اقرب شاعر

[الدماسي 2007]

الا ياسلام الله عدد وبل الامطار= على اللي لشوفتهم نسوق البشاره
نبي نلعب الطاروق قدام شعار=نسوي مثل فؤاد راع السفارة

[حمد بن جوباح]

.
..

مررررررررحبا بالدماسي

استلم استلم


هلا مرحبا والطير وقع ولا طار = يوقع بامان الله داخل دياره
لفت نظرتي ناس(ن) غريبين الاطوار = تجيب السوالف مثل هرج العياره

[الدماسي 2007]

البقا ياراس حربه
استلم


يدوم البقا والطير في ظل الاسوار=يواصل بظل السور دايم مساره
والا ياعسى لك بين الاجواد معبار=علشان تركب مفردات العبارة

[حمد بن جوباح]

.
..

خلووووووووها



ليا كان نوع الطير من نسل الاحرار = اقول اشهد ان الطير ماهو خساره
مواقيفنا بالطيب في بث الاقمار = عباره كفا للحر عنها الاشاره

[بن زهران]

صح السانكم جميع واصلو والله يوقكم وازهلو الصفوف

[الدماسي 2007]

هيه
خلوها..


ترى كل طيرن وله مخلب ومنقار=وانا طيركم شفته براس الزباره
ترى الطيب اليا طاب فالضيف والجار=وحنا من اهل الفعل واهل الاماره

[الدماسي 2007]

بن زهران

صح بدنك

لاهنت على المرور

الصف عامر بوجودك

[حمد بن جوباح]

.
..

خلوووووووووووها


ليا طار طيرك يلقفه كل صقار = وطيري كسب للجزل في كل غاره
ترا الطيب طيب الفعل والوقت دوار = وما فات مات وخل عنك النعاره

[حمد بن جوباح]

.
..

صح بدنك يا ابن زهران

ولا هنت على متابعتك يا الغالي

.
.
.


تحياتي لكـ ،،

[الدماسي 2007]

هيه
خلوهاااااااااا


ليا ضف ريشك وانت ما طرت من قار=يبى راعي الناتوش يخلف عياره
ترانا لقانا داخل السله الفار=فوار الطحين ونجسها من فواره

[حمد بن جوباح]

.
..

استلم استلم


تراعد يدينك قبل ما تطلق النار = ليا شفت عين الحر تقدح شراره
علام الغليّم يقحص يمين ويسار = يذكرني ( إ ) بقصة جحا مع حماره



عن اذنك بنام عشان أقوم للصلاه ان شاء الله

والامر بيدك ان حبيت نواصل الليله او تختمها طال عمرك

تحياتي لكـ ،،

[مرزوق حمدان العتيبي]

..
.
صبحكم بالخير ..
صحت السنتكم يالدماسي وياراس حربه ..
مبدعين الله لايهينكم
...
.

[أبو نجر النفيعي]

..

الدماسي وراس حربه
..
صح السنتكم

متابعين..
.

[الدماسي 2007]

خلوهاااااااااااااااااا


ليا شطت وحطت ندق الك مسمار=يموت الفقير ولا يقاصد عمارة
اشوفك سوات العبد لاصابه الزار=ليا قام بيتك هادمين(ن) جداره

[الدماسي 2007]

المشرف مرزوق العتيبي

الاخ ابونجر النفيعي


صح ابدانكم
والابداع هو مروركم على هذه الصفحه

تقبل تحيات
اخوك

[حمد بن جوباح]

.
..

يا سلااام يا سلااام

خلووووووووووووها



ليا شطت وحطت ندفّعك الأجار = وكل تاجر(ن) يبخص مكاسب عقاره
نشر للاشاعه في قنوات الاخبار = بعدها يدور عن دلااايل قراره

[حمد بن جوباح]

.
..

المدير ابو منذر

صح بدنك وكلك يا الغالي

اسعدني مروووورك ومتابعتك


.
.
.


تحياتي لكـ ،،

[حمد بن جوباح]

.
..

الاخ الشاعر / ابو نجر

صح بدنك وكلك يا الغااالي

وشاكر لك متابعاتك ونشاطك في المنتدى

|194|

.
.
.


تحياتي لكـ ،،

[الدماسي 2007]

خلللللللوها

لياجيت مع صحراء ليا جيت مع قار=ترى الوقت فوقك داير.ن في مداره
لنارك رماد.ن كاثر.ن وسط الاوجار=وناري تقادح فوق راس المنارة

[حمد بن جوباح]

.
..

يا سلااام يا سلااام

استلم طال عمرك



ترا الوقت ما غيّر طويلين الاشبار = ولامن كسرك الوقت جبنا الجباره
اشب الحطب تكريم لطوال الاعمار = وكل شيخ يعسف للمعارك مهاره