المساعد الشخصي الرقمي

مشاهدة النسخة كاملة : الشاعر ( ذياب ) الله يمسيك بالخير !!!

عبيدالله العرابي
14-Oct-2006, 11:56 PM
صلوا على النبي يالربع
واللي شاف الشاعر ( ذياب ) يرسله يجي
وإذا ماهو موجود الطارف كفو ..


جيت أسلم وأعلم والتحيّه وافيه والعلوم بلا خساره
ياسلامي على العراف فأول قاف والناس من يلحق رضاها




نادوا (ذياب) له عندي سوالف ماتخالف ودوبه شب ناره
شف دخنها بعد ماراح عنها عسكرت وأرضها وصلت سماها
مرزوق حمدان العتيبي
15-Oct-2006, 12:07 AM
...
.

الله الله
يابعيــد النظر ...
صح لسانك ... وطاروق رائع وياليت تقرب لنا لحنه
على اي اللحوون المشهوره اذا ماعليك امر ...
...
وبعدهااا نقول مازلنا ننتظر مشاركة ذياب ليكتمل الابداع ..
..
تحياتي
عبيدالله العرابي
15-Oct-2006, 12:17 AM
مرحبا يامرزوق .. والله ماني بحافظ على الألحان بيوت لكنها من ألحان الشاعر الكبير اطال الله عمره والسامعين : خلف بن هذال . والشاعر أحمد الناصر الشايع الله يرحمه
لكن التقطيع بالملالاهـ . هكذا بالضبط تقريباً
(يالالالا-لالاله يالالالا-لالالاله - لالالاله يالالالاله)
وأعتقد الأخوان هنا الله يحفظهم يجيدونه تماماً لذلك أنا نزّلت الطاروق لثقتي بأن الجميع يعرفونه
مرزوق حمدان العتيبي
15-Oct-2006, 12:21 AM
...
.

نعـــم نعـــم ....
لحن رائع بكل المقاييس واتضحت الصوره الان ...
بيض الله وجهك ...
وشكرا لك على التوضيح ....
مرزوق حمدان العتيبي
15-Oct-2006, 12:35 AM
...
الغالب انه يجي مروبع وهو على هذا الطرق...


ياوجودي على مظنون عيني .. وجد من طاح وارهابه عدوّه
----------- طاح من بعد ماطاحت ذلوله وافقوه اربعين ابوارديه
كل واحد رماه بطلقتيني .. شاف ماله بهم حيله وقوّه
------------ لارفاقه ولاعذر ٍ يقوله سلم امــــره لخلاق البريه

لاهنت ...
خالد اوصاهب
15-Oct-2006, 12:37 AM
صح لسانك يابعيد النظر

وصح لسان الشاعر الكبير المبدع ذياب مقدما

في صف ذياب من غير قصور فيك
أبن مسلم
15-Oct-2006, 12:41 AM
بعيد النظر

الحقيقه

لك من أسمك نصيب

صح لسانك وبيض الله وجهك طاروق رائع جداً رجعتنا عشرين سته ورى للمغتره وأيامها

شكرا لك وأزهل الصف لايهمك



|165| |165| |165| |165| |165| |165| |165| |165| |165| |

|191|
أبو نجر النفيعي
15-Oct-2006, 12:47 AM
الله الله الله

صح السااانك يابعيد النظر

واززهل الصف عندي ولا يهووون ذياااب

http://www.mergab.com/up_ar/mergab/DSCF0160.JPG

الليل الليل
خلف بن مرزوق
15-Oct-2006, 12:47 AM
...
..

صح لساااانك يابعيد النظر

شاعر متمكن بدون ادنى شك


وننتظر الشاعر القدير : ذياب

...


نعـــم نعـــم ....
لحن رائع بكل المقاييس واتضحت الصوره الان ...
بيض الله وجهك ...
وشكرا لك على التوضيح ....

يبو محمد انت خابر الصفوف لازم يسمعون اللحن

ياليتك سمعتنا مقطع صوتي للحن ان امكن :)
:
موووودتي

.
طلال الثبيتي
15-Oct-2006, 12:48 AM
طـــيب طـــيب ..


وصح لـــســـانك يابعيد

وبانتظااااااار ذيااااب

والصفوووف منا لين الحجاز واسر ياليل
خلف بن مرزوق
15-Oct-2006, 01:02 AM
...
..


شف دخنها بعد ماراح عنها عسكرت وأرضها وصلت سماها

مازلت اجد صعوبه يابعيد النظر

هل هناك خطأ املائي ام لم احسن القراءة!!

