نادوا راس حربه

[سعود العصيمي]

ياراس حربه تعال لاهنت
نبي نتعلم منك



يامرحبا من ضمير فالعلوم الوافيه مايضيع = والثانيه مايدورها ولا يصغي لمن قالها
ياراس حربه نبي طرق يسلينا ويرض الجميع =معنى وفتل ونقض والمعرفه والعرف لرجالها

[عمرالروقي]

سعود العصيمي
0
0
0
0
صح لسانك
0
0
0
0
0
ولاهنت
-------------
-
-
-
-
-
وفي انتظار
اخونا رأس حربه
ليكتمل الابداع
0000000000

[سعود العصيمي]

صح بدنك ياعزيزي وابن عمي
عمر الروقي
مرورك شرف لاهنت

مودتي وتحياتي وتقديري

[عز العرب]

صح لسانك يالعصيمي مليون

ولسان راس حربه مقدمأ

[حمد بن جوباح]

.
..


هلا وغلااا بابن العم :)


استلم استلم ..




إلك البقى من عميلٍ لا حضر للعلم صدره وسيع = من شاعرٍ يجزي الشعار فالميدان بأعمالها
الشاعر الجزل فاله جزل والا الهزل شانه وضيع = كل كلمةٍ يا وسيع العرف ننزلها بمنزالها

[حمد بن جوباح]

.
..


المشرف الغالي

الاخ عمررر الررررروقي

مرورك شرف ومتابعتك فخر


لا خلا ولا عدم



.
.
.






تحياتي لكـ ،،

[حمد بن جوباح]

صح لسانك يالعصيمي مليون

ولسان راس حربه مقدمأ



.
..



الغالي / عز العرب

صح بدنك وكلك يا ابن العم

شرفتنااا بمروووورك الكريييم


.
.
.










تحياتي لكـ ،،

[ذياب]

يامرحبا من ضمير فالعلوم الوافيه مايضيـع
والثانيه مايدورها ولا يصغـي لمـن قالهـا
ياراس حربه نبي طرق يسلينا ويرض الجميع
معنى وفتل ونقض والمعرفه والعرف لرجالها


,

,,

,,,

الله الله يابوطايل

جزل كما عهدناك يالغالي

وازهل الصف ياستاذ ولا يهون الاستاذ راس حربه

أخوكـــــــم

,,

,

|165||165||165||165||165||165|
|191|

[سعود العصيمي]

صح لسانك يابن العم انا انتظرتك وتاخرت مارديت وطلعت وتوني جيت
لاهنت واستلم


أنا ادري إنك ثقه لكن ماكل الليالي ربيع = اتدور الايام فوق الناس والدنيا على حالها
ياصاحبي كل ذيب ٍِ واله ذيبٍ فيه مايستطيع = بعض البراكين يارجال يفضى الارض زلزالها

[سعود العصيمي]

صح بدنك ياعز العرب
وصح بدن شاعرنا المخضرم ذياب
وكل من شرفنا بمروره

[ذياب]

أنا ادري إنك ثقه لكن ماكـل الليالـي ربيـع
اتدور الايام فوق الناس والدنيا علـى حالهـا
ياصاحبي كل ذيب ٍِ واله ذيبٍ فيه مايستطيـع
بعض البراكين يارجال يفضى الارض زلزالها


,

,,

,,,

الله الله يابو طايل جزل ومقابل جزل

بس وين راس حربه حرام ماينتهي الطاروق الليله

عشان متابعينكم ومشجعينكم

أخوكــــــــم

,,

,

[حمد بن جوباح]

.
..


خلوووها

توني اشوف بيوتك واستلم :)



من يغني النفس لا دارت رحى الايااام راسه رفيع = دوّر بيوتٍ ليا دارت عليك يظلل ظلالها
ذيبٍ قنب فوق راس الضلع والثاني بحصنٍ منيع = والارض لو ثوّر البركان ما زلزل لها جبالها

[حمد بن جوباح]

.
..


حيا الله ذياب وحيا الله المتابعه

غالي حتى لو انك ما انت بصفي :)

يكفيني حضووورك المشررررف طال عمررررك



.
.
.










تحياتي لكـ ،،

[سعود العصيمي]

حنا غنيين بالله ماطلبنا من عباده صنيع = يوم ان بعض العرب فالوقت فال الله ولافالها
ياصاحبي كل عاصي لاحضرنا بامر ربي يطيع = وش تعمل النارفي نوٍ مزونه هل همالها

[ابو لمار]

صح لسانك ياسعود


وصح لسانك ياراس حربه


واصلوا متابعين للابداع


تحيااااااااااااااااااااااتي

[حمد بن جوباح]

.
..


خلووووها



في ساعة الضيق ما يثبت على الوقفااات غير الشجيع = يوم ان بقعاء تباري خطوة المخطي ويبرالها
دون الذرى ما اكبر الهقوات وان جيناك ساقك سريع = والنار لا ولعت في راس ابو طايل نسى خيالها

[سعود العصيمي]

.
..


خلووووها



في ساعة الضيق ما يثبت على الوقفااات غير الشجيع = يوم ان بقعاء تباري خطوة المخطي ويبرالها
دون الذرى ما اكبر الهقوات وان جيناك ساقك سريع = والنار لا ولعت في راس ابو طايل نسى خيالها

صح لسانك يابن العم
حرام ان ابولمار شتلني عنك مار ابشر بالسعد

[حمد بن جوباح]

.
..


الغالي / ابو لمار

صح بدنك يا القرررررم :)

اتمنى ان نرتقي الى ذاائقة ابدااعك


.
.
.









تحياتي لكـ ،،

[سعود العصيمي]

صح لسانك واستلم

انقول وانطول لو واقت ذياب الوقت مع كل ريع = والله يحاسبك يامن تخلف اليمنى عن اشمالها
ياراس حربه لك الله ماوطانا فوق شوك النقيع = والسابقه بينه يوم المسابق تطلع الحالها

[حمد بن جوباح]

.
..


المبدع / ابو طايل


تراني من مقااامي الفجر ..


اعصر المخ بالبيت ويالله يجي :)


لو تتفرغ لابو لمار ونكمل بكرررره يكون افضل


والراي عندك طال عمرك



.
.
.







تحياتي لكـ ،،

[نواف العصيمي]

راس حربه صح لسانك و ايضا سعود العصيمي صح لسانك

وفي صف سعود العصيمي

[سعود العصيمي]

الله يطول في عمرك يابن عمي
انا ماني بقدك بس حبيت اتعلم منك
وانت وفيت وكفيت ولاهفيت ورح نام
ونوم العوافي وانا وانت الحال من بعضه شكرا جزيلا

[حمد بن جوباح]

.
..


خلوووها



ما فيكم اقصور لكن فعلنا شيب براس الرضيع = صاحبك لا مد لليمنى على وضح النقى طالها
تمشي بعكس الطريق المعتدل وانا لمثلك رديع = قال المثل من عقد روس الحبال يحلل حبالها


.
..



وتصبحووون على خيييييير :)


.
.
.








تحياتي لكمـ ،،

[سعود العصيمي]

وانت من أهله
ثاني مره لاهنت
ياراس حربه شاعر
وكفووووووو