المساعد الشخصي الرقمي

مشاهدة النسخة كاملة : اجزل القصيييد

فهد النفيعي
25-Oct-2006, 02:22 PM
اول جوابي طلبة الله مبداة
عساه يغفرلي ويصلح لي اعمالي
ارجيه في الدنيا ويوم الملاقات
يدمح لي الزلات فيما مضالي
وبرقت فالدنيا ولامن طرابات
شانه وقافيها الفنا والكمالي
وطاري طرالي في الرياض مسمات
هيض هواجيسي وفيح دلا لي

وان جيت ابا في بعض الاحوال نوعات
اكود علي من عروض الجبالي
وقلطت محماسي وحطيت حبات
ومن الزعل شبيت فيه الشعالي
باتلى الشهر الا ليال قليلات
مبدا القمر قبل السبوع التوالي
رديت من با لي لحونن عجيبات
كودن على اللي يبدعون المثالي
ادله بها في ليلة عقب ضيقات
والقابها هجوه وتوسيع بالي
ادله بها يوم اسهر ولا بات
وانقد معانيها سوات الريالي
والله يلومتس يا العيون المعناة
يا اللي على هدرا وجرفن هيالي
وشالو مزاهبهم عل خمس وزنات
ولا هم شفقين لكثر الاكالي
فرحه على فرحه من ساس فرحات
فرحان على فرحان تسعة جمالي
وهنه على زين الطبايع وديبات
ونظارهن يكفن دون السوالي
حراير من نسل جيش الحويطات
اصايلن سوات بعض الحمالي
ورقابهن مثل الزواريق عدلات
وجنوبها مزنن جرد من خيالي
عصي اهلها كلبوها خيزرانات
وبشوتهم شقرن حوايك شمالي
ومتحيزمين اكمار في حضرميات
ومعلقين قصار من شغل تالي
ولا العسل مبري السبود العليلات
اللي يحطونه لسبع العـــــــــلالي



الى ان يقول
وتسعين بيتن كلهنه تقاوات
نظمتها سوات نظم اليالي
وستغفر الله كان عديت زلات
قدام تكتب علي الزلالي


وسلامتكم وانشا الله ان توفر ابيات اكثر من ذلك اعدكم با حضارها

القصيده لجدي الشاعر بصيص بن موبص الدلح رحمه الله واسكنه فسيح جناته المتوفي عام 1320هجري
السّامي
25-Oct-2006, 07:39 PM
ابـن الـدلـوح لاهـنـت عـلـى الـقـصـيـده الـجـزلـه


والله يـرحــم الـشـاعـر بـصـيـص ابـن مـوبـص


تـقـبـل كـل الـتـحـيـه والـتـقـديـر ,,,,,
نبض المشاعر
25-Oct-2006, 11:28 PM
فرحه على فرحه من ساس فرحات
فرحان على فرحان تسعة جمالي

صح لسانة والله يرحمة

قصيدة رائعة
( فتى الجرد )
26-Oct-2006, 01:07 AM
صح لسان جدك بصيص والله يرحمه ويسكنه فسيح جناته
إبن الدلوح العطاء مورث لك كابرا عن كابر لاظير
فأنت ابن الدلوح
فهد النفيعي
26-Oct-2006, 10:39 AM
النفيعي النير مرورك شرف لي لا عدمتك
فهد النفيعي
26-Oct-2006, 10:40 AM
نبض المشاعر ايضا مرورك شرف
فهد النفيعي
26-Oct-2006, 10:41 AM
فتى الجرد كذلك لاهنت على المرور