حبيّب العازمي وتركي الالفين ..((محاورة نادرة جداً)) ثــرب

[محمد الروقي]

مساكم الله بالخير


واسعد الله اوقاتكم ,, اليوم جبت لكم محاورة نادره ,,وانا استغرب ليش هالمحاورة بالذات نادرة


ماودي اذكر لكم الاسباب اللي سمعتها ,, عشان مايزعلون اخوانا المطران

المهم ,,

المحاورة كانت بثرب بتاريخ 1/10/1425 هـ يوم العيد الأول ليلة العيد الثاني

وعز الله ان تركي عيّد هاك اليوم عيدن زين |179|


الحفل كان لاخو تركي والشعار المدعوون :

((حبيّب العازمي ... تركي الالفين طبعاً حفل اخوه ... سعّيد العوني المطيري))




وما اطول عليكم هذي هي المحاورة ,,

واقول لجمهور تركي فسروها يا مفسرة الاحلامي |194|






تركي الالفين=


عزو صفوفكم طاري عليه مطاري=
والمعاني سوات السوق بايع وشاري=
نص مثل السيوف ونص مثل الشباري=
وابن آدم على قده يفصل ثيابه=


ياحبيب وش يذريك فاليوم المخيف=من يهبد الارض فوقه يطير غبارها
احمد الله واشكر ثم عوّد في عفيف=وانتبه قدام بدلتك اقص ازرارها





حــبيّـب الـعــازمي=


عزو صفوفكم والعازمي مايهمه=
لو تقوم الصفوف اثنين مافار دمه=
من يضحي بخاله من يضحي بعمه=
وابن آدم على قده يفصل ثيابه=



اتذرى في حزامي وفالسيف الرهيف=وانطح العدوان وادقها فازوارها
لاتحرى بارق الصيف وانته فالخريف=حفرة الشيطان طاحت على حفارها







تركي الالفين=


فالمواقيف جنب قول خال وبناخي=
لاتراخا ترانا مانحب التراخي=
انت تبغا جلاد الارض ولا الصباخي=
وابن آدم على قده يفصل ثيابه=



يالطيف اثرك تحارب بسيفك يالطيف=يالله استر فوق الاجواد يا ستارها
المطر هتّان والبرق جايله رفيف=فوق راسك من مزون.ن تهل امطارها







حــبيّـب الـعــازمي=



يوم اقوله تراني مادخل فيّ ذلة=
خايف تزل واعوّد واجيلك بزله=
زايد الجم جمُ وزايد الطين بله=
وابن آدم على قده يفصل ثيابه=


سيفي اللي ما انثلم من على عهد الشريف=يقطع ارقاب المجنن ويلعن عارها
يالله انك لاتباعد وليف.عن وليف=ناقة الاجواد عيت ترام احوارها









تركي الالفين=


تاتبين الدعاوي كلها والحقايق=
ماتضيع الدورب ولاتضيع الطرايق=
روق يالروقي ياللي صرت منته برايق=
وابن آدم على قده يفصل ثيابه=


فعلك اللي تذكره يمكن انه فالعطيف=كيف تبنيها وفوقك تهد اجدارها
احمد الله راعي الكون ماني بالرديف=ياحبيّب خذ نصيحة ودوّر غارها








حــبيّـب الـعــازمي=


بينّه للعيون وحاضره فالضماير=
كان ودك تطير الارض منته بطاير=
ذمة مسيلمه ترضابها ام الكباير=
وابن آدم على قده يفصل ثيابه=



انت ياللي دحدرتبك ودقت فالرصيف=راكب.ن في يمنها وحذفتك يسارها
لو سلم راعي المعاميل من قهوة حنيف=كان ماحدن كاشفن بنها وبهارها







تركي الالفين=


والله انّا نعرف الصايبه والنتيجة=
وكبري خريص ماهو مثل مخرج خديجة=
والحرم ماش احد مانع مشاكل حجيجه=
وابن آدم على قده يفصل ثيابه=



لو ابا اوصفك يالعازمي مالك وصيف=حنضلة والحنضلة ماتكب امرارها
العلاقه خاربه بين باريس وجنيف=ياعسى سكانها ماتطول اعمارها







