قاف تحدّي يا ابن زهران ,, أنت تَبدَع وتشقر و أنا أبدَع وأشقر في نفس الوقت ..

[نادر العش]

..


دايم الشعراء يلعبون فن الشقر ويبدعون فيه ..

ولكن ألاحظ أنه في القلطة : ( كل شاعر يسوّي بيتين ويشقرهن على راحته .. لأنه يدور الكلمات اللي سهل شقرها عليه ويختارها ) .



وفي العرضة : ( شاعر يَبدَع وشاعر يشقر , ويكون الشقر من جهة واحدة فقط ... يعني التعب من جهة واحدة فقط ) .



لكن فيه طريقة أصعب من الطريقتين المذكورتين و توزع الجهد بين الشعراء , بحيث كل شاعر يقوم بالشقر وفي نفس الوقت يبدع .


وهي كالتالي :

أقول أنا بيت واحد فقط ,, ثم يأتي الشاعر ويرد على بيتي بالشقر ( يشقر قيفان بيتي ) ثم يقول هو بيته الثاني ويكون بدع ( وخالي من الشقر ) ..... ثم أقول أنا بيتين : الأول يكون بدع ( لكي يشقره الشاعر المقابل) والبيت الثاني يكون رد على ( بيت الثاني للشاعر ) ولكنه بطريقة الشقر ( يعني أشقر قيفان بيته الثاني ) ................ ثم يأتي هو مرة ثانية ويرد على بيتي الأول بطريقة الشقر ,, ويقول بيته الثاني ( لكي أشقره أنا ) ........... . . . . . . . وهكذا ,



. .




و إسمحولي أختار الشاعر/ بن زهران ,, من غير قصور فالباقين ..



ـ اليوم إربعاء وآخر يوم من الدراسة ( وأنا غايب عن المدرسة اليوم :) ) .. و الزمان طويل يا ابن زهران |197| ـ




إستلم يالشبابي :










على ترحيبةٍ تملى من الغربي بريح ورود=يبا يقلط ولد زهران والقيفان يشقرها








في إنتظار ابيات ابن زهران ..

[بن زهران]

الله الله عليك يانادر العش والله يستر منك ولا يهينك على المشارررررركه المتميزه تقبل تحياتي اخوك فهد
استلم لاهنت ياقرم

يدوم الك البقاء ياشاعر اللي يعرف المورود && تبى تنزل بضاعه لونها احمرها مع اشقرها

والا يانادر اسمع هرجتي والعَود يم العَود &&& تفنن فالبيوت اللي تعبرك وتعبرها

[مرزوق حمدان العتيبي]

...
.
لله درك يالنادر كم انت مبدع..
وكنت بتكلم عن هذه النقطه التي هي توزيع الجهد بين الشاعرين ..
وهذي طريقه عادله ... الف شكر ياغالي...
صح لسانك ولسان وابن زهران ..
...

[نادر العش]

..


الله يسلمك يافهد الزهراني , أنا توّي طالب , لكن انت أستاذ .

الله يعيننا عليك.




إستلم :






أنزلها من الهاجس على الطاروق بيض وسود=وتبقى للزهارين أول الأيام وآخرها
يقولون الرجال العز لا طقيت راس العُود=وبه جملة نعبّرها لكنّك ماتعبرها





..

[نادر العش]

..


مرزوق العتيبي

وش هالصباح الرايق ( آخر يوم من الدراسة .. غياب عن المدرسة .. وأنت أول من شرّف الصفحة بالمرور ).


..

بصراحة ما أدري كيف غفلوا عنها شعراء المحاورة والعرضة !!

وإذا أنت تفكّر في الفكرة من زمان , فهذا يدل على تخطيك مرحلة :

النظم , الشعر , ... وقد وصلت إلى مرحلة الإبداع .


لأن الشاعر يصنف حسب مستواه إلى ثلاثة أقسام :

ناظم , شاعر , مبدع




لكن أنا طرت علي الفكرة بالصدفة

وإلا أنا لا ناظم ولا شاعر ولا مبدع ..



عموماً

ماقصرت على المرور

[أبو نجر النفيعي]

,,,,,,,,

,,,,,

,
الله الله الله الله

ابداع يانادر العش.

فكره رائعه من رائع

صح السنتكم:)

..

اخوك..
.

[ابن نميان]

نادر العش صح لسانك


مبدع يانادر العش ؟

بن مزهر ؟ ابداع ؟

[بن زهران]

الله الله الله استلم ياقرم لاهنت

ليا طبيت فالميداان قدمك الوحوش اسود &&& نصيحه دخلتك فالسوق نصيحه روح واخرها

ليا طقيت راس العود ماعدفالحياه اسعود &&& وصغرها من اولها ودخيلك لا تكبرها

[تركي البرّاق]

اااااااااااااالله اااااااااااااااااااااااالله


متابعين للاستفاده ,,,,,,

تحياتي

[خلف بن مرزوق]

...
..

