رشيد الزلامي يا عتيبه

[العفريت]

تكفون ياعتيبه قصايد رشيد الزلامي هذا واجب على كل عتيبي تجاه رشيد الزلامي وانا والله لاحاول انزل كل ما اعرفه من قصايد
وشكرا

[الأمــير]

ان شاء الله في اليومين هاذي

تخبر الناس مهتمه برمضان

[نادر العش]

]..
..

سم يالعفريت :





إلتحق الشاعر رشيد الزلامي بالجيش الكويتي وفي يوم من الأيام كان

هو مع عدد من زملائه في ساعات العمل وكان رشيد الزلامي على مكتبه

ويتصفح مجلة على غلافها صورة الملك فهد بن عبدالعزيز عندما كان أميراً

وكان زميله الكويتي ينتظر أن ينتهي رشيد الزلامي من تصفح المجلة ليقرأها

وأطال رشيد تمعّنه لصورة الأمير فهد بن عبدالعزيز

و قال له زميله باللهجة العامية ( ماشبعت من شو فتك لمعزبك)!

فقام رشيد الزلامي وأدخل المجلة بدرج الطاولة وقال برد قاسي :

مافيه مجلة ، فقال زميله هذه الابيات




حنا بدارٍ مدلّهة صدر من ضـاق=بلّغ سلامـي للزلامـي و قلّـه

ياعابد الصورة على بيض الأوراق=دارك عرفناهـا وعلتـك علـه

إن كان حبه محرق ٍ قلبك إحـراق= شد الرحال ودرب عمـك تدلـه







فرد عليه رشيد الزلامي قائلاً :
ً











أنتم بدار مدلهة صدر مـن ضـاق= وانا تخيّل صورته مخلـص ٍلـه

ماتعرفونـه ياردييـن الأعـمـاق=هذا فهد ذخر الفهـد فـي محلـه

اللي لياشطّـت و يبسـن الأريـاق=أنته و انا و معزبك تحت ظلـه

واهل الحسد ماهم على باب الأرزاق=رزقي على اللي كـوّن الكـون كلـه

وحنّا سعوديين ياشرس الا خـلاق=أحـرار ماعشنـا بعيشـة مذلـه

رجالنا لو هو على مكسـر السـاق=حب الكرامه والو فا عـادة ٍ لـه














( 2 )







يامعالج الجرح صبري واصلا ً ماده=وعلاج قبل امس زاد الجرح ماسـرّه
احرجتني في سؤال مااعرف ابعـاده=والناس للناس محتاجـه ومظطـرّه
اخفض جناحك ترى دنيـاك حـداده=وترى سليمان قبلك خاطـب الـذرّه
وجرحي ترى مايبي دكتور وعيـاده=يحتاج قلـب رحيـم ونظـرة حـره
وان كان جرحي بقى والطب مافـاده=عود وانصحك ياقلبـي ميـة مـرّه
لا عاد تحلـم بشـي فـات ميعـاده=قد ايش تبكي وكبـدك ليـه محتـرّه
اصبر علـى ماقضـاه الله ومـاراده=يكفيك فعل الزمـن بمحمـد الـدرّه
ويكفي من الوقت خمس عقود وزياده=ماعاد خلـت بكبـدك قطـرة مـرّه
وان قلت انا في زمان فات لي عاده=دارت رحاة الزمان وجتـك مفتـرّه
ريح ضميرك وخل الوقـت وجهـاده=لعل خير الزمان يفـك مـن شـرّه
اما يقوم الجمـل شقـران بشـداده=والا تهـب الهبـوب وتقتـل الجـرّه










( 3 )






