*** ((( أحتزم ياابن ذايب ))) ***

[نمر الذيابي]

بسم الله الرحمن الرحيم متواضعه

وأقبلوها





يالظابط اللي عليك التاج والنجمه
تامر علينا ونفزع ثم تنهانا

بغيت رخصه شهر لاصكة الحمه
نويت أروٌح على ذودي ومعزانا

مليت جو البلد والحر والكتمه
ومليت من لبسة البدله متى أدوانا

كثر الخفاره تجيب الضغط والحمه
نداقش اليوم ثم بكره يجي سرانا

وعقب الفجر صفة الأفراد ملتمه
وتعدادنا حول ساعه دوب عدانا

وأن كان ماجيت من سخنه ومن زكمه
ألقى الجزى جاهزً قدام أخويانا

ولا أنحجز داخل التوقيف فالضلمه
ثلاثة أيام فيها الهم عنانا

متى أتقاعد وأشوف الريح وأشمه
أضني أرتاح من حملً تبنانا

وأن كان طشيتها البدله مع الجزمه
زرى علٌي الذي ماشاف وش جانا

والكتف مافيه شرطا وخدمتي خدمه
بالحيل والله علانا وملانا

يازين نجد العذي والدار واللمه
أخير من جايرً غاير وغثانا

مير احتزم ياأبن ذايب وألبس العمه
وأركب على الشاص وأرقا فوق مرقانا

نويت أوطي حمولي وأبري الذمه
وأجاوب اللي يصايح يوم نادنا

ثم أما سالم تجر الصوت من همه
واوحيه وأنا أتمشى عند مفلانا

من حد ظلم وعفيف وماقع الخرمه
جعل السحابه تراعيها وترعانا

[أبو نجر النفيعي]

.. ..

صح السانك يا نمر

وياليت مره ثانيه تحط الشدات على الحروف :)

لا ان الي يقراها كذا يحسبها مكسوره :)

وننتظر جديدك ..

..

[السميــــــري]

..
.

نمر الذيابي .. مبدع يارائع ..

يمكن تعلق النجمة على طوول ..
وش تبى بالشرطه هههه

..

صح لسااانك يالذيابي ..

نتطلع للدرر التي عندك ..

..

[خلف بن مرزوق]

..
.

نمرررر

صح لساااااااااانك :)


مبدع وقصيدة معبرررة

مووودتي

.

[نمر الذيابي]

أرحب يالنفيعي وأنا بدويً وش دراني بالشدات والضمات والكسرات

[نمر الذيابي]

هلا ياخالي وأرحب ولاهنت على مرورك يالسميري

[نمر الذيابي]

هلا يابومرزوق ولاهنت على مرورك