صور نفي عبر الاقمار الاصطناعيه (قوقل ايرث)

[سيف الشمال]

والله لقيت نفسي فاضي قلت خذها تمشيه في ربوع نجد وبديناها بنفي ديرة ابن ربيعان ومحطاتنا القادمه اذا لم يكن لديكم مانع تكون ساجر و خف وارطاوي الرقاص طبعا الصور هناك اوضح جدا من نفي لاسباب لاتخفي عليكم ياهل القوقل ايرث

نبداء مع الصوره الاولي ونشاهد نفي من علي ارتفاع 11000 قدم تقريبا

http://www.tit2.com/up/uploads/c70200dce6.jpg


والصوره التاليه من علي ارتفاع 6000 قدم تقريبا
http://www.tit2.com/up/uploads/d72dc65d5e.jpg

والصوره التاليه من علي ارتفاع 4300 قدم

http://www.tit2.com/up/uploads/b7638bab24.jpg

والصوره التاليه من علي ارتفاع 3600 قدم وماودنا والله نقرب واجد لا يحذفونا ورعانهم بالحصي ثم يكسرون عدسات قمرنا


http://www.tit2.com/up/uploads/1cb97a253d.jpg

[سيف الشمال]

والله لي اكثر من سنتين ناسي القوقل ايرث ما ادري وش طراه علي اليوم وحملة البرنامج وقمنا نتمشي اللي يبغا يشوف دريته يوصف لي بيته ويبشر

[ابو عتال]

يـــــــــــــــــــــــــــا حبيلك يـــــــــــا سيف الشمال


والله يجزاك خير


لي عندك طلبين :-

الأول / ابغى كيف دخلت هذا لموقع وش رابطة وكيف الطريقة لعمل مثل ذلك ؟


الثاني / ما اقدر انزل صور للمشاركة ، مدري ليه ؟


وتحياتي لك ولكل الأخوان المشاركين والمشرفين

[أبو نجر النفيعي]

لاهنت يا سيف الشمال على الصووووووووور

[سيف الشمال]

شكرا للمرور والشرطه والدفاع المدني ههههههههههه

علي زيارتكم للمشاركه اخ ابونجر النفيعي واخ ابو عتال

اخ ابوعتال اتنزيل الصور بسيط نعطيك طريقته بس بالنسبه لبرنامج قوقل ايرث صور المدن في العالم والسعوديه لازم يمون اتصاللك بالانترنت يكون دي اس ال
اذا كان اتصاللك دي اس ال ابشر رد علي ولا يهمك نعطيك رابط قوقل ايرث وطريقة عمله

[ابو عتال]

الله الله


دي اسسسسسسسسسسسس آل

ومن القوي بعد


قولو ما شاء الله

[سيف الشمال]

اخ ابو عتال خذ الرابط هاذا وحمل البرنامج علي سطح المكتب بعد ما تحمله اذا حبيت تتواصل معي علي الماسنجر ww.ksa@hotmail.ccom

وؤابط التحميل تحت اضغط علي المستطيل الموجود فيه وسطه كلمة Download

واختر الحفظ علي سطح المكتب

الرابط http://earth.google.com/download-earth.html

[ابو عتال]

الله يهديك يا اخوي

تورطت كلها انقليزي


وضغت على الزر الي انت قلته لي ــــ فتمثل حالي بحال من قال


نحشت عن القوم وطحت بالسرية


قمت افتح واحفظ واحمل الملفات وما تفتح معي وقمت احذف منها الين ما تعبت


اما لو تشوف شكلي كنه شكل امي وهي تطلع ملا بسنا الوصخه وتطشها عند الحمام وانتم بكرامة


اقول لا عادها الله من تمدن


ان كان عندك شي طيب ارسله علي ولا لاتورطني ترى ما فرمت الجهاز الأ اليوم بـ40 ريال ريال ينطح ريال الله لا يشغلنا الا بطاعته


ســـــــــــــــــــــلام يا قلبي ـــــــــــــــــــــــــــــــــ في الله

[سيف الشمال]

