ظاهرة منتشره

[متعب العصيمي]

بسم الله الرحمن الرحيم

السلام عليكم ورحمه الله وبركاته

لفتا انتباهي ظاهره ربما لها فتره منتشره لاكن ماشفتها الا الشهرين هذي
دخلت احد المجالس وجلست فيه واحد برى البيت يبي يدخل قاله راع المحل ادخل
قال انكان فيه احد ماني داخل ، ياولد ليش وش السالفه قال لابس حالق الشنب
ولا ودي الرجال اللي جوا يشوفون راحت الايام وقابلت ثنين في احد الزواجات
وجالس اشوفه وعرف ليش اني طول الوقت اشوفه سلمت قلت ماشالله
ممداني اكمل قال هذي الموضه وقلت عشان قال عشان الغزل والشغلات هذي
==========

المهم اريد كل عضو يناقش سبب الظاهرة هذي الذي انتشرت مع ألأسف بين شباننا
هل هي مافيها شي وبعيده عن العيب طيب اذا كانت ماهي عيب ليش بعضهم يبتعدون
عن مجالش الشياب وينحرجون اذا احد ناقشهم ولا ماهي مرجله
وماهي اسباب ومن الذي قام بأنتشار الموضه هذي نحن لانقول الشنب مرجله
نريد تعليق بسيط منك على حلقه كله بحجة انه موضه
وقول الرسول صلى الله عليه وسلم (( اعفو اللحى وحفو الشوارب))
هذا ليته اعفى اللحيه لا لحيه ولاشنب

ولكل شخص له حرية الراي

تحياتي لكم

[عجاج الليل]

هههههههههههههههههههه

أجل يحلق شاربه ويقول عشان الغزل .


اتركم ونا اخوك هذولا رايحين فيها . الشنب زينه في وجه الرجال . كيف يحلق . والا اقول يمكون يكون (نعومي) هههههههههههههههه اللهم لا شماته .

تحياتي لك اخوي متعب على الموضوع الإجتماعي.

[متعب العصيمي]

اخوي عجاج الليل منور الصفحه مرورك العطر
وشاكر لك تعليقك وتفاعلك مع الموضوع
ولك جزيل الشكر وفائق ألأحترام
تحياااتي لك

[نايف الطير]

والله ياخوي متعب الظاهر الشغلة كلها تقليد في تقليد ...

تلقاهم يسبرون الدش لتالي الليولة ويعاينون المطربين وموضاتهم من لبس وشكل ...

ولاجا النهار الثاني تلقاهم صف عند الحلاقين ومحلات الجنوز ...

مرة في الجبيل كنت عند حلاق أحتري دوري وهاك الغلّيم قد جا قبلي ونهاره كلبوه يحلق ...

المشكلة ان شوشته خنافس مفارقه الحلااااا ,, العوارض ماغر خطوط والشنب منتف مبقى الا رفارفه..

ويوم بغا يخلص وهو يقوم يصايح على الهندي : ليش حلق هنا ؟؟ مافيه خلي سيده؟؟ يقصده اللي بقى من نزلة الشنب على اللحية..

قال الهندي : ياسديق هذا مافيه شعر من أول ..شكله ماينبت خلقة!!!

وهو يهدي اللعب شوي ويرد على الهندي :طيب ليش مافيه سوي كــــــحل !!!!



هبّ الله يفضحك ...

عودّنا في كحل ...



تشكر على الموضوع المميز...

[متعب العصيمي]

فعلا اخوي نايف القنوات الفضائيه احد ألأسباب التي تعكس لشبابنا من موضات وتقاليد
ماكنا نعرفها خصوص القنوات كل مالها بزود

نايف الطير شاكر لك مرورك العطر
وتعليقك وتفاعلك مع الموضوع
ولك جزيل الشكر وفائق ألأحترام
تحياااتي لك

[عبداالرحمن]

فعلاً هالايام تلاقيهم اما حالقين الشنب مرة

اومطولينة زيادة عن اللازم

ومربي اللحية على شكل زاوية حادة للاسفل!

الله يهدي الجميع

[متعب العصيمي]

شاكر لك مرورك اخوي عبدالرحمن
ومنور الصفحه داااام توااصلك00 ويعطيك العااافيه
تحياااتي لك

[بن مياح الأسعدي]

هذووولا طال عمرك يقلدووون كل الي يشووفونه

مهم ماسكين عوايد شيبانهم تلقا الواحد ليا شاف

ممثل محلق الشنب وتارك اللحين على طول راح سواه

وعندنا الحلاق ليا جيته يقولك تبي حلاقه فلان ولا فلان


والله انا شايف رجل يحط حمره وكحل ومخفي العيوب

اعوووو بالله ............


