10+10 ضرب 2 ناتجها 40

[طلال الثبيتي]

مساء الخير الطارف سديد,,



ياعتيبه محزمي لاصار في وقت اللزوم=الصف لي عزوه يلا ياطحاطيح القروم
كان به شاعر يعجل ياجماعتنا يقوم=10+10 ضرب 2 ناتجها


من تقدم هلا و100 هلا= ومن تنحى يتكي ومخدوم
مانبا بيننا بس وو ولا=ودنا العلم فراك الخشوم

[محمد الروقي]

صح لساااااااااانكـ ياطلال




ياسلاااااااااااااام عليك إبداع غير مستغرب


وفي صفكـ يالذيب





وانا ماعاد فيني طاقة اليوم ومعي عمر الروقي الله يعين عليه :)







ننتظر احد الشعار








تحياااتي

[طلال الثبيتي]

اخوي غرابيل ,, صح بدنك طال عمرك ,,


والا بداع مرورك ,,

ووجودك في صفي شرف كبير لي ,,

والله يعينك ,,

[نايف ابن حديد]

يالمنادي يالمنادي يالمنادي سم سم
عقب عميت الندا جيتك على ساق وقدم
عشره وعشره وضرب ثنين من علمك كم؟
والعلم مرفوع والساري على رجله يسير

البقا والك 100مسهلا
وانت راع السوالف والعلوم

ملعبتنا مثل ريم الفلا

دونها الضلع وكبار الحزوم

[مرزوق حمدان العتيبي]

دونها الضلع وكبار الحزوم

الله الله ..
.
صح لسانك ياطلال ..
وصح لسانك ياحشار ..
...
واصلوا
..
.

[عمرالروقي]

صح لسانك ولاهنت
يالقرم على الطاوق الجميل
وفي انتظالا من يرد
000000000000000000000
لاهنت
يطلال الثبيتي

[نايف ابن حديد]

صح بدنك يامديرنا

لاهنت

[نايف ابن حديد]

ياعمر الروقي مسا الخير

تراني رديت لعيونك

[طلال الثبيتي]

حشار لي الشرف طال عمرك باللعب معك ,,



جعل سمآ يذبح الي ناوي(ن) لك بالخداع=فاللوازم مايسدك غير رجالا شجاع
جات من واحد ثني والباقي اظنه رباع=10 + 10 ضرب 2 ناتجها 40


معي فالخط انتا والا لا=قول لي لأجل احسب بالرقوم
بنت عذرا ومليانه حلا=ماتبي غير رجال جزوم

[طلال الثبيتي]

مرزوق ,, صح بدنك ,, ولاهنت على المرور,,

عمر الروقي ,, صح بدنك ولا هنت على المرور,,

[عمرالروقي]

ياعمر الروقي مسا الخير

تراني رديت لعيونك

0
0
0
0
0
0
0
مساء النور
وصح لسانك
ياحشار
وتسلم عويناتك
ولاهنت
العتب عى النظر
00000000000000

[نايف ابن حديد]

حياك ياطلال واستلم لاهنت



لاتبرق كل ماشفت الك تمرن في قدوع
ماعليك من الخدوع ولاعلي من الخدوع
والله انه يذكرك بالخير ياسوق الربوع
10+10ضــــــــــــــرب2ناتجــــــها 40

معك فالخط ماعندي جلا

مير فصل على الجسم الهدوم

لاتعرض تهاتــيه الـخــلا

ثم تكبر على القلب الهموم

[طلال الثبيتي]

استلم طال عمرك ,,



لابد نقدع لاقلطنا من مقاديع الرجال=ان كان مسموح المجال ان كان ممنوع المجال
مير علم ويش شفت بسوقهم يابن الحلال=10 +10 ضرب 2 ناتجها 40



بأنقض العلم وانت تفتلا=وقتنا ياولد وقت النجوم
نجم نور(ن) وقدره يجهلا=راح وقت الجبال امع الرجوم

[عمرالروقي]

طلال الثبيتي
لاهنت
دقق في الشطر الاول من الموال
00000000000000000

[طلال الثبيتي]

لاهنت ياعمر الروقي,,

ونشكر لك المتابعه ياذيب,,

كلاامك صح ياعمر خطأ املائي ,,

[نايف ابن حديد]

ياطـــــــلال الله يبارك فـــيك روقــنا وروق
لان بعض التمر يامخلوق سمن" فالحلوق
انت من ثـــبتان برقـــا والا من ثبتان روق؟
.................................................. .......

كل نجمن على العز اعتلا
اله ساعه وله حظن يقوم

والعتيبي له لربعه ولا

والمواقف لها بالعمر يوم

[أبو نجر النفيعي]

طلال الثبيتي
و
حشار

طاروق رائع

وااصلوو

وصح السنتكم

[نايف ابن حديد]

صح بدنك بابو نجر النفيعي



لاهنت

[طلال الثبيتي]

روس روق وكان رجعت كلنا نرجع ثبيت=ساس بيت عتابه الهيلا مادام عتابه بيت
مير انتا ياحشار الاجودي من وين جيت=10 + 10 ضرب 2 ناتجها 40



لابغينا لشي(ن) يحصلا=راح ضو النجم سبت غيوم
كمل العلم قدام الملا=كان باقي لديك امن العزوم

[سلطان الجـذع]

طلال صح لسانك وابداع غير مستغرب
من شاعر مخضرم مثلك

لكن حشار انتبه له تراه عله
السلامه منه غنيمه

[طلال الثبيتي]

صح بدنك..

يابو نجر لاهنت عالمرور..

[سلطان الجـذع]

حشار اعترف انكك من اخطر الاسماء فالمنتدئ
وامامكك احد افضل شعراء المنتدي



واصل انت وزميلك فنحن من اشد المتابعين لكما

[طلال الثبيتي]

سفير الابداع مرورك...

وصح بدنك طال عمرك..

وواله انك صادق والسلامه منه غنيمه وحنا بنهاية الطريق يالله تسهلها,,

[طلال الثبيتي]

انا طالع مشوار وراجع يااحشار ولاتباطاني يالذيب ..
عن اذنك ,,


وعن اذن المتابعين,,

[نايف ابن حديد]

سفير الجذعان مرور لطيف ومشكور

لاهنت ياالبناخي

[محمد الروقي]

ياسلام عليكم



قمة الإبدااااع والجزاااله ((صحت السنتكم))



وللحين في صف طلال الثبيتي ابو نافع صح لسااانك مليووون


ولايهووون حشاااار

نجم سهيل :) صح لسااانك ياحشاااار




واصلووو وليل الشتااا طويل











تحياااتي

[فهيد الايدا المورقي]

الله على الابداع

صحت السنتكم وحنا متابعين

[طلال الثبيتي]

غرابيل لاهنت ومرورك شرف وشلون لا مسكت الصف,,


بناخي الايداء لاهنت على المرور وهذا الابداع هو مرورك..



وتصبحون على خير يالربع ..

وصح لسانك يالحشار وشاكر لك مجاراتك,,

[نايف ابن حديد]

صح لسانك ياطلال ومايحتاج خاتمه متفقين على كل شي لاهنت

[طلال الثبيتي]

صح بدنك طال عمرك ,, ولا انت ,,

[إدارة الموقع]

حذف من هذه المحاوره مايتعارض مع قوانين المنتدى
ونطالب الشاعرين بقراءة هذه القوانين من خلال هذا الرابط
وعدم تجاوزها.

http://otaibah.net/m/showthread.php?t=31073