يابوعتال الموضوع بسيط جدا لكن الظاهر توك جديد يالكمبيوتر علي العموم وشي المواقع الي ودك تشوفها بالاقمار وها الحين انزلها لك لان تنزيل البرنامج سهل جدا جدا والتعامل مع البرنامج سهل وتصدق عاد و لا فخر اني ادرس الامريكان انجليزي ههههههههههههههههههه

[ابو عتال]

ابغى عــــــــــــــــــــــــــــــــفــــــــــــــــ ـــيــــــــــــف

و مـــــــــــثـــــــــــلــــــــثـــــــة


وقـــــــــــــــــلــــــــــيـــــــــشـــــــــ ـة (( الحـصاة ))



ابغى اشوف الديرة مشتاق ألها


تكفى

[سيف الشمال]

ابشر يابوعتال الليله تشوفها بحاول الليله

[سيف الشمال]

هاذي صور عفيف يا اخ ابوعتال بس الدركسون خرب عندي وما قدرت انزل واجد بصلحه واعطيك صور احلي من هاذي وهاذي علي ارتفاع واجد شوي مش حاللك فيها لين نصلح الدركسون



http://www.tit2.com/up/uploads/35b24e88f2.jpg

وهاذي علي ارتفاع 7000 قدم

http://www.tit2.com/up/uploads/68cfbd0ec6.jpg

http://www.tit2.com/up/uploads/50fc770096.jpg

والباقي بالطريق

[ابو عتال]

http://www.moq3.com/pics/up/g_07_10_06/788a8a1dd8.jpg (www.moq3.com)
الله يــــــــــــجـــــــــمــــــعـني وياك في عبال نجد ولا عندك فالشمال يالســــــــــــيف
http://www.moq3.com/pics/up/g_07_10_06/a2ecbfd970.jpg (www.moq3.com)http://www.moq3.com/pics/up/g_07_10_06/672873905c.jpg (www.moq3.com)http://www.moq3.com/pics/up/g_07_10_06/4efc9747e5.jpg (www.moq3.com)
http://www.moq3.com/pics/up/g_07_10_06/98d4b31fb4.gif (www.moq3.com)
جزاك الله خير ،،،، ولو تزود المشاركة بعد من الصور للشباب طبعا ماهوب لي انا بس

هـذي تصريفة الظاهر عشان ما يقولون يطر ويشحد صور

ســـــــــــــــــــــــــــــــالم وغــــــــــــــــــــــانم اخوي الســـــــــــــيـف

[ابو ضيف الله]

بيض الله وجهك يا سيف الشــمـــال على صور عفيف

وصدقني انها امنية وتحققة

ولكن للاسف بس في الصورة الاولى بيوتنا طالع كبره النملة

[مسلط الدعجاني]

مشكورين شباب على الجهود المبذوله على الصور وخاصه صور الديار

بغيت اسويها ماعرفت مامن فهم في العنقريزي

[ابو عتال]

يا اخوان سيف الشمال ما يرد على المشاركات


انا قريت انه موقوف من الموقع ////////// نرجوا من الأخوان توضيح السبب

[ذيب السبايا]

يعطيك العافية سيف الشمال

[اخوكم مشعل]

مجهود يستاهل الشكر

ويعطيك العافيه

[حفيد الصقور]

يعطيك العافيه اخوي سيف الشمال وتشكر علىآ مجهودك الي قمت به


وابي اطلبك طلب ولاتردني
/\
/\
/\
/\

اذا جيت تصورٍ فوق بيتنا قلي عشان ابسط الفرشه في الحوش واحط الدلال وعلوم الرجال
وان قدرت تنزل تقهوىآ معنا الله يحييك







اخـــــوٍكـــــمٍ
حفيـــد الصقوٍوٍوٍرٍ

[ابو ضيف الله]

ويا الربع هذي صورة لقرية (ظـلم)
هدية لابو عزام الغنامي


http://www.9q9q.org/index.php?image=ZjpHedy1XWVR


واتمنى يا اخوان ان يكون هذا الموضوع في منتدى ديار عتيبة
وكل اسبوع نحط صورة لمحافظة وقرى قبيلة عتيبة