محاورة بين ابن جدعان والهاجس

[ابن جدعــان]

ابن جدعان:

يالهاجس الليله يا كثر المشاريع=حتى المعاني تا تعود طماعه
واليا التفتنا فالقداء والتسانيع=كل[ن] يقوم ونجدته من ذراعه

الهاجس:

منصور بن جدعان لا يقعد ايذيع=العلم وصله كان يبغى سماعه
اليا بغينا الشعر جتنا مطاويع=كل الهجوس اتقول سمع[ن] وطاعه

ابن جدعان:

الله يعين ابخير يا خاتل الريع=منته لحالك فالوفاء والشجاعه
ضرب العصا ما هوب مثل القواطيع=لو للعصا فالناس سمعه وراعه

الهاجس:

بصبر على الي صار لو فيه تلويع=وغيري كثير الوقت بالفعل لاعه
قلنا ندافعه مع الربع تدفيع=وانتك تعلمت الهجوم ابدفاعه

ابن جدعان:

الله يعينك يالجباه المصاليع=جاك الخبر والنور بين شعاعه
يا مكثرين من اليثب فالمقاميع=بعض الحروب اهي السبب فالمجاعه

الهاجس:

يقوله الي حاصل[ن] له زعازيع=تال الزمن طاو[ن] لحاله شراعه
ياماقلوب[ن] من سببنا مفاجيع=والي لحاله مكسبه للجماعه

ابن جدعان:

يا كبدي الي تشتكين الملاسيع=روحك عساه تشتملها الشفاعه
بنات فكر الهاجس امس[ن]مفاريع=وصل الخبر للتلفزه والاذاعه

[ابو غازي]

ابن جدعان ... مشاركاتك لها مذاق خاص :)

والحقيقة اني اتابع مشاركاتك بكل اهتمام ... فلك الشكر على هذا الدور الذي تقدمه بكل اقتدار ...

تحياتي :)

[ابن جدعــان]

ابو غازي

أن ما أفعله وأكتبه واعده وما اقوم به من جهد0

يعتبر واجب وليس لي فيها الا الوفاء لمن يستحق الوفاء


[عتيبه الهيلا، صبيان التوحيد، اخوان من طاع الله].

تقبل تحياتي وتقديري