن وقيمة الشيخ في الوقت الحالي


بعدما كان السيف والخيل رمز وصيت ذائع للشيخ



لهم صوله وجوله في الماضي




كتب الانساب مثل الثوب المفصل

كلن ع قده يفصل ثيابه

[ألعتيبي فالح]

كلام سليم


ولاتنسى ان الخضيريه اصبحوا من القبائل الاصيله بعد البحث عن الاصل المفقود

للقبائل واسعة الانتشار وتظليل الاراء حول صحة نسبهم بدعوى ان لهم عقود من السنين


كانوا في مكان ثم هاجروا وبمساندةبعض شيوخ القبائل المرتزقه خاصه الجيل الحالي

الذي يفكر في سياره فاخره وتسديد مديونيه لاجل رفع شأن وقيمة الشيخ في الوقت الحالي


بعدما كان السيف والخيل رمز وصيت ذائع للشيخ



لهم صوله وجوله في الماضي




كتب الانساب مثل الثوب المفصل

كلن ع قده يفصل ثيابه


والله انه شي يقهر ويغبن ..والمشكله ان الخضيري تميزه من شكله لانه يختلف عن القبيلي في السحنه والملامح حتى وان كان ابيض وحتى مضمونه وطباعه يختلف فكيف يكون ينتمي لقبيله وتوه يلقى اصله اللي ضيعه مثل ما يدعي ؟؟ العرق الافريقي واضح فيهم

بعدين ليش يدعون انهم من قبائل والله العظيم لو اني خضيري اني لاقول اني خضيري ولا علي من احد لان الله خلقني هكذا وما يرضاه ربي لي هو اللي اتشرف به وارضاه سواء قبيلي او غير ذلك

[المقاطي العلباني]

واضحه ليش خصوصا عتيبه عشان؟؟؟؟
زي ماقال أخوي النابع والله قهر

[ريان السواط]

:mad:شششششششش

[اداوي الجروح]

افضل شيء

وماراح ينقص شي من القبيله لانه في الاخير هو من الاسر المتحضرة ويرجع لقبيلة كريمه

[سديد الرأي]

بارك الله بك , شكراً أخي الكريم

[َسفير العصمة]

ظاهرة عايدية عن حذف اسم القبيلة

والافضل ان كل ماتقدمت السنين أن نرجع للخلف في الفخوذ

لان ممكن قبيلة عتيبة تصبح شعب من الشعوب وتكبر وتصبح من اكبر القبائل وتزداد جداً

وكانوا الناس يكتبون العتيبي بس بعد السنين أصبحوا بكتبون ما بالخلف مثل العصيمي- القثامي وهنا يكون ترتيب للقبائل

لاهنت ياخوي الكريم والله يعطيك العافية

[ريان السواط]

شباب من يعرف كيف احذف مشاركتي يقولي الله لا يهينكم

[الأزوري العتيبي]

شباب من يعرف كيف احذف مشاركتي يقولي الله لا يهينكم

عن طريق مراسلة مشرف القسم أو الإدارة

[بجاد النفيعي]

والله انك صادق ..

انا ولله الحمد اسمي في بطاقة الاحوال .. بجاد النفيعي العتيبي

مع اني ما اقول الا بجاد العتيبي ..

اما بالنسبة للي بالطائف لا عادي ويمديك لو تبي الحين تروح الاحوال تغيرها للعتيبي ..

اعرف واحد مطلع بطاقته من الطائف مكتوب الجعيد العتيبي ..

واعرف واحد بعد كاتب الدغيلبي .. صح ان الدغالبة معروفين بس لو كتب العتيبي احسن

ومشكور على الموضوع