نااااادر العش

سبحان الله سبق وان لفت انتباهي

ان الشقر يكون من جانب.. وهذا ظلم :)

ولكن الشعراء يتبادلون الدور في العرضه

وفكرتك راااااااائعة

مبدع فعلا ولازم نطلبك يوم نتعلم منك :)

كل الووود

.

[ابن نميان]

ابو مرزوق صدقت فعلا نادر العش مبدع ؟

اتوقع عنده فوق ذالك بكالريوس لغة عربية ههههه

[نادر العش]

..

اين زهران يقول: ( ليا طبيت فالميداان قدامك عيال أوسود &&& نصيحه دخلتك فالسوق نصيحه روح واخرها ).





إستلم يا ابن زهران :







ليا جيناك بالرّْوقة يصيرون الأوسود قرود=وبرقا نارها و قت الوغى حمرٍ مكاسرها
تكبّْرفالصلاة وتدّْرق في دولة آل سعود=زمان ٍ فات تكبيرتك ماتقدر تكبّرها










في إنتظارك

[ذياب]

ليا جيناك بالرّْوقة يصيرون الأوسود قرود@وبرقا نارها و قت الوغى حمرٍ مكاسرها
تكبّْرفالصلاة وتدّْرق في دولة آل سعـود@زمان ٍ فـات تكبيرتـك ماتقـدر تكبّرهـا


الله الله

ماشاء الله عليك وين داس هالابداع

يانادر العش

واصلوا الله لا يهينكم

[عمرالروقي]

صح لسانك
يانادر العش
رايك سديد وفيه عدل بين الشعراء
------------------
الزهراني
صح لسانك
000000000
واصلوا متابعين وشكرا لكل متابع
00

[نادر العش]

..

ابو نجر

دام الأستاذ يتابع التلاميذ .. ماعلى التلاميذ خلاف

شاكر مرورك يا أستاذ .


.

الأستاذ الآخر

إبن نميان

أني أقرأ في كلماتك ملامحح تفسيرات خاطئة " إذا سمحت لي " .

هل تظنني كمرزوق العتيبي (مكرٍ مفرٍ مقبلٍ مدبرٍ معاً )

أو

كتوأمه خلف بن مرزوق ( كجلمود صخرٍ حطه السيل من علي )

أو

كأبو نجر الكندي ( كأنه علمٌ في رأسه نارُ )

أو

كمثلك ( شهادُ أنديةٍ للجيشِ جرار )



ولا على الآخرين زود ُ ُ ولاهوان ..


.....




تبغى الصراحة معي بكالوريوس ,, بس بكالوريوس في لهجة العتبان :) .



لو تدري وش عندي يمكن ما عاد تقرا مشاركاتي ..:)


عموماً

أشكر مروركم الكريم ..





.



الأستاذ الآخر/ خلف بن مرزوق ( كجلمود صخرٍ حطه السيل من علي )


إسمك وحده , كفيل بأن يرسم الإبداع على الصفحات ..

[ابو غازي]

..
الشاعر يصنف حسب مستواه إلى ثلاثة أقسام :
ناظم , شاعر , مبدع
لكن أنا طرت علي الفكرة بالصدفة
وإلا أنا لا ناظم ولا شاعر ولا مبدع ..


تخلص لطيف يا نادر
ولكن هيهات هيهات ..... سبق السيف العذل

[نادر العش]

..


الأساتذة

ذياب

عمر الروقي



ماعليكم زود يا أهل الذوق ..

وهذا من طيبكم .

[نواف العصيمي]

نادر تضل متجدد مبدع

إنك لشاعر و ناقد و كاتب و مبدع

تكتب بقلم غير قلم الامس أو تهيم في واد غير ذلك الوادي

قالوها
الكاتب الخيالي بلا قافية ولا بحور

الخيال الشعري

ملكً لك

لك فائق التقدير والاحترام

[نادر العش]

..


ابو غازي


ماعليك زود طال عمرك ..

لي الشرف بإشراقتك الخطية والتي تنعكس من إسمك المشرق ..

كفانا بك فخراً أنك مستشار ..



* *




إشراقة تحول عليها الستارة :


للصراحة , لا أكتم إعجابي بمداد قلمك .

[نواف العطاوي]

اخوي نادر العش انت مبدع في طرحك ونقدك وشعرك والى الامام ونحن دومن معك

تقبل تحياتي اخوك نواف العطاوي

[بن زهران]

..

اين زهران يقول: ( ليا طبيت فالميداان قدامك عيال أوسود &&& نصيحه دخلتك فالسوق نصيحه روح واخرها ).





إستلم يا ابن زهران :







ليا جيناك بالرّْوقة يصيرون الأوسود قرود=وبرقا نارها و قت الوغى حمرٍ مكاسرها
تكبّْرفالصلاة وتدّْرق في دولة آل سعود=زمان ٍ فات تكبيرتك ماتقدر تكبّرها

7








في إنتظارك









استلم استلم لاهنت واسمحوني على التأخر

وانا اقول الاسد ياكيف يقلب قرد ياالمقروود &&& وترى فالسوق غالي والبضاعه ماتكاسرها
ترنا مانبي فالعلب طارد يلحق المطرود &&& عسى بعض العرب تهجد وتمشي في ماقادرها

[مرزوق حمدان العتيبي]

...
.

