سلام ردة خير ياهل الخير وقروم الرجال

[عايض الدوسري]

السلام عليكم ورحمة الله وبركاته


سلام ردة خير ياهل الخير وقروم الرجال=مثل الذهب مصروفها يوم الوفاء عنوانها

اعتيبه الهيلا كفو فالطيب نضربها مثال=يالعزوه الي بين كل الناس عالي شانها

[ماجد الرويس]

صح لسانك ياعايض
ونحن في انتظار الشاعر المقابل
تحياتي لك

[سعود العصيمي]

يامرحبا ترحيبة(ن) ماشالها حتى الجمال = عني وعن عزوة عتابه وافي (ن) ميزانها

كل القبايل والنعم مااسب احد في كل حال = هات العلوم وودها والخيل من فرسانها

[ابو عاتق]

الله الله ..

واصلو وحنا متابعين ..




وانا في صفك يا سعود ..



اخوكم

[أبو نجر النفيعي]

الله الله الله

صح السنتكم

بدايه كايفه

والصف عتيبي ما يحتاااج

ولاهنت

[سعود العصيمي]

حياك الله اخوي عاتق وجودك يشرفنا الله لايهينك يالغالي
ولو اني مشغول شوي بس باخذ مع عايض ربع ساعه. وخليك تكمل

[عبيدالله العرابي]

عايض الدوسري
سلام ردة خير ياهل الخير وقروم الرجال
مثل الذهب مصروفها يوم الوفاء عنوانها

اعتيبه الهيلا كفو فالطيب نضربها مثـال
يالعزوه الي بين كل الناس عالي شانهـا

سعود العصيمي
يامرحبا ترحيبة(ن) ماشالها حتى الجمـال
عني وعن عزوة عتابه وافي (ن) ميزانها

كل القبايل والنعم مااسب احد في كل حال
هات العلوم وودها والخيل مـن فرسانهـا


بدع وافي ورد وافي
المحاوره لاترتقي إلا بشعرائها الراقين
وهنا الرقي بعينه
تقديري
متااااااااااااابع

[سعود العصيمي]

يامرحبا يابو نجر ويامرحبا ويامسهلا يابعيد النظر اسفرت وانورت واستهلت وامطرت .الله لايهينكم على كل حال

[محمد الروقي]

صح السنتكم


عايض الدوسري ..مبدع كالعادهـ ياخصمي المحترم :)

وااصل


سعود العصيمي صح لساانك والله لايهينك يبو عتب




واصلو وحنا متابعين




تحيااتي

[سعود العصيمي]

مرحبا ياغرابيل الدهـــــــــــر وصح بدنك
والليل ياعايض

[ماجد الرويس]

صح لسااانك ياسعود
متابعين

تحياتي لك

[سعود العصيمي]

صح بدنك ياشارب فنجال بوش يامرحبا ويامسهلا.

[طلال الثبيتي]

طــــيب طـــيب ,,

صح لـــسانــك ياعـــايــض ,,
وصح لــســانـــك ياســعــود ,,

والصـــف عتاااااابي دون قصور بالدواسرررر

[مقعد الدغيلبي]

أررررحب
ياعايض الدوسري
من طول الغيبات جاب
الغنائم
أررررررحب
والله أنترحب
وصح اللسانك
وازهل الصف يابن زايد
وشب على سعود النيران
الليل
الليل
الليل

[سعود العصيمي]

صح بدنك ياطلال الثبيتي وحياك الله من يوم سرت لين جيت لاهنت يابن العم

[سعود العصيمي]

يامرحبا يا بو فيصل بس سرا علينا الليل ماشفنا شي

[مرزوق حمدان العتيبي]

..
.
مرحبا ياعايض ..
كل عام وانت طيب ...
صح لسانك ياولد زايد ...
وصح لسان شاعرنا المميز سعود العصيمي
واصلوا .... وعساكم على القوه ..
...

[مقعد الدغيلبي]

لاتعجل
يابو طايل
مايبطي بالسيل
الا كبره
يجيك ابن زايد
ذالحين
وانا تراني في
صفه تزعل والا ترضى
هذا صديجي من زمان

[ابن مشيب]

الله الله

صحت السنتكم على هذا الابداع

واصلوا

[سعود العصيمي]

صح بدنك يامرزوق وبارك الله فيك
وصح بدنك يابن مشيب

[علي الثبيتي]

الشاعر القدير سعود العصيمي صح لسانك مليون
ولسان عايض

واصلو وعلى القوه

[أبو نجر النفيعي]

صح السنتكم وااصلوو

[ابو عاتق]

أبشر بسعدك يا ولد العم ..


وتروح وترجع بالسلامه ..

وإن رد الرجال وانت منت موجود رديت انا عليه



اخوك..

[سعود العصيمي]

والله كفو وزود يابو عاتق قول وفعل

[عايض الدوسري]

الله يدوم الك البقا والقلب عيا الاحتمال=يوم المعان الطيبه مفتوح الك بيبانها

كلن بحقه يالعتيبي وانتبه يابن الحلال=بيني وبينك يالعصيمي والوعد ميدانها

[عايض الدوسري]

اسف على التاخير وخارج عن ارادتي واتمنى السموحه والمعذره من الجميع

وارحب بالجميع وصح بدنكم جميعا

مقعد مدامك في صفي معاد يحتاج

وشكرا للجميع

[ابو عاتق]

إستلم يا عايض بالنيابه عن اخوي ..

الله لا يهينك ..



