وين الشعر والصفوف طارووق والعب حامي حامي

[بن زهران]

استلم لا هان الشاعر
ياسلامي يارجلاً محتمين الخير كله
ياهل التقدير والطلات يــــا سقم المعادي
الذي شاعر وكفو(ن)لامشا فالخط دله
وعلمنا لو نبدعه فالصبح والى فالهجادي

[مسكت الشعار]

هقوتي كلاً في الدنيا على دربه يدله


صح لسانك يالزهراني ولكن ماتشوف ان الشطر اللي فوق غير موزون
تنمياتي لك بالتوفيق

[بن زهران]

ههههههههه لله يهديك ويصلح بالك اضنك ماعرفت تقرا اوتغني البيت زين

[سلطان الحافي]

ارحب يابن زهران

والبيت موزون لاكن عسر

استلم


مرحبابك يالمسلم عندنا فجال دله = لا لفانا الضيف يرحب نكرمه من بادي

لاتهقوى كل رجلٍ عاقلٍ يعرف محله = وقت لفحات السموم وقت ذعذاع البرادي

[بن زهران]

الله الله اكبر والله كلام بس لاهنت اوزن من البيت الاول الشطر الثاني
والشطر الاول في البيت الثاني الله لا يهينك يا ذيب

[سلطان الحافي]

يابن زهران

البيت اشوفه موزون 100%

اذا كان باللحن اللي بالي

تحياااااااااااااتي

[بن زهران]

اضن كل واحد ياخوك في بحر على العموم المكسب معرفتك يا الطيب تحياتي

[كاتب صحفي]

يعطيك العافيه يلي تحاورتم:

وشكرااااا

[خلف بن مرزوق]

...
..

صحت السنتكم يالشعار

ابداع ننتظر مواصلته

...

سلطان اعتقد الاصح :

لا لفانا الضيف يرحب نكرمه حاضر و بادي

والباقية 100%

والطاروق تبي تعرفه لو غنيته
ياعتيبه ياعتيبه ياعتيبه ياعتيبه:)

.

[اسامة سعد]

بعد اذن الشاعر / سلطان الحافي


استلم يا بن زهران



مرحبا عد الشهور وعد ما تبدى الاهله = ردتن ينطقبها لساني ومصدرها فوادي
كل حبلن منعقد عندي يابن زهران حله = والثمينه ما نخليها ليا جت للمزادي