يا بو نجــــر تفضل لاعدمتك

[ابو عاتق]

السلام عليكم ..

إستلم يابو نجر



يا مرحبآء وعداد وبل السحــايب = ترحيبـة ٍ يطرب لها كل شـايب
عند الرجـال متعبيّن الركايب = يالله على بابك يا فتاح الابواب



يا مرحباء ترحيبــة ٍ ما قالها شاعر غريب = ردة وفاء واللي عقد روس الحبال يحلهـا
يا بو نجر وش عندك الليله ما دام إنك قريب = عطنا العلوم إللي نباها يا حبيبي كلهـا



....

[علي الثبيتي]

ابو عاتق صح لسانك

وبنتظار المبدع ابو نجر

[فيصل المسعودي]

هلا هلا


ابو عاتق


صح لسانك وفي انتظار الغالي ابو نجر


تحياتي

[أبو نجر النفيعي]

ارحب يابو عاتق

ولي الشرف العب معك

واستلم


دام البقا ياللي ترحب وتطلب=والبال من يمّك وسيع(ن) ويطرب
اقرب وانا يمقاطي اليوم بقرب=يالله على بابك يفتّاح الابواب




دام البقا ياللي ترحب يا صحيب اخو الصحيب=والملعبه تحتاج نفس(ن) يا ولد ترطن لها
عندي علوم(ن) تغضب الرجّال يا هاذا الحبيب=هاك الجمل قدم الجمل عوّد لها واشتلها

[أبو نجر النفيعي]

ابو عاتق صح لسانك

وبنتظار المبدع ابو نجر

ارحب يالنشمي

والله لا يهينك على المروور

والابدااع توااجدك

اخوك

[فيصل المسعودي]

صح لسانك ابو نجر


اعتقد والله العالم الليله سنرى إبداع حقيقي


واااصلوا متابعين


تحياتي

[أبو نجر النفيعي]

هلا هلا


ابو عاتق


صح لسانك وفي انتظار الغالي ابو نجر


تحياتي

ارحب ارحب

يافيصل

وصح ابدنك

والله لا يهينك على المروور

[أبو نجر النفيعي]

صح لسانك ابو نجر


اعتقد والله العالم الليله سنرى إبداع حقيقي


واااصلوا متابعين


تحياتي

ارحب يا فيصل مره اخرى

والابدااع توااجدك يالغالي

ولاهنت على التوااصل

تقديري

[ناصر الجلاه]

يا بو نجر وش عندك الليله ما دام إنك قريب = عطنا العلوم إللي نباها يا حبيبي كلهـا|194|

....[/QUOTE]

صح السانك يابو عاتق

وبنتظــــــار ابونجر


اخوك !!!! فـــــــزاع[/color][/size]

[أبو نجر النفيعي]

ارحب يا فزاااع

والله لا يهينك على المروووور

[ابو عاتق]

ما نطلب ألا شي جزل ٍ كما قيل = يا الشاعر إللي فيك شفت التهـاويل
البارحه دمعك مغرق مناديل = يالله على بابك يا فتاح الابواب



أحد ٍ عطاء هاك الجبل .. واحد ٍ عطاء هاك الشعيب = رحتو مسافه ما لقيت إللي قدر يوصل لها
والله يا لولا صاحبي مرزوق ابو حظ ونصيب = لرميك في جوف البحر حتى الدموع إتهل لهـا



...

[أبو نجر النفيعي]

انته هنيّا بين ذيّه وذيّه=وعلم الجزايل مالكم فيه شيّه
عيب(ن) علي اسبّكم بالرديّه=يالله على بابك يفتاح الابواب



منته بوارد عد دام الذيب مقعي بالقليب=قل للاوادم قلّها .. قل للاوادم قلّها
لولا الحميّه والاحبه قلت هرج(ن) مايخيب=دل الدروب الواضحه يا ولْد عمي دلها

[ابو عاتق]

عيّبك بعيّد وكل كلمه تزعلك = وإللي عرفته عنك ما أحتاج أقول إلك
إللي عرفته لو كتبته يفرم لك = يالله على بابك يا فتاح الابواب





يا صاحبي جرحك ترى ما يعالجه حتى الطبيب = لكّن والله ما بقى غير الصلاه وصلهـا
والمعرفه يابو نجر ماهي شنب والا شنيب = المعرفه مثل السيوف الحدب يوم إنسلهـا

[أبو نجر النفيعي]

العيب يا رجّال داخل نفوسك=احفض نموسك لا تضيّع نموسك
فيكم مرض مقعي وشوّه هجوسك=يالله على بابك يفتاح الابواب




ترا الاشاره واضحه وافهم لها يا هاللبيب=وخل الاوادم مقعيه فوق المسامه خلها
المعرفه تبغى رجال(ن) ما يهابون الحريب=وانته تهاب امن الرجال ومنبطح في ضلها

[ابو عاتق]

المشكله حنا بلشنا معاكم = لكّنك عتيبي وتكرم لحاكم
الله شفانا مير ما الله شفاكم = يالله على بابك يا فتاح الابواب




الله على كل البشر يابو نجر دايم رقيب = والسالفه حنا عرفنا دقها من جلهــا
منت الزلامي يا ولد عمي والا حتى شبيب = مير أسلم وسلم قبل كل الكبود إتعلها

[ابو عاتق]

ابو نجر صح لسانك

وفي لقاء ثاني ان شاء الله



اشكر كل من مر وشاهد الصفحه



تحياتي


ابو عاتق

[أبو نجر النفيعي]

ابو عاتق

صح البدنك يالقرم

ولنا لقاء عمن قريب باذن الله

تقديري