حــبيّـب الـعــازمي=


اترك الشر خلفك واطلب الخير امامك=
لاتجدد جروحك لاتكسّر عظامك=
والرصاصه ليا طاحت تنقص حزامك=
وابن آدم على قده يفصل ثيابه=



انت ياتركي تبا الرأي مار الرأي كيف=كيف طلّعت الجنازة وانا قبّارها
اليهودي لو يخون العهد يلقى حليف=واليهوديه طبيعة تغازل جارها

[فيصل القثامي]

أي والله عيـد تركي

صح لسان الشعااار

ولاهنتـ ياغرابيل الدهـر

فيصل القثامي

[الأمــير]

محاوره رائعه


لاهنت على النقل

[$@المقاطي@$]

مشكوووووووور غرابيل الدهر


انا هالمحاورة سامع عنها كثير وهي السبب في الخلاف بين حبيب وتركي




اشكرك جزيل الشكر

وننتظر جديدك
تحياتي

[ذياب]

اليهودي لو يخون العهد يلقى حليـف
واليهوديـه طبيعـة تغـازل جارهـا


خخخخخخخخخخخخخخ

الله يرج ابليسك يابو فيصل

اسمحوا لي ابتلقف وافسر هالبيت

اليهودي تركي لوينقض حلفه مع فيصل الرياحي بيلقا حليف وهو حبيب

و اليهوديه الرياحي

خخخخخخخخخخخخ

وتغازل يعني كل يوم والها حليف يعني فتره وتكبك ياتركي

[أبو نجر النفيعي]

ههههههههههه

انا اشهد ان حبيب سرا عليه هاك الليل

واسمحولي افسر هالبيوت حسب نظري


يالله انـك لاتباعـد وليف.عـن وليـف=ناقـة الاجـواد عيـت تـرام احوارهـا

هذا البييت يقصد حبيب ان معشوقته مطيريه وعندكم


ورد تركي عليه

احمد الله راعي الكون ماني بالرديف=ياحبيّب خذ نصيحـة ودوّر غارهـا

يقصد ان انت يا حبيب كذااب وكذبتك وااضحه

ورد حبيب

لو سلم راعي المعاميل من قهوة حنيف=كان ماحدن كاشفـن بنهـا وبهارهـا

هذي لها وجهين والوجه الاول يعني انك بينت السالفه والناس محد يدري الا انا وانت والوجه الثاني لها انك ليتك سلمت من مقابلتي الا بحوسك فيها واخليك عبره للنااس

اشهد انه جابها ابو فيصل

والله انه كفوو ودااهيه

..................

غرابيل الدهر

الله لا يهينك على المحااوره الممتعه للغاايه


تقديري

[طلاع الكريزي]

حلوه ياغرابيل الدهر

لاهنت ياشيخ

[محمد الروقي]

مشكورين يالربع على مروركم ..

كلاً باسمه


واسعادكم ونناستكم هي غايتي والله



ومادام الشباب قعدو يفسرون البيوت خلوني بفسر معهم :)


وبوضح وجهة نظري ,, والمحاورة هذي موجوده عندي كاسيت وفيديو

وابو نجر ياخي كان كملت المشوار كله ..وفسرت المحاورة كلها وريحتني |194|


لاتحرى بارق الصيف وانته فالخريف
حفرة الشيطان طاحت على حفارهـا


هنا تجد البلاغه والحنكه ,, تجد كيفية التعامل مع الخصم ..خاصة ان كان متهور الخصم


لاتحرى بارق الصيف وانته فالخريف

كيف تبي تغلبني ياتركي وانت توك مبتدي ..انا الصيف وربيعه ,,وانت الخريف واراقه المتساقطه

حفرة الشيطان طاحت على حفارها ..