.
أبن مسلم
15-Oct-2006, 01:15 AM
الأخ / خلف مرزوق

صبا ح الخير


كلامك صحيح في البدايه كنت أواجه ماتواجهه ولاكن اللحن أعتقد والله العالم إنه نفس لحن هالبيت لخلف هذال

جيت ساري واجيب العلم أجيبه = وأحضر المشترى في كل سوق


هذا حسب عرفي وأنتم أبخص مني في مثل هالأمور

شكرالكم
راعي الكيف
15-Oct-2006, 01:35 AM
نعم نعم هذا الطاروق اللي اللي يستاهل المتابعه
وفي انتظار ذياب وان مارد رديت انا


...
..




مازلت اجد صعوبه يابعيد النظر

هل هناك خطأ املائي ام لم احسن القراءة!!

.





خلف مرزوق
معصي الطاروق سليم من الى وابصم بالعشره على صحته
لكن عيدوا النظر الله لايهينكم
اخوكم

تحيااتي
خلف بن مرزوق
15-Oct-2006, 01:57 AM
...
..

نعم نعم هذا الطاروق اللي اللي يستاهل المتابعه
وفي انتظار ذياب وان مارد رديت انا

بأمكانك ان تبدع طاروق اخر في صفحة اخرى

فالشاعر ليس بحاجة ان تسجل لتشهد له

لانني موجه تساؤلي له عزيزي:)
راعي الكيف
15-Oct-2006, 02:08 AM
الاخ : راع الكيف

هناك شاعر موجود اسمه بعنوان الموضوع
ولم يعتذر عن محاورة زميله الى الان
ان اردت ان تبدع طاروق اخر بأمكانك
واطلب من شئت من الشعراء

فلن نقبل الفوضى..وهذا يعتبر تحذير

الادارة
عبيدالله العرابي
15-Oct-2006, 02:23 AM
الغالين :

الظاهر إنتظرنا .. ذياب بما فيه الكفايه .. وشعّار عتيبه الهيلا ونعم مليون يردف مليون الغايب منهم والحاضر .. أنا طلبت ذياب لأني كنت إبيه في سالفه وتخبرون ودي نتهرج فيها وهو يعرفها زين . لكن الرجال ماجا .
لذلك ماعندي مانع أن يتقدم أطرف الرجال الموجودين وكلهم فيهم الخير أنا أتعلم ماني بشاعر رمز من رموز الشعر رحم الله من عرف قدر نفسه
عبيدالله العرابي
15-Oct-2006, 02:33 AM
الأخوان .
مرزوق
والأخ خالد

الظاهر أخوي راعي الكيف ماقال شيء خاطيء .. هو صادق
الرجال ماجا والحين حنا في الصفحه الثانيه
قال إذا ما جا ذياب ردينا ... وهو كفو وآنت كفو وكلكم ونعم

لاتقولون طاروف {بعيدالنظر} سوالنا فتنه
والله مامعكم على راعي الكيف هرجه رجال ماغلط وانا والله ما أعرفه
عبيدالله العرابي
15-Oct-2006, 02:35 AM
أحد له نظر في الرديه ؟؟

الطارف منكم يسد أنتظركم

تقديري لكم جميعاً
راعي الكيف
15-Oct-2006, 02:39 AM
سلمت يابعيد النظر ومدام فتحت المجال بيض الله وجهك واستلم

مرحبا وسهلا بك يالمسلم والمعلم بنمره واستماره
يعرف القاف بالاوصاف يوم الناس بيّح وبيّن مستواها


مار من غاب انا عنه اتقدم وان تندم يجيك بقاف غاره
وانت هاك الخبر مدّه وودّه صاحبك كان غاب ولا قراها
عبيدالله العرابي
15-Oct-2006, 02:54 AM
هاالله .. هاالله

والبقا وآنت راعي كيف قُدم الضيف والحر تكفيه الإشاره
لاتبيّن بهيّن والرجال تقدّر الضيف لامنه نصاها




قالوا أهل المثل في مامضى غصب ورضى واللعب فن وشطاره
أنت توّك جديد وراس مالك طاب فالك ثلاثٍ ماوراها
عبيدالله العرابي
15-Oct-2006, 02:55 AM
الغالي : خالد
الله يحييك طال عمرك ماحصل ألا الخير
كل الأمور سهاله لاعدمتك
عبيدالله العرابي
15-Oct-2006, 02:58 AM
الغالي : مرجحت الموازين
الله يحييك وحضورك شرف كبير لنا جميعاً
لاعدمتك يالغالي
راعي الكيف
15-Oct-2006, 03:15 AM
كيفنا البن الاشقر مانقدر غيررجال في راسه نعاره
والردي لو تعدّى مايبدّى والردي لو يدورها لقاها

