اقتراح لقبيلة عتيبه لايخص المنتدى بل يخص شي ثاني

[أبو مرحبا]

بسم الله الرحمن الرحيم


السلام عليكم ورحمة الله وبركاته


مساكم الله بالخير جميعا


أخواني وابناء عمومتي عندي اقتراح لشخص المقتدر وهو كلن يعطي من عنده قدر استطاعته

ونعمل مزاين في مدينه الدوادمي لقبيلة عتيبه فقط ويكون مسماه (مهرجان قبيلة عتيبه لمزاين الابل)

وانا اول المتبرعين باللي عندي والمثل يقول يد وحده ماتصفق

ونشوف ربعنا اللي فالمنتدى وش يقولون


واسمحولنا يالربع

[الأمــير]

رااااااااااااي رااااااائع

لكن يبيله دعم قوي ياقحص

[متعب العصيمي]

اخوي قحص فكره رائعه لاكن ونا خوك المزيين مو هين يبيله دعم لاراح دعم ولاجا دعم

ولجنه اهل نظر صح ويبيله استعدادات واحب اقولك شي من سار على الدرب وصل

ولي له هدف لازم ياصله وفكرتك حلوه


وكان في بالي الاقتراح هذا بس يكون هينا في المنتدى لقبيلة عتيبه تشكل لجنه من اهل النظر والصنف كلن يعرض حلاله اللين عنده ولا عند ابوه ويلقى القسم انها له ولا لبوه ويحدد من الفائزون
في كل الاصناف شعل مغاتير صفر مجاهيم ولجنه بعد تلقي قسمها

وهذا مجرد اقتراح فقط


لاهنت ياقحص

مووودتي

[خالد اوصاهب]

اخي الفاضل ......... قحص

فكره رائعه ...... وعلى قولك اليد الوحدة ما تصفق ........ والموضوع هذا يناقش حاليا

بين مشائخ القبيله ......


اذا كنت تريد المزيد من المعلومات




affar222@hotmail.com

هذا ايميلي ......... اضفني عندك وابشر بالاخبار

[نواف العصيمي]

أخوي قحص


وهذا إيميلي

al-otaibi666@hotmail.com

[أبو مرحبا]

اشكر كل من شارك في اقتراحي

وكلامكم كله صحيح يالربع

وانا عندما اقترحت ذا الاقتراح بعدها بيومين علمت بأن امراء قبيلة عتيبه سيتفقون ان شاء الله على عمل المزاين وهذا شي يفرح فأن عندي يالربع ( عفر ) وان شاء الله سوف اشارك في ذا المزاين ونبا نتقابل وابشرو بالحليب والعلوم الغانمه


وغدا ان شاء الله سوف اعرض صورها في ذا المنتدى واللي عنده نظر ويعرف للابل


يعطيني رايه فيها


واسمحولي يالربع على القصور

[متعب العصيمي]

كفوووو تقووول وتطووول ياقحص

والله يكتب اللي فيه الخير

[نواف العصيمي]

ياقحص علمك غانم وأنا أخوك



وتقبل إحترامي وتقديري

نواف العصيمي

[نداوي هوازن]

تسلم يا قحص والله ان اقتراحك طيب وهذي عوايدك بالاقتراحات الزينه.
وانا اشوف ان هاللي مع توقيعك حليوات !!
خصوصا هالحويّر المنسدح .. اتوقع ياخذ جايزة ( الوضح ) يعني ( البيض )
تحياتي ..

[سعود النفيعي]

فكره رائعه ياقحص وانا والله أتمنى هالشي يسير لاكن شيوخنا ماندري عنهم وودك بعد يسوونها في عروى مهب الدوادمي لانه عروى هجره وبعيده عن المدن وعلى راسهم أبن حميد من دون قصور فالباقي
وفي الختام يجيبون شعار محاوره وشعار نظم وعلوم غانمه ولاهنت على طرح هالفكره ياقحص


تقبل تحياتي


أخوك

سعود النفيعي

[اسحاق بخاري]

فكره حلووووه وانا ماعندي جمال

بس لو حبيتوا اكون من ضمن اللجنه التحكيميه ماعندي مانع انتو تؤمرو امر

قولو لي المواصفات وان شالله اعجبكم

[نداوي هوازن]

اخونا اسحاق
حياك الله وحقيقة اثبت انك شاعر مجيد من توقيعك .
ونعم باجدادك رواة احاديث رسول الله صلى الله عليه وسم .. ونحن ايضا اخواله عليه افضل الصلاة والسلام . تحياتي

[اسحاق بخاري]

الله يكرمك ياسيدي

وبالطبع فيه قواسم مشتركه مابيننا

انتم اخوال الرسول

واحنا رواة الحديث

شكرا لك اخويا نداوي

[رائد العتيبي]

موضوع رايع جدااااااااااااااااا


انا اطلب من ادراة المنتدي

بان يكون لجنة اعلامية بمزاين


تسمي تغطية الاعلامية لمنتدي الهيلا لمزاين قبيلة عتيبة

يكون لهم مقر خيمة بمكان مزاين

يكون مرسلين لتصوير حدث وتغطية علي مزاين طول فتر ة مزاين



نبي يكون اعلان لمنتدي بمزاين مثل لكي نغطي الاخبار علي منتدي طول فترة مزاين