المساعد الشخصي الرقمي

مشاهدة النسخة كاملة : قصيده في تفجيرات الرياض

@عريب الساس@
13-May-2003, 04:00 AM
الله يحفظك يا وطنا من شرور العابثين
اللي نواياهم فساد الحال وافساد البلد



ما اهتز في قلب الرياض الا قلوب المرجفين
اللي يبون يزعزعون الامن عن قصد وعمد




ياعاصمة دار السعود ودار كل المسلمين
تهون كل ارواحنا لجلك ولا نبغى قود



المجد مجدك يا بلادي من قديمات السنين
ما تنطفي نار الكرامه فيك لو غيرك خمد


يا عاصمتنا و ( عاصمتنا ) لك عهد بعد اليمين
نصون أرضك مع سماك الين ندخل فاللحد



عهدٍ علينا مانخونه يعرفه حتى الجنين
عهدٍ على الشيبان ووصاةٍ توصى للولد



نحميك من أهل الفساد اللي بلا عقلٍ فطين
اللي مجمعهم سواد القلب وانواع الحسد


يا دارنا لايشغلك افعال ناسٍ مغرضين
تبقى السعوديه ويبقى حاكم الديره فهد

الشاعر/ زايد الرويس
ابن مشيب
13-May-2003, 11:25 PM
صح السانك والسان قايلها , قصيدة تعبر عن مايشعربة كل مواطن شريف.


تحياتي لك ياخوي @عريب الساس @.
مطلق الشيباني
14-May-2003, 06:37 AM
سلمت ولا هنت وصح لسان قايلها

ويمينن ما يجيها العطب يا معرب الجدين

مع تحيات :- مطلق الشيباني ....................
ابو وعيل
14-May-2003, 09:17 PM
سلمت والله ولا هنت

قصيدة تعبر عن احساس كل مواطن سعودي


والله يحفض وطننا من الفسااااد00 والقتلة الوحوش
@عريب الساس@
15-May-2003, 03:22 AM
اللهم امين وشكرا" لكم يا/ابن مشيب ومطلق الشيباني وابو وعيل علي

مروركم وتعليقكم على القصيده والله يحفضكم ويرعاكم

وتقبلوا تحياتي اخوكم/
@عريب الساس@|238| |238| |238|
ابن جدعــان
20-May-2003, 10:37 AM
@ عريب الساس @

عريب الساس على اسمك

صح لسانك وبيض الله وجهك
((الدلبحي))
20-May-2003, 02:46 PM
اخوي عريب الساس
صح السانك والسان قايلها وتسلم يمناك على القصيده الجزله
والله يحفظ وطنا من مكروه
تقبل تحياتي
@عريب الساس@
20-May-2003, 10:52 PM
هلابك يابن جدعان وهذا من طيبك يالغالي وحياك الله يا الدلبحي والله

لايهينكم على المرور على القصيده

وتقبلوا تحياتي اخوكم/
@عريب الساس@|238| |238| |238|
حـــ(مجروح)ـــر
15-Jun-2003, 12:19 PM
عز الله انك اسم على مسمى

سلمت يمناك ياعريب الساس
& قلب عتيبة &
15-Jun-2003, 07:25 PM
ونعم فيك وفي قايلها