الله على اللي شوحتـه تقطـع الـدار=يوصل غريب الـدار ديـرة ربوعـه
أبيـه والله ميـر مغليـن الاسـعـار=والبنك ماادلـه ولااعـرف فروعـه
وذي حالـة الدنيـا لهـا ادوار وادوار=يومـن تواصلنـا ويومـن قطوعـه
وكـل البشـر فيهـم فقـارا وتجـار=ونفوس تتحمـل والاخـرى جزوعـه
وحتى بنـوك النقـد تعجـز وتنهـار=ماهوب انا عجزي بعـادٍ رموعـه
بس المهم ودون توضيـح الاسـرار=وضعي ووضع الجيب شكله ونوعـه
شريت لي جيبٍ عسى ابـوه للنـار=بانـت عذاريبـه مـن اول اسبوعـه
مزعج مع الصحراء ومزعج مع القار=ومن يركبـه لازم يسكـر سموعـه
مثل الشبـح ماينقصـه غيـر طيـار=شكله وتصميمـه وممشـاه روعـه
من خف دمه مابقـى فيـه مسمـار=ولايركبـون عيـال الانـذال نوعـه
مايركبـون الا سفـاري وفكـسـار=آخر زمانٍ جعـل بقعـا تصوعـه
خلا رجـال المرجلـه مالهـم كـار=والذيخ لـو يبكـي مسحنـا دموعـه
الذيـخ يشبـع فالفضايـل والاسـوار=والذيـب مايـدرى بفقـره وجوعـه
وقتً يخلي صاحي الفكـر يحتـار=ويشوف من هول الدهـر مايروعـه
تلقى الفقير وفزعتـه خمسـة انفـار=وتلقى الغني كـل الجماعـه فزوعـه
ياعاشق الدنيـا تـرى مالهـا جـار=كما واحدٍ في حبها طـار شوعـه
اليوم تضحـك لـه وتعطيـه الانـذار=وبكـره تلحويهـا محانـي ضلوعـه
خلك علـى صكـات الايـام صبـار=ويومٍ يفوتـك لاتمنـى رجوعـه
اقفى على مافيه من خيـر واشـرار=نجمٍ هوى مايندرى عـن طلوعـه
وماهي على كيفـك تمنـى وتختـار=ابعد على المخلوق من حـب كوعـه
يخبرك من ذاق المتاعـب والامـرار=وحـاول ولاجالـه زمانـه بطوعـه
ومرت به الدنيا على بعـض الاقطـار=في رحلةٍ ماغيرت مـن طبوعـه
والله ماواطن عيشـة الـذل والعـار=مادام لـي شيمـه ونفـس قنوعـه
وقرشً عزيز افضل من الفين دينار=من مصدرٍ للذل يعلـن خضوعـه
ولو الوساده من صلافيـح الاحجـار=للراس اخير من التـرف والميوعـه









( 4 )






البارحه والناس غافيـن وهجـوع=جتنـي هجوسـي ورّداً سارياتـي
والليل طال وخط الارسال مقطـوع=ياليل ياطولك متـى الصبـح ياتـي
قزرت ساعاتك على ثومـة الكـوع=مالـي نديـم الا الثـلاث الخواتـي
صفر الدلال اللي بها الهيل مشموع=بأشكـال وارناقـا معـه لايقاتـي
واصبحت من كثر الهواجيس مفجوعوافكـار قلبـي شـرّداً سارحاتـي
ياسائلاً تسأل ترى الصوت مسموع=وما نشر بالصفحـه قريتـه بذاتـي
سويت لي مشروع من غير مشروع=وألزمتنـي بالـرد دون شهـواتـي
اكيد عندك يا فتى الجـود موضـوع=وإلا مسوي بـك زمانـك سواتـي
مسقيك من علقات الايـام قرطـوع=وتسمع صراعي فيـه ومغامراتـي
فان كان هذا الامر بالشكل والنـوع=خـل الامـر لمكـون الكاينـاتـي
ساير زمانك كان لك قلب وضلـوع=وارج الفـرج بايامـك المقبلاتـي
وان كان ما طاعتك خلك لها طـوع=ما انته بضاربهـا برمـح الزناتـي
اما سوالـك مـا جوابـه بممنـوع=ولو للحيـاه اسرارهـا الخافياتـي
اجاوبك لو ما معي منـك منفـوع=تحب تعرف كيـف قصـة حياتـي
حياة ذيباً عايـش الفقـر والجـوع=ليلـه يبـات وليلـة مـا يبـاتـي
اعيش عيشة ذيب والراس مرفـوع=وان قلّ مالي عـزّ نفسـي غناتـي









