(مرزوق العتيبي مع التحيه والتقدير)!!!!

[عبيدالله العرابي]

الشاعر الغالي : مرزوق العتيبي
الوقت اللي يناسبك
محاوله فقط نجاريك فيها ونكتسب منك

إستلم لاهنت





سلام الله سلامٍ مستقل ولايجيه قصور=على (الهيلا)عموم ولادخله الشك والظني


أنا لي صاحبٍ يامر على غيره وهو مامور=قبل لاأنشد عنه يامره طيبه لو نشد عني

[أبو نجر النفيعي]

ارحب يابعيد المظر

ومرزوق على خبري انا ماشي اليوم للديره

وبيتغيب كمن يوم وعسا الله يرده بالسلامه

واستلم بالنيااابه



هلا يا مرحبا بك بالنيابه عن رجل مذكور=بعلم الخير والخيره هذا رد الخبر مني
تهرّج لا تفرّج واكشف الدعوه على الجمهور=وبيّنها سوات الدله اللي وسطها بني

[خالد اوصاهب]

صح لسانك يابعيد النظر

وصح لسانك يابو نجر (( مغار تقشّط على اللعب )) هههههههه

[أبو نجر النفيعي]

صح لسانك يابعيد النظر

وصح لسانك يابو نجر (( مغار تقشّط على اللعب )) هههههههه

هههههههه

صح ابدنك يا خالد

وش نسووي فاااضين

[عبيدالله العرابي]

مرحبا يابو نجر مليون




لعل إلك البقا والمعرفه ماحد بها مكبور=لو إني جيت في علم وخبر مخصوص متعني
ابتهرج واسولف يالنفيعي والصدور قبور=ولو ماياجد الذيب العشا ألا من لحم جني

[عبيدالله العرابي]

إرحبوا يالربع إرحبوا

كلٍ بإسمه الله لايهينكم

[حمد بن جوباح]

.
..


الله اكبر الله اكبر


صح لسانك يا بعيد النظر

وصح لسانك يا ابو نجر النفيعي


متابع للابداع ..


.
.
.





تحياتي لكمـ ،،

[عبيدالله العرابي]

شاعرنا الرااائع : راس حربه
حياك وبياك وحضورك يشرفنا يالغالي
ومتابعتك هي المراد

لاهنت

[فهيد الايدا المورقي]

صح لسانك يابعيد النضر والضاهر ان ابو نجر لو ملقى شاعر يلعب معه يلعب مع نفسه ههههههههههههههههههه يعطيكم العافيه حنا متابعين

[عبيدالله العرابي]

الغالي :بناخي الايداء
ههههههههههههههههههههههه
الله يعطيك العافيه .
ابو نجر يقول وش نسوي فاضين والظاهر إنه إنشغل ماعاد شفته
لكن إن كان يلعب مع نفسه علموني لاتوهقوني معه ههههههههههه

[أبــ زياد ـــو]

.

محاورة رائعة يابعيد النظر

واقتناص ممتاز من ابو نجر

متابعين

وتحياتي

[أبو نجر النفيعي]

اسمحلي على التاخير

خرجت ضرووري

والحين عدت

ودووك



هات اللذي ودّك تقوله من مخافيت الصدور=مرزوق ما يخفي عليّه شي في وقت البني
اهرج وجيب العلم يا رجّال مابين الحضور=مالك ومال الجن حض الجن دوم متعني

[أبو نجر النفيعي]

...
..
.
راس حربه

صح ابدنك

والابداع وجودك يالغالي
..
.
.بناخي الايداء

لاهنت على المرووور

وش نسووي هذا الفراغ:)

..
.
.
ابو زياد

وين الغيبه

سعدت بمرورك الرائع

والله لا يهينكم

..
.
اخووكم..
.
..

[عبيدالله العرابي]

ولا يابو نجر ليتك تعرْف تجبّر المكسور=أنا رحت ورجعت ولالقيت علومك تغنّي
دخيلك لاتغش الناس في ليمونك المعصور=ولولاي أستحي خليتها رجلين متحني

[محمد سعيد القحطاني]

مرحبا يابو نجر مليون




لعل إلك البقا والمعرفه ماحد بها مكبور=لو إني جيت في علم وخبر مخصوص متعني
ابتهرج واسولف يالنفيعي والصدور قبور=ولو ماياجد الذيب العشا ألا من لحم جني


صح السانك 0000 يابعيد النظر

قمه بالبلاغه بوركت

[عبيدالله العرابي]

قمة الراوحه هي حضورك أخي الغالي / السنحاني
لك التقدير على هذا المرور .
تقديري لك

[أبو نجر النفيعي]

ولا يابعيد لو ماخاب الضن خابرك مخبور=عبيدالله هذاه اسمك تحب اللعب والفني
انا احمدالله معتزي فوق الجمال الشقر كور=وابا لقنك يا صاحب قبل تات وتلقنّي