هنا من حضر المحاورة او شاهدها بالفيديو راح يفهم هالقاف على طول

لان حبيب كان يلاعب سعيد العوني ,, وتركي الفين كان جالس تقريباً ساعة

الأهم والمقصود من بيت حبيب

(انت ياتركي من اليوم تحفر وراح تطيح في حفرتك اللي حفرتها

حماسك راح يضيع ,,وفعلاً صار اللي قاله ابو فيصل )


وهنا تكلمة قافه عندما قال

انت ياللي دحدرتبك ودقت فالرصيـف
راكب.ن في يمينها وحذفتـك يسارهـا


هههههههههههههههههههه مافيه داعي اعلق على هالبيت لانه مفهوم


لو ابا اوصفك يالعازمي مالك وصيف
حنضلة والحنضلة ماتكـب امرارهـا

تركي لم يجد الخلاص الا بمدح حبيب العازمي عندما وصفه بالحنضلة والمر

والحنضلة معروف انه مر ,, وكأن ابو طالله يلعن اليوم اللي قابل فيه حبيّب




اليهودي لو يخون العهد يلقى حليـف
واليهوديـه طبيعـة تغـازل جارهـا

ذياب مالك لوا يا سنايدي

اليهودي = تركي الفين ..ان خان لقى له اطرف حليف

اليهوديه = عشيقة حبيّب .............. والعالم الله


جارها = الا وهو حبيّب العازمي



حتى عندما حاور سعيّد العوني حبيّب

قبل محاورة تركي قد ضبطه المعنى ابو فيصل وخلاه يلقم معهم

لان صراحة تركي وسعيّد العوني يسألونه وش جابك هنا ..والثاني يقول ارجع لعفيف

وعلمهم ليش هو جاي


سعيد العوني قال

الاولة عيدكم مبروك في كل عام=والثانيه هقوتي ما اضيع من دونها


حبيب العازمي :

والثالثه ضيف واعايد وارد السلام=والرابعه خاتمة ليلى لمجنونها

خاتمة ليلة لمجنونها وجهين = الملعبه وانا مجنون الملعبه
الوجه الآخر = ليلى عشيقتي وانا مجنونها

العوني :

ياحبيب العازمي عيّد في وادي جهام=وديارنا يالعوازم لاتمرونها <<هنا العله والخلل من الشاعر




وانا حبيت اوضح لكم ان مانقوله هو الاقرب الى الصواب





تحيااتي

[ذياب]

مشكورين يالربع على مروركم ..

كلاً باسمه


واسعادكم ونناستكم هي غايتي والله



ومادام الشباب قعدو يفسرون البيوت خلوني بفسر معهم :)


وبوضح وجهة نظري ,, والمحاورة هذي موجوده عندي كاسيت وفيديو

وابو نجر ياخي كان كملت المشوار كله ..وفسرت المحاورة كلها وريحتني |194|


لاتحرى بارق الصيف وانته فالخريف
حفرة الشيطان طاحت على حفارهـا


هنا تجد البلاغه والحنكه ,, تجد كيفية التعامل مع الخصم ..خاصة ان كان متهور الخصم


لاتحرى بارق الصيف وانته فالخريف

كيف تبي تغلبني ياتركي وانت توك مبتدي ..انا الصيف وربيعه ,,وانت الخريف واراقه المتساقطه

حفرة الشيطان طاحت على حفارها ..

هنا من حضر المحاورة او شاهدها بالفيديو راح يفهم هالقاف على طول

لان حبيب كان يلاعب سعيد العوني ,, وتركي الفين كان جالس تقريباً ساعة

الأهم والمقصود من بيت حبيب

(انت ياتركي من اليوم تحفر وراح تطيح في حفرتك اللي حفرتها

حماسك راح يضيع ,,وفعلاً صار اللي قاله ابو فيصل )


