محمد الروقي شاعر يفوز في أي محاوره !!

[سعود البرقاوي]

طاروق على الماشي يامحمد

يامحمد الروقي طرى لي علم والدنيا خطر
وأبغى استشيرك وانت من شاورك بالله شاورة

لاسيما واسمك قبل مدة غرابيل الدهر
شاعر خطير ومعتبر وتفوز في أي محاوره

[almorgi]

الله الله

صح السانك ياسعود

وصح السان محمد الروقي

مقدما.

مبداء رايع وننتظر الرد الرائع ,

[محمد الروقي]

صح لسانك ياسعووود

واستلم


ياسعود ويش اللي طرى هات السوالف والخبر
نخبر علومك كلها مثل الذهب واساوره


وانته بعد ياسعود نحسب لك حساب ٍ معتبر
شاعر وتقدر تنتصر في لعب ولا مناوره

[سعود البرقاوي]

لله درك ياشيخ

بانت نجوم الليل مار المشكلة غاب القمر
والذيب يقنب فالجبل والشاة جات مخاورة

والرادو يقول احذروا بان المهديّ المنتظر
والناس مرتاعة منه في دولتين مجاورة

[مقعد الدغيلبي]

ياعيني
عليكم
يامبدعييييييين
أنتم هنا
مادرينا عنكم
لله دركما
صفق
بيوت مثل
ظرب العباريد
عساني
ماجي في نحر واحداً
منكــــــــــــــــــــــــــــم

[محمد الروقي]

ياسلااام


آسف على التأخير

استلم يالذيب وانا طالع الحين



النجم يأفل لا قرب وقت الصباح ولا ظهر
واللي لفا خلّ الذيابه تفترس معاوره


ياصاحبي حنا نميز فالجمال وفالبقر
نعرف حقوق الجار لا من طاح لزم نزاوره

[سعود البرقاوي]

البطن من تحت الظهر والا طلع فوق الظهر
والوقت سبحان الولي بما يراه يداوره

البيت الاول راجعة ركب شطر وامسح شطر
والليل سرّه دام طاروقي هذا على آوره

[محمد الروقي]

اركب على ظهر السفينه واعبر امواج البحر
دام العراق اللي تشتت مانفع له ياوره


ياسعود ثوبي لابسه مافيه زود ولاقصر
بيتي سليم وقبل يظهر يالزميل اكاوره

[مرزوق حمدان العتيبي]

...
.
سعود ومحمد وابداع غير مستغرب
فلله دركما..
واصلوا..
. وعساكم على القوّه ...

[أبو نجر النفيعي]

.. ..

سعود و محمد

صحت السنتكم يا مبدعين

واصلوو ...

..

[الأمــير]

لاهنتوا يالذيابه

====


على المحاااااااااااوره الرائعه الرااااااااائعه


====


اخوكـم المعجب بجهودكم / ذيــــب الحنابـــج