الشاعر إللي ما يصرفها كما صرف الريال = لا يشعل النيّره ويلحق راسها دخانهـا
روس الضبا يا صاحبي ما زعزعت روس الجبال = وانا معك عند الرجال اللي طوال ايمانها



تحياتي

[عايض الدوسري]

لاتحسب ان السالفه ياصاحبي روح وتعال=والسالفه جمر وحطب ماتنطفي نيرانها

اقدح زنودك يالعصيمي بعد مجالك مجال=والااسترح يم امك الي مانست ورعانها

[أبو نجر النفيعي]

ابو عاتق

والله انك نشمي وسنافي يالقرم

وصح السااانك

وصح السان الدوسري


وتوها احتمت واصلووووووووو

[سعود العصيمي]

إستلم يا عايض بالنيابه عن اخوي ..

الله لا يهينك ..



الشاعر إللي ما يصرفها كما صرف الريال = لا يشعل النيّره ويلحق راسها دخانهـا
روس الضبا يا صاحبي ما زعزعت روس الجبال = وانا معك عند الرجال اللي طوال ايمانها



تحياتي صـــــــــح السانك يابوعاتق مليووون
وبيض الله وجهك قمت بالواجب واكثر لاعدمتـــــــــــك

[سعود العصيمي]

الله يدوم الك البقا والقلب عيا الاحتمال=يوم المعان الطيبه مفتوح الك بيبانها

كلن بحقه يالعتيبي وانتبه يابن الحلال=بيني وبينك يالعصيمي والوعد ميدانها
صــح السانك ياعايض وماحصل الا الزين
واخوي ابوعاتق قام بالواجب لاعدمته

[ابو عاتق]

إستلم يا بعدي ..




ترى سحاب الصيف لا يوّمنَ ليا هل الخيال = سحابة ٍ سودا على نارك تهل أمزانهــا
صحيح من قال السوالف بعضها عيّب ٍ تقال = مير البلا هاك الطيور إللي تغــرّ ألوانها



تحياتي

[ابو عاتق]

ابو نجر ...

تسلم يا بعدي على مرورك وحظورك إللي يزيد الشرف


تحياتي

[ابو عاتق]

سعــود العصيمي ...

أبد يا ولد العم هذا أقل القليل ..

تبشر بسعدك ولو إني أعتبرك معلمي بس عساني اكون عند حسن ظنك

وتسلم على مرورك إللي زادني شرف ونور صفحتك ..




تحياتي

[مرزوق حمدان العتيبي]

إستلم يا بعدي ..




ترى سحاب الصيف لا يوّمنَ ليا هل الخيال = سحابة ٍ سودا على نارك تهل أمزانهــا
صحيح من قال السوالف بعضها عيّب ٍ تقال = مير البلا هاك الطيور إللي تغــرّ ألوانها



تحياتي
الله الله
هامه شعريه رائعه يابو عاتق..
ولا يهون الدوسري ..
واصلوا ...

[السميــــــري]

إستلم يا بعدي ..




ترى سحاب الصيف لا يوّمنَ ليا هل الخيال = سحابة ٍ سودا على نارك تهل أمزانهــا
صحيح من قال السوالف بعضها عيّب ٍ تقال = مير البلا هاك الطيور إللي تغــرّ ألوانها



تحياتي


الله الله
صح لسااانك مليووووون..

يابو عااتق .. الابداااع كله ..

وصح لسااان عايض الدوسري
مبــــــــــــدع ..

..
اخوكم السميري

[عايض الدوسري]

وترى كلام اليل مايؤخذ ولله الكمال=يوم البواخر فالبحر يرسي بها ربانها

مااجيب غير الي ينومس والهزيله للهزال=صحيح بعض الناس فالدنيا طوال السانها

[عايض الدوسري]

ولاانت يامرزوق

ويعطيك العافيه

[عايض الدوسري]

وصح بدنك

يالسميري

وشكرا على المرور

[طلال الثبيتي]

صــح لــســانك يابو عاتق ,, ولاتغررك الالووان,,

صح لسااانك ياعايض ولاهنت,,

[ابو عاتق]

الله اللهـ




يا لي تبا موج البحر عان البحر شد الرحال = لا ينقلب بابورها وانته تطيـــح أوزانهــــــا
والله بعدها والله إني في عيونــك كـ الخلال = يا الشّله إللي كل ليله ينسّمـع هوذانهــــــا

[ابو عاتق]

ابو منـــذر ..

السميــري ..


طلال الثبيتــي ..



مشكوررررين على مروركم اللي نور الصفحه وزاد الشرف





تحياتي

[طلال الثبيتي]

طــيب طــيب,,

يالشلة الي كل ليلة ينسمع هوذانها,,


وصح لساااانك يابو عاااتق,,

وعجــل ياعااايض ,, بانتظارك,,

[ابو عاتق]

تسلم يا طلال لمرورك ..

واتمنى من احد المشرفين تعديل الشطر الاول من البيت الثاني ..

( واللي بعدها والله إني في عيونك كالخلال )




تحياتي واسف على الخطا المطبعي ...





تحياتي

[عايض الدوسري]

اقول اهدي يالعتيبي بيننا طال الجدال=وانته كما لقمه صغيره والبلاء حيتانها

ترى الجبال الشاهقه معروفتن بين الجبال=والا الرمال الهينه وطاين في خدانها

[عايض الدوسري]

صح بدنك

ياطلال والله لايهينك

على المرور