اركد شوي واعقل لاتعجل واعرف الدرب لاتعكس مساره
وان بغيت الشقا دوّر ودبّر لين كفك يجي فيها ملاها
راعي الكيف
15-Oct-2006, 03:23 AM
الجميع مرحبا وغلا كلكم كلكم كلكم
مااخص احد دون احد كلكم غالين على قلبي والشاهد الله

الله يغفر لي ولكم في هالعشر التوالي ويرحم والدينا والداكم اجمعين
قولوا امين
عبيدالله العرابي
15-Oct-2006, 03:30 AM
هالله .. هالله

والنعم بن خولاني ولاني قايلٍ فيك لضيوفك قصاره
مير حذرى يجي فى الرمي زمه وإلك عمه تذرى في ذراها




مارمينا على غير الركاده والزياده ليا زادت خساره
ما آنت هاوي دعاوي لاتزيد تمرّها مرّها يغلب حلاها
عبيدالله العرابي
15-Oct-2006, 03:34 AM
أبن مسلم, النشمي, راس حربه, راعي الكيف, عمرالروقي, غرابيل الدهر

الله يحييكم جميع هلا وغلا
والله إنه يشرفنا وجود هالوجيه السفره
تقديري وآحترامي للجميع
عمرالروقي
15-Oct-2006, 03:36 AM
بعيد النظر
صح لسانك
0000
طاروق جميل
000000
المتابعين الكرام
شكرا لتواجدكم
وشكرا لمروركم الكريم
0000000
راعي الكيف
صح لسانك
00000000000
00000000000واصلوا متابعين
عبيدالله العرابي
15-Oct-2006, 03:41 AM
مشرفنا الراقي . عمر لاهنت
صح فكرك يالغالي .
وحضورك هو النور الذي به نستضيء
تقديري
راعي الكيف
15-Oct-2006, 04:04 AM
عمتي ضلها كاسيك وانته فيك عله وفي راسك كباره
مار خلك تحتها وان سمتها الله سلمتو جميعا(ن) من عطاها
من ذراعي قبل وقت الوداعي صرت للبندق ام زناد شاره
هكذا افعل بمن عدل وبدل في علومه وفي حثله رماها
عبيدالله العرابي
15-Oct-2006, 04:05 AM
يالربع .. إرتفعوا
والله العظيم إنكم تقولون كلام ماهو لكم
وش هاالألفاظ النابيه .
الحين وش يقولون الناس اللي يقرون



أخوي : راعي الكيف

الختام عندك بيّض الله وجهك
وفمان الله
عبيدالله العرابي
15-Oct-2006, 04:08 AM
عمتي ضلها كاسيك وانته فيك عله وفي راسك كباره
مار خلك تحتها وان سمتها الله سلمتو جميعا(ن) من عطاها


من ذراعي قبل وقت الوداعي صرت للبندق ام زناد شاره
هكذا افعل بمن عدل وبدل في علومه وفي حثله رماها

أبيض وجه
عزالله إنك ونعم
ولولا الكلام اللي كاتبه : مرجحت الموازين
والله إني ودي أكمل القاف
لكن سامحوني هذا والله خلا ماللقاف طعم
اعوذ بالله
راعي الكيف
15-Oct-2006, 04:12 AM
ماعليك زود يابعيد النظر وهذا من طيب اصلك
وتقبل فائق مودتي واحترامي
راعي الكيف
15-Oct-2006, 04:15 AM
اقول تكفون ابدو لي يالربع على خلف زعل من الطاروق مادري وش زعله ابدو لي كلكم مايهون علي خلف مشرف والمشرف لازم نرضيه وكل مشرف له حق علينا
ولا نستغني عن جاهياتكم ومباديكم لاصلاح ذات البين

تحياتي لكم
مرزوق حمدان العتيبي
15-Oct-2006, 02:52 PM
...
.

صح لسانك يابعيد النظر ...
وصح لسانك... ياراعي الكيف ...
....
ونعتذر للجميع عن الذي حصل في الصفحه من الفاظ
لاتليق الا بقائلها ....
لاني بعد ردي الاول ذهبت للنوم ... والاخوان قاموا بالواجب
واكثر ....
ومنتدى الهيلا اوجد للرجال فقط مثلكم وشرواكم ....
اما الحمقاء وسفهاء العقول فليس لهم هنا مقام ... ...
..