الله لايبلانا

[تركي المسعودي]

الله لايهينك على الموضوع الجيد
وغير الشنب اللحيه صارو يلعبون فيها
مره خط ومره سكسوكه ومره خليجي على قولتهم
ومره لحيه متقطعه نااااااااس منتهين والله مغير يطالعون
في هالاجانب ويقلدووووووون الله لايبلااااااااناااااااااا بس
وشكراااا

[نواف العصيمي]

الشنب مشكلة


واللحية مشكلة أكبر الي مسويها خط صغير!!! والي حطها مدري كيف ما قول الله لايبلانا

و صدق أخوي تركي أشكال غريبة

احيك يا متعب على هالمواضيع المتميزه

لك التقدير والاحترام

[متعب العصيمي]

اخوي بن مياح الأسعدي

شاكر لك مرورك العطر ومنور الصفحه00

ومشكووووور على التفاعل وأبدا رأيك

ولك جزيل الشكر وفائق ألأحترام

تحياااتي لك

[متعب العصيمي]

اخوي تركي المسعودي

شاكر لك مرورك العطر ومنور الصفحه00

ومشكووووور على التفاعل وأبدا رأيك

ولك جزيل الشكر وفائق ألأحترام

تحياااتي لك

[متعب العصيمي]

اخوي اسيرالصمت

شاكر لك مرورك العطر ومنور الصفحه00

ومشكووووور على التفاعل وأبدا رأيك

ولك جزيل الشكر وفائق ألأحترام

تحياااتي لك

[البقعاوي99]

(][®][^][®][ههههههههههههههههههههههههههههههههههههههههههههه][®][^][®][)



مشكور أخوي على مرورك الكريم

ولا تستغرب كل شي بالكون يمكن يصير

[متعب العصيمي]

مشكوور البقعاوي على المرور العطر
دااام تواااصلك00 ولك جزيل الشكر
000000 تحياااتي لك 00000

[العسيلي @]

الله لايهينك ياولد العم المشكله كبرت والشق اكبر من الرقعه
ياليتها على الشنب الحين يحطون في يدينهم سلاس وفي ارقابهم سلاس صراحه عشان مانعمم قله من الشباب هم الي يسوون كذا الميوعه والترف الزايد هو الي سبب هذي المشاكل ولاننسى الدشوش ومشاكله مانبي نروح بعيد واجد شبابنا قبل 15 سنه اي قبل ازمة الخليج وقبل دخول الدشوش افضل بمراحل من الحين
يعني اقتراح على الدوله حفظها الله بأقامة معسكرات تجنيد اجباري لشباب مثل سوريا ومصر ويكون مدة هذا التجنيد سنه كامله اجبارية لك الشباب وهذا التجنيد يبعد الشباب عن الميوعه

[ذيب السبايا]

مشكلة حلق الشنب واللحية يصير وجهه مانيب قايل

[متعب العصيمي]

اخوي العسيلي منور الصفحه مرورك العطر
وشاكر لك تفاعلك مع الموضوع
وبنسبه لحلق الشنب ظاهره منتشره واقتراحك اتمنى ان يوصل للمسئولين لاكن ألأهم هو القدوه اذا كان قدوة طيبه عزالله يبي يسلم من حلق الشنب وغيرها
دام تواصلك اخوي العسيلي
تحياتي لك

[متعب العصيمي]

اخوي ذيب

ههههههههههههههههههه

الله لايبلانا وناخوك

وشااااكر لك مرورك العطر ومنور الصفحه
ولك جزيل الشكر وفائق ألأحترام
تحيااااتي لك

[مؤمن]

اخوي متعب اشكرك على طرح هذه المشكلة للنقاش

اعتقد المشكلة هي التقليد الاعمى الى المجتمعات الاخرى التي تبث هذه السلوكيات والعادات من خلال وسائل مختلفة ومنها القنوات الفضائية التي بدأت تنتشر بشكل سريع وكبير

وكذالك لانغفل عن دور الاسره وخاصة الاب في تربية الابناء التربية السليمة فها نحن نرى ابناء الرجل يلبسون الملابس الغير لائقة ويفعلون مايشئون من القصات على رؤسهم ويختلطون بمن يريدون ويتميعون في الكلام والمشيه والاب لايحرك ساكنن وقد يبدو الامر بالنسبة لها امراً طبيعياً

فاذا اردنا المقارنه بين الشاب في الوقت الحالي والشاب قبل عشرين سنه نرى اختلاف كلي وكذالك المقارنه بين الاب في الوقت الحالي والاب قبل عشرين سنه ايضاء نرى اختلاف كلي

وربما يأتي علينا زمن قادم يكون شبابنا اضحوكة الى المجتمعات الاخرى


وفي الختام لااملك سوى الدعاء بأن يصلح الله شبابنا ويهديهم الى الصراط المستقيم

[متعب العصيمي]

اخوي اثلث منور الصفحه مرورك وتعليقك الرائع

صحيح ان احد اسباب هذه السلوكيات القنوات الفضائيه هي التي تعكس الصوره على شبابنا
وانا قلت القدوه هي اهم شي مثل والوالد في المنزل ، وبما ان القنوات الفضائيه كثرث
لماذا لاتكثف برامجنا لطرح هذه المشاكل مثل حلق الشنب وا وا وا وا وا وا والبرامج كلها لصالح المفحطين بس مثل ما التفحيط ظاهر واهتمو بها عليهم ايضا
ان يهتمو بظواهر التي عليها الشباب ، قبل ثلاث او اربع سنوات كانت في شعر الراس ثم الشنب ومثل ماقلت الله يستر بعد فتره لايصير اضحوكه في المجتمع0

تحيااتي لك