اجمل ماقيل في القهوه العربيه ( صور من اختياري)

[هلال الدوادمي]

السلام عليكم ورحمة الله وبركاته

موضوعي اليوم اخواني عن القهوه العربيه وما قيل عنها من اشعار

وقد جمعت لكم عدة ابيات من شعراء كبار ارجو ان تعجبكم


http://www.9q9q.org/index.php?image=ZjpMNIIjeoJj (http://www.9q9q.org/index.php?image=68ZqQL1Ww)
تقهو واسمع وش يقول

الامير راكان بن فلاح ال حثلين


يامحلا الفنجال مع سيحة البال=في مجلساً مافيه نفساً ثقيلـه

هذا ولدعمً وهذا ولـد خـال=وهذا رفيقـاً مالقينـا مثيلـه

http://www.9q9q.org/index.php?image=p7EJKFLhGXyx (http://www.9q9q.org/index.php?image=UVQYuTrRQ)

ويقول الشاعر محمد بن عبدالعزيز القحطاني وهو يوصي ابنه


يابو محمد شب واقضب مكاني=في غيبتي قهو الرجال المشاكيل

وفل الحجاج لكل من جاك عاني=وابدا التحيه قبل سوق الفناجيل


ويقول شاعر من قبيلة مطير واسمه شليويح وهو يوصي ابنه نمر


امل الوجار وخلو الباب مفتوح=خوف المسير يستحي ماينادي
يانمر مافي صكة الباب مصلوح=ولاهي لهلكم يامظنـة فـؤادي

ويقول خلف بن هذال شاعر عتيبه


سوولي الكيف وارهو لي من الدله=البن الأشقر يداوي الراس فنجالـه

كيف لنا نحرقـه بالنـار وانزلـه=واليا انقطع لو ورى صنعاء عنيناله


http://www.9q9q.org/index.php?image=4ms35yoJjy4X (http://www.9q9q.org/index.php?image=8a0NjIKpk)


ويقول الشاعر ابن خشم الذيب العجمي


اشرب الفنجال واكب البيالـه=طيباً واحـب سلـم الطيبينـي

الولد ان طاب طيبه من خواله=وان تردا فاعرف انهم خايبيني



ويقول الشاعر دغيم الظلماوي من قبيلة شمر


ياكليب شب النار ياكليب شبه=عليك شبه والحطب لك ايجابي

وعلي انا ياكليب هيله وحبـه=وعليك تقليط الدلال النجابـي

http://www.9q9q.org/index.php?image=2lr24XvQqKnJ (http://www.9q9q.org/index.php?image=qrmKgFEhD)


واحد الشعراء حين قال::

الدل اللي ماتبهر من الهيل=مثل العجوز اللي خبيث نسمها


http://www.9q9q.org/index.php?image=BQWWXSoJjmMK (http://www.9q9q.org/index.php?image=hid0wVDec)

وقصيدة غازي بن عون::

ياريف قلبي للمسايير قم شب=وحط المنارة في طويل الضلالي
وهي غنيه عن التعريف واعتذر لانة لا يسعني ذكرها

http://www.9q9q.org/index.php?image=YioWXSNjITUs (http://www.9q9q.org/index.php?image=YZUxSsJKi)


واتمنى ان تحوز على رضاكم واستحسانكم

ولكم شكري وتقديري
منقوووووووووول للاضاحه؟؟

[أبو مرحبا]

الله يعطيك العافيه على ذا الموضوع

اللي يبيين قيمة القهوه عند اهل الباديه قديما وحديثا


لاهنت طال عمرك

[هلال الدوادمي]

الله يعافيك وشااااكر لك على مرورك ياقحص
وشاكر لك على الرد طال عمرك
تحياتي وتقديري