مرزوق العتيبي (( تعال ولب الندا ))

[محمد الروقي]

صبحكم الله بالخير



وبدون مقدماااااااات ..

المدير اذا وقتكـ يسمح اقلط على هالطاروق




سلام تسليمة الشاعر وقافه نوا = ناوي على بعض ماينشاف فالمنتدى
مرزوق يابو محمد يابو منذر سوا = قبل المعاني تعال اقرب ولب الندا




...

[حمد بن جوباح]

.
..


صباااح النووور والسروور

حيا الله شاعرنا غرابيل وحي هالشووفه اي والله

صح لساانك طال عمررررك

بيجيك المدير مير الله يستر من تاليتها :)


.
.
.







تحياتي لكـ ،،

[محمد الروقي]

هلا ومرحبا


صبحة بالنووور ,,

يالله ان تحيي راس حرربة




صح كلكـ .. والله يستر على قولتك هههههههههههههههههههه



شاكر لك وجودك يالذيب








تحياااتي

[ربح السبيعي]

صح لسانك ياغرابيل الدهر


ننتظر مرزوق

[مرزوق حمدان العتيبي]

يامرحبا عد ماهز الغصون الهوى = يامزبن الطيب مايطري علاك الردى
الذيب عانه على راس الطويله عوى = يمشي معك في مسيرك لو يطول المدى

ارررحب ياغرابيل ...

وارحب ياراس حربه وارحب ياربح نورتوا ..
.......

[محمد الروقي]

هلا وغلا بربح السبيعي


يالله ان تحييه



هلا ومرحبا بمرزوووق ...

واستلم طال عمركـ ..




الك البقا ياللوا واعرف تراني لوا=ليش المواتر ماعاد اطيق خط الهدا

يامدرب المنتخب ماعاد له مستوى=اطيبهم اللي مشى مافيهم اللي عدا

[مرزوق حمدان العتيبي]

في هذي اقول يارجال مالك لوا= الخير واجد وله بين الخلايق صدى

لاتنظر الشكل طالع وشهو المحتوى =لاتظلم الحظ وابحث عن كلام القدا

[ذياب]

يامدرب المنتخب ماعاد له مستوى
اطيبهم اللي مشى مافيهم اللي عدا




,

,,

ههههههههههه

الله الله الله ياغرابيل الدهر

صح السانك والسان ابو محمد

متابع

,,

,

[أبو نجر النفيعي]

الله الله

غرابيل الدهر

و

مرزوق العتيبي


صحت السنتكم

وازهلوو الصفووف عندي :)

[محمد الروقي]

الله الله


ها استلم ..




صاحبك شارب فناجيل الشعر وارتوى=ماينتظر منك يامرزوق مدح وشدا

لاشكل لامحتوى واللي رقد والتوا=مانظلم الخلق مار اخذلك ناس جددا

[محمد الروقي]

ذياب


يالله ان تحيييييييييييه ... حي هالشوووف


صح كلكـ ومتابعتك ووجودك نوماس يالغالي



تحيااااتي




ابو نجر


حي هالشوف اي والله ,,, والصف عامر بوجودكـ

صفي وصف ابو محمد سوا سوا :)





تحياااتي

[حمد بن جوباح]

.
..


الشاعرين

غرابيل و ابو منذر

اقول لكم من جديد .. صحت السنتكم

واقف بين الصفوف .. ومتقااابل انا وابو نجر

كل ما وقف ابو نجر في صف .. وقفت فالصف اللي مناحر له

ههههههههههههههههههه


.
.
.





متااابع للابداع :)

[محمد الروقي]

هلا ومرحبا براس حربة

صح بدنك يالغالي ولاهنت على متابعتك



شرفتنا بوجودكـ ,,, والصف عامر بك


وعلاك بابو نجر اباك تخرته من بعيد هههههههههههههه







تحياااتي

[مرزوق حمدان العتيبي]

الله الله
ههههههه والله انك خطير ياغراابيل




مايشكي من العطش ورّاد عد الروى = وانته كفو للعلوم اللي تغيظ العدا

ماكل من يجتهد يم الحقيقه ضوى = الرابح اللي بتوجيه الرسول اقتدى

[مرزوق حمدان العتيبي]

....
.
هلا وغلا بالذيب نورت الصفحه ..
..
وسعدنا بوجودك
....


هلا يابو نجر .. وجودك مهم وصفوفك مميزه
...


هلا براس حربه وهلا ماتكفيك ..
تشرفنا بتواجدك ..
ويعجبني التنافس مع ابو نجرر ههههههه

لاعدمتك

.....

[محمد الروقي]

طيب طيب


ها دوكـ يابن العم




في نار ولا جمر (يا كم ؟) راس انشوى=انا العطاوي ودكتور.ن على كل دا

من نسق الحفل يوم الناس كلاً اوى=اخذ النفيعي هذا اللي مدهر ماهدا

[أبو نجر النفيعي]

طيب طيب


ها دوكـ يابن العم




في نار ولا جمر (يا كم ؟) راس انشوى=انا العطاوي ودكتور.ن على كل دا

من نسق الحفل يوم الناس كلاً اوى=اخذ النفيعي هذا اللي مدهر ماهدا

ههههههههههههههه
تسلم يالغالي
ومن واجبنا العمل مثل هالاموور ....

|165| |165| |165| |165| |165| |165| |165| |165| |165| |165|

[ماجد الرويس]

الله الله ابداااع ياغرابيل الدهر انت ومرزووووق صح لسااانك ميلون انت ومرزوووق

محاورة رااائعه

ومتابعين

[محمد الروقي]

هلا وغلا



هلا بماجد الرويس



صح بدنك يالذيب ومتابعتك شرف ..







تحيااااتي

[مرزوق حمدان العتيبي]

:)

يعطيك العافيه ياغرابيل ...
وصح لسانك .. تشرفت باللعب معك ...

والشكر للاخوان اللي تواصلوا معنا ..
..
تحياتي

[الأمــير]

الله ..... الله


غرايل الدهـــر ... اخوي مرزوق


صح السنتكم


ولالا هنتوا على الابداع

[محمد الروقي]

مرزوق العتيبي



يعلم الله انك شرفتني بها المحاوره معكـ

صح لسااانكـ


ولاتشيل بالخاطر يبو محمد ..

لولا اني ما امون ماتكلمنا بها الموضوع الحساس |194|



لك ارق التحايا واعذبها





والشكر لكل المتاابعين





ذيب الحناابج ..



صح بدنك ولاهنت يالغالي ,, مرورك اسعدني وشرفني


الإبداع تواجدكـ







تحياااتي

[عمرالروقي]

غرابيل
الدهر
صح لسانك ولاهنت
0000000000000000000
مرزوق العتيبي
صح لسانك ولاهنت
ماقصرت ماخليت له مدخال
00000000000000000000
الف شكر لكل من تابع هذه الواقعه
00000000000000000000
ولو اني اتيت متاخرا لكن
وصلني الابداع
ولم يتأخر

[محمد الروقي]

عمر الروقي هلا يالله ان تحييه


سميتها واقعه ههههههههههههههههههههههههههههههههه





شرفتنا بحضوركـ المتاخر واجمل بصمه وجودكـ






تحيااااتي