ولعة النشاما

[اخوشماااا]

الســـــــــــلام عليكم ورحمة الله وبركاته
امابعد: اخواني اعضا وزوار هذا المنتدى الجميل هذا الموقع موقع الاصاله والفروسيه والكرم وعلوم العرب الزحول ... الحقيقه من خلال اطلاعي على اقسامه وطريقة الترتيب الاخاذه والجميله جداا وحبية ان اخوض هذه المغامره واكون من الاعضا .. ولو اني ماني بشاعر ولا راويه بس احب المجاراه وبعض الطروق ارجي هواها يهبي
ما شجعني بعد على المشاركه هو حرص مؤسسي المنتدى وتقديرهم للمشاركات والتفاعل الي يبديه قروم العيال المياميني
يا الجمهور نحن نفضل في البد ء انه نستهل بشعر القنص لانا نفضل قصيد القنص وسوالف القنص على غيرها هذا من وجهة نظري لايضيقون علينا اهل المدن
يامنيع ان كان ودك تخاويني ... شد معي وقطب الدوج بشراعه
اشهب يسبق فروخ الشياهيني ... جابه الله يوم ولد الردي باعه
يوم جا بالسوق نطلع العرابيني .... ماخذينه غصب من بين طماعه
لا بغينا ديرة الجفل العيني .... مشي يوم يجيبه الدوج في ساعه
لا خذا ترس الثلاثه من اثنيني .... ارتفع تاجه تقل ناوين اقلاعه
وقتها كنك من الكاس مسقيني .. انتعش ويفز قلبي من اضلاعه
يوم اشوف الجيب الابيض يباريني .. هامته جامته في سامك العج لماعه
فوقه قروم العيال المياميني... كل قرم ياخذ الطيب بذراعه
الذيابي والعصيمي على الديني... والرفيق الي تناسبني اطباعه
متصافين على العسر والليني ... سرنا من بيننا ماحد ذاعه
مانغبط اهل الذهب والملاييني.. لاتجمعنا على العز والطاعه
في البلد كني المسجون دوخه وفي الكبد قدادي ايه
ارجو ان تكون المشاركه طيبه وتلاقي مكانها بين المشاركات
هذا ولكم مني كل التحايا والاشواق القلبيه الحاره والســــــــــــــلام