نادر العش وابن زهران ...
الله يعطيكم العافيه ... واصلوا ..
..

[أبو نجر النفيعي]

..

ابو زهره
و
نادر العش

صح السنتكم مبدعين..

وإلى الأمام..

..

اخوكم.

[طلال الثبيتي]

ابداع في ابداع


وصح لسانك يانادر
وصح لسانك يابن زهران

وواصلواا الابداع

برايفت لــ نادر:
سجل اعجابي فيك يامبدع وفي ماتكتب

[تركي المسعودي]

صح لسانك يالنادر
وصح لسانك يالزهراني
يعطيكم العافيه وماقصرتوا

[بن زهران]

مرزوق العتيبي && ابونجر النفيعي && طلال الثبيتي && تركي المسعودي

الله لا يهينكم على المروووور يا قروووووووووم والف شكر على اللي مرررررروووووو

[عاشق المخايل]

صح لسانكم

ابن زهرااان

عيني عليك بارده

[بن زهران]

عاشق المخايل لاهنت على المرووور يا قرم

[نادر العش]

..


العذر يا جماعة على التأخير .. لظروف خارجة عن إرادتي .




يقول ابن زهران :

وانا اقول الاسد ياكيف يقلب قرد ياالمقروود &&& وترى فالسوق غالي والبضاعه ماتكاسرها
ترانا مانبي فالعلب طارد يلحق المطرود &&& عسى بعض العرب تهجد وتمشي في ماقادرها



. .

إستلم يا ابو زهرة :








ترى الله قد قلب بعض البشر في يومه الموعود=ذكرهم في كتابه وانت خابرها وذاكرها
و أنا تاجر معي سلعة ذهب ماتْنقص المطرود=وابو زهرة قدرت اسنعّه والقوم قادرها




.



في إنتظارك

[نادر العش]

.


بعد الإستئذان
. . . . . . .





( تـرتـيـب الأبـيـات )





نادر العش


على ترحيبةٍ تملى من الغربي بريح ورود=يبا يقلط ولد زهران والقيفـان يشقرهـا


ابن زهران


يدوم الك البقاء ياشاعر اللي يعرف المورود=تبى تنزل بضاعه لونها احمرها مع اشقرها
والا يانادر اسمع هرجتي والعَود يم العَود=تفنن فالبيوت اللي تعبرك وتعبرها


نادر العش


أنزلها من الهاجس على الطاروق بيض وسود=وتبقـى للزهاريـن أول الأيـام وآخـرهـا
يقولون الرجال العز لا طقيـت راس العُـود=وبـه جملـة نعبّرهـا لكـنّـك ماتعبـرهـا


ابن زهران


ليا طبيت فالميداان قدامك عيال اسود=نصيحه دخلتك فالسوق نصيحه روح واخرها
ليا طقيت راس العود ماعدفالحياه اسعود=وصغرها من اولها ودخيلك لا تكبرها


نادر العش


ليا جيناك بالرّْوقة يصيرون الأوسود قرود=وبرقا نارها و قت الوغى حمرٍ مكاسرها
تكبّْرفالصلاة وتدّْرق في دولة آل سعـود=زمان ٍ فـات تكبيرتـك ماتقـدر تكبّرهـا


ابن زهران


وانا اقول الاسد ياكيف يقلب قرد ياالمقروود=وترى فالسوق غالي والبضاعه ماتكاسرها
ترنا مانبي فالعلب طارد يلحق المطرود=عسى بعض العرب تهجد وتمشي في مقادرها


نادر العش


ترى الله قد قلب بعض البشر في يومه الموعود=ذكَرهم في كتابـه وانـت خابرهـا وذاكرهـا
و أنا تاجر معي سلعة ذهب ماتْنقص المطرود=وابو زهرة قـدرت اسنعّـه والقـوم قادرهـا




..



توضيح :

كلمة (القوم قادرها) الموجودة في البيت الأخير هي شقر لكلمة ( مقادرها ) في بيت الشاعر ابن زهران ,, لذلك يلاحظ أن آخر حرف في كلمة القوم ( م ) لتـتم إضافته إلى كلمة (قادرها) ويصبح الشقر صحيح .




في انتظارك يا ابن زهران ..

[بن زهران]

لايا جيتك تحزم لاتاخر يومنا الموعود && ودروسك يا طويلب فالمدارس روح ذاكرها

ترى ما جبت لي هرجه صحيحه ياهذاالمولود && وعلومك يانويدر من زمانكا انا خابرها

الله لا يهينك باقرم على هذا الطرح وصح السااانك والختمه عندك وسمحولنا عن القصووور

تقبلو تحياااااتي