سلام ياحمد .. اقرب الله لايهينك ..((انت ايه انت ))

[السميــــــري]

السلام عليكم حبيت اخذ معك محراف ياحمد ..
استلم ..



سلام الله سلامٍ يعجب اهل الشعر والشعار = سلامٍ مثل حد السيف وطّى روس الارقابي

لو ان السيف شافه عنتره الفارس المغوار = يطش سيفه وثمّ يحط فوقَ راسه ترابي ..

[مقعد الدغيلبي]

لو أن السيف شافه عنتره الفااااارس المغوار=يطش سيفه وثم يحط فوق راسه أترابي
الله عليييييييييييييييييييييييك
ياحضرة المشرف
شاعر أبداع ومشرف
من لقاها ؟؟؟ مالقاها ألا أنت
هههههههههههههه
ومبروك وتستاهل يابن العم
وازهل الصف لايهمك
عااااااااني أبي روح أجيب
المشرف الثاني >>أبو نجر<<
وصح اللسانك ياحمد مقدماً

[السميــــــري]

..
.

مقعد الدغيلبي
هلاهلاهلا..

حيااك الله ..
من طيبك ..

ومدام انك في الصف ماعلى الشاعر خووووووووف ..
هههههههه..
صح بدنك بالغالي ..
والله يبارك فيك..

[أبو نجر النفيعي]

جاك ابو نجر :)

صح الساانك يالسميري

وانا اسمحلي الصف اللي يجي فيه مقعد فانا ضده :)

والليل يا حمد الليل

وازهل الصف

[فهيد الايدا المورقي]

الليل الليل

ايه يالمشرفين العبو حللو رواتبكم هههههههههههههههههههههههههه


متابعين

[السميــــــري]

..
ابو نجر انا وش ذنبي
ههههههه..

عموما صح بدنك
>>> اورررريك ..
..
.

[السميــــــري]

..
بناخي الايداا ..

ليش ماعطوووك راتب
ههههههه..

..

حلال ان شاء الله حلال ..
..

لاهنت على المتابعة ..
..

[سعود العصيمي]

السلام عليكم حبيت اخذ معك محراف ياحمد ..
استلم ..



سلام الله سلامٍ يعجب اهل الشعر والشعار = سلامٍ مثل حد السيف وطّى روس الارقابي

لو ان السيف شافه عنتره الفارس المغوار = يطش سيفه وثمّ يحط فوقَ راسه ترابي ..



ابداع

صح لسانك
يالسميري

ومبروك
المنصب
الجديد


متابع

[الأمــير]

الله ..., الله

====

يالـسميري


====

بدايه رائعه

====

لالاهنت عليها وصح السانك


والى اللامام



وفي انتظار الرد
====



اخوكـــم / ذيــــب الحنـــــابج

[السميــــــري]

..
سعوود العصيمي ..
انت اهل للأبداع ..لاعدمتك يالغالي ..
والله يبارك فيك ..
من عوايدك ..

[حمد بن جوباح]

.
..

العذر والسموحه منكم جميعا

ما كنت موجود امس .. وما شفت الطاروق الا متأخر

وبعدين ما تعوّدت على اسمي :)

استلم استلم



يا مرحبا ترحيبةٍ توصِلْك مستشفى شهار = حيث انك تبني الخيمه بلا عمدان واطنابي
تقوله فالسعه لكن لا مني قبست النار = ركزت الساق للطاقه ولو نفتح لك البابي

.
.
.


لكل من سجل حضوره هنا

صحت ابدانكم يا الغالين

لا خلا ولا عدم

:)

[السميــــــري]

ههههه
طيب طيب..
..


اللي يرحب داخله هذا كلام بلا غبار = حيث انه صاحب المنزل وانا دكتور طبابي

ليا منك قبست النار اقول (هش ) وقدها حار = وانا ماودي اكوي لحمة لسانك بمشهابي

[حمد بن جوباح]

.
..


هههههههههه


استلم استلم

:)



انته زبون شهار لكن جاء الطبيب المستشار = حرام ان ثارت جنونك لهجّدها بمشعابي
تقوله مير ما تثبت فعولك داخل المضمار = ركبك الحق يا الروقي وانا للحق طلابي

[السميــــــري]

..

طيب هاكيهاا ..


انا زبون شهار جبتك للطبيب ابو منظار = وأحالتك مستعصيه ويومن جيته اتبابي

حنا بلشنا مع جحا يومن دق له مسمار = وباع البيت لكن قال مسمار و بحسابي