الشاعر المخضرم ابو نجر مطلوب

[سعود العصيمي]

سلام ردية (ن) فيهاسؤال وجواب = أبدابها للنشامى وارفع اشعارها
ابونجر شاعر يكتب ويقرا الكتاب = وانا اعرف أرض الجزيره واعرف احرارها

[ابو شريد]

صح لسانك ياسعود

ازهل الصف عند اخوك

مبدع مبدع

[سعود العصيمي]

صـــــــــــح بدنك يابو شريد وكفو لاهنت وترا مقعد الدغيلبي غيرموجود على الجهاز

[أبو نجر النفيعي]

ارحب


يا مرحبا مرحبا بك يا عزيز الجناب=ترحيبة(ن) نايبه عن كل شعّارها
ارسم طريقك وحذرا من معاوى الذياب=وانا معي بندق(ن) ما تنخمد نارها

[سعود العصيمي]

دام البقاء والشجيع امن الخطر مايهاب = افتح سموعك وخل الناس بافكارها
نبا نحاسبك يابونجر قبل الحساب = من شأن ما تبلش العربان في دارها

[أبو نجر النفيعي]

انا معك يالعصيمي في دروب الصواب=والطايره عمرها في يد طيارها
يا ديرة(ن) من علاها يالعصيمي ضباب=ما نعرف ايمينها من ضربة ايسارها

[خالد محمد النفيعي]

. .
.
صح لسانكم ياسعود وابو نجر
ولاهنتو
تحياتي

[كـــاسب الطيب]

صح لسانكم ياسعود وابو نجر
يعطيكم العافيه

[سعود العصيمي]

صــــــــح السانك واستلم

ماني براض(ن) عليك من الليالي عذاب = واللي بليّا سند ترجع لمصدارها
الناس مايدخلون البيت من غير باب = اسمع وستر الجنازه عند قبارها

[سعود العصيمي]

صحّت ابدانكم جميعا اخواني
كاسب الطيب ومحمد النفيعي

[سعود العصيمي]

اخوي الشاعر المخضرم ابو نجــر تشرفت باللعب معك وانا طالع الآن رد بيتك
وبيض الله وجهك وتصبح على خير.

[فهيد الايدا المورقي]

صــــــــح السانك واستلم

ماني براض(ن) عليك من الليالي عذاب = واللي بليّا سند ترجع لمصدارها
الناس مايدخلون البيت من غير باب = اسمع وستر الجنازه عند قبارها


صح لسانك ياسعود العصيمي وصح لسان ابو نجر وعلى القوه يالربع

[أبو نجر النفيعي]

مامن عذاب(ن) يجي في قلب بعض الشباب=يا قوم علم المعارك عند سبّارها
لقمتك يا كبرها مابين ضرس(ن) وناب=لا تنشب اف حلق قايلها من امرارها

سعود يعدت باللعب معك

ولاهنت والجايات اكثررر

وترقبني قريب اباك في سالفه :)

[أبو نجر النفيعي]

صح ابدانتكم يالنشاما

[سعود العصيمي]

صح السانك واطلب عزك يابو نجـــــــــــــر