السالمي
19-May-2003, 01:22 PM
هذه القصيدتين (مراد) بين الشاعر محمد بن بدر الظريف الدعجاني والشاعر زيد بن عضيب الدعجاني
وقصة القصيده كما جأت على لسان الشاعر زيد بن عضيب يقول زيد بن عضيب زارني في مستشفى الشرق بالخبر ابن عمي / محمد بن بدر الظريف الدعجاني وكنت مصاب باصابات خطيره من حادث انقلاب سياره اثناء مطاردتي لاحد المهربين وانا اودي واجبي في قطاع سلاح الحدود بالمنطقه الشرقيه وعندما لمس ابن عمي موقف ( المعجل ) معي هاضت قريحته بالابيات التاليه وذلك عام 1390 هـ
هاض دالوب الحشا بالغيض صاعه=من دواليب الحشا اللي يخلفني
يوم جا علمن من الغالي مراعه=اتصبر والعيون يعبرني
كن سم الداب وسط القلب زاعه=هل دمع العين والباقي يكني
واحمد اللي بدل الضيق بوساعه=انسمح بالي وبال اللي شحني
خل يابن عضيب هرجك بالاذاعه=سجله يوم المثايل سجلني
ابن معجل صار لك مثل البضاعه=مرخص كيس الذهب في كل فني
ليتني وياه من لم الجماعه=اوجدودي من جدوده يقربني
ماجلست بمجلسه لو كان ساعه=مير فعول الخير لازم ينشرني
يادعاجين انشروا فعل الشجاعه=من يعرف يقول ف المعجل يغني
حطها في روسكم مثل الوداعه=راعي المعروف وش يجزاه عني
ساعد ابن عضيب يوم الوقت لاعه=وانقذ اللي طاح في المركز يوني
سنع الدكتور مع راعي الاشاعه=ماتنا التحقيق لين يكون فني
حقه البيضا على راس الشعاعه=مع صواريخ الفضا ويوزعني
ان بغي حقه معه شكر وبراعه=سنعه يازيد واخذ الحق مني
الظريف يقول هرج بالوقاعه=مير سامحني على مازل مني
( هذه قصيدة محمد الظريف رحمه الله )
وهذا رد ( زيد بن عضيب الدعجاني رحمه الله )
مرحبا يابو بدر سبع السباعه=مايوقف في طريقه كل جني
ياهلا بك عد مايبذر زراعه=وعد نبت الوسم برياض روني
مخلص وواصل ولا فيكم قطاعه=بالحميه والوفا ماخلفت ظني
يالحرار اللي مواكرها الرفاعه=لاوجب حل الهداد يدسمني
رفقة الطيب لنا فيها طماعه=لو نزحت بعيد قلبي له يحني
والرجال اهل الوفا واهل البتاعه=ف اللزوم افعالهم مايغتبني
من يروم الجود مايقصر ذراعه=مثل ابن معجل جميله مايمني
يوم حر الموت غرغرني نزاعه=بالمروه قام لي واهتم مني
دبرة المعبود مامنها جزاعه=واشكر الله عدة نجوم بدني
وقصة القصيده كما جأت على لسان الشاعر زيد بن عضيب يقول زيد بن عضيب زارني في مستشفى الشرق بالخبر ابن عمي / محمد بن بدر الظريف الدعجاني وكنت مصاب باصابات خطيره من حادث انقلاب سياره اثناء مطاردتي لاحد المهربين وانا اودي واجبي في قطاع سلاح الحدود بالمنطقه الشرقيه وعندما لمس ابن عمي موقف ( المعجل ) معي هاضت قريحته بالابيات التاليه وذلك عام 1390 هـ
هاض دالوب الحشا بالغيض صاعه=من دواليب الحشا اللي يخلفني
يوم جا علمن من الغالي مراعه=اتصبر والعيون يعبرني
كن سم الداب وسط القلب زاعه=هل دمع العين والباقي يكني
واحمد اللي بدل الضيق بوساعه=انسمح بالي وبال اللي شحني
خل يابن عضيب هرجك بالاذاعه=سجله يوم المثايل سجلني
ابن معجل صار لك مثل البضاعه=مرخص كيس الذهب في كل فني
ليتني وياه من لم الجماعه=اوجدودي من جدوده يقربني
ماجلست بمجلسه لو كان ساعه=مير فعول الخير لازم ينشرني
يادعاجين انشروا فعل الشجاعه=من يعرف يقول ف المعجل يغني
حطها في روسكم مثل الوداعه=راعي المعروف وش يجزاه عني
ساعد ابن عضيب يوم الوقت لاعه=وانقذ اللي طاح في المركز يوني
سنع الدكتور مع راعي الاشاعه=ماتنا التحقيق لين يكون فني
حقه البيضا على راس الشعاعه=مع صواريخ الفضا ويوزعني
ان بغي حقه معه شكر وبراعه=سنعه يازيد واخذ الحق مني
الظريف يقول هرج بالوقاعه=مير سامحني على مازل مني
( هذه قصيدة محمد الظريف رحمه الله )
وهذا رد ( زيد بن عضيب الدعجاني رحمه الله )
مرحبا يابو بدر سبع السباعه=مايوقف في طريقه كل جني
ياهلا بك عد مايبذر زراعه=وعد نبت الوسم برياض روني
مخلص وواصل ولا فيكم قطاعه=بالحميه والوفا ماخلفت ظني
يالحرار اللي مواكرها الرفاعه=لاوجب حل الهداد يدسمني
رفقة الطيب لنا فيها طماعه=لو نزحت بعيد قلبي له يحني
والرجال اهل الوفا واهل البتاعه=ف اللزوم افعالهم مايغتبني
من يروم الجود مايقصر ذراعه=مثل ابن معجل جميله مايمني
يوم حر الموت غرغرني نزاعه=بالمروه قام لي واهتم مني
دبرة المعبود مامنها جزاعه=واشكر الله عدة نجوم بدني