( 5 )






البارحـه يـوم الثـريـا تويـقـي=يـوم كـلٍ فـي لذيـذ الكـرى راق

وقفت لين الشـوف جالـه بريقـي=مثل السراب اللي على البعـد لهـاق

أخيـل بـرق صـوب واد العقيقـي=ماشفت مثله يفضـح الليـل بـراق

عسـاه يسقـي دار ذاك الفريـقـي=لو رغبتي ما عاد بـاقٍ لهـا بـاق

وذيك الدير مانـي عليهـا شفيقـي=تطيب منها النفس وتضيق الاخـلاق

قزرت عمري فـي بحرهـا غريقـي=متحمـل ٍ كـل المتاعـب والارهـاق

لين انكشف وجه العـدو والصديقـي=والرفقه اللي حبلهـا رمـث ودقـاق

ولا كلّفـت نفـسٍ بمـا لا تطيـقـي=تبيّنت لي كنهـا شمـس الإشـراق

وانا ليا شفـت الجفـا مـن رفيقـي=وصار الامل حبر ٍ على بيض الاوراق

قابلـت غلطاتـه بوجـهٍ طليـقـي=ونظرت له نظرة محـب ٍ ومشتـاق

أعطيه حتـى مـن منامـه يفيقـي=لا كلمته سمعـت ولا خاطـرٍ ضـاق

حتى يعـرف انـي رفيـقٍ حقيقـي=وليا انحرف ماهو على باب الارزاق

يروح في دربه وانـا فـي طريقـي=من خلقت الدنيا بها جمـع وافـراق

عليّ بيبـان الفـرج مـا تضيقـي=أسوقها فـي كـل ديـره وتنسـاق

وابعد عن اللي رفقتـه مـا تليقـي=ماني علـى جنبـه معلّـق بمعـلاق

ياكثر مالي في الدير مـن صديقـي=لا بارت العملـه وشحّـن الاسـواق

صداقـةٍ تبنـا بسـاس ٍ وثيـقـي=لا عقربٍ تلـدغ ولا مـوس حـلاق








( 6 )






ياهـن ابـن هـن مــاوالله ارداك=ومااردى نصيب اللي يسوي سواتـك
ومااردى نصيب اللي من البعد ينصاك=يبا العشا ويشوف بعـض احركاتـك
تحلق الشـارب مـن الديـن يـاذاك=ودك تخـدع المومنيـن بصـلاتـك
لكـن وش تكسـب بدينـك ودنيـاك=لا صار ترك الواجبه مـن صفاتـك
لا صـار ضيـف الله تلقيـه علبـاك=باقي علومـك خشهـا فـي عباتـك
الجـود مافقّـرك والبخـل مااغنـاك=ولا تحسب انك مت من موت شاتـك
الخاتمه مـن يـوم هـاذي سوايـاك=بالله لا تعـطـي عتـابـه بنـاتـك
تكثر بنا الرديـان مثلـك وشـرواك=وتـروح تشمتنـا الرجـال بشماتـك








( 7 )






الوقـت يامقـسـى عـنـاه وعـذابـه=حطـاب ليـل ولـه معاويـن وفـزوع


احدٍ منـه يمكـن يعالـج صوابـه=واحدٍ يموت بعلته مـوت جربـوع


يروح مثـل مقـاط محـدٍ درابـه=لاحبـل يرقـى ولاصـوت مسـمـوع


بغـى يجيـب رشـاه ورشـاه جـابـه=مـن عالـي الشفـه على ضربـه الـكـوع


هـذاه مقـاط اللـى ارشـاه التـوابـه=واصبح مثل للناس فـي كـل موضـوع


قصـه مـقـاط وقصـتـى ماتشـابـه=اسباب وقـت وكـل قصـه لهـا نـوع


مقـاط صفـى فـي زمانـه حسـابـه=وانا بلشت في وقـت طامـع ومطمـوع


كم واحـد ٍ وقـت اللـزوم تهقابـه=واليـا نصيتـه غيـر الطبـع بطبـوع


والصاحب اللى صحبتـه ضحـك نابـه=يبينى ابقى لـه علـى الـدوم مـزروع


ان شـاف وجهـي قـال يامرحبـابـه=وان غبت ينسانى علـى راس الاسبـوع


واليـا نسانـى منهـو حظـره جنابـه=انسـاه واجعـل دونـه الخـط مقطـوع


وعيب ٍ عليـه كـان طقيـت بابـه= لونى امسي بالخـلا ميـت ٍ جـوع


من خلـقـه الدنـيـا تـجـوع الذيـابـه=بس المهـم تعيـش والـراس مرفـوع


وتكسـب بعـز النفـس قـدر ورحابـه=وتمشى على خطٍ سليمٍ ومشروع [/color]

[العفريت]

نادر العش الف الف شكر مدري كيف اجازيك القصيده الثانيه كنت ادورها ما حصلتها الا الحين
شكرا لك يالغالي

[ابو هايل]

نادر العش احيي فيك روحك العالية واهتمامك بشعراء ابنا عمومتك من العتبان ولي الشرف اني احمل جميع المقاطع التي تحمل اسمك بهاتفي النقال وانا اتمنى ان تدوم على ذلك وتبقى اسلوبك الرادع للمكذبين واهل الشك

اشكرك جزيل الشكر وبالفعل تعد مكسبا لنا وتكون بجوار مكاسبنا مع الباحثين من عتيبة والشعراء

واثني لك الشكر يانادر العش ودمت على ذلك

[نادر العش]

..


العفريت

العفو طال عمرك

هذاحق وواجب لشاعر علم في النظم والمحاورة

وقبل كذا حق وواجب تجاهك يالغالي .





ابو هايل

مرورك في حد ذاته يجبرنا لشكرك

وثناءك شي يعجز اللسان عن رده ,,


ولا يسعني إلا أن أشكرك مرة أخرى الشكر الجزيل









تحياتي وإحترامي





أخوكم / نادر العش

[الجـذع]

بسم الله الرحمن الرحيم


هذي بعض قصائد الشيخ الشاعر الكبير رشيد الزلامي

هبت وشبت
http://www.eqla3.com/sh3r/voice/rsh01.ram


ألا يالله
http://www.eqla3.com/sh3r/voice/rsh02.ram


انا اعرف خبر
http://www.eqla3.com/sh3r/voice/rsh03.ram


الله من صبر
http://www.eqla3.com/sh3r/voice/rsh04.ram


ألا يا ناشد
http://www.eqla3.com/sh3r/voice/rsh05.ram


سلام يا دار الوفا
http://www.eqla3.com/sh3r/voice/rsh06.ram


بديت القيل
http://www.eqla3.com/sh3r/voice/rsh07.ram


بديت من باب
http://www.eqla3.com/sh3r/voice/rsh08.ram


سلام يا سلمان
http://www.eqla3.com/sh3r/voice/rsh09.ram


يالله تامرنا
http://www.eqla3.com/sh3r/voice/rsh10.ram


انتم بدار
http://www.eqla3.com/sh3r/voice/rsh11.ram



جميع الحقوق محفوظه لموقع اقلاع دوت كم
http://www.eqla3.com/sh3r/voice/rsheed.htm

تحياتي