وهنا تكلمة قافه عندما قال

انت ياللي دحدرتبك ودقت فالرصيـف
راكب.ن في يمينها وحذفتـك يسارهـا


هههههههههههههههههههه مافيه داعي اعلق على هالبيت لانه مفهوم


لو ابا اوصفك يالعازمي مالك وصيف
حنضلة والحنضلة ماتكـب امرارهـا

تركي لم يجد الخلاص الا بمدح حبيب العازمي عندما وصفه بالحنضلة والمر

والحنضلة معروف انه مر ,, وكأن ابو طالله يلعن اليوم اللي قابل فيه حبيّب




اليهودي لو يخون العهد يلقى حليـف
واليهوديـه طبيعـة تغـازل جارهـا

ذياب مالك لوا يا سنايدي

اليهودي = تركي الفين ..ان خان لقى له اطرف حليف

اليهوديه = عشيقة حبيّب .............. والعالم الله


جارها = الا وهو حبيّب العازمي



حتى عندما حاور سعيّد العوني حبيّب

قبل محاورة تركي قد ضبطه المعنى ابو فيصل وخلاه يلقم معهم

لان صراحة تركي وسعيّد العوني يسألونه وش جابك هنا ..والثاني يقول ارجع لعفيف

وعلمهم ليش هو جاي


سعيد العوني قال

الاولة عيدكم مبروك في كل عام=والثانيه هقوتي ما اضيع من دونها


حبيب العازمي :

والثالثه ضيف واعايد وارد السلام=والرابعه خاتمة ليلى لمجنونها

خاتمة ليلة لمجنونها وجهين = الملعبه وانا مجنون الملعبه
الوجه الآخر = ليلى عشيقتي وانا مجنونها

العوني :

ياحبيب العازمي عيّد في وادي جهام=وديارنا يالعوازم لاتمرونها <<هنا العله والخلل من الشاعر




وانا حبيت اوضح لكم ان مانقوله هو الاقرب الى الصواب





تحيااتي





غرابيل الدهر لاهنت بس انت وابو نجر اخذتكم

افكاركم بعيد شاعر بحجم حبيب العازمي

ماتجي منه بعض العلوم الخاته مره

وجهت نظر



أخوكـــ / ذيــــــاب

[أبو نجر النفيعي]

غرابيل الدهر لاهنت بس انت وابو نجر اخذتكم

افكاركم بعيد شاعر بحجم حبيب العازمي

ماتجي منه بعض العلوم الخاته مره

وجهت نظر



أخوكـــ / ذيــــــاب


ذيااب

معنا حبيب مافيه شي

وكل وااحد يعشق

وحبيب خذا هالمعنا على انه عشق وحده مطيريه


تقديري

[محمد الروقي]

هلا بذياب يالله تحييه




اخوي ذياب ما اظنك غاوي الشعر وشعار القلطه ومعانيهم



والمعنى امش على التفسير اللي قلته وراح تلقاه صح




وبعدين ترى الشعار يجي بينهم اكبر من هالحجات


عندك بيت لمستور العصيمي يوم يحاور الرياحي قال فيه :




تذكر قوم الخرمة ===يوم اعطوك الدرمة===وانته مثل الحرمة====في وسط الطيارة




لاتستبعد اي شي وانا اخوكـ






تحياااتي

[ذياب]

تذكر قوم الخرمة ===يوم اعطوك الدرمة===وانته مثل الحرمة====في وسط الطيارة


الدرمه مصطلح عند اهل الباديه معناه الحمايه|189|

لا تروح بفكارك بعيد يابعد حيي

ومستور هنا يذكر بشيء حدث لرياحي في شبابه|192|

والشعار ماعلى افواهم غطا|196|

الله يخارجنا:)

[محمد الروقي]

هههههههههههههههههههههههه


والله اني احترت معكـ ياذيااب


وهل الرجال يعطى حمايه ؟؟

طيب والحررمه وش مصطلحه عند البدو ؟؟؟؟؟؟




المهم شرفتنا بحضورك ياذيبااان


وكان عندك وجهة نظر اشرح لنا المحاورة خلنا نستفيد منكـ

ماندري يمكن انت على صح وانا على غلط ؟؟

واختلاف الراي لايفسد للود قضيه






وابيك في همسة ياذيااب


<<< ماتحس ان طلعنا عن الموضوع وانا اخوكـ ؟؟ :)




تحياتي

[فتى وادي الرشا]

لاهنت اخوي غرابيل الدهر على النقل الرائع للمحاوره

[سلطان الجـذع]

اخوي غرابيل الدهر
مشكور على هالمحاوره


اما بخصوص التفسير حسب اعتقادي ان المعنئ فالملعبه ((يعني ان حبيب يقصد له عشيقه مطيريه مااعتقد))



