شيخ الشعرآء رشيد الزلامي ومحمد السناني0000

[أبونايف الثعلي]

السلام عليكم ورحمة الله وبركاته000
هذهي محاوره بين الزلامي والسناني والله يعين مو بس السناني كل الشعرآء الأجناب في مقابلت الزلامي فهو من أقوى الشعرآء في الخصم000
محاوره جرت بين الشاعرين رشيد الزلامي و محمد السناني



السنانـي

هل الطايف عرب منهم تسلسل يوسف الحجاج ### نشرله في بلاد الرافديـن ابيـات مشهـوره

رشيد الله يبـارك فيـه ماحصل لهـا مخـراج### وصاحبنا دخيل مافـرق بالاصـل والصـوره

الزلامـي

طردنا يوسف الحجاج وانته تبغـي المنهـاج### بعد ساعه يبي يضحك عليك مشجع الكـوره

تعبنا يالسناني مـا لقينـا للمريـض عـلاج ### اثر بعض المرض يتعب دمرجيـه ودكتـوره

السنانـي

ترى التاريخ فيه اثبات ماهو هرجة الهـراج### وأضنك ما دخلته غير بعد عيال اخـو نـوره

منول يالزلامي في يداك الوضع مـا يحتـاج### وهالحينه وراك تدور مستشفـى وشرشـوره

الزلامـي

ترى التاريخ واضح في زمان الفتح والمعراج### أخذنـا حقنـا وانتـم بعـد يبغالـكـم دوره

تهاوشتوا على مغراف فول وخبزتن في صاج### عجز يقنعكم الشيخ الكبير ومجلـس الشـوره

السنانـي

كفو ياصحابنا قـدام ذاك الخـط مـا ينعـاج ### وهالحينه من البحر الحمـر ينبـل حنجـوره

حضرت الهوشه الكبرى وقمت تراقب الابراج### لكن شوري عليك تخلي الاوضـاع مستـوره

الزلامـي

عسى ربي يعز الشمعه اللي نورهـا وهـاج ### ويعين اللي من البحر الحمر مدلك ماصـوره

مدام البر جاك من اليمـن والتمـر بالافـلاج ### لا تطمع في هذيك الصره اللي عنك مصروره

السنانـي

نقول الله يديم اللي وجـوده فالليـال سـراج ### يسدد عنك فاتـوره ويلغـي عنـك فاتـوره

تجمعتـوا ثـلاث ايـام فالطيـاره الميـراج ### وكبتنها غشيـم ورحلتـه ماهـي بميسـوره

الزلامـي

على كلمتك هذي مستحقن نجمتيـن وتـاج ### لكن تقص روس النـاس لواعطـوك دبـوره

انا والله مبيلك بين خلـق الله غثـا واحـراج ### لكن انته حدى الركـاب والاحـوال مستـوره

[المحتار]

مشكور اخوي أبو نايف
على المحاورة بين عمالقة الشعر
بين السناني والزالامي
تحيااااااااااااااااااتي

[الجـذع]

لاهنت على هالابيات الي من ذهب

والسناني شاعر لايستهان به لكن يقابله فكر وخبره طويله وكبيره في مجال المحاوره ومع ذلك ابدع السناني

[أحمد الرفاعي]

ماهو غريب على السناني الإبداع


وجزاك الله ألف خير على هذه المحاوره

[طلاع الكريزي]

نعم نعم
لاهنت يابو نايف

[الأمــير]

لاهنت على النقل والله

[سلطان الجـذع]

لاهنت يابو نايف

وشكرا على النقل

[نادر العش]

..


ما أجمل فتل السناني وما أجمل نقض الزلامي :



السناني

نقول الله يديم اللي وجـوده فالليـال سـراج ### يسدد عنك فاتـوره ويلغـي عنـك فاتـوره

تجمعتـوا ثـلاث ايـام فالطيـاره الميـراج ### وكبتنها غشيـم ورحلتـه ماهـي بميسـوره

الزلامـي

على كلمتك هذي مستحقن نجمتيـن وتـاج ### لكن تقص روس النـاس لواعطـوك دبـوره

انا والله ما أبي لك بين خلـق الله غثـا واحـراج ### لكن انته حدى الركـاب والاحـوال مستورة


, , , , , , , , , ,



الزلامي :

مدام البر جاك من اليمـن والتمـر بالافـلاج ### لا تطمع في هذيك الصرّه اللي عنك مصروره


لو قال لي أحد لمن هذا البيت؟ ( وانا لا أعرف ! )

لقلت أنه للزلامي .. لأن ابيات رشيد تعرف بقوتها .


سبحان الله , ليس العجيب أنه يأتي بالبيت الذي يحتوي على المعنى فحسب ,

بل العجيب أنه يركب المعنى بألفاظ قوية !!


فهو يقول أنك الأن في حال أمان, ورمز لها بقوله : مدام البر جاك من اليمـن والتمـر بالافـلاج ,

ثم يقول في الشطر الثاني : لاتطمع في هذيك الصرة اللي عنك مصرورة .
ويقصد : أنك لاتبحث الشر معي مادمت أنت في أمان,,, وكأنه يقول باللهجه العامة:

مادام الله ستر عليك وأنا ما هاجمتك ,إحمد ربك , لاتدور الشّر .


عموماً هو أسلوب تحذير !


* *


عموماً كلهم شعراء مبدعون ,




بيض الله وجهك يابو نايف ..




تحياتي و إحترامي







نادر العش

[أبونايف الثعلي]

ألف شكر لمن حضر وعلى هذا المنتدى وأهله000
أبونايف000

[شاص ينبع]

محمد السناني ورشيد الزلامي من الشعار كبار الذين لا يستهان بهم ولهم باع طويل في ساحة المحاوره

[ذيب الجهني]

مشكور على المجهود الرائع
ودمتم