يقول من شاقه طواريق الالحان

[ابوجراح]

يقول من شاقه طواريق الالحان = يجر من قلبه جزيل التماثيل

يرسم معانيها كما رسم فنان = من لوحة الماضي يجيب التفاصيل

هيض كنينه بالحشا دور الازمان = يومن بأثر يومن وليلن باثر ليل

دنيًا تقلب ماعرفنا لها شان = تحير اللي خابرين الدواليل

بنصبر على الدنيا ولو كان ما كان = نصبر لها صبر الجمل للمحاميل

ماهمنا وحنا على العز عتبان = اهل السيوف المرهفات المصاقيل

فرسان وقت الضيق شجعان ظفران = وعدونا تحت الرماح المظاليل

يشهد لنا خوض المعارك والاكوان = ليا حضرناها على قرح الخيل

ويشهد لنا اللي حاكمن يم برزان = ويشهد لنا زحول الرجال المشاكيل

وتشهد لنا دلالن ليا جو ضيفان = معطرات بريحة البن والهيل

ولو اكتب بربعي ثمانين ديوان = ما اوفيت ربعي حقهم يارياجيل

ومن ينكر فعول المناعير مرضان = يصدق اللي يحرفون الاقاويل

قل له يراجع في عيادات عرفان = يشيّع على قلبه وياخذ تحاليل

[أبو نجر النفيعي]

(( 1 ))

الله الله الله

صح صح صح صح السانك مليوون يابو جراح

بيوت جزله من راس جزل

مبدع كعادتك

وننتظر جديدك بشغف ....:)



..
.
اخووك..
.
..

[فهيد الايدا المورقي]

الله
الله

ابداااااااااااااااااع


صخرت القاف تصخيرالى الامام يابو جراح

[ابوجراح]

مشكووووووووووووور يالربـــــــــــــــــــــــــــــــــع

ابو نجر - ابناخي الابدا

[أبن مسلم]

الأخ / أبوجراح



الحقيقه لست أنا من يقيم أبوجراح ولاكنني سوف أقول مايمليه علي الضمير



من كلمة حق يجب أن تقال ويجب أن يقولها من يخاف الله ويتقيه ألا وهي



صح لسانك وعلي شاْنك وبيض الله وجهك ورحم الله والديني ووالدينك


وجميع المسلمين لقد جئت بدرة ثمينه أسأل الله أن يحفظك من شر


كل حاسدٍ وتقبل مني كل تقدير وأحترام


أخوك



أ بن مسلم

[الــوآفــي]

ولو اكتب بربعي ثمانيـن ديـوان
=====ما اوفيت ربعي حقهـم يارياجيـل
ومن ينكر فعول المناعير مرضان
======يصدق اللـي يحرفـون الاقاويـل
قل له يراجع في عيادات عرفـان
======يشيّع على قلبـه وياخـذ تحاليـل



الله عليك يابو جراح


من ابداع الى ابداع


صح لسانك مليون في مليون


اخوك

[خلف بن مرزوق]

...
..

ومن ينكر فعول المناعير مرضان
يصدق اللـي يحرفـون الاقاويـل
قل له يراجع في عيادات عرفـان
يشيّع على قلبـه وياخـذ تحاليـل



ايييه ياجعلني مافقد حرفك :)

وش عاد نقووول يابوصقررر

الكلام لايوفيك حقك من الثناء

وشعرك اكبر من اي تعليق


دمت لعتيبه وللشعر

موووووووودتي

[ابوجراح]

بارك الله فيكم يالربع هذا اولاً

وثانيًا/ اخوي ابن مسلم اعجز عن شكرك يشهد الله ولكن اقول جعل الله لك مما قلت وافر الحظ والنصيب

وثالثًا/ اخوي ذيبان شرفني واسعدني مرووووورك جدًا

ورابعًا/ الاخ العزييييز خلف بن مرزوووق والله انك احرجتني بهذا الاطراء العجييييييييييب

[السميــــــري]

ماهمنا وحنا علـى العـز عتبـان
اهل السيوف المرهفات المصاقيل
فرسان وقت الضيق شجعان ظفران
وعدونا تحت الرمـاح المظاليـل
يشهد لنا خوض المعارك والاكوان
ليا حضرناها على قـرح الخيـل
ويشهد لنا اللي حاكمن يم بـرزان
ويشهد لنا زحول الرجال المشاكيل
وتشهد لنا دلالن ليا جـو ضيفـان
معطرات بريحـة البـن والهيـل


>>>

...
..

الله الله أبدااع يابو جراح ياشاعر الهيلا
اشهد بالله اللي سمااك ماكذب ..

درر تخرج من جوف الصدف ..

صح لسااااااااااانك مليووون ..
..
.

لاهنت يابو جراح ..

[بدر الغبيوي]

جزززززززله من راااااااس جزززززززززززل

صح السانك يابو جراح ولاهت يالذيب


تحياتي لك


بدر الغبيوي

[ابوجراح]

اشكرك اخوي السمـــــــــــــــيري على هذا الاطـــــــراااااااء الجمييييييييل

وكذلك الاخ بدر الغبيويييييييي