اما بخصوص البيت:

اليهودي لو يخون العهد يلقئ حليف=واليهوديه طبيعه تغازل جارها
اعتقد ان قصد حبيب فاليهودي هو الرياحي

لان بيت حبيب هذا ردا علئ بيت تركي اللي يقول

العلاقه خاربه بين باريس وجنيف=ياعسئ سكانها ماتطول اعمارها

بمعنئ ان العلاقه خربانه بينك ياحبيب انت والرياحي وعساها تخرب زياده



فكان رد حبيب فيه نوع من الدهاء بمعنئ ان الريااحي كان صاحبي ولكنه نقض عهده ووجدك حليف له

لانه فالسابق كما هو المعلوم انه في السابق كان الرياحي وتركي متحالفين ضد حبيب

ولعل مايوضح تحالفهم هذا اكثر محاوره سفر الدغيلبي وتركي
يقول سفر:

اجتمعت انته واخوك اللي طريقه =فالخفاء الخافي وحجدان الحقيقه
ياعساكم يالثنينه في حريقه=عاشوا ال سعود والبيرق سعودي
ورد تركي:

اجتمعنا فالمواقف وتفقنا=وبالعلوم الطيبه ماحدن سبقنا
ولايفرق جمعنا الا من خلقنا=عاشوا ال سعود والبيرق سعودي
شف ويش قال سفر

اجتمعتوا كيد لفلان المسمئ =وكل منكم ماتهجاء جزء عما
لو تعزوئ باخو هيا واخو شما=عاشو0000000000000فلان المسمئ (حبيب)
شف ويش قال الكلب::::

ياسفر وقت المساء والا الصباحي=(مايطير الطير مكسور الجناحي)
تلعب الدنيا عليه قرين ضاحي=00000000000000000000000
واستغرب موقف سفر في هذا الطاروق بانه لم يدافع عن حبيب بعد ماوصفه تركي بالطير المكسور الجناح









وفالاخير محاوره ثرب هذي اثارت غضب فيصل الرياحي بعدما سمعها
ويقول في احد مولاته يعاتب تركي لان الرياحي لايريد تركي يقابل حبيب


يقول الرياحي:

نهار العيد من يضحك نهار العيد من غنا=يقولون العرلاب مديت يدك وجالها الحنا
قبل هذي نعدك يالمطيري واحدن منا=يقولون العرب مال الرعيه غير راعيها



وفي موال ثاني:

كان عينك تشابه عين زرقاء اليمامه=(((لاتعود علئ الميت وتجمع عضامه)))
اذكر اللي عطاك البشت ويا العمامه=وش عليه من علوم العرب ويش عليه

شف الدهاء والخسه من الرياحي(((لاتعود علئ الميت وتجمع عظامه)))
فهذا الشطر بيت قوي ولكن اعتقد انه مستنبط من بيت حبيب اللي يقول

انت ياتركي تبا الرائ مار الراي كيف=ليه طلعت الجنازه وانا قبارها
حبيب في هذا البيت يقصد الرياحي
لان الرياحي بعد زعله مع حبيب لم يجد الا تركي يلعب معه

[طلال الثبيتي]

غرابيل الدهر يعطيك العافيه على الموضوع..


ويالربع الباقيين كلكم لاهنتوا


وخصوصآ الي فسروا الابيات
والله لايحرم الهيلا منكم



وعمار يامنتدانااااااااا من زود في زود


وبالنسبه للتفسير اظن ومن وجهة نظري المتواضعه

ان كلام ذياب هو الاقرب

[العفريت]

شكرا على المحاوره والتفسير من الاخوان
والحقيقه ان تركي اخذها على وجهه في يوم العيد وزواج اخوه بعد يستاهل لكن من يفهم
اما حبيب فهذا الشبح من يقدر يخصمه

[ابو براك]

غرابيل الدهر يعطيك العافيه على الموضوع..


ويالربع الباقيين كلكم لاهنتوا


وخصوصآ الي فسروا الابيات
والله لايحرم الهيلا منكم

[فهد العطاوي555]

بارك الله بك , شكراً أخي الكريم