وين شعار عتيبه

[ابو لمار]

سلام الله على اهل الفكر واهل الشعر في الهيلا
عتيبه قوم نعرفها ومخبوره سوالفها

سوالف للعوارف مثل كيف البن والهيلا
وانا ربعي ثقيف اللي تجمل في مواقفها

[محمد الروقي]

هلا ومرحبا يبو لمااار


واسمحلي بمجاراتك ..والدعوه لعب وسعة صدر


ومع ان معي محاورة ثانيه ..

بس مدام تسأل عن شعار عتيبه ..ترى الاول منهم يسد عن الغايب



استلم لاهنت




هلا يامرحبا ترحيبتن تاصل مية ميلا=عتيبه عز في الماقف تذري في مذارفها

سوالف عز ياغليم ومالت فيكم الميلا=عتيبة مشت ادموع الخلايق من مذارفها

[مرزوق حمدان العتيبي]

...
ابو لمار
صح لسانك والله يحييك ونعم بثقيف ..
..


عرابيل صح لسانك
كفو يابن العم وتسد الازم ..
..
تقديري


...

[طلال الثبيتي]

الله الله


كفو ياغرابيل

وصح لساانك ولاهان ابو لمار

اخوي برنس حاول تركز شوي

[ابو لمار]

يدوم الك البقا ياللي تشوف الجدي وسهيلا
علومك فوقها يمطر مطر والسيل جارفها

ولا ياللي تقدم في نهار الحط والشيلا
ياكثر اللي غزوا ديرتك وانته مانت شايفها

[ابو لمار]

اخوي مرزوق العتبي
ونعم مليون بعتيبه
مرورك شرف لي طال عمرك
شاكر لك ياغالي


اخوي طلال الثبيتي
لاهنت
شاكر لك مرورك اخوي

[الغبيـــوي]

حياك الله يابو لمار وصح لسانك ولاهنت

غرابيل الدهر صح لسانك كفيت ووفيت ولايهون ابو لمار

تحياتي...

[محمد الروقي]

ياسلام ياسلام

ها دوكـ


من اللي عقدك حسبي علاه وربك وكيلا=وانا علمي على ذراعي ولجل عينك مطرّفها

ليا منّا وقفنا معكم بميزان.ن وكيلا=عتيبي واحد يعذب قبيلة في مطارفها

[محمد الروقي]

مرزوق العتيبي ..طلال الثبيتي ..الغبيوي


اسامي كبيرة ..وصحت ابداانكم ولاهنتم والله


وجودكم فخر وشرف لي ..




لاخلا ولاعدم .




تحيااتي

[طلال الثبيتي]

انت الكبير ياشيخ..

وبيض الله وجهك..

وابو لمار حاول تشقر عشان الابداع يكون مزدوج..

لاهنت ياغرابيل يامبدع..

[محمد الروقي]

ماعلاك زود والله ياطلال



والابداع هو تواجدك يالغالي ..وإنارتك للصفحة



لاهنت ووجهك ابيض يبو عتب .




تحياااتي

[راع السويدا]

صحت السنتكم وصحت روسكم

[الأمــير]

...
ابو لمار
صح لسانك..
..


غرابيل الدهر صح لسانك
كفو يابن العم تقديري

[محمد الروقي]

راع السويدا ..صح كلـلكـ ولاهنت على حضووركـ

الف تحيه لكـ





ذيب الحناابج ..هلا والله بالذيب ..صح كلكـ ولا عليك زود

حضورك شرف طال